Telegram channel "Oʻzbekoyim" — @Uzbekxonim

Oʻzbekoyim

29 Dec, 11:13

Forward from: Hilola Umarova

04:46

Video is unavailable for watching

#repost #ulashing

11 yoshli yurtdoshimiz Jahongirning koʻzlari ojiz, lekin u ishonch va qat’iyat bilan orzulariga erishish yoʻlidan bormoqda.

U bilan istalgan mavzuda suhbat qura olasiz, ham tarixga, ham siyosatga, ham sportga, ham san’atga befarq boʻlmagan Jahongir xalqaro tanlovlar gʻolibi boʻlishga ham ulgurgan.

U hozirda Samarqand shahridagi 59-sonli “Nurli maskan” maktab-internatining faxrli oʻquvchisi va hamma yutuqlariga birinchi navbatda oʻz onasini sababchi deb biladi.

Madinaxon farzandi va uning kelajagi uchun oʻz umrini bahshida qilayotgan qahramon ona. Shu sababdan, biz ularga haqli ravishda “Xalq ta’limi a’lochisi” koʻkrak nishonini topshirdik.

Yurtimizda qahramon onalar koʻpligiga ishonamiz. Biz bunday e’tiroflarni an’anaga aylantirmoqchimiz.

Qahramonlarimiz haqida kichik film tayyorladik, umid qilamizki, film Jahongirning tengdoshlari va koʻplab onalar uchun manfaatli boʻladi.

@hilola_umarova

58 0 1 3

Oʻzbekoyim

21 Dec, 18:54

#universitet

Kecha juda tig’iz kun bo’ldi. Ertalabdan “Yangi O’zbekiston” universitetiga biriktirilgan Olmazor tumanidagi 16-umumta’lim maktabida bo’ldik. Suhbatlashgan o’quvchilarimiz asosan 10-11 sinf bo’lganliklari uchun tabiiyki asosiy mavzu oliy ta’limga kirish, o’z yo’nalishlarini to’g’ri tanlash, imtihonlarga tayyorgarlik ko’rish bo’ldi. Shu bilan birgalikda, universitetimiz xodimlari o’quvchilar bilan turli interaktiv o’yinlar, suhbatlarni olish borishdi. O’quvchilar va maktab kutubxonasiga 10 dan ortiq turli badiiy adabiyotlar sovg’a qilindi.

Maktabda chiqib, Oliy ta’lim, fan va innovatsiyalar vazirligi matbuot kotibi Nazokat Azim bilan uchrashdik. Ikki ziyoli uchrashganda albatta asosiy mavzu kitobxonlik, mutolaa madaniyati, sifatli tarjima kabi masalalarga boy bo’ladi. So’ngra suhbatimiz davomi “1000 Kitob” loyihasining katta taqdimotiga ulanib ketdi. Bir yil avval ushbu loyihaga saralab olingan 100 ekspertning ichida edim, kecha ana shu loyihaning ilk sarhisobi bo’lib o’tdi. Tadbir tadbirga ulanib ketgani uchun “Wikistipendia” loyihasiga qololmadik.

Xuddi shu kuni, soat 15:00 da Respublika oliy ta’lim muassasalari o’rtasida “Zakovat” intellektual o’yinining turli yo’nalishlari bo’yicha Final bahslari bo’lishi kerak edi. Bunda “Yangi O’zbekiston” universiteti jamoasi Breyn-ring o’yinining Jahon iqtisodiyoti va diplomatiya universiteti jamoasi bilan finalchilar bo’lishgandi. Men esa soat 16:00 da yetib bora oldim. Ungacha onlayn translyatsiya orqali kuzatib bordim.
Jamoamiz juda yaxshi ishtirok etdi. Hali endi birinchi bitiruvchilarini kuzatayotgan yangi universitet uchun Respublikaning TOP 5 talik reytingiga kirish alohida faxr tuyg’usini uyg’otdi.
Qo’shimchasiga, Shaxsiy o’yin yo’nalishida universitetimiz talabasi Nurbek Xo’jayev faxrli 3-o’rinni qo’lga kiritdi. Ushbu yutuqlar umumiy hisobda 70 million so’mni tashkil qiladi (Breyn-ring uchun 60 million, Shaxsiy o’yin uchun 10 million).

Jahon iqtisodiyoti va diplomatiya universiteti jamoasi 3 yildan beri g’oliblik ostonasidan qaytgan bo’lgan va so’ngida o’zlari ko’zlagan maqsadga erishdi. “Yangi O’zbekiston” universiteti jamoasi esa hali ilk urinishlardayoq yaxshi va esda qolarli natijaga erishgani tahsinga sazovor. Ijod maktabida direktor bo’lgan vaqtlarimda “Abdulla Qodiriy ijod maktabi direktori kubogi” nomli Zakovat intellektual musobaqalari muntazam o’tkazilardi. Kechagi o’yinlardan keyin ham universitetda shunday turnirlarni o’tkazishni niyat qilib qaytdim.

@Uzbekxonim

151 0 2 7

Oʻzbekoyim

21 Dec, 14:28

ЯЛДО ТУНИДА

21 декабрдан 22 декабрга ўтар кечаси Шаби Ялдо ёки Ялдо кечаси дейилади. Бу туннинг энг узун пайти ҳисобланади. Шаби Ялдо ҳақида ўтмиш шоирларининг шеърларида маълумотлар мавжуд. Шу кечаси одатда дўстлар йиғилиб, тарвузхўрлик қилишади. Кузда қўюлган қонлар суюлади ва буйракдаги тошу қумлар эриб тушади. Қиблагоҳим Махдум Восилий (Мулла Ҳасанжон ибн Мулла Муҳаммад Иброҳим, 1898-1979) Бухорода Мир Aраб мадрасасида ўқиб юрганларида (1920 йиллар) талабалар билан тарвузхўрлик қилар эканлар. Биз ҳам шу кунга атаб ҳар йили уйимизда тарвуз сақлаб қўямиз.

Барча шоду хандон Ялдо тунида,
Дўстлар азиз меҳмон Ялдо тунида.

Кўнгилнинг тубида дўстликнинг ҳисси,
Муҳаббат намоён Ялдо тунида.

Тарвузнинг бағрида ёқути аҳмар,¹
Қуёшдек чароғон Ялдо тунида.

Тарвуз билан кириб келади дўстлар,
Тарвуз мисоли кон Ялдо тунида.

Ширин сўзлар учар ҳар битта лабдан,
Ҳар бири сухандон Ялдо тунида.

Хонтахта устида анвойи неъмат,
Тўкиндир дастурхон Ялдо тунида.

Қўй ёғу қўй гўштда етилган палов,
Ўртада нигорон Ялдо тунида.

Девзира етилиб, оёғин чўзган,
Гўшт билан ёнма-ён Ялдо тунида.

Томоғи соғларга деймиз, тарвуз е,
Соғлиққа имтиҳон Ялдо тунида.

Қонимиз суюлар тарвуз сувидан,
Томирда қон равон Ялдо тунида.

Буйракни тарк этар қум ила тошлар,
Дейдилар "ал-амон"² Ялдо тунида.

Тошларни янчади тарвуз шарбати,
Гўёки тегирмон Ялдо тунида.

Тарвузга қўрқмайин пичоқ солар дўст,
Мисоли қаҳрамон Ялдо тунида.

Бунда шеър ўқилар, тилаклар ила,
Тиловати Қуръон Ялдо тунида.

Марҳаматга қилинг марҳамат дўстлар,
Сиз меҳмон, биз мезбон Ялдо тунида.

Эй Махдум, барчага бахт ато қилсин,
Раҳийму ҳам Раҳмон Ялдо тунида.

Маҳмуд ҲАСАНИЙ

-------------
¹Ёқути аҳмар - қизил ёқут, бу ерда тарвузнинг қизил эти назарда тутиляпти.
² Ал-амон - омонлик беринг, қутқаринг, деб дод солиш.

@Uzbekxonim

213 0 5 8

Oʻzbekoyim

19 Dec, 17:43

Forward from: MA'RIFAT TARG‘IBOTCHILAR JAMIYATI

02:18

Video is unavailable for watching

Show in Telegram

#Tavsiya_etamiz

📚 Tarix fanlari bo'yicha falsafa doktori Hilola Nazirova yozuvchi Xondamir Qodiriyning “Turkistonda ocharchilik, qahatchilik yut” asarini tavsiya etadi.

📘 Kitobda XIX asr oxirida Turkiston o'lkasida chop etilgan gazetalarda fanga hali ham ma'lum bo'lmagan ocharchilik, inqiroz holati, mustaqillik haqidagi maqolalar to'plangan, chor Rossiyasi va bolsheviklar hukmronligi davrida Turkiston xalqining og'ir hayoti, jadid-ma'rifat harakati, Turkiston bilan Janubiy Kavkaz, Ozarbayjon o'rtasidagi aloqalar o'z aksini topgan.

Asarda tasvirlangan Turkiston o'lkasida ro'y bergan mudhish voqealar bugungi yoshlarimiz uchun ham ayni ibratdir.
Manba: Gazeta.uz

Rasmiy sahifalarimiz👇
Telegram | Instagram | Facebook | YouTube

145 0 2 2

Oʻzbekoyim

18 Dec, 06:44

Forward from: OYINA.UZ

Markaziy Osiyoning eng sermahsul tarjimoni – Ogahiy faoliyatiga chizgilar

19 ta tarjima asarining 3 tasi hozirgacha topilmagan.

Batafsil: https://oyina.uz/uz/article/3301

Rasmiy sahifalarimiz👇

Telegram | Instagram | X | YouTube

158 0 1 7

Oʻzbekoyim

11 Dec, 20:07

Forward from: Mutolaa

📢 Yilning eng kutilgan kechasi - "Qo'rboshilar qo'shig'i" she'riyat spektakliga marhamat!

🎙️ She’riyat va adabiyotga oshufta qalblar uchun, O‘zbekiston Yoshlar ishlari agentligining “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” teatrlashtirilgan kechasini taqdim etadi.

➡️ Dastur bosh qahramoni: yosh va iste'dodli shoir Najmiddin Ermatov

➡️ Dastur mehmoni: taniqli aktyor va shoir Erkin Bozorov

🔖 So‘z va adabiyot muxlislarini 12-dekabr (kuni) soat 18:00 da O‘zbekiston Milliy kutubxonasida kutib qolamiz.

👇 Ro’yxatdan o’tish uchun:
https://forms.gle/JXuWztq9yywF8wbNA

👤 Yilning eng eksklyuziv tadbirini aslo o'tkazib yubormang!

Telegram | Instagram | YouTube

248 0 3 7

Oʻzbekoyim

10 Dec, 18:09

Forward from: New Uzbekistan University | Yangi O'zbekiston Universiteti | Янги Ўзбекистон Университети

Talabalarimiz ko‘plab yutuqlarga erishib kelishmoqda

💫 “Yangi O‘zbekiston” universiteti yoshlari yil davomida ko‘plab tanlovlarda munosib ishtirok etib kelishmoqda.

💥 Yaqinda o‘tkazilgan President Tech Award tanlovida Mikro-SaaS va AdTechdagi texnologik yechimlar yo‘nalishida universitet talabalari tomonidan ishlangan OYGUL dasturi birinchi o‘rinni oldi.

✅ Shuningdek, talabalarimiz Zakovat, Shaxmat va turli sport o‘yinlarida faxrli o‘rinlarni egallashmoqda.

⚡️ Bu haqida bugungi anjumanda Yoshlar masalalari va ma'naviy-ma'rifiy ishlari bo‘yicha prorektor Hilola Nazirova xabar berdi.

🔁 English
➖➖➖➖➖➖➖➖➖➖➖➖➖
#matbuot_anjumani

⬇️ Biz ijtimoiy tarmoqlarda:
Veb-sayt | Telegram | Instagram | Facebook

195 0 0 12

Oʻzbekoyim

6 Dec, 19:40

#konferensiya
#universitet

Turkmanistonda Davlat Muhammad Ozodiy nomidagi jahon tillari universitetining I xalqaro “Xorijiy tillarni o’qitishda innovatsiyalar va metodlar” nomli ilmiy-amaliy konferensiyasida ishtirok etib keldim. Ushbu konferensida 30 ga yaqin xalqaro ekspertlar ishtirok etyapti, shu jumladan, o’zim “Yangi O’zbekiston” universitetini prorektori sifatida universitetimizda ingliz tilining o’qitilishi haqida ma’ruzam bilan qatnashdim.
Boshqa bir qator xorijiy davlatlarda, xususan, Germaniya, Angliya, Rossiya, Janubiy Koreya, Xitoy, Tailand va qo’shni mamlakatlarda ingliz tilini o’qitish metodikalari bo’yicha turli ma’ruzalar bo’lib o’tdi.
Qiyoslash natijasida, “Yangi O’zbekiston” universitetida ingliz tilini o’qitish, ingliz tilida ta’lim berish ancha yuqori darajada ekaniga amin bo’lib, Turkmanistonda ham bu sohada turli innovatsion metodlar qo’llanilishiga guvoh bo’ldim.

Turkmanistonga har safar kelganimda bir narsaga qoyil qolaman, ya’ni ularning milliy qadriyatlarni qanchalik asrab-avaylashlariga.
Yana bir jihati, kadrlar masalasida Turkmaniston ancha yosharibdi, universitet prorektori 31 yosh ekan.

Konferensiya yalpi seminar, ma’ruza va mahorat darslari bilan boshlandi. Universitet qoshida “Oltin meros” tashkiloti bo’lib, talabalar tomonidan yuritilar ekan. Ma’ruzalardan so’ng 2 soat davom etgan konsertda talabalarning professional chiqishlarini alohida e’tirof etish kerak.

Postning davomi bor…

@Uzbekxonim

202 0 4 12

Oʻzbekoyim

3 Dec, 09:06

Forward from: Uzdiplomat | Расмий канал

❗️️ Ўзбекистонлик аёл дунёнинг "100 нафар аёли" рўйхатига кирди

BBC 2024 йил учун дунёнинг 100 нафар илҳомлантирувчи ва таъсирли аёллар рўйхатини эълон қилди. Рўйхатда тинчлик бўйича Нобел мукофоти совриндори Надя Мурад, актриса Шэрон Стоунлар қаторида ўзбекистонлик тадбиркор Дилором Йўлдошева ҳам ўрин олди.

Икки йил аввал Дилором Йўлдошева бахтсиз ҳодиса оқибатида иккала оёғини йўқотган. Фалокатга қарамай, у умидсизликка тушмади ва ўзининг тикувчилик бизнесини очди. У ишчилар ва мактаб ўқувчилари учун кийим тикиш бўйича шартномалар тузиб, ўзи ва ўнлаб бошқа аёлларни даромад билан таъминлаган.

BBC'нинг "100 нафар аёл" лойиҳаси шуни кўрсатмоқдаки, дунёнинг турли бурчакларидаги аёллар дуч келаётган барча қийинчиликларга қарамасдан, уларнинг кўпчилиги ўз зиммасига етакчилик вазифасини олиб, жамиятдаги ўзгаришлар учун курашишни давом эттирмоқда.

Аввалроқ Адлия вазирлиги томонидан аёл тақдири ҳақида филм суратга олинганди.

Telegram | Instagram | You Tube | Facebook | X

235 0 1 7

Oʻzbekoyim

1 Dec, 16:44

#bayram_qutlıqlawı

Sen bar bolsań, qaraqalpaq bar bolar,
Ala moynaq duwtardaǵı tar bolar,
Sen bar bolsań hawazımız máńgilik,
Hár perzentiń qatardaǵı nar bolar.

Búgin 1-dekabr qaraqalpaq tiline Mámleketlik til statusı berilgenine 35 jıl toldı!

Qaraqalpaq tili ózbek tili menen bárqulla tıǵız baylanısqan. Eki til arasındaǵı uqsaslıq olardıń bir tamırdan ekenligin bildirse, ayırmashılıqlar hár eki tildiń óz tariyxına ie ekenliginen dárek beredi.
Qaraqalpaq xalqı dóretiwshi xalıq. Olar ádebiyatımızǵa Ajniyaz, Berdaq sıyaqlı sawlatlı aqınlardı, Ibrayım Yusupov, Tólepbergen Qaipbergenovlar sıyaqlı "Ózbekstan Qaharmanı"n usındı. Olardıń shıǵarmalarında qaraqalpaq xalqınıń arzıw-nietleri, tariyxı, keleshegi, qaraqalpaq xarakterin qanshelli kóresek, tiliniń mazalılıǵın, baylıǵın hám shın júrektenligin sonsha sezemiz.

Solay eken, búgingi kún barlıq qaraqalpaq tilli hám qaraqalpaqsever insanlarǵa múbárek bolsın!

Húrmet penen, “Yangi O’zbekiston” universiteti Jaslar máseleleri hám ruwxıy-aǵartıwshılıq isler boyınsha prorektorı Hilola Nazirova

@Uzbekxonim

204 0 0 7

Oʻzbekoyim

30 Nov, 17:24

Forward from: New Uzbekistan University | Yangi O'zbekiston Universiteti | Янги Ўзбекистон Университети

01:54

Video is unavailable for watching

Show in Telegram

“Yangi Oʻzbekiston kubogi” musobaqasi muvaffaqiyatli oʻtkazildi

⚽️ Universitetimiz tashabbusi bilan 25-29-noyabr kunlari bir qancha oliygohlar oʻrtasida futbol musobaqasi oʻtkazildi.

💥 Musobaqa chinakamiga shiddatli, va bahs-munozaralarga boy oʻtdi.

⚡️ Oʻzi tahsil oluvchi oliygoh nomini oqlash uchun maydonda harakat qilgan har bir qatnashchi qahramondir. Barcha talabalarga omad tilab, birdamlikda harakat qilishdan toʻxtamaslikka chorlab qolamiz.

🎞 Ushbu videoda musobaqaning eng qiziqarli jarayonlaridan lavhalarni koʻrishingiz mumkin.

🔁 English
➖➖➖➖➖➖➖➖➖➖
#sport #futbol #musobaqa

⬇️Biz ijtimoiy tarmoqlarda:
Veb-sayt | Telegram | Instagram | Facebook

221 0 0 6

Oʻzbekoyim

28 Nov, 09:57

Forward from: Mikrofon ko‘targan ayol

Аёлларимиз билан боғлиқ муаммоли вазиятларда мен кўрган сабаблар...

• Кўп хотин-қизлар оила ва жамиятда кучли босим остида яшайдилар;
• Аёллар турмушда руҳий, жисмоний, маънавий, молиявий зўравонлик ва тазйиқларга дуч келадилар;
• Хотин-қизлар руҳий зўриқишларда кимга мурожаат қилишни билмайди; (1146 ишонч телефони мавжуд)
• Маҳаллий ННТ тузилмалар вазиятларда асосан аёлнинг ўзини айбдор санайди;
• Хотин-қизлар хато қилса, жамиятдаги муросасизлик туфайли унинг ошкор бўлишидан қўрқади; (ўз жонига қасд қилиш, фарзандини нобуд қилиш)
• Оилада қизлар таълимига жиддий эътибор берилмайди;
• Аксарият хотин-қизлар мактаб ва коллежда яхши таҳсил олмайди;
• Қизларни эрта турмушга бериш ҳолатлари кўп кузатилади;
• Эрта туғруқ аксарият аёллар руҳияти ва саломатлигида салбий ўзгаришларга сабаб бўлади;
• Хотин-қизларнинг ўқиш ва ишлаш, турмушга чиқишда эркин қарор қабул қилиш имкони чекланган;
• Хотин-қизлар ишга қабул қилинишда кўп дискриминацияга учрайдилар;
• Ўз эътиқодига қатъий амал қиладиган аёллар учун таълим ва иш жойи бўйича танлов имконияти кам;
• Социумга кўра, хотин-қизлар ўзини намоён этиши мумкин бўлган соҳалар бармоқ билан санарли; ( аксарияти таълим ва тиббиёт, саноат ва қишлоқ хўжалигида банд)
• Хотин-қизлар ҳуқуқни ўрганмайдилар ва қўллай билмайдилар;
• Қишлоқ жойларда инфратузилма етарли бўлмагани учун хотин-қизларнинг бўш вақтини мазмунли ташкил қилиш амалиёти деярли йўқ;
• Аксарият хотин-қизларнинг бўш вақти сериал томошасида ва интернетда ўтади;
• Қизлар билан жинсий тарбия ҳақида очиқ суҳбатлашилмайди;
• Хотин-қизлар иш ва ҳунарли бўлмагани ёки бунга рухсат ололмагани учун молиявий мустақиллиги чекланган;
• Хотин-қизлар никоҳни расмийлаштириш жараёнига бефарқ қарайдилар;
• Социумга кўра, никоҳ шартномаси ҳақида гапиришга ҳали эрта;
• Ажрим туфайли аёл ҳаётнинг бирламчи эҳтиёжларига қадар муҳтож бўлиб қолади;
• Ишсизлик ва унинг ортидан келган меҳнат миграцияси оилаларни тарқоқ яшашга мажбур этади;
• Меҳнат миграцияси туфайли айрим аёллар руҳий, жинсий, молиявий зўравонликка учрайди; (240 минг аёл чиқиб кетган)
• Аёллар ўз саломатлигини тиклаш ва назорат қилишда эркин эмаслар;
• Аёллар ажрим, алимент олиш жараёнида суд томонидан ҳаракатсизлик, ижронинг ўз вақтида бўлмаслигига дуч келади;
• 3 ёшгача фарзанди бўлган аёллар жамиятда фаол қатлам таркибига киролмайдилар(давлат боғчаси 3 ёшдан олади);
• Жамиятда гендер тенглиги бўйича саводхонлик етарли эмас;
• Хотин-қизлар билан боғлиқ ҳолатлар ОАВда ёритилаётганда, холисликка амал қилмаслик кўп кузатилади;
• Аёллар масалалари билан шуғулланувчи ННТлар ночор аёлларга хайрия уюштириш учун fundraising, crowdfunding платформасига эгамаслар, тажриба йўқ;
• Эркак ва аёл ҳуқуқлари давлат қонунлари бўйича тенг, амалда эса жамият кўпроқ эркакларга ён босади (уларнинг хатоларини кечириш ва шанс бериш маъносида) ва ҳоказо ва ҳоказо...

Аслида рўйхат янада узун. Аслида яшаш эркакка ҳам, аёлга ҳам осонмас. Шу шафқатсиз ҳаётда ҳеч йўқ аёллар бир-бирларини қўлласалар, аёл сифатида ўзларининг адашган ёки хато қилган ҳамжинсларини тушунишга уринсалар, камроқ муҳокама қилиб, кўпроқ ёрдам қўлини чўзсалар... боласини туалетга ташлайдиган, ўзини сувга отадиган, шифтга осадиган аёллар сони камаяди... Аёлни хатолар кетидан хатолар қилишга жамият сўроқ-саволи, игноридан қўрқув олиб боради.

217 0 1