Shakhzod | NOTES

Бўйдоқларга маслаҳат!

• Фақатгина тўшакни ўйлаб уйланма! Чунки ҳайвоний ғаризаларинг тўйиши билан хотинингдан ҳам, ҳаётдан ҳам зерикасан.
• Оиланг бўлиши учун уйлан. Кеча-ю кундуз сенинг яхши кунингда ҳам, ёмон кунингда ҳам ҳамроҳ топиш учун уйлан.
Овқат, дин, сиёсат, тарих, тиббиёт, ҳисобда маслаҳатдош топиш учун уйлан.
• Муноқашада зерикмаслик учун мабдаъда сенга шерик, фикрлашда сенга мухолиф бўлган аёлга уйлан.
• Сенинг моддий аҳволинг уни қизиқтирмайдиган, балки сенинг ақлинг, қалбинг ва фикрлашингга қизиқадиган аёлга уйлан.
• Сенинг орзуларингга шерик бўладиган ва уларни рўёбга чиқаришда сенга ёрдамчи бўладиган аёлга уйлан. Барча орзуларингни чиппакка чиқарадиган, ёшлигингни зое қиладиганга эмас.
• Ҳаммасидан олдин уйланишга бўлган назарингни ўзгартир. Ҳайвоний истакларинг сендан ғолиб бўлишига йўл қўйма.

@konspektor

Имом Ғаззолий насиҳатлари:

• Йўл ва кўчаларда тўпланишиб турманг;
• Суҳбатлашиш учун дўконларни танламанг;
• Одобсиз, тарбиясиз ва бадхулқ кишилар билан тортишманг;
• Фикр билдирганда: «Бу – менинг қарашим», деб айтинг;
• Бирор нарса ёки бирортасини мақтаганда, ошириб юборманг;
• Яхши гапга диққат билан қулоқ солинг;
• Хушбўй ҳидли нарсалардан фойдаланганда, меъёрни билинг;
• Айрим орзулар рўёби учун ўзингизни ўтга-чўққа ураверманг;
• Сизга нисбатан муомала меъёрини бузганларга ҳам вазмин бўлинг;
• Бойлар саховати қошида ўзингизни зинҳор камситилгандек ҳис қилманг;
• Сўз бердингизми, бажаришга қатъийлик билан киришинг;
• Фақат ва фақат рост гапиринг;
• Ҳар ерда мақбул сўз айтинг, чиройли гапиришга ҳаракат қилинг;
• Вужудингиз роҳатини истасангиз, оз енг ва оз ичинг!
• Тингловчингиз бўлгандагина гапиринг;
• Битта сўзни қайтараверишдан сақланинг;
• Ҳеч кимни алдаманг, масхараламанг;
• Сотган нарсангизни ёқтирмай, қайтариб олиб келишса, қабул қилинг;
• Ёлғон сўзлашни тажриба қилманг ва одатланманг;
• Чанқаганда, сув ичишдан олдин оғзингизни чайқанг;
• Бозорда юрганда, ҳеч кимга озор берманг;
• Эгасининг рухсатини олмасдан, бировнинг нарсасига тегманг;
• Оғзингизда луқма билан гапирманг;
• Гапирганда қўл, бармоқлар билан ортиқча ишорат қилманг.

@konspektor

Фитна шундай қўзғалади

Ҳа, чиндан ҳам фитна шундай қўзғалади. Сиз нима демоқчи бўлганимизни тушундингиз, албатта. "Фалон аллома фақат бизга тегишли, пистон давлатчилик марказида бизнинг этнос туради, минтақамизнинг тарихий меросига кўпроқ биз муносиброқмиз..." ва шунга ўхшаш этноайирмачиликка қурилган миллий мафкуралар минтақамиз – Туркистон халқларини бир-бирига ёвлаштиришга қаратилган яхшигина маданий-сиёсий фитнадан бошқа нарса эмас.

Бизнинг қўлимизга тутқазилган тарих шу концепция устига қурилган эди: бу халқлар бирлашмасин, бирикиб бир мушт бўлмасин. Яъни закий домла Макиавеллининг "бўлиб ташла ва бошқар" қоидасига асосланганди.

Хуллас, ота-бобоси минг йиллардан буён аралашиб яшаб келган, ҳеч қачон бир-бирига сен тожик, сен қозоқ, сен эса ўзбексан, дея айирмачилик қилмаган халқлар юз йилликдан бу ёғига шаклланган модерн давлатчилик – янги миллий республикалар пайдо бўлгач, бирдан ҳар бири алоҳида-алоҳида сиёсий миллатга айланди ва уларга чегаралар ҳамда шу билан бирга ўтмиш хотиралари, аждодлар мероси ва шахси "бўлиб" берилди.

Қизиқ, бугун қозоқлар Фаробийни, Яссавийни, тожиклар деярли барча классикларни, биз ўзбеклар Берунийдан тортиб, Шайбонийхонгача бўлган тарихий аждодларни бизга тегишли, деймиз. Бу, бориб турган айирмачилик.

Негаки, бу тарихий шахслар яшаган даврда биз бугун мансуб бўлган сиёсий миллатлар ҳам, ётиб олиб ҳимоя қилаётган неомиллатчиликка қурилган мафкуралар ҳам бўлмаган. Бу тушунмовчилик ва кўнгилхираликларга сабаб бўлувчи тортишувларнинг биргина сабаби бундан юз йиллар олдин бизнинг устимиздан қабул қилинган қарорларда.

Шунинг учун давлатларимиз минтақанинг умуммафкуравий концепцияси устида ишлашлари керак бўлади. Зотан, айни масала моҳият эътиборига кўра, минтақамиздаги энг тектоник кўриладиган чегара, сув муаммоларидан ўткирлиги жиҳатидан асло кам эмас.

Биламизки, барча беш республикада Фанлар Академиялари бор ва у ерларда тарих институтлари ишлаб турибди. Энди шу тарихчиларимиз, зиёлиларимиз каллани бир жойга қўйиб, минтақа халқларининг умумтарихи бўйича иш олиб боришлари керак бўлади. Қолаверса, бизда Марказий Осиё институти фаолият юритаётир. Бу даргоҳ ҳам ишлаши керак. У бизники, бу бизники, деб тортишиб юраверсак, бирлашиш ҳам, интеграция деган орзулар ҳам хавоий гап бўлиб қолади.

Истак шундайки, давлатларимиз минтақанинг умуммафкурасини ишлаб чиқишга киришиши бугун айни муддао. Миллий жамиятлар тафаккурида бугунги ўзлари мансуб ватандошлик туйғулари билан биргаликда ва унга параллел равишда "биз туркистонликлармиз, бизнинг ўтмишимиз ҳам келажагимиз ҳам бир" деган чуқур ғояни шакллантириш керак бўлади.

Агар шу ғоя қисман бўлса-да шаклланса, сув, чегара каби муаммолар ечимини топиш хийла осон ҳам бўлади. Хуллас, жуда кўп такрорлаганимиздек, биз бирлашишимиз, бир мушт бўлишимиз керак!

P/S: Билишимизча, сентябрь ойи ўрталарида Тожикистонда минтақа давлатлари раҳбарларининг навбатдаги Маслаҳат учрашуви бўлади. Эҳтимол шу йиғинда раҳбарларимиз айни масалани кун тартибидан ташқари маслаҳат сифатида кўриб чиқишар... Негаки, ушбу йиғилишдан олдин тожик биродарларимизнинг мафкуравий "юриши" очиғи, жуда ғалати бўлди. Нима бўлганда ҳам "гилам таги"даги масалага эндиликда ечим топиш керак бўлади. Бу ишлар давлатларимиз даражасида бўлса, яхши бўлади, деган умиддамиз.

Манба

@MubashshirAhmad

Your looks, money, and status all matter. Don't let stupid love quotes fool you.

@yanafsu

Chidamsiz bo'ling

Suhbatlarni eshitib qolaman. Suhbatda yo’q odam haqida gapirilayotgan bo’ladi. 1ta holatda maqtalish. 9ta holatda yomonlash.

O’ziga aytolmaydi. Orqasidan ayamaydi.

Sizga kimnidur yomonlashayotganda eshitib turasiz. Sizni ham borib g’iybat qilmasligiga kafolat bormi?

Eshitishga rozilik bersangiz, gapirilishga ham rozilik bergan bo’lasiz.

Dunbar tadqiqotiga ko’ra suhbatlarning 70%i g’iybatdan iborat ekan.

Vaqtni qayerdan olamiz deymiz. G’iybatni to’xtatsak (qilish va eshitishni), qancha vaqtimiz ortishini tasavvur ham qila olmaymiz.

G’iybatga chidamsiz bo’ling. Tilini boshqara olmaydiganlar sizdan o’zi uzoqlashadi.

G’iybatga chidamsiz bo’ling. Soatlab vaqtingiz ortib qoladi.

@azizrakhimov_blog

Oxirgi uch yil keyingi o’ttiz yilni hal qiladi

9-sinfga o’tdim. O’rtoqlarga vaqt kamaydi. Muhit qidirib maktab, keyin litsey almashdi. Uyg’onaman, dars qilaman. Maktabdan chiqaman, repetitorga boraman.

8-sinfgacha tutgan daftarlarimdan ko’ra, oxirgi uch yilda ko’proq daftar to’ldirdim.

Uy, repetiror, litsey. Shu yillarda boshqa birorta xotiram yo’q.

Mevasi uzoq kuttirmadi. Kontraktga 10:1, byudjetiga 30:1 bo’lgan tibbiyot institutga grantga qabul qilindim.

Institut darslari oson tuyulganidan, vaqtim ortib qolib, ingliz, nemis tillarini o’rganardim.

Til bilishim keyinchalik repetitorlik, o’quv markazi, hozir esa maktablarga ulanib ketdi.

Keyinchalik bo’sh vaqtim yana ham ko’p bo’ldi. Lekin hecham o’sha paytdagichalik dars qila olmadim.

Uch yilni mazza qilib o’tkazib, o’n yilni qiynalib o’tkazayotganlarni ko’rayapman.

Uch yilida bosib o’qib, keyingi o’n yilni oson o’tkazayotganlarni ko’rayapman.

Shu uch yil keyingi o’ttiz yilni hal qiladi, g’animat biling.

Biz ham maktabimizda 9-11 sinf o’quvchisi bo’lgan, shu vaqtimni maksimal foyda bilan o’tkazaman degan bolalar uchun yotoqxonali maktab qilayapmiz. 25 ta joyimiz bor. Imtihon bilan olamiz.

To’lib qolmasdan, ariza qoldiring:
https://bit.ly/448Rd30

@azizrakhimov_blog

Bularni qaysi birini bilasiz?

1. Paretto Principle
2. Parkinson's Law
3. Feynman Technique
4. Yerkes-Dodson Law
5. Leitner System

Bularning har biri bilim olishni jarayonini samaradorroq qilish uchun ishlatiladigan techniquelar. Google qilib ko'rishizga arziydi.

Bo’layotgan ishlarga 30 yil sabr qilib yurgan, lekin svetoforda sariq yonishi bilan signal chaladigan sabrsiz xalqimdan o’rgilay ❤️

-

Обожаю народ, который терпит всё уже тридцать лет и в то же время не может подождать пока загорится зеленый свет на светофоре сигналя уже на желтом ❤️

@trolluz

Сингапур қандай қилиб дунёнинг ривожланган мамлакатига айлангани ва коррупцияни бартараф қила олгани хусусида Антикор раҳбари Акмал Бурханов дастлабки хулосаларини баён қилди:

1. Махсус ёндошув. Даставвал 1959 йилда давлат бошқарувига келган Ли Куан Ю бошчилигида (ўта махфий равишда) коррупцияга қарши Махсус дастур яратилди ва ҳаётга тадбиқ этилган. Унинг доирасида (салкам икки ярим йил давомида) мамлакатнинг йирик мансабдор шахсларига нисбатан маълумотлар йиғилган ва пухта текширилган. Ундан кейин, лавозими, даражаси, хизматлари ва мукофотлари, қариндошлик алоқаларига қарамай, коррупцияга аралашган барча мансабдорлар ишдан олинган.

2. Ҳар қандай давлат хизматчиси (унинг яқин қариндошларигача) ортидан аудио/видео кузатув ўрнатиш мумкин бўлган. Ва бу амалиёт бир-биридан мустақил бўлган идоралар томонидан амалга оширилган. Албатта, «Бу шахсий ҳаётга дахл қилиши мумкин, инсон ҳуқуқлари бузилади», деган ҳақли савол туғилиши мумкин. Бунга жавобан сингапурликлар шундай жавоб беришади: «Агар шахсий ҳаётинг сир сақланишини хоҳласанг, давлат хизматига борма…».

3. Очиқлик. Давлат идоралари фаолияти тўғрисидаги барча маълумотлар жамоатчилик учун очиқ (разведка, контрразведка ва махсус хизматлар фаолияти бундан мустасно).

4. Энг аввало, тўқ бўлиш. Давлат хизматчиларининг ойлик маоши кескин кўтарилган.

5. Авторитар ваколатларга эга бўлган Коррупция амалиётларини тергов қилиш бюроси ташкил этилган. Бюро суд қарорисиз мансаби ва даражасидан қатъий назар, коррупцияда гумон қилинаётган ҳар қандай шахсларни ушлаб туриш, тинтув қилиш, уларнинг банк ҳисоб рақамларини текшириш, хаттоки уларнинг яқин қариндошларини сўроққа чақириш ҳуқуқига эга бўлган. Бугунги кунда коррупция билан боғлиқ барча жиноятлар тергови мазкур Бюро томонидан амалга оширилади.

6. Қонун олдида ҳамма тенг. Қайси лавозимда бўлишидан қатъий назар, давлат хизматчиси 1 доллар миқдорида пора олса ҳам, бирдек қатъий жазонинг муқаррарлиги таъминланган. Шу пайтга қадар Сингапурнинг бир неча ўнлаб вазирлари, давлат корпорациялари раҳбарлари коррупцияда айбланиб, озодликдан маҳрум қилинган.

@generalissimus_uzb

Эрим билан ажрашаман...

- Мен эрим билан ажрашмоқчиман, - деди аёл руҳшуноснинг ҳузурига келиб, - менсиз ёлғиз яшаб кўриб бир азоблансин! Шунда қадримда етади, ярамас!

- Бундай ҳолатларда, - гап бошлади кўпни кўрган руҳшунос, - барчага бир гапни айтаман: дарҳол ажрашманг. Аввалига эрингизга яхши гапиринг, хурматини жойига қўйинг, мазали таомлар билан сийланг ва меҳр кўрсатинг. Унга севишингизни такрорланг ва бирданига ажрашиш учун ариза беринг! Бу қарор унга қаттиқ зарба бўлади, шунда қадрингиз сезилади. Кўрасиз, у ялиниб ажрашмаслигингизни сўрайди.

Бир неча ойдан сўнг аёл руҳшуносни учратиб қолди. Руҳшунос берган маслаҳати ҳақда сўради.

- Ҳа, унга ортиғи билан ғамхўрлик қилдим!

- Яшанг! Энди бемалол ажрашсангиз ҳам бўлади.

-Қанақа ажрим? Мен эримни севаман, у ҳам фақат мени дейди. Бу ҳақда бошқа гапирманг...

Руҳшунос эса бу галги маслаҳати ҳам бир оилани сақлаб қолишга сабаб бўлгани учун ўзидан мамнун бўлибди. 

Нодирабегим Иброҳимова таржимаси

@konspektor