Uzpharmagency

🔴 Ўзбекистон - Хитой ҳамкорлик

📌 Фармацевтика тармоғини ривожлантириш агентлиги директори Абдулла Азизов ва Ўзбекистонда фаолият юритаётган Хитой тадбиркорлар уюшмаси вакиллари ўртасида учрашув бўлиб ўтди.

❗️ Ўзбекистонда фаолият юритаётган Хитой бизнесменлари ва тадбиркорлари томонидан ташкил этилган Хитой тадбиркорлар уюшмаси, "Бир белбоғ-бир йўл" ташаббуси доирасида ташкил этилган. Ассоциациянинг асосий мақсади Хитой ва Ўзбекистон ўртасида "кўприк қурувчи" ва алоқаларни ривожлантирувчи сифатида хизмат қилишдир.

✅ Уюшма вакиллари "Tashkent Pharma Park" инновацион илмий-ишлаб чиқариш фармацевтика кластерининг фаолияти, ундаги ишлар кўлами, кластер доирасидаги компаниялар ҳамда инвестиция лойиҳалари билан танишдилар.

✅ Суҳбат якунида томонлар Хитой тадбиркорларини Ўзбекистоннинг фармацевтика соҳасида ҳамкорлик қилиш ва инвестиция киритишга жалб этишда амалий ёрдам кўрсатишга келишиб олди.

Website | Telegram | Instagram | Facebook | Youtube

🔴 Франциянинг "Veolia Water Technologies" компанияси билан учрашув

📌 Фармацевтика тармоғини ривожлантириш агентлиги директори Абдулла Азизов Франциянинг "Veolia Water Technologies" (VWT) компанияси директори Оливье Женок билан учрашув ўтказди.

❗️ "Veolia Group" таркибига кирувчи VWT компанияси оқова сув ва саноат чиқиндиси сувларини тозалаш бўйича жахонда етакчилардан биридир. 100 дан ортиқ мамлакатда фаолият юритувчи VWT бугунги кунда 30 000 дан ортиқ тозалаш иншоотларини ишга туширган ҳамда ҳар йили 4,8 миллиард куб метрдан ортиқ чиқиндиси сувларни тозалашга ёрдам беради.

✅ Учрашув давомида VWT вакили фармацевтика компаниялари билан сув ва энергия сарфини оптималлаштириш, саноат чиқиндиларини қайта ишлаш, шунингдек, сув менежменти ва лабораториялар учун зарур ускуналарни етказиб бериш бўйича ҳамкорлик қилиш имкониятларини таклиф этди.

✅ Агентлик директори ва "Veolia Water Technologies" вакили фармацевтика кластерининг ҳудудида саноат чиқиндиси сувини тозалаш бўйича фикр алмашиб, бу ердаги барча ишлаб чиқарувчи корхоналар учун марказлаштирилган сувни тозалаш тизимини яратиш истиқболларини муҳокама қидилар.

✅ Шунингдек, VWT вакили фармацевтика кластерининг ҳудудидаги ишлаб чиқарувчиларга "Ultra Pure Water" (лаборатория тадқиқотларида фойдаланиладиган жуда юқори даражада тозаланган сув) ва "Water for Injection" (инъекция учун мўлжалланган, стерилланган ва пирогенлардан ҳоли сув) етказиб бериш имкониятини таъкидлади.

✅ Учрашув якунида VWT томони фармацевтика кластерининг ҳолатини ўрганиш ва ҳамкорлик истиқболларини аниқлаш учун мутахассис юборишга келишиб олинди. Ўрганишлар натижаларини асосланиб, агентлик билан ҳамкорликда амалий ишларни бошлаш режалаштирилди.

Website | Telegram | Instagram | Facebook | Youtube

🔴 “Tashkent Pharma Park” инновацион илмий ишлаб чиқариш фармацевтика кластерига медиа-тур ташкил этилди

📌 Бугун Фармацевтика тармоғини ривожлантириш агентлиги ва Фармацевтика техник университети томонидан ташкил этилган "Ҳаёт фанлари" олимпиадаси ғолибларини тантанали мукофотлаш маросими бўлиб ўтди. Ушбу нуфузли тадбир табиий фанлар бўйича иқтидорли ва замонавий билимларга эга ёшларни аниқлаш ва рағбатлантириш мақсадида ўтказилди.

✅ Ғолибларга Фармагентлик томонидан Фармацевтика техник университетида таълим олиш учун грант, қимматбаҳо эсдалик совғалари ва сертификатлар топширилди.

✅ Ушбу лойиҳани келгуси йилларда янада кенгроқ миқёсда, халқаро даражада ўтказиш режалаштирилган. Бу эса Ўзбекистонда фармацевтика соҳасида малакали кадрлар тайёрлаш, инновацион фикрловчи ёшларни жалб этишда муҳим қадам бўлади.

❗️ Медиа-тур давомида, Фармацевтика тармоғини ривожлантириш агентлиги ҳузуридаги "Зарур амалиётлар маркази-GxP" ДМ фаолияти, амалга оширган ишлари ва келгусидаги режалари ҳақида маълумот берилди.

❗️ Шундан сўнг, “Tashkent Pharma Park” инновацион илмий ишлаб чиқариш фармацевтика кластери ҳудудида амалга оширилаётган инвестицион лойиҳалар ва янги ҳамкорлар билан олиб борилаётган музокаралар тўғрисида ОАВ вакилларига батафсил маълумот берилди.

✅ Медиа-турда Ўзбекистон миллий ахборот агентлиги-ЎзА, Миллий Медиа Бирлашмасига аъзо Марказий каналлар, Марказий босма нашрлар ва ОАВ вакиллари иштирок этди.

Website | Telegram | Instagram | Facebook | Youtube

🔴 Буюк Британиянинг Де Монтфорт университети Профессори ташрифи

📌 Фармацевтика тармоғини ривожлантириш агентлиги ҳузуридаги Тошкент Вакцина ва зардоблар илмий-тадқиқот институтида (ТошВЗИТИ) Буюк Британиянинг Де Монтфорт университети профессори Омар Қутачи билан учрашув бўлиб ўтди.

✅ Учрашув давомида икки томонлама илмий ҳамкорликни йўлга қўйиш, тажриба алмашиш, қўшма лойиҳалар амалга ошириш, ёш олимлар учун академик алмашинув дастурларини ташкил этиш бўйича музокаралар олиб борилди. Профессор институт фаолияти, олиб борилаётган тадқиқот ишлари билан бевосита танишди.

✅ Ташриф доирасида профессор Қутачи Фармацевтика тармоғини ривожлантириш агентлигида ҳам бўлди. У ерда профессор “Tashkent Pharma Park” инновацион илмий ишлаб чиқариш фармацевтика кластери фаолияти ва олиб борилаётган ислоҳотлар ҳамда инвестицион лойиҳалар ҳақида тақдимот билан танишди.

✅ Учрашувда, ташкил этиладиган замонавий R&D (илмий-тадқиқот ва тажриба-синов) комплекси фаолияти, унинг инфратузилмаси ва келгусидаги вазифаларига алоҳида эътибор қаратилди ва бу бўйича ҳамкорлик қилишга келишиб олинди. Шунингдек, меҳмон Фармацевтика Техника Универстети фаолияти билан ҳам яқиндан танишди.

Website | Telegram | Instagram | Facebook | Youtube