OLTINSOY TUMAN KENGASHI

Bugungi kunda ekologik xavfsizlik va atrof-muhitni muhofaza qilish masalasi global darajadagi dolzarb muammolardan biri bo‘lib qolmoqda. Shu nuqtai nazardan qaraganda, Prezidentimiz tomonidan ilgari surilgan va yaqinda tasdiqlangan “2030-yilgacha bo‘lgan davrda aholining ekologik madaniyatini yuksaltirish konsepsiyasi” davlatimizning ekologik barqarorlik yo‘lida tashlagan muhim qadami bo‘ldi.

Mazkur konsepsiya aholining ekologik ongini oshirish, tabiatga mas’uliyatli munosabatni shakllantirish, yashil iqtisodiyot va ekologik ta’limni rivojlantirish borasidagi aniq maqsad va yo‘nalishlarni o‘z ichiga olgan. Eng muhimi, bu hujjat fuqarolarning, ayniqsa, yosh avlodning ekologik tarbiyasiga tizimli yondashuvni taʼminlashni nazarda tutadi.
Konsepsiyada belgilangan vazifalar – “Yashil maktab”, “Yashil bog‘cha”, “Yashil universitet” kabi loyihalarni amalga oshirish orqali ekologik madaniyatni jamiyat hayotining barcha jabhalariga singdirish imkonini beradi. Bu esa nafaqat ekologik muammolarni bartaraf etishga, balki kelajak avlod uchun sog‘lom va yashnayotgan muhitni yaratishga xizmat qiladi.
Deputat yordamchisi sifatida ushbu qarorni to‘liq qo‘llab-quvvatlayman va uni amaliyotga joriy etishda, joylardagi aholi bilan bevosita ishlash orqali, ekologik bilimlarni targ‘ib qilishda faol ishtirok etishga tayyorman. Bugungi islohotlar jarayonida har bir fuqaroga ekologik mas’uliyat yuklanmoqda. Endilikda bu masala faqat ekologlar yoki davlat organlarining emas, balki har birimizning kundalik hayotimizning ajralmas qismiga aylanishi zarur.
Zero, atrof-muhitni asrash – Vatanni asrashdir!

O‘zbekiston Respublikasi Prezidentining “2030-yilgacha bo‘lgan davrda aholining ekologik madaniyatini yuksaltirish konsepsiyasini tasdiqlash to‘g‘risida”gi qarorining mazmun mohiyati O‘zbekiston Respublikasi Prezidentining 2025 yil 30 yanvardagi “O‘zbekiston – 2030” strategiyasining “Atrof-muhitni asrash va “yashil iqtisodiyot” yilida amalga oshirishga oid davlat dasturi to‘g‘risida”gi PF–16-son Farmoni ijrosini ta’minlash, aholining ekologik madaniyatini yuksaltirish bo‘yicha ko‘rilayotgan chora-tadbirlar samaradorligini yanada oshirish, ushbu yo‘nalishda davlat organlarining fuqarolar, nodavlat notijorat tashkilotlar va fuqarolik jamiyatining boshqa institutlari bilan o‘zaro hamkorlikdagi sa’y-harakatlarini hamda O‘zbekiston ekologik partiyasining fuqarolar ekologik bilimlarini oshirishga qaratilgan tashabbuslarini qo‘llab-quvvatlash maqsadida qabul qilingan bo‘lib, Ona zaminni asrab-avaylashga qaratilgan davlat siyosati darajasidagi safarbarlik chaqirig‘i desak mubolag‘a bo‘lmaydi.

Ushbu chaqiriq doirasida amalga oshirilishi maqsad qilingan ishlarni amalga oshirish bo‘yicha 2030 yilgacha bo‘lgan davrga mo‘ljallangan 5 ta bob, 4 ta poragraf va 18 yo‘nalishdan iborat Konsepsiya, 2025-2026 yillar uchun yo‘l xaritasi hamda 2023 yilgacha ekologik madaniyatini yuksaltirish konsepsiyasini qabul qilishdan kutilayotgan maqsadli ko‘rsatgichlari kelgusi 5 yil kesimida raqamlashtirilib, indikatori belgilanib, qaror bilan tasdiqlanganligi har bir ijro organi va fuqarolik jamiyati institutlarining vakillari uchun ham dasturilamal bo‘lib xizmat qiladi.

O‘zbekiston Respublikasi Prezidentining ushbu qarori aynan O‘zbekiston Ekologik partiyasining fuqarolarning ekologik bilimlarini oshirishga qaratilgan tashabbuslarini qo‘llab-quvvatlash maqsadida qabul qilinganligi biz partiya aьzolari va partiya elektorati vakillaridan yanada faolroq bo‘lib, ushbu qarorning ijrosi yuzasidan deputatlik va jamoatchilik nazoratining taьsirchan choralari qo‘llagan holda yondoshuvni amalga oshirishimizni talab qiladi.

⏳

Maqolalar qabuli qilish muddati 16-may