OʻYNAB OʻRGANAMIZ

#ustozim_onam kursi uchun yana bir feedback (otziv).

#feedback

Nosirova Halima

Assalomu Alaykum va Rohmatullohu va Barokatuhu.

Qadrli mehribon Ustozam Gulzoda opa🌹 Ushbu kurs men uchun juda ham foydali bo'ldi. Ko'plab foydali ma'lumotlar va materiallarga to'la bo'ldi, Alhamdulillah. Hozircha mana shu kursni o'zi menga yetarli bo'lyapti boshqa kurslar qidirmayapman. Boshidan qayta eshitib konspektlashtirib chiqyapman. Oldin nimani to'g'ri qilyapman yoki noto'g'ri qilyapman bilmasdim, ikkilanish ko'p bo'lardi. Hozir ancha o'zimga ishonchim ko'paydi. Turmush oʻrtogʻim ham boshida ozgina ishonmagandek bo'lgandilar, o'zi onlayn kurslarga ishonmaydilar. Lekin chegirma yutib olganim uchun yarmini to'lab bergandilar, juda arzon ekan, yoki kurs egasi insofli yoki yaxshimas kurs bo'lsa kerak degandilar. Sovg'a ham yutib olganimizgami bilmadim, konstovarga boraman desam keragidan ko'p pul tashlab beribdilar, hammazini qizimga ishlat deb. Ishonchlari menga ortganidan bo'lsa kerak bu. Oyijonim ham kelinim oʻqitdi nabiramni deb boshqalarga ham tavsiya qilibdilar. Vazifalar ham qiyin emas, ammo foydasi katta. Ortiqcha bosim bermasdan bolani yoshiga mos keladigan mashg'ulotlar aytilgan har bir yosh uchun. Vaqtim yo'q degan odam ham bemalol oʻqisa boʻladigan kurs. Men asosan uy yumushlari qilayotganda eshitdim darslarni. Vazifalarni qilish ham koʻp qiyin boʻlmadi Alhamdulillah. Oyijonim sezmay ham qolibdilar, sertifikatlarni tashlasam qachon oʻqishga ulgurdizlar deb hayron qoldilar.

Natijalar ham sezilyapti. Qizim kitoblarga mehr qoʻygan. Alifbongni oʻqiysanmi desam ilib qoʻygan joyimga boradi. Kundalik odoblar ham bir eslatma boʻldi. Hali oʻzi gapirmaydi qizim, lekin suv ichiramiz desak oʻtirib olyapti, Dadasi ham hayron 😁. Xullas, bu kurs menga Alloh tomonidan berilgan bir rizq, ne'mat bo'ldi, Alhamdulillah.

Pdf ham borligi konspekt qilishga juda qulay. Har tomonlama ajoyib kurs. Test bilan yana ham mustahkamlanadi.

Ilohim bu kurs koʻp ajrlar olib kelsin, Gulzoda opaga va boshqa tashkilotchilarga. Hayotda koʻrishmagan boʻlsamda, samimiy begʻubor inson boʻlsangiz kerak degan xulosaga keldim. Yaqin joyda yashagingizda opa - singil tutinib olib tez-tez borib turardim 🙃.

Qizlaringizga ilm bering!
Ular millatni tarbiyalaydilar!

📌Bilasizmi Singapurda diplomi bor ayollar turmushga chiqsalar, davlatdan katta to‘yona, agar farzand ko‘rsalar boshqa o‘qimagan ayollarga nisbatan ko‘proq suyunchi pullarini oladilar. Xo‘sh nima uchun shunaqa? Chunki buyuk islohotchi Li Kuan Yu mamlakatning muvaffaqiyati avvalom bor ilmli,ziyoli ayollar va onalarga bog‘liqligini tushunib yetgandi. Tarix ko‘rsatdiki Li Kuan Yu yuz foiz xaq bo‘lib chiqdi.

🟤Aqlli va ilmli ayol, ilmsiz, dunyoqarashi past ayollardan ko‘ra dunyoga, xayotga real ko‘z bilan baho bera olarkan. Bunday ayollar zamonaviy tendensiyalar va haqqoniylik bilan o‘z hayotlari va oilalarini kelajagini qura oladilar. Ular o‘z turmush o‘rtoqlariga, farzandlariga to‘g‘ri yo‘nalishlarni bera olish qurbiga ega bo‘ladilar. Eng kamida bunday ayollar o‘z sog‘liqlariga va oila sog‘lig‘iga katta e’tibor bera oladilar. Ular o‘z turmush o‘rtoqlariga kelajak istiqbollariga olib boruvchi porloq yo‘llarni ko‘rsata oladilar, kerak payti tanqid qilib, zarur paytda maqtov bilan muaffaqiyatlarga erishtira oladilar.

🟤Ilmli, aqlli ayollar qorin g‘amidan, uydagi mebel, idish-tovoq, latta-putta kabi mayda narsalardan yuqori turadilar. Ular mo‘ljalni juda yuqori oladilar va oilani yuksaklikka olib chiqish rejalarini qila oladilar. Bunday ayollar o‘z erlari va farzandlariga kitob tutqazadilar va ilm-fanga yo‘naltiradilar.

🟤Har qanday buyuk erkakning ortida buyuk ayol turadi deb bejizga aytilmagan. Intellekti yuqori ayol albatta buyuk farzandlarni kamolotga erishtiradilar. Otadan qon, jism o‘tsada, aql, tafakkur ko‘proq onadan o‘tadi. Shuning uchun ilmli, iymonli ayollarga uylanish maqsadga muvofiqdir.

🟤Intellektual o‘tkir bilimga ega, aql-farosatli ayollar o‘z erlarini yo‘qotgan tarzda ham, yoki ularning ablah bo‘lib chiqishidan qat’iy nazar baribir o‘z hayot yo‘llarini topib keta oladilar. Chunki bunday ayollar o‘z oilalarini iqtisodiy-ma’naviy jihatdan qo‘rg‘on kabi himoyalash usullarini topa oladilar.

🟤Nima uchun intellektuallar o‘zlariga juda iqtidorli intellektual kuchli ayollarni tanlaganlar❓Chunki ular biladilar faqat kuchsiz odamlar o‘zlaridan xam kuchsizlarni tanlashlarini, ular o‘zlariga mos va xos, zamon bilan hamnafas yuruvchi juftni bejizga tanlamaganlar. Chunki bunday kuchli odamlarga faqatgina shunaqa kuchli ayollargina ilhom bera oladilar.

✔️Xo‘sh bizdachi? Bizda esa “Ayol baxti” nomli treninglar. Ayollarga yosh qizaloqligidan bo‘ysunish, ovqat qilish, tikish-bichish, o‘z xayotini qurbon qilish yo‘llari o‘rgatiladi. Tendensiyalar qanchalik o‘zgarmasin, dunyo qanchalik taraqqiyotga qadam qo‘ymasin bizdagi qarashlar haliyam XV asrdagi ahvolda. “Bo‘lmasa ersiz qolasan va tamomsan” prinsiplari ustunligicha qolmoqda.

☁️Dunyo ayolning bo‘g‘irsoq pishirishni bilishi yoki bilmasligiga emas, balki uning tafakkuri va professionalizmiga hayratlanadi.☁️

😥O‘zingizning iste’dodingizni, bilimingizni namoyon qilishdan, yangi g‘oyalaringizni amalga oshirishdan hech qachon qo‘rqmang, eski streotiplardan baralla voz keching. Kir yuvush va ovqat qilishni istagan paytda o‘rganib olish mumkin, ammo miyani bilimga, tafakkur va ko‘nikmalarga to‘ldirishga keyin kech bo‘lishi mumkin.

Qozoq tilidan Isroil Tillaboyev tarjima qildi

©byhoneybee

Kanalga ulanish uchun ➡️
🔼 OʻYNAB OʻRGANAMIZ