Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

YAQIN

@YaqinOzbek
Channel's geo and language: Uzbekistan, Uzbek

Ayollarga doir ijtimoiy, madaniy, ma'rifiy mavzularda suhbatlar. Bu manzilda ko'ngilga yaqin, lekin e'tiborimizdan uzoq mavzularda suhbatlashamiz. Manbasi bilan oling
Iroda Ahmed
Aloqa va hamkorlik uchun: @Yaqin1Bot
Asosiy darslar: @Yaqindarsliklari_bot

Related channels  |  Similar channels
Channel's geo and language
Uzbekistan, Uzbek
Category
Family & Children
Statistics
Is this your channel? Confirm Канал в реестре блогеров РКН? Confirm Channel history
Posts filter

YAQIN

21 Jan, 15:44

Open in Telegram Share Report
Video is unavailable for watching
Show in Telegram
✨Tarbiya haqida gap ketganda oʻtgan asrning boshlarida xalqimizning jonkuyar maʼrifatparvari Abdulla Avloniyning bir gapi beixtiyor yodga tushadi: “Tarbiya bizlar uchun yo hayot – yo mamot, yo najot – yo halokat, yo saodat – yo falokat masalasidir". Darhaqiqat, tarbiya sababli davrlar va xalqlarning kelajagi belgilanadi, u har bir jamiyatning jon tomiri, oliy qadriyati hisoblanadi.
Kelajak avlod – farzandlarimizning biz orzu qilgandek bilimli, hunarli, el-yurtga foydasi tegadigan, oqil insonlar boʻlib yetishishi, avvalo, tarbiyaga bogʻliq.

☄️Shu bilan birga bolalarning ruhiy holatini o'rganib, shunga mos holda bolalar bilan shug'ullanish ham tarbiyaning ajralmas bir bo'lagidir. Bolaning ruhiy holati yoshiga mos yoki yo'qligini doimiy nazoratda ushlash ham kerak. Kattalardagi ko'pgina ruhiy kasalliklar ham aynan bolaliklaridagi ruhiy holatini yoshga mos holatda rivojlanmaganidandir.

🔜25-yanvarda kun davomida bo'lib o'tadigan tadbirimizda qatnashing va bolalar psixiatri, nevropatolog shifokor Azizbek Mirzaahmad o'g'lining “Ruhiy barkamol bola tarbiyalash” mavzusidagi nutqidan bahramand bo’ling!

🆕Tadbirda qatnashish shakllari:
📍oflayn - 450 ming so’m,
▶️onlayn - 250 ming so’m to’lab qatnashishingiz mumkin.

🕯Tadbirga barcha ota-onalarni   taklif qilamiz.

📌Joy band qilish uchun: @Hidaya_academy_administrator ga (+998909513024) yoki @Hidaya_med_clinic_administrator (+998339513444) raqamlariga murojaat qilishingiz mumkin.
1.7k 0 5 2 13
YAQIN

21 Jan, 11:28

Open in Telegram Share Report
Vaqtingiz bo‘lganda shu suhbatni tinglang, tarbiya bo‘yicha qimmatli fikrlar aytilibdi, amaliy maslahatlar bergan. Ayniqsa, maqsad qo‘yish va intilishda insonning dardi bo‘lishi, dard qanchalik katta bo‘lsa maqsad ham oliy bo‘lishi, bolalarimizni din va millat uchun dard chekadigan, qayg‘uradigan qilib tarbiyalashimiz kerakligi, ularni yaxshilar qurshoviga tashlab yomonlardan uzoqlashtirishimiz haqida go‘zal fikrlar aytilibdi.

https://youtu.be/l1_3GPD2U_I?feature=shared

https://t.me/YaqinOzbek
95% Ota-ona shundan Norozi! Temurbek Adhamov | O'zimiz Podcast
O'zimiz podkastimizning bugungi mehmoni Najot Ta'lim, Robbit va Lola Animation loyihalari asoschisi Temurbek Adhamov bo'ldilar. Suhbat davomida: yoshlardagi asosiy muammolar, bolalarning telefondan chiqa olmay qolishi, ijtimoiy tarmoqlar ta'siri va ota-onalarga tavsiyalar haqida dildan gaplashdik. ...
3.7k 0 157 4 47
YAQIN

21 Jan, 08:46

Open in Telegram Share Report
#bola_tarbiyasi #eslatma #hissiyintelekt

Hissiy bogʻlanish oʻta qadrlidir.  Bu shunchaki kimdir bilan gaplashishgina emas. Bu oddiy muloqot ham emas. Quruq  muloqotning oʻzi bogʻlanish boʻlolmaydi, chunki bunday muloqot shunchaki ma'lumot almashishdir.  Bogʻlanish (bonding) bu  hissiyotlar almashinuvidir. Ona sifatida farzandlarim bilan bog'lanish, ularning ehtiyojlari va his-tuyg'ularini bilish mening vazifam.  Siz odamlarga ularning his-tuyg'ulari orqali munosabatda bo'lolsangiz - mana shuni bogʻlanish desa boʻladi.

Bu nima uchun muhim?  Nega bogʻlanish haqida farzand tarbiyasi haqidagi kitoblarda ko'p gapiriladi?

Xo'sh, ko'zingizni yuming va bolaligingizga qayting. Bolalikdagi hayotingizda iz qoldirgan shaxslarni eslang. Kim sizga katta ijobiy ta'sir ko'rsatgan? Kimni ko'proq iliqlik bilan eslaysiz? Bu shaxs sizga ishongan va sizga g'amxo'rlik qilgan odam bo'lsa kerak. Chunki kimdir bizga g'amxo'rlik qilayotganini his qilganimizda biz o'rganish va shaxsiy o'sishga o'zimizda kuch va iroda topamiz, yaxshilikka moyil bo'lib qolamiz.

Bolalar kattalardan ham ko'ra ko'proq bu bog'lanishga muhtoj.  Mana, yaqinlaringiz bilan bog'lanish uchun bir necha tezkor amaliy maslahatlar:

* Ularning qoʻshgan hissasini tan oling - Bugun menga yordam berdingiz, rahmat.

* Ularning fikri bilan maslahatlashing
- Nima deb o'ylaysiz, buni sotib olamizmi yoki yo'qmi?

* Tabassum - bu sunnat va u odamlarning qalbini eritishi mumkin

* O'ynoqilik- hazil tuyg'usi + ruhiy yengillik olib keladi. Hazil-mutoyiba qilib turing

* Donolik - ichki sezgilaringiz va mulohazalaringizni anglang. Ularga quloq bering ( intuition)

* Tinglang - aytilayotgan narsaga 100% eʼtiboringizni bering.  Boshingizda oldindan javob tayyorlamasdan tinglang.  Sukut saqlang, oʻylashdan toʻxtang va diqqat bilan tinglang

* Odamlar bilan samimiy bo'ling.  Yasama va soxtalik qilmang

* Ulardagi yaxshiliklarni eʼtirof eting, maqtang - ommaviy va shaxsiy oʻrinda ma'noli maqtov ularning kayfiyatini ko'taradi

Mana shularni farzandlaringiz bilan qo'llab ko'ring. Hissiy bogʻlanish bo'lgan bolalar sizga ko'proq quloq soladi, sizni ranjitgisi kelmaydi, chunki ich-ichidan u bola o'zini ruhiy-emotcional to'liq his qiladi.

Iroda Ahmad
@YaqinOzbek
2.6k 1 67 3 63
YAQIN

20 Jan, 20:33

Open in Telegram Share Report
G‘arbning davlat maktablari tizimi
o‘g‘illarimizni erkaklik va mardlikdan, qizlarimizni esa ayollik latofatidan mahrum etar.

Ey musulmon ota-onalar,
Farzandlaringiz fitratini asrang,
ularni dunyoviy va dinsiz mafkuralar changalidan qutqaring.

Qizingizning nazokatini asrang.
O‘g‘lingizning mardligini himoya qiling.

Uyda ta’lim berish haqida o‘ylab ko‘ring!

✍Ummu Xolid

https://t.me/YaqinOzbek
YAQIN
Ayollarga doir ijtimoiy, madaniy, ma'rifiy mavzularda suhbatlar. Bu manzilda ko'ngilga yaqin, lekin e'tiborimizdan uzoq mavzularda suhbatlashamiz. Iroda Ahmed Aloqa va hamkorlik uchun: @Yaqin1Bot Asosiy darslar: @Yaqindarsliklari_bot
2.9k 0 13 8 89
YAQIN

20 Jan, 11:48

Open in Telegram Share Report
#eslatma #repost

Alloh bizni 3 xilda sinaydi

1. Alloh sizga hohlagan narsangizni darrov beradi va "SHUKR"ingizni sinab ko'radi. Ne'matlarga davomiy shukr qiluvchilardan bo'ldingizmi? Yoki tezda unutuvchilardan?

2. Alloh sizga bir oz kechikish bilan hohlagan narsangizni beradi va "SABR"ingizni sinovdan o'tkazadi. Sabr qiluvchilardan bo'ldingizmi yoki shikoyat qiluvchilardan?

3. Alloh sizga hohlagan narsangizni bermaydi va IYMONINGIZNI sinaydi. Iymoningizda mahkam turdingizmi?

Bu dunyo dam olish maskani emas - sinov joyi. To'qchilik ham sinov, yo'qchilik ham sinov. Alloh har bir sinovdan muvaffaqiyatli o'tishimizni nasib etsin. Alloh dunyo va oxiratda barchamizga muvaffaqiyatlar nasib etsin 🤲

Iroda Ahmed
@YaqinOzbek
3.8k 1 139 12 155
YAQIN

20 Jan, 08:56

Open in Telegram Share Report
Forward from: Mubaşşir Ahmad
Миллий кийимларимиз ҳужжатларда акс этганда. Ҳар қалай аёллар дўппи кийиб ёки рўмолларини орқаларидан ўраб юришмаган. Атиги 100 йил олдин.

@MubashshirAhmad
2.9k 0 22 2 157
YAQIN

20 Jan, 07:10

Open in Telegram Share Report
Forward from: Икки-нур:Qurʼon va Hadis
Video is unavailable for watching
Show in Telegram
Рамазонга 4️⃣0️⃣ кун қолди...

Ражаб ойида экилган уруғлар Рамазонда мева беради. Бу йилги Рамазонни қандай ўтказмоқчисиз?

✅Кунларни рўзадор, тилларингиз зикрда, ўзингиз тоатда, садақаю эҳсонлар биланми?
✅Тунларни Қуръон тиловати ва таҳажжуд намозлари биланми?

У ҳолда ушбу ибодатларга нафсингизни одатлантиришингиз керак. Қай бирида оқсасангиз, шуни кўпайтиринг, бардавом бўлинг. Ахир Ражаб ҳам охирлаб қолди. Фурсатни ғанимат билинг.
Бунинг учун бизга бир дуо ёрдам беради.

Росулуллоҳ ﷺ Муоз ибн Жабални қўлларидан тутиб:
- Эй Муоз, Аллоҳга қасамки мен сизни яхши кўраман,- дедилар.
- Ота-онам сизга фидо бўлсин, Аллоҳга қасамки, мен ҳам сизни яхши кўраман,- дедилар Муоз ибн Жабал ҳам.
- Эй Муоз, ҳар намозни охирида: "Аллоҳим, менга ўзингни зикр қилишликка, шукр қилишликка ҳамда гўзал ибодат қилишликка ёрдам бер", дейишни унутманг,- дедилар Росулуллоҳ ﷺ.

✅ اللَّهُمَّ أَعِنِّي عَلَى ذِكْرِكَ وَشُكْرِكَ وَحُسْنِ عِبَادَتِكَ
✍️Аллоҳумма аъинни аъла зикрика ва шукрика ва ҳусни иъбаадатик.
Дуонинг ўқилишини бу ердан тинглаб ёдласангиз бўлади👇
https://t.me/sahihduolardan/597

Тезроқ бу дуони ўрганиб, уни намозларда, куну- тунларингизда кўпайтиринг, ахир Рамазонга 40 кун қолди.
3.1k 1 115 5 62
YAQIN

19 Jan, 17:33

Open in Telegram Share Report
Forward from: Dr. Gavhar Darvish (PhD, psixiatr, psixoterapevt, narkolog)
Video is unavailable for watching
Show in Telegram
Tasavvur qiling, kelajak, hamma joyda robotlar yuribdi, hamma ishni robotlar qilayapti, oddiy narsalar ham kompyuter orqali boshqarilayapti, bolalar bog'chasida ham, maktablarda ham, shifoxonalarda ham robotlar ishlayapti. Og'ir ishlar yo'q, aqliy ishlar ham deyarli hammasi robotlarning qo'lida, insonlarga esa faqat dam olish "mashaqqati" yuklangan.

Bu holatda bizning "topganlarimiz" "yo'qotganlarimizdan" ancha kam bo'ladi. Ularning ichida eng katta yo'qotishimiz esa farzandlarimizning tarbiyasidir.

Hayotimizni kompyuterlashtirish qanchalik og'irimizni yengil qilayotgan bo'lmasin, aynan bu yengillik bizga anchagina qimmat baholarga kelmoqda. Farzand tarbiyasini ijtimoiy tarmoqlarga topshirib qo'yish esa o'z kelajagimizga bolta urish bilan barobar.

Farzandlari tarbiyasiga befarq bo'lmagan, nainki befarq, bu ishga butun vujudi bilan kirishgan, o'z kelajagini farzandlarining kelajagi deb hisoblaydigan, tarbiya jarayonidan zavqlana oladigan insonlar uchun 10 dan ortiq ustozlar ishtirokida Summit tashkil qildik. Siz Summitda ustozlardan farzand tarbiyasida juda katta ilmlarni olishingiz mumkin bo'ladi.

Farzandingiz tarbiyasini ijtimoiy tarmoqlarga topshirib qo'yishni istamasangiz 25-yanvar kun davomida bo'lib o'tadigan tadbirimizga tashrif buyuring.

Sammitda Xalqaro darajadagi pedagog, ustoza Iroda Ahmed "Texnologiya asrida bola tarbiyasi" degan mavzuda nutq qiladi.
Tadbirda qatnashish shakllari:
oflayn - 450 ming so’m,
onlayn - 250 ming so’m

Tadbirga barcha ota-onalarni   taklif qilamiz.

📌Joy band qilish uchun: @Hidaya_academy_administrator ga (+998909513024) yoki @Hidaya_med_clinic_administrator (+998339513444) raqamlariga murojaat qilishingiz mumkin.
3.1k 0 15 10 23
YAQIN

19 Jan, 16:09

Open in Telegram Share Report
Bitta qizimiz bor, rosa tashkilotchi, uyda qizlarga turli xil mashg'ulotlar tashkil qilyapti, mashaAllah.

O'tgan hafta marjonlardan turli xil taqinchoqlar yasashni o'rganishgan edi, uni ham o'ziga xos ajoyib texnikalari bor ekan. Masalan men mayda toshchalardan bantikcha, gulchalar yasay olmadim, lekin qizlar yasadi mashaAllah.

Bu hafta qizlar hamiridan boshlab uyda spagetti pishirishni o'rganishdi. Tabiiyki lag'mon kesagidan mashinkadan foydalangan holda, qizlar juda qiziq bo'ldi deyishdi, alhamdulillah.

Kelasi shanba sumka dizayn qilish, kalit ilgichlar yasashni o'rgatar ekan insha'Allah.

Bolalarni o'zi bilan o'zini band qilib qo'yish kerak ekan, ayniqsa o'smir yoshda. Sal yo'naltirish berib rag'batlantirib qo'ysangiz o'zini band qilishga bir nimalar o'ylab topadi, inshaAllah.

Iroda Ahmed
@YaqinOzbek
3k 0 13 11 125
YAQIN

19 Jan, 09:41

Open in Telegram Share Report
#ona_madrasadir

Ona Madrasadir kursining talabalari bilan bo'lib o'tgan savol-javoblarni ko'pchilikka manfaatli bo'lishi uchun kanalda taqdim etib boramiz, insha'Allah.

Kurs davomida har bir ona o‘zi duch kelayotgan muammolar bo‘yicha savol beradi, jonli efirda javob beriladi.

https://t.me/YaqinOzbek
3.3k 0 43 1 18
YAQIN

19 Jan, 08:50

Open in Telegram Share Report
Forward from: YAQIN
#eslatma

Bu rasm polshalik rassom Tomas Koperaga tegishli bo'lib, "Ommadan ajralib chiqish" deb nomlanadi.

Biz hammamiz rivojlanishni, hayotimiz sifatini oshirishni xohlaymiz, to'g'rimi? Lekin eski tushunchalar bilan yangi natijalarga erishib bo'lmaydi.

Shaxsiy rivojlanish uchun yangi bilim va ko'nikmalar egallash muhim, albatta. Ammo, biz yangi o'rganishlar oldidan ko'pincha biz haqiqat yoki zarur deb hisoblagan eski odatlardan voz kecha olish kerakligini tushunishimiz kerak.

O'sish/rivojlanish, agar kerak bo'lsa, oldingi taxminlar yoki amaliyotlarni rad etishga va ularni yangilari bilan almashtirishga tayyor bo'lishni anglatadi.

Ko'pincha mag'rurlikdan "O'shanda men noto'g'ri edim!", deya olmaymiz. Ba'zan esa qilmoqchi bo'lgan yangicha ishimiz bilan o'z atrofimizdagi jamoa-guruhlardan ajralib qolishga qo'rqamiz. Ammo ular hech qachon o'smaydiganlardir.

O'sish ba'zan kamtarlik, ba'zan jasorat, xatoni tan olish va eski tushunchalardan voz kechib, yangi bilim va ko'nikmalarga sog'lom moslashuvchanlikni talab etar ekan.

Iroda Ahmed
@YaqinOzbek
3.1k 0 49 2 78
YAQIN

19 Jan, 05:41

Open in Telegram Share Report
Forward from: YAQIN
Video is unavailable for watching
Show in Telegram
Ba’zi onalar ta’lim tarbiya uchun uyda tayyorlagan sharoitni ko‘rib " Ona- Madrasadir" emas balki " Ona-Dorulfunun" ekan devoryapman. Unday imkoniyatlar uncha muncha xususiy bog‘cha yoki maktabda ham yo‘q. Lekin mundoq hisoblab ko‘rsangiz ko‘p pul ketmagan, xususiy bog‘chaning yoki maktabning bir yillik emas bir necha oylik puliga bemalol shunday sharoit qilish mumkin uyda.Mashaalloh, Alloh ziyoda qilsin.

✍Iroda Ahmed

https://t.me/YaqinOzbek
3.1k 0 56 17 114
YAQIN

18 Jan, 20:37

Open in Telegram Share Report
Video is unavailable for watching
Show in Telegram
‼️Mustaqil fikrga ega bo'lgan, ma'suliyatli, vaqtini to'g'ri taqsimlay oladigan, kitobxon, bir gap bilan aytganda LIDER BOLA tarbiyalash har bir ota-onaning istagidur

➡️Bola boshidan deganlaridek,bolada juda yoshligidanoq tadbirkorlik va liderlik qobiliyatini shaklantirish mumkin.

➡️Bizning ekspertimiz, bir necha kitoblar muallifi, yozuvchi, muharrir, musahhih G’iyosiddin Yusuf "Lider bola tarbiyalash" mavzusida ilm ulashadilar

Siz esa bularning barchasini 25-yanvar kun dan davomida bo’lib o’tadigan tadbirimizga qatnashib o'rganasiz!


Tadbirda qatnashish shakllari:
oflayn - 450 ming so’m,
onlayn - 250 ming so’m to’lab qatnashishingiz mumkin.

Tadbirda barcha ota-onalarni taklif qilamiz.

📌Joy band qilish uchun: @Hidaya_academy_administrator ga (+998909513024) yoki @Hidaya_med_clinic_administrator (+998339513444) raqamlariga murojaat qilishingiz mumkin.
3.3k 0 17 9 16
YAQIN

18 Jan, 11:49

Open in Telegram Share Report
Forward from: Dilfuza Komil
#Дилфуза_Комилдан

Болалигимнинг ёз кунларида танаси йўғон, кекса тут дарахти соясида ўйнашни яхши кўрардик. У тут адирликнинг шундоққина тик ёнбағрида ўсган эди. Битта йўғон шохи пастликка эгилиб турарди.

Бир куни бир дугонамнинг акаси ўша тут шохларидан бирига пишиқ арқондан арғимчоқ солиб берди. Бутун маҳалланинг боласи ўша жойда тўпланди. Ҳамма мазза қилиб арғимчоқ учиш илинжида, лекин ҳеч кимнинг юраги дов бермаяпти. Сабаби, мабодо йиқилгудек бўлса, тўғри пастликка қулайди.

- Сен биринчи уч...
- Йўқ, сен уч... – деб бир-бирини итаришяпти болалар.
Унча-бунча нарсадан қўрқмайдиганлар ҳам иккиланиб турибмиз.

Шунда бир дугонам:
- Ҳеч қўрқмай учаверинглар, мазза қиласизлар, - деди. - Мен эрталаб роса учдим. Икки марта пастга думаладим, ҳеч нарса қилгани йўқ. Тиззам билан қўлим салгина шилинди, холос. Пастда тупроқ юмшоққина бўлиб кўпчиб ётибди... Тош-пош йўқ.

Ўша топда бувимнинг гаплари эсимга тушди. Йиқилиб-нетиб дод-вой қилсак:
- Йиқилган бўлсанг, ўзингнинг ерингга йиқилибсан, болам, шунга йиғлайсанми? - дердилар.

Биринчилардан бўлиб учдим ўша куни. Кейин арғимчоқ талаш бўлди. Ҳеч ким йиқилишни ўйламади ҳам, ҳеч ким йиқилмади ҳам.

...Ҳозир ҳам жар ёқасида ҳалинчак учаётганга ўхшаймиз - йиқилишлардан қўрқмасак, йиқилмаймиз.

Қулашлар, йиқилишлар қўрқоқлик ортидан келади.

✍️ Дилфуза Комил

© Dilfuza Komil
3.3k 0 12 84
YAQIN

18 Jan, 02:19

Open in Telegram Share Report
Forward from: YAQIN
Hamma muvaffaqiyatli bo'lishni istaydi. Hamma hayotini ijobiy tarafga o'zgartirishni istaydi. Biz hayotimizda qandaydur bir buyuk voqea sodir bo'lib hayotimiz butunlay boshqa tarafga o'zgarib ketishini kutib yashaymiz. Aslida esa muvaffaqiyatimiz siri kundalik hayotimizda muntazam kun tartibi - yoki bir tizim o'rnata olishda.

Mening bir ustozim bir gapni ko'p takrorlar edi "Haqiqatda, bir kunini o'zgartira olgan inson albatta butun hayotini o'zgartira oladi chunki uzun yo'lni bosib o'tish uchun birinchi qadamni tashlay olish kerak"
Demak, muvaffaqiyatli kelajagingiz kaliti kundalik tartibingizda.

Keling men sizga unumli va barakali kun tartibi uchun ba'zi bir tavsiyalar yozib qoldiraman, inshaAlloh

Kunning birinchi qismi barakali bo'ladi. Ertalabda telefondan foydalanish bilan kechqurunda telefondan foydalanishning yer bilan osmoncha farqi bor, xatto telefonda o'tgan vaqt miqdori bir hil bo'lsa ham. Ertalabda o'zini boshqara olmaslik kunni barakasiz qiladi, kun bo'yi behuda ishlarga ketib qolishiga sabab bo'ladi. Kunning ertalabki qismini eng muhim vazifalarga sarflash kerak. Payg'ambarimiz (ﷺ) "Allohim, ummatimning saharda qilgan ishlariga baraka ato etgin" deganlar (Termiziy rivoyati)

Birinchi soat qoidasi (iloji boricha hammadan oldin turib yolg'izlikda va tinchlikda bularni qilib oling):

20 daqiqa Qur'on o'qish
20 daqiqa badan tarbiya
10 daqiqa kundalik reja yozish
10 daqiqa ertalabki zikrlar

Oxirgi soat qoidasi (bularni farzandlar va oila azolari bilan birga qiling):

20 daqiqa kitob o'qish
20 daqiqa yozish - nima yozgingiz kelsa. O'zingizni qiynayotgan o'y, fikrlar, orzu-maqsadlar, Allohga murojaat va munojaat qilish, duolar.
5 daqiqa badan tarbiya
15 daqiqa kechki zikrlar va duolar

Qanday yaxshi odatlarga ega bo'lmoqchisiz - bular kundalik hayotingizda o'z imkoniyatingiz va sharoitingizdan kelib chiqib qila olishingiz mumkin bo'lgan ishlar bo'lishi kerak

Qanday yomon odatlaringizni tark etmoqchisiz? Nima uchun va qanday qilib? Buning uchun bir reja tuzib qo'ydingizmi?

Misol uchun ko'pchilik kechaga vebinarda telefondan kamroq foydalanaman yoki ertamanda foydalanmayman deb aytdi. Nima uchun? Chunki u bizni qiymatli vaqtimizni o'g'irlayabdi va bu vaqt uchun biz Alloh tarafidan hisob kitob qilinamiz.

Hop endi qanday qilib buni amalga oshiramiz? Uning o'rniga yangi bir odat kun tartibimizga qo'shamiz - kitob o'qish. Buni qoidaga aylantirib olamiz - buni har kuni qilishim shart deb o'zizga takrorlab yurasiz. Telefonga Ayat al Kursi va Tafsir Al Qur'an word for word ilovalarini tushirib olamiz. Modomiki telefon ishlataman, ishni mana bu ilovalarda Qur'on o'qib, tafsirini o'qishdan boshlasam ana undan keyingina ijtimoiy tarmoq yoki boshqa ilovalardan foydalanishim mumkin deb o'zimiz uchun reja tuzib olamiz. (Temptation bundling deydi, bitta qilmoqchi bo'lgan ishingiz yoniga bitta qilishingiz kerak bo'lgan ishingizni shart qilib qo'yasiz)

Sizda yana qanday qo'shimcha tavsiyalar bor? Fikrlaringizni sharxlarda yozib qoldiring

Iroda Ahmed
https://t.me/YaqinOzbek
YAQIN
Ayollarga doir ijtimoiy, madaniy, ma'rifiy mavzularda suhbatlar. Bu manzilda ko'ngilga yaqin, lekin e'tiborimizdan uzoq mavzularda suhbatlashamiz. Iroda Ahmed Aloqa va hamkorlik uchun: @Yaqin1Bot Asosiy darslar: @Yaqindarsliklari_bot
3.5k 0 170 12 110
YAQIN

17 Jan, 16:21

Open in Telegram Share Report
Forward from: Доктор Гулбаҳор
Video is unavailable for watching
Show in Telegram
📌Insonlar boshqa jonzotlardan aynan gapira olish qobiliyatlari bilan ajralib turadilar.

🔖Gapirishni esa ilk yoshlaridan sekin astalik bilan o'rgana borishadi. Ammo nutqning ilk kurtaklari aynan ona qornidalik vaqtidan rivojlana boshlaydi.

Nutqning chiroyli, ravon bo'lishi aynan homiladorlikda va ilk yoshlardagi bolalarga berilgan bilimga bog'liq.

Nutqiy omillar oiladagi, ta’lim maskanidagi muhit, bolaning aqliy faoliyati, ruhiy holati imkoniyatlari,
Jismoniy salomatligi bilan belgilanadi.

Bola nutqini rivojlantirishda oilaning o’rni, tevarak-atrof bilan tanishtirish jarayonida bola nutqini o’stirish yo’llari bilan tanishmoqchi bo’lsangiz albatta 25-yanvar kuni bo'lib o'tadigan Sammitga tashrif buyuring.

Abdulla Avloniy aytganlaridek:
“Alhosil, butun hayotimiz, salomatligimiz, saodatimiz, sarvatimiz, maishatimiz, himmatimiz, g’ayratimiz, dunyo va ohiratimiz ILM bilan bog’liqdir. Shuning uchun o’qimak, bilmak zamonlarini QO’LDAN BERMAY, vujudimizning dushmani bo’lgan jaholatdan qutilmakka jonimiz boricha sa’y qilmog’imiz lozimdir”

Siz bularning barchasini 25-yanvarda kun davomida bo'lib o'tadigan tadbirimizga qatnashib o'rganasiz!
Tadbirda qatnashish shakllari:
oflayn - 450 ming so’m,
onlayn - 250 ming so’m to’lab qatnashishingiz mumkin.

Tadbirda barcha ota-onalarni   taklif qilamiz.

📌Joy band qilish uchun: @Hidaya_academy_administrator ga (+998909513024) yoki @Hidaya_med_clinic_administrator (+998339513444) raqamlariga murojaat qilishingiz mumkin.
3.4k 0 14 17
YAQIN

17 Jan, 14:32

Open in Telegram Share Report
Muborakxondek muslimalarga havas qilaman, diqqatini jamlay olishiga, o‘zi uchun tanlagan yo‘ldan chalg‘imasligiga, reja va tartib bilan ish qilishini ko‘rib ayollar ichida ayrimlari ba’zi erkaklardan ham jiddiyroq ekaniga amin bo‘laman.

Befoyda gapdan , behuda ishdan o‘zini tiyadi, o‘zi uchun muhim bo‘lgan ishlar bilan shu darajada bandki bekorchi narsaga umuman vaqti va toqati yo‘q.

Uning vaqti va kuchi oilasiga, o‘z ishlariga, o‘zini yaxshilashga sarflanadi. Albatta smartfon tutadi, ijtimoiy tarmoqlarga kiradi ammo o‘ziga oldindan cheklov va tartib qo‘yib olgan o‘shandan chiqmaydi. O‘zi uchun zarur bo‘lgan ishlardan ortmaydi, bekorchi narsaga imkoni yo‘q.

Darhaqiqat, ma’naviy kamolot sari intilayotgan muslimalar ko‘payib bormoqda .O‘zini va oilasini isloh qilishga kirishgan, mas’uliyatini zimmasiga olgan , jamiyatdan nolib o‘tirmay Allohdan madad so‘rab harakat qilayotganlarning borligi quvontiradi.

Ba’zi ayollardagi aqlning yaqqol namoyon bo‘lishini ularning tiliga naqadar mahkamligida ko‘raman, jahli chiqqanda ham nojo‘ya so‘zga o‘tmaydi, chegaradan chiqmaydi. Muborakxon kabilar odobini saqlashiga , har qanday shaxs bilan o‘ziga yarasha muomala qilib qo‘yaverishiga, odamlarning eng maxfiy sirlaridan boxabar bo‘lsada ammo mutlaqo unga ishora qilmasligiga va g‘iybat gaplardan o‘zini asrashiga hayron qolaman, jamiyat va odamlar haqida doim ijobiy fikrlar aytishiga tan beraman. Bo‘lmasa u muammolar bilan ishlaydi, hechkim uning oldiga xursand va baxtiyor ekanidan kelmaydi.

Mashaalloh Alloh ziyoda qilsin, mana shunday muslimalarimiz ko‘paysin, ana shunda o‘z o‘zidan jamiyatimiz ham o‘nglanib boraveradi.

Zero qadimgi turkiylarda "alp onadan, ot biyadan" degan gap bor. Ya’ni, bolaning shaxsiyati shakllanishida ma’naviy barkamol onalarning roli juda muhim.

https://t.me/YaqinOzbek
YAQIN
Ayollarga doir ijtimoiy, madaniy, ma'rifiy mavzularda suhbatlar. Bu manzilda ko'ngilga yaqin, lekin e'tiborimizdan uzoq mavzularda suhbatlashamiz. Iroda Ahmed Aloqa va hamkorlik uchun: @Yaqin1Bot Asosiy darslar: @Yaqindarsliklari_bot
3.5k 0 21 14 60
YAQIN

17 Jan, 11:43

Open in Telegram Share Report
#foydalikanallar

Anchadan buyon ro'yxat qilmoqchi bo'lamiz lekin vaqti soati shu bugunga ekan. Bolalarni ekrandan butunlay mahrum qila olmas ekanmiz, kelinglar bolalar uchun foydali kontent chiqaradigan yutub kanallar ro'yxati, foydali veb sahifalar ro'yxati, manfaatli telegram kanallari ro'yxatini tuzamiz.

Masalan avvalo yutub kanallardan boshlasak, bizni bolalar ko'radigan yutub kanallar asosan ingliz tilida

1. Zaky and Friends
2. Ali and Huda
3. Omar and Hanna
4. I'm the best Muslim
5. Muslim Kids TV (Baba Ali)
6. The Azharis
7. Toyor Al-Janah
8. Learn with Zakaria
9. Stories of the Prophets - Qur'an stories
10. Islamic Stories

❓O'zbek tilida bolalar uchun manfaatli kontent chiqaradigan qanday yutub kanallarini bilasiz?

✍️Sizni farzandlaringiz sevib tomosha qiladigan va foyda oladigan kanallar nomini izohlarda yozib qoldiring
3.9k 0 178 33 56
YAQIN

17 Jan, 09:45

Open in Telegram Share Report
"Исроил" деб аталмиш давлатнинг Ғазодаги босқинчилик уруши бир йилу тўрт ойдан ошганида ўзора оташкес келишувига кўра кеча тўхтади.
"Исроил" 50 мингга яқин тинч аҳолини (аёллару болалари билан бирга) ўлдирди! Ғазо бўлгасини вайронага айлантирди. Касалхоналар, мактаблар, мачитлар, черковларни ер билан битта қилди. Лекин... урушни бошлаганда ўз олдига қўйган мақсадлардан биронтасига эришмади!
1. ХАМАСни ва унинг ҳарбий қанотини таг-туги билан йўқотмоқчи эди. Йўқотолмади! Қайтага руҳан уларни янада кучлантирди.
2. Ғазони тўла эгалламоқчи эди. Эгаллай олмади!
3. Ғазоликларни қириб, қувғин қилиб, бу бўлгани тўла ишғол қилмоқчи эди. Эплай олмади!
4. Қуруқликдаги жанглар ёрдамида асир ватандошларини қутқармоқчи эди. Биттасини ҳам қутқара олмади (ғазоликлар ўз ихтиёрлари билан ёки келишувга кўра озод қилганлари бу ҳисобга кирмайди)!
Бундан ташқари:
1. Дунё халқлари кўзида "Исроил"нинг обрўси тушди.
2. "Исроил" аёллар, болалар, гўдаклар қотили деган тавқи лаънат қозонди.
3. Ғазодаги уруш, қатли ом ва оммавий қирғин Ғарб давлатлари иккиюзламачи эканини дунёга яна бир кез очиб ташлади.

Натижа:
Катта ва оғир йўқотишлар эвазига бўлса ҳам, кучлар нисбати мингга бир бўлса ҳам, ХАМАС "Исроил"ни тиз чўктирди!

Nurulloh Muhammad Raufxon

https://t.me/YaqinOzbek
YAQIN
Ayollarga doir ijtimoiy, madaniy, ma'rifiy mavzularda suhbatlar. Bu manzilda ko'ngilga yaqin, lekin e'tiborimizdan uzoq mavzularda suhbatlashamiz. Iroda Ahmed Aloqa va hamkorlik uchun: @Yaqin1Bot Asosiy darslar: @Yaqindarsliklari_bot
5.1k 0 44 21 225
YAQIN

17 Jan, 04:08

Open in Telegram Share Report
Assalomu alaykum va rahmatullohi va barakatuh!

"Ona – madrasadir". Bu ikki jumla qanchadan-qancha ma’no kasb etishini ona bo‘lgan va farzandiga ilk ta’lim bergan insonlar yaxshi anglaydilar. Ta’lim berish faqatgina pedagoglar ishi, unga maxsus o‘qish kerak, deb o‘ylab, xato qilibmiz. Ta’lim bolani o‘rab turgan har bir narsa va hodisa ekan. Ularni qiziqtirgan har bir narsa – ta’limdir. Biz, onalar esa, qo‘limizdan kelganicha farzandlarimizga tushuntirishlar berib, to‘g‘ri yo‘nalishlar ko‘rsatar ekanmiz.

Iro‌da Ahmad ustozamiz va barcha tashkilotchi opa-singillarimizga rahmat aytaman, ulardan Alloh rozi bo‘lsin! Biz, qayerga qarab suzishni bilmay, nimadan boshlash kerakligini anglay olmay, bir kemaga o‘xshab qolgan ekanmiz. Homeschooling dengizida biz uchun yo‘l ko‘rsatuvchi mayoq bo‘ldilar.

Kursning barcha mavzulari izchillikka, dolzarblikka va yangi ma’lumotlarga boy bo‘lib, foydali hamda qimmatli maslahatlardan iborat edi. Eng muhimi, hayotiy tajribalar bilan boyitilgani uchun har bir onajon uchun ajoyib qo‘llanma va maktab vazifasini o‘tadi, deb ishonch bilan ayta olaman.

Kurs davomida anglaganlarim bilan bo‘lishmoqchiman:

1. Avvalo, niyatimizni aniqlab olib, shu asosda reja va maqsadlar tuzish (Hadis: "Amallar niyatlarga bog‘liqdir").

2. Homeschooling qilishga tayyormizmi? Buni o‘zimizdan so‘rash.

3. Bolalarimizning fikrlarini ham inobatga olish.

4. Bolalar bilan hissiy, ruhiy, ijtimoiy bog‘liqliklarni mustahkamlash, ona-bola munosabatlarini buzmaslik (agar bola biz bilan shug‘ullanishni istamasa, majburlamaslik, urishmaslik, balki repetitor yollash).

5. Turli ta’lim metodikalari va yondashuvlarini har tomonlama o‘rganish.

6. Bolalarimiz uchun mos bo‘lgan ta’lim dasturi va o‘quv rejasini bosqichma-bosqich tuzish.

7. Tillarni samarali o‘qitish usullari bilan tanishish.

8. Yevropa mamlakatlarida muhim fanlar (ingliz tili, matematika va science) o‘qitilishi bo‘yicha hayotiy tajribalardan bahramand bo‘lish.

9. Eng muhimi, har bir darsda islom aqidasini va Allohning ko‘rsatmalarini esda tutish, bilmaganlarimizni izlanish orqali o‘rganish zarurligini doimo yodga soldilar

✍Umida Mahmudova

https://t.me/YaqinOzbek
YAQIN
Ayollarga doir ijtimoiy, madaniy, ma'rifiy mavzularda suhbatlar. Bu manzilda ko'ngilga yaqin, lekin e'tiborimizdan uzoq mavzularda suhbatlashamiz. Iroda Ahmed Aloqa va hamkorlik uchun: @Yaqin1Bot Asosiy darslar: @Yaqindarsliklari_bot
4k 0 8 3 31
20 last posts shown.