YAQIN

🍃🍃🍃 "Ona madrasadir" kursining pedagog onalari tomonidan o'tkazilgan jonli bepul darslar Mundarijasi.

1. Orol dengizi fojiasi
2. Namozning fazilatlari
3. Ibrohim alayhissalom qissasi
4. Qur'onda nomi zikr qilingan hasharot va hayvonlar
5. Gadjetlar va bolalar sog'ligi
6. Quyosh tizimidagi sayyoralar
7. Sog'lom ovqatlanaylik!
8. Insonlarning atrof-muhitga ta'siri
9. Miyam bilan tanishaman


🗣Yaqinlaringizga ham ulashing👉https://t.me/YaqinOzbek

#savoljavob

Savol: Assalomu alaykum. 
Ustoza yaxshimisiz?
Farzandlariz uchun yod olish maqsadida Qur'onni takror qilishda qaysi qorini qiroatlaridan foydalanasizlar, ustoza?

Javob: Men o'zim tinglashga sheyx Ali Hudayfining qiroatidan ko'proq foydalanaman, sheyx nisbatan sokin va harflarni ajratib dona-dona qilib tilovat qiladi (yoki menga shunday tuyuladi)

Eng katta qizimiz sheyx G'omidiyni ko'proq tinglaydi, shu qorining tilovatini chaqaloqligidan ko'p tinglagani uchun quloqlari shunga o'rgangan bo'lsa kerak.

Hamma bolalarga yoshligidan Minshavining bolalar uchun takror qilgan tilovatlarini qo'yib berar edik (Yutubda Minshavi Child Repeat deb yozsangiz chiqadi)

Ayni paytda 3ta kichkina qizlarimiz kundalik yodlashi kerak bo'lgan oyatlarni Abdulla Basfar va Abu Bakr Shatridan tinglaydi.

Bolaga yodlashga sheyx Minshavining yodlash uchun yozib olingan xos takrorlari eng yaxshisi bo'lsa kerak vallohu a'lam.

Iroda Ahmed
https://t.me/YaqinOzbek

Bolalar o‘zlarini yaxshi tutishlari uchun ularni biz ko‘rayotganimiz, tinglayotganimiz va tushunayotganimizni  his qilishlari kerak. Ularni urish, hadeb bir narsani buyurib egovlash va tahdid qilish uzoq muddatda ish bermaydi.  Esingizda bo‘lsin, biz hech qachon kimnidir o‘zini yomon his qildirish orqali odobli qila olmaymiz.

4. Albatta ilm oling. Tarbiya masalasida  qanday yondashuvlar va uslublarni o‘zlashtirmoqchi ekanligingiz va bu borada qanday yo‘l tutish haqida chuqur bilimga ega bo‘ling.  Men ba’zi narsalarga munosabatimni o‘zgartirishim kerakligiga amin bo‘lganimda - mening birinchi ishim har doim o‘qishim kerak o‘lgan kitoblar ro‘yxatini tuzish edi. Bu borada iloji boricha ko‘proq o‘rganish katta yordam beradi. Hozirgi kunda hamma ma’lumot shundoq qo‘limizda turibdi, biz tarbiya haqida onlayn kitoblar, jurnallar va maqolalarni o‘qish va tajribali ota-onalar bilan suhbatlashish yoki tarbiya bo‘yicha mutaxassislarning videolarini tomosha qilish orqali ko‘proq bilib olishimiz mumkin. Esingizda bo‘lsin, bilim bizga ko‘proq tanlovlar bersa-da, bu, albatta, bizni mukammal ota-onaga aylantirmaydi.

Shunday ekan mukammallikdan voz keching. Men o‘zim sekin- asta tuzalayotgan perfeksionist ya’ni mukammalchiman. Ana shu"mukammal shaxs yoki holat" degan tushunchadan voz kechish farzandlarimiz bilan ruhiy bog‘lanish va mustahkam munosabat o‘rnatish yo‘lidagi eng muhim qadam ekanligiga ishonaman.

Nihoyat, afsuski, biz chalg‘ituvchi narsalar haddan ziyod ko‘p bo‘lgan davrda yashayapmiz.  Turmush tarzimiz juda mashg‘ul va juda stressli chunki moddiy jihatdan qiladigan ishlarimiz juda ko‘p va moddiy tomonlama juda ko‘p narsaga erishishni istaymiz.  Biz o‘zimizni boshqalarga solishtiramiz va dunyo ishlarida raqobatlashamiz.  Mana shu o‘ta band va tartibsiz hayotimiz o‘rtasida, ko‘pchiligimiz o‘z "Men"imiz haqida o‘ylash, o‘z "Men"imizni bilish, o‘z "Men"imizni kashf qilish uchun deyarli hech qachon vaqt ajratmaymiz.

O‘ylab ko‘ring, ko‘pchiligimiz kundalik hayotimizda nima istayotganimizni yoki nimani xohlamasligimizni bilolmay, shunchaki sarson-sargardon bo‘lib ketamiz, faqat o‘zimiz duch kelgan vaziyatlarga reaksiya- munosabat bildiramiz xolos. Holbuki, bizning butun hayotimiz maqsad sari yo‘naltirilgan boʻlishi kerak. Biz harakat qilishimiz, voqealarning OQIBATI bilan kurashish emas, balki SABABIni ushlashimiz kerak. Buning uchun biz kimligimizni kashf qilishimiz, dunyodagi o‘z o‘rnimizni topishimiz va hayotda aynan nimani xohlayotganimizni bilishimiz kerak. Alloh taolo insonlarni yaratishidagi bir go‘zallik shuki- hayotning har qanday daqiqasida bizda TANLOV borligidir. Bizda har doim tanlov bo‘ladi. Shuning uchun yaxshi tanlov qiling, birinchi navbatda siz yaxshi qaror qabul qilishingiz kerak.

Kim ekaningizni hal qilib oling. Sizning MENingizni, kimligingizni nima belgilashini hal qiling, eng so‘nggi moddada kiyinish, qimmat ulov haydash yoki shunga o‘xshash moddiy narsalarmi yoki avvalo ruhiy xotirjamlikmi? Hayotdan nima istashingizni hal qilib oling. Bu Yaratguvchingiz bilan munosabatlaringizni mustahkamlaydi. Yaratuvchimiz bilan munosabatlarimizni yaxshilash esa hamma narsaning boshlanishi bo‘ladi, inshaalloh.

Iroda Ahmed
https://t.me/YaqinOzbek

#bola_tarbiyasi #aybdorlik #onalikmaktabi

Savol: Men salga lov etib yonib ketaman, o‘ylamay tez reaksiya qilib yuboradigan odamman.  Men hissiyotga tez berilaman, o‘zimni bosib turolmayman va tez asabiylashaman.  4 farzandning onasi bo‘lganimdan keyin tushundimki, men ona bo‘lishga umuman loyiq emasman.  Endi shu vaziyatda tiqilib qolgandekman, chiqish yo‘lini topolmay halakman.Bolalarim mendan yaxshiroq onaga loyiq deb o‘ylayman.  Qanday qilib yaxshilanishim mumkin?  Men yaxshiroq ona bo‘lishni xohlayman.

Javob:

Alloh ahvolingizni oson qilsin. Ko‘plab onalar  xuddi siz kabi bir bosqichni boshlaridan kechirmoqda. Siz bunday vaziyatda yolg‘iz emasligingizni bilish loaqal taskin beradi. Umringizning bu fasli sizga nimalarnidir o‘rgatmoqchi bo‘lyapti, inshaalloh. Avvalgi postlarda va suhbatlarda jamlangan tavsiyalarimni batafsilroq va misollar bilan umumlashtiraman. Keyin sizga oxirgi xabarni qo‘shaman, inshaalloh.

Birinchidan, o‘z-o‘zini tarbiyalash va reaksiya bildirishga bo‘lgan kuchli istakni to‘xtata olish uchun ham sizda avvalo mehr-muhabbat zaxirasi bo‘lishi lozim. Hammamiz ham farzandlarimizdan biroz xoli qolib, o‘zimiz sevgan mashg‘ulot bilan vaqt o‘tkazishga muhtojmiz.  Har bir onada bolalaridan boshqa qiziqish va sevimli mashg‘ulotlar, yaqin munosabatlar va do‘stlik rishtalari bo‘lishi kerak. Bular bizga ruhiy va hissiy ozuqa beradi.  Ayniqsa, ko‘pchiligimiz yadroviy ( faqat ota-ona va boladan tashkil topgan) oila sifatida yashayotganimiz uchun aksariyat hollarda qarindosh-urug‘dan, katta oiladan uzoqdaligimiz sababli  o‘zimizni yolg‘iz va tashlab qo‘yilgandek his qilamiz. Bu hissiyot ayniqsa musofirlikda katta shaharlarda yashayotganlarda ko‘proq kuzatiladi. Tan olishimiz kerakki, ko‘pchiligimiz yolg‘iz qolganmiz va bolalarni yolg‘iz tarbiyalaymiz (katta oilaning  ya’ni bobo -buvi,amma-xolaning yordami yo‘q). Katta oila bag'rida bo'lsangiz ham atrofingizda samimiy munosabatlarning yetishmasligi sizni yolg'izlashtiradi. Demak bunday vaziyatda, ichki o‘zligimizni, ruhiy holatimizni tarbiyalash va muvozanatga solish juda qiyin bo‘ladi. 

Yotoqxonangizda yolg'iz choy ichib biror nima haqida tafakkur qiling, kundalik kitob mutolaa qiling, yolg‘izlikda Qur’on o‘qing, ertalab/kechqurungi zikrlarni aytib yuring, yaqin  dunonangizga telefon qilib gaplashing, aka-uka yoki opa-singillaringiz bilan  yuzma-yuz koʻrishib yoki onlayn gaplashing, fikringizni kundalik tutib yozib yuring, atrofingizdan muhtoj insonni topib ko'mak bering. Mana shu narsalarni kerak bo‘lsa oldindan rejalashtiring.  Demak, birinchi qoida - hissiy va ruhiy "idishingizni " to‘ldiradigan amallarni ko‘proq bajaring (hatto u uy ichida bo‘lsa ham, mabodo bolalarga qarab turadigan odam topilmasa ham) va buning uchun o‘zingizni aybdor his qilmang. Bo'sh choynakdan ming urinsangiz ham choy chiqmaganidek, sizning ichki ruhiy-hissiy "idish"ingiz bo'sh bo'lsa siz sabrli, rahm-shafqatli, mehribon bo'la olmaysiz.

2. Farzandlaringizdan kutadigan  umidlaringizni qayta ko‘rib chiqing.  Biz, albatta, farishtasimon itoatkor bolalar haqida qandaydir xayoliy fantaziyalar qilamiz va ayni paytda ko‘z oldimizdagi voqe’lik xayolimizdagi bu fantaziyalardan tobora uzoqlashib borayotganga o‘xshab, ko‘proq g‘azablanamiz.  Yuqori standartlarga ega bo‘ling, lekin ayni paytda realistik ham bo‘ling.  Farzandlaringizni bir biriga yoki boshqalarnikiga solishtirmang. Ularning farqlari bor chunki ular alohida shaxs. Bu farqlarni tushunish va qabul qilish kerak.

3. O‘zingizdagi "ichki bola "bilan aloqada bo‘ling -  juda yosh, himoyasiz va ojiz bo‘lish nimani anglatishini eslang. Qanchalik ko‘p eslasangiz, bolangizga hamdardlik ko‘rsatish shunchalik oson bo‘ladi.  Bolalar ikkita asosiy narsaga muhtoj: o‘zini xavfsiz his qilish va kattalar e’tirofini qozonish ya'ni ular tomonidan tasdiqlanish. Bolalar o‘zlarining sevimli ekanligini eshitishlari kerak.