🔴 🟦🟦🟦
❓
Эндокринология маркази филиалларида қандай янги турдаги даволаш ва диагностика усуллари йўлга қўйилди?✅ Эндокрин тизими инсон танасида барча ҳаётий жараёнларни тартибга солишда асосий роль ўйнайди. Шу боис бу йўналишдаги касалликларни эрта аниқлаш, олдини олиш ва асоратлари хавфини камайтириш жуда муҳим.
🏥
Республика ихтисослаштирилган эндокринология илмий-амалий тиббиёт маркази юртимизда айни шу соҳада аҳолига ихтисослашган тиббий хизмат кўрсатувчи бош муассаса ҳисобланади.💬 — Марказимиз барча замонавий тиббий асбоб-ускуналар билан жиҳозланган бўлиб, қалқонсимон без касалликлари, қандли диабет ва унинг асоратлари, қолаверса, орфан хасталикларини эрта аниқлаш ва ўз вақтида даволаш борасида салмоқли натижаларга эришиб келмоқда
, — дейди муассаса директори Анвар Алимов.🩺 Мисол учун ўтган йили марказда 59, вилоятларда 132, туман шифохоналарида 4 турдаги янги даволаш ва диагностика усуллари ҳаётга татбиқ этилди. Шу каби ютуқлар эътирофи сифатида муассасага ISO 9001:2015, ISO 7101:2023 халқаро сифат стандартларини жорий этганлиги муносабати билан махсус сертификатлар топширилди.
📎 Шунингдек, жорий йил бошидан клиникамиз ўз фаолиятида янги натижаларни қўлга киритиб, жами
550 дан зиёд жарроҳлик операциялари ўтказилди. Эътиборлиси, уларнинг
180 дан ортиғини юқори технологик амалиётлар ташкил этади.
➡️ Хусусан, CO-2 лазер қурилмаси ёрдамида амбулатор шароитдаги кам инвазив жарроҳлик амалиётлари, қалқонсимон без тугунлари микро тўлқинли абляцияси, метаболик морбид семизликда ошқозон лапароскопик резекцияси, буйрак усти бези гормонал актив ўсмалари лапароскопик жарроҳлик амалиётлари, қалқонсимон олди бези аденомасини
икки томонлама олиб ташлаш, гемиструмэктомия, тотал тиреоидэктомия, субтотал тиреоидэктомия билан олиб ташлаш каби 10 дан зиёд мураккаб амалиётлар шулар сирасидан.➡️ Муассасада хорижлик шифокорлар билан самарали ҳамкорлик йўлга қўйилган бўлиб, бу йил ҳам ушбу анъана давом этмоқда.
🔎 Жумладан, январь ойида академик Н.Н.Бурденко номидаги Россия миллий эндокринология илмий-амалий тиббиёт маркази профессори Юрий Кушел мутахассисларимиз билан бирга, эпилепсия билан оғриган беморда “Чапдаги энса соҳасидаги фокал-кортикал дисплазия резекцияси” операциясини ўтказди.
🛫 Шунингдек, соҳани халққа яқинлаштириш мақсадида марказнинг Фарғона ва Наманган филиалларига ИХЛА аппарати келтирилиб,
15 турдаги гормонларни аниқлаш имкони яратилди. Қорақалпоғистон Республикасида
янги 3 та диагностика ва
4 та даволаш, шу жумладан,
ИХЛА ёрдамида қондаги эстрадиол, кортизол ва инсулин, Қашқадарёда
ферритин ҳамда
Anti-TG, Жиззахда пешобда
микроальбуминурияни аниқлаш усуллари йўлга қўйилди.
✅ Сурхондарё филиалида экспресс ТТГ, экспресс Т4, тезкор кортизол, прогестерон, эстрадиол, инсулин миқдорини текшириш, микроалбуминурия, экспресс гликирланган гемоглобин, витамин Д, витамин В12 аниқлаш каби муҳим лаборатор текширувлар амалга оширилмоқда.
🔬 Шу билан бирга, юрак-қон томир, бўйин ва оёқ томирларида қон оқими, томир аномалиялари, стеноз ва тромбларни аниқлаш учун
УТТ доплер, қалқонсимон без ва кўкрак сут бези эластографияси ҳамда
Эхо ЭКГ текширувлари ўтказилмоқда.
☺️
Муассасага 2025 йил “Криптолиполиз Clatuu“ аппарати келтирилди. Ушбу ускуна ёрдамида семизлик билан касалланган беморларда янгиланган 360 С музлатиш технологияси асосида бир марталик сеансда тери ости ёғини
20 фоизгача йўқотиш амалиётини бажариш мумкин.📌 Марказ филиаллари ходимлари тиббий бригадалар ва оилавий шифокорлар билан биргаликда 40 ёшдан ошган аҳоли ўртасида скрининг текширувлари олиб бормоқда. Жумладан, жорий йил бошидан жами
1.5 млн. фуқаро скринингдан ўтказилиб,
33 минг 820 нафар диабет олди ҳолати ва
9510 нафардан зиёд янги аниқланган қандли диабетли беморларга зарур тавсиялар берилди.
‼️ Муассасада тиббий туризмни ривожлантиришга ҳам алоҳида эътибор қаратилмоқда. Жумладан, шу йилнинг ўтган уч ойи мобайнида клиникага қарийб 600 нафар чет эл фуқароси мурожаат қилиб, уларга сифатли тиббий хизмат кўрсатилди.Соғлиқни сақлаш вазирлиги
Матбуот хизмати.
🌐@ssvuz | 🌐@ssvmatbuotkotibi |🌐 Facebook | 🌐Instagram
