“Аkademnashr” nashriyoti

#yangi_video #youtube

Muallif minbari: Rahmat Bobojon

Tomosha qiling: 👇
https://youtu.be/hFSWM2Os-Bc?si=9rgKW7HkeyV1_mct

📚 @akademnashr

​​Sevara Alijonovaning “Mahkum sayohati” esselar to‘plami kitob holida chop etilganidagina ushbu janr ixlosmandlari unga jiddiy e’tibor berishdi. Chunki yosh muallifning ko‘nglida kundan kunga murakkablashib borayotgan dunyoviy voqea-hodisalar mohiyatini, insonning favqulodda chigal olamini, o‘zaro munosabatlar, unutilayotgan va urfga kirayotgan yangi qadriyatlar zamirida nimalar borligini anglashga intilish borligi uchun ham shunday bo‘ldi.

Sevara essechilikda deyarli shakllangan uslub va yo‘ldan osongina yurishni, qalamini koyitmaslikni emas, tuyg‘ulari, hayrat va iztiroblari, goho buguncha jo‘nroq eshitilayotgan ovozini ifodalashda o‘z yo‘li va uslubini topishga harakat qilayotganini o‘quvchi sezadi, albatta. Fikrimcha, uning “Sukunat shovqini”, “Begemot va men”, “Mahkum sayohati” esselarining muhim yutug‘i shu.

Ammo yo‘l topish, boshqalarnikiga o‘xshamaydigan ovozga ega bo‘lish oson emas. Bundan ham og‘iri — esseda muallif ko‘p o‘rinlarda (tug‘yon va hissiyot vujudini butunlay egallab olganida, idrok ko‘zlari nimadandir kattalashib qotib qolganida ham) o‘zini o‘zi cheklamasligi, o‘zi bilan o‘zi kurashib, bu jangda g‘olib bo‘lishi zarur.

Ahmadjon Meliboyev

​​#yangi_nashr

📘 Mehmet Fuad Ko‘prulu: Turk adabiyotida ilk mutasavviflar

📖 Fragment va mundarija

Turk adabiyotshunosligi ilmining asoschisi, qomusiy bilim sohibi Mehmet Fuad Ko‘pruluning mazkur kitobi nafaqat turkshunoslik ilmining nodir asari, balki jahon sharqshunos olimlari uchun ham muhim manba hisoblanadi.

Asarda turkiy dunyoning ikki buyuk mutasavvif adibi – Ahmad Yassaviy hamda Yunus Emro ijodi misolida xalq og‘zaki ijodi, mumtoz turkiy adabiyotning nazariy masalalari, xususan, O‘rta Osiyo va Onado‘li ijtimoiy madaniy hayotida muhim o‘rin tutgan yassaviylik, naqshbandiylik, bektoshiylik kabi ko‘plab tariqatlar bilan bog‘lik tasavvufiy mezonlar haqida keng ma’lumot beriladi.

Tarjimon: Shermurod Subhon
Muqova: qattiq, 496 bet
O'lchami: 84х108 1/32
Narxi: 100 000 so‘m
Xarid: t.me/akademsavdo

Mualliflik huquqi Alfa Basım Yayım Dağıtım San. ve Tic. Ltd. ga tegishli bo‘lib, Turkiya Jumhuriyati Madaniyat va turizm vazirligi hamda Toshkent davlat sharqshunoslik universiteti hamkorligida nashr etildi.

📚 @akademnashr

Youtube | Instagram | Facebook  | Twitter

​​📘 Anisaning uyi

Bir-biriga umuman notanish bo‘lgan ikki bolajonni maʼlum vaqt holi qoldirsangiz ham, o‘rtasida ajib beg‘ubor munosabat, hech bir manfaatsiz mehr paydo bo‘lganini sezasiz. Bunaqasini qirq yillik qarindoshlar orasidan ham topolmaysiz baʼzida.

Ertak-hikoyaning jajji qahramoni ham shu bolajonlardan biri. Anisa o‘rtoqlari – mitti jonivorlardan borini ayamaydi, murg‘ak tafakkuri tasdiqlagan barini ularga so‘zlab beradi. Inson, hatto u bola bo‘lgan vaqtida ham hayvonlar bilan do‘st tutinishi uchun ulkan yurak, musaffo ko‘ngil egasi ham bo‘lishi kerakligini kuzatsangiz bilasiz.

Bizning musaffoko‘ngil qizchamiz esa boz ustiga aqlliligini, kitobxonligini, zig‘irday qizaloq bo‘la turib muqaddas kitobimiz Qurʼonni yodlashga bel bo‘glaganini aytmaysizmi!.. Uning go‘zal qalbidan taralgan zako nuri til-u zabonsiz hayvonlarni ham o‘ziga oshno etib turgan vaqtda bolajonlaringiz ham undan o‘rnak olmasdan, taʼsirlanmasdan, qilganlarini qilmasdan qolmaydi, albatta.

Bunga bolalaridan ham avval ota-onalar ishonishi esa ertaklar olamini qayta va qayta boyitaveradi, boyitaveradi. Bolalaringizning dunyoqarashi kengayaverishiga, mehrlanishiga yana bir go‘zal yo‘l Anisaning uyiga olib boradi!

©️ Gulrang Ubayeva

Xarid: t.me/akademsavdo

📚 @akademnashr