Заработок с телеграм-канала

С аудиторией от 1500 подписчиков. Подключайтесь!

Ваш доход с телеграм-канала

С аудиторией от 1500 подписчиков. Подключайтесь!

Деньги с телеграм-канала

Яндекс помогает заработать от 1500 подписчиков!

Статистика Избранное

АОКА | Сурхондарё

@AOKA_Surxondaryo

Гео и язык канала: Узбекистан, Узбекский

Категория: Telegram

Ахборот ва оммавий коммуникациялар агентлиги Сурхондарё вилояти ҳудудий бошқармаси расмий ахборот канали
Эзгу фикр, эзгу сўз, эзгу амал.

Связанные каналы | Похожие каналы

Гео и язык канала

Узбекистан, Узбекский

Категория

Telegram

Статистика

Избранное

Фильтр публикаций

Скрывать удаленные

Скрывать репосты

АОКА | Сурхондарё

1 Mar, 17:48

Табиий газ учун иситиш мавсумида белгиланган базавий меъёр 1 апрелгача узайтирилди

Аввалроқ, 1 мартдан бошлаб иситиш мавсумида табиий газ учун жорий қилинган 500 кубометрлик базавий меъёр 100 кубометрга туширилиши режалаштирилган эди.

Бироқ март ойида ҳаво ҳароратининг пасайиши ва айрим кунлари 0 даражадан паст бўлиши эҳтимоли туфайли, аҳолига қулайлик яратиш мақсадида базавий меъёрни 1 апрелгача узайтириш тўғрисида қарор қабул қилинди.

Вазирлар Маҳкамасининг тегишли қарори билан иситиш мавсуми учун белгиланган 500 кубометрлик базавий меъёр 2025 йилнинг 1 апрелига қадар узайтирилди.

🌐 https://t.me/AOKA_Surxondaryo

1.5k 0 17 3 11

АОКА | Сурхондарё

1 Mar, 16:57

00:56

Видео недоступно для предпросмотра

Смотреть в Telegram

Зироат Мирзиёева Ўзбекистонда инклюзив жамиятни ривожлантиришга кўмаклашувчи ижтимоий-жамоатчилик маконига ташриф буюрди

“Замин” фонди Васийлик кенгаши раиси хабнинг ривожланиш стратегияси, ишга жойлаштириш, инклюзив маҳалла лойиҳалари билан танишди.

🌐 https://t.me/AOKA_Surxondaryo

14.8k 14 7 5

АОКА | Сурхондарё

1 Mar, 14:57

Бойсунда янги кўприк ишга тушди

Сурхондарё вилоятининг Бойсун туманидаги Шўрсой ва Мустақиллик маҳалласини боғлайдиган янги кўприк фойдаланишга топширилди.

Шўрсой сойи устида қад ростлаган кўприкнинг узунлиги 22 метр, эни 4 метр ва баландлиги 11 метрни ташкил этади. Ҳашар йўли билан бунёд этилган кўприкни қуриш учун туман ҳокимлиги устки темир платформа ва темир таянч устунларини етказиб берди. Қолган ишларни аҳоли ҳашар йўли билан амалга ошириб, замонавий кўприкни барпо этди.

Янги кўприк Шўрсойга туташ бошқа маҳаллалар, шунингдек, машҳур “Омонхона” туризм қишлоғидан ҳам туман марказига транспорт қатновини икки ярим километрга қисқартирди.

🌐 https://t.me/AOKA_Surxondaryo

2.2k 0 7 1 6

АОКА | Сурхондарё

1 Mar, 11:09

Суд фаолиятининг рақамлашишига оид 7 та янгилик

Президент Шавкат Мирзиёев 27 февраль куни суд тизимини рақамлаштириш ва самарадорлигини ошириш бўйича йиғилиш ўтказди. Йиғилишда суд тизимини рақамлаштириш борасида муҳим масалалар муҳокама қилинди. Хусусан:

➖ Судга ариза бериш, ҳужжатларни кузатиш каби 14 та хизмат рақамлашган;
➖2024 йил 1 ноябрдан суд ҳужжатлари тўлиқ электрон шаклга ўтказилди.
➖ “Рақамли суд” концепцияси амалга оширилади, Олий суд ҳузурида Ахборот технологиялари маркази ташкил этилади;
➖ Низосиз ишлар (масалан, коммунал қарздорлик) тегишли идораларга ўтказилади;
➖ Судлар ахборот тизимларини интеграция қилиш, суд муҳокамасини тезлаштириш чоралари кўрилади;
➖ Судлар ва ҳуқуқ-тартибот идоралари ўртасида электрон маълумот алмашиш йўлга қўйилади;
➖ Судьялар малакасини, айниқса, ахборот технологиялари бўйича оширишга эътибор қаратилади.

Янги ислоҳотлар судларни халқчил, тезкор ва шаффоф қилишга қаратилган.

🌐 https://t.me/AOKA_Surxondaryo

16.8k 14 37 4

АОКА | Сурхондарё

1 Mar, 03:43

Бугун баҳорнинг биринчи куни

Кўркам кўкламнинг ҳузурбахш нафаси кўнгилларга кўтаринки кайфият бағишлайди. Бутун борлиқ уйғонади. Қир-адирларда майсалар ниш уриб чиқа бошлайди. Қиш давомида уйқуда бўлган дов-дарахт шохларида япроқлар куртакларни ёриб, қуёш нурларига талпинади. Табиат яшилликка бурканади. Боғ-роғлар гулларга кўмилади.

Баҳор - фасллар келинчаги. Бунда гул-япроқларнинг муаттар ҳиди, жонбахш елларнинг ажиб шўхлиги, уйғонган ҳаётнинг нафис нафаси қалбларни жунбушга келтиради. Дарахтлар гулга бурканади, қушларнинг оромбахш саси оламни тутади.

Тупроқ ҳидини соғинган бободеҳқон кетмонини олиб, даласига ошиқади. Ким кўчат қадаган, ким ер чопган, ким дарахт бутаган. Бошқаси ариқ қазиган. Барча-барча тириклик ташвишлари билан банд.

Баҳорнинг ва муқаддас Рамазон ойининг биринчи куни барчангизга муборак бўлсин!

🌐 https://t.me/AOKA_Surxondaryo

3.9k 2 34 1 6

АОКА | Сурхондарё

28 Feb, 19:14

02:24

Видео недоступно для предпросмотра

Смотреть в Telegram

Бугун тунда келармиш баҳор

Деразангдан мўралаб аста,
Гул юзингдан бўлиб шикаста,
Узун қишга силтаб қўлини,
Ҳам қалбингдан бошлаб йўлини,
Тўққиз ойки, елармиш баҳор,
Бугун тунда келармиш баҳор...

Қору музни сувга ғарқ қилиб,
Изғиринни буткул тарк қилиб,
Эшитгандек менинг ноламни,
Гулдастага ўраб оламни –
Тушда бошинг силармиш баҳор,
Бугун тунда келармиш баҳор...

Гўзалликни элтиб жаҳонга,
Сано айтиб ҳар ўтган онга,
Жамолингга бўлиб маҳлиё,
Истарангдан олганча зиё –
Бизга иқбол тилармиш баҳор,
Бугун тунда келармиш баҳор...

Унутилар хазонрез кузак,
Табассуминг юзингга безак.
Меҳрларинг менга оғдириб,
Ёмғирларин ерга ёғдириб,
Сувларини элармиш баҳор,
Бугун тунда келармиш баҳор...

Ҳиссиётга тўлдириб дилни,
Кенгайтириб кичик кўнгилни,
Дуоларга ижобат етиб,
Табиатни чаманзор этиб,
Бахтимиздек кулармиш баҳор,
Бугун тунда келармиш баҳор...

✍️ Масъуд Мақсудов

🌐 https://t.me/AOKA_Surxondaryo

8.2k 0 139 11

АОКА | Сурхондарё

28 Feb, 17:31

01:06

Видео недоступно для предпросмотра

Смотреть в Telegram

🔴 Тошкентда «Hotel Business Forum» 2025 бошланди

🔴 «Инновациялар ва барқарорлик: меҳмондўстлик саноатидаги янги технологиялар» мавзусида «Hotel Business Forum-2025» ўз ишини бошлади

🔴 «Hotel Business Forum-2025»: меҳмондўстлик йўналишида кадрлар тайёрлашнинг янги тенденциялари

🔴 IV Миллий меҳмондўстлик мукофоти ғолиблари тақдирланди

🌐 https://t.me/AOKA_Surxondaryo

20.6k 14 5 1 2

АОКА | Сурхондарё

28 Feb, 13:44

ФЕВРАЛЬ

Яхшилар умрига ўхшайди февраль,
Нозик куртакларни уйғотар бир-бир,
Оғир кун, ёнингда тургувчи дўстдай,
Баҳор яқин дея, бергайдир сабр.

Яхшилар умрига ўхшайди февраль,
Неча минг йилдирки умри қисқа ой.
Кўкламга етсин деб, тезроқ одамлар,
Бир кунлик умридан кечган, ҳойнаҳой...

©Ўлмасбек Самарқандий

🌐 https://t.me/AOKA_Surxondaryo

2.6k 2 26 14

АОКА | Сурхондарё

28 Feb, 12:35

#Рақамли_технологиялар_тарихи

28 февраль — “IT” мутахассислари куни

Ҳар йили 28 февраль бутун дунёда юқори технологиялар соҳасида ишлаётган “IT” мутахассислари куни сифатида нишонланади.

Сана тарихи 1956 йил 28 февралда тармоқ кабели патентланган пайтдан бошланган. Ихтиродан олдин бир нечта компьютерлар ўртасида маълумотларни узатиш жараёни катта муаммо бўлган.

🌐 https://t.me/AOKA_Surxondaryo

2.4k 0 25 4

АОКА | Сурхондарё

28 Feb, 11:10

01:34

Видео недоступно для предпросмотра

Смотреть в Telegram

#Медиасаводхонлик

❓ Дипфейклар кўпаймоқда: қандай ҳимояланиш мумкин?

⚠️ Ижтимоий тармоқларда сохта видео ва тасвирлар - дипфейклар кўпайиб бормоқда.

📌 Бир қарашда дипфейкларни аслидан фарқлаш мушкулдек, бироқ сунъий интеллект ёрдамида аниқлаш имконияти мавжуд.

🎥 Видеороликда медиа мутахассиси фейк ва дезинформациядан ҳимояланишнинг янги технологияси ҳақида маълумот беради.

🌐 https://t.me/AOKA_Surxondaryo

21.9k 10 16 1

АОКА | Сурхондарё

27 Feb, 20:40

⚡️РАМАЗОН ТАҚВИМИ — 2025

2025 йилда муборак Рамазон ойининг бошланиши 1 март кунига тўғри келади. Бу ҳақда Ўзбекистон мусулмонлари идораси тақдим этган ахборот Президент қарорида эълон қилинди.

Қарорга мувофиқ, Рамазон ойини миллий анъана ва қадриятларга мос тарзда ўтказишга доир чора-тадбирлар амалга оширилиши белгиланди.

Дуолар ижобат қилинадиган мазкур ой барча воҳадошларимиз учун хайрли ва баракотли бўлишини тилаган ҳолда Сизга фойдаси тегадиган, саҳарлик ва ифторлик вақтини билишингиз учун Рамазон тақвими эълон қилинмоқда.

❗️Ушбу тақвим Термиз шаҳри вақтига мувофиқ тузилган.

🌐 https://t.me/AOKA_Surxondaryo

4.8k 1 214 10

АОКА | Сурхондарё

27 Feb, 19:20

РАҲБАРЛАРНИНГ ОММАВИЙ ИМИЖИНИ ТАЪМИНЛАБ БЕРАДИГАН, ЛЕКИН ДОИМИЙ КАМЕРА ОРТИДА ҚОЛАДИГАН КАСБ ЭГАЛАРИ

Матбуот котиби шунақа кучга эга касб эгасики, сиз умрингизда кўрмаган, бирор марта мулоқот қилмаган, ҳатто сизнинг вилоятингизда бирор марта раҳбарлик қилмаган вазир ёки ҳокимга нисбатан сизнинг қалбингизда ишонч ярата оладиган касб эгасидир.

❗️ Унутманг! Ҳеч қайси раҳбарнинг қаердадир расми, кимгадир ёрдам бергани, қайсидир тадбирга қатнашгани шунчаки расмга олиб интернетга жойланмайди, балким ушбу расм ва видеоларнинг камера орқасида матбуот котибларининг машаққатли меҳнати турибди.

🌐 https://t.me/AOKA_Surxondaryo

31.4k 16 128 7 28

АОКА | Сурхондарё

27 Feb, 15:15

Қўшни Тожикистондан Сурхондарёга туристлар оқими кўпаяди

Тожикистон Республикасининг етакчи сайёҳлик компаниялари ва оммавий ахборот воситалари вакиллари, туризм блогерлари Сурхондарё вилоятида бўлиб, воҳанинг бой туристик салоҳияти билан яқиндан танишди.

Меҳмонлар Сариосиё туманининг диққатга сазовор жойлари, гастрономик туризм ривожланаётган тандир кабоб маркази, “Сангардак” санаторийси ва “Сангардак” шаршараси, янги барпо этилаётган “Сангардак” туризм маркази, Термиз туманидаги Ҳаким Термизий мажмуаси, “Фаёзтепа” буддавийлик ёдгорлиги, минтақамизда ягона “Термиз халқаро савдо маркази” эркин савдо зонасида бўлишди.

Учрашувда тожикистонлик туристик компаниялар қўшни давлатдан вилоятга сайёҳлар оқимини янада кўпайтириш юзасидан шартномалар тузди. Оммавий ахборот воситалари вакиллари ва туризм блогерлари воҳанинг бой туристик салоҳиятини кенг тарғиб қилишга келишди.

🌐 https://t.me/AOKA_Surxondaryo

6.2k 1 13 1 17

АОКА | Сурхондарё

27 Feb, 11:31

01:24

Видео недоступно для предпросмотра

Смотреть в Telegram

“Сиз давлат бошқарувига келган илк кунлардан бошлаб Ўзбекистонни қайтадан трансформация қилдингиз. Сиз жамиятни қайта тикладингиз.

Агар адашмаётган бўлсам, 2016 йилда Ўзбекистонда камбағаллик даражаси 42 фоиз бўлган, савдо кўрсаткичи ҳам паст эди. Бугун камбағаллик даражаси 8 фоизга тушди, инвестициялар ҳажми эса 30 миллиардга етди. Шунинг ўзи катта мўжиза эмасми?!

Бу ростдан ҳам мўжиза. Чунки бундай натижаларга баландпарвоз гаплар орқали эришилмайди ёки яхши бир кенгашни ташкил этиш билан ҳал бўлиб қолмайди. Мўжизалар аниқ қарашлар, юқори динамика, тинимсиз меҳнат ва якдил мақсад сари дадил интилиш орқали пайдо бўлади. Мен мана шундай улуғ сифатларни сизда кўрдим”.

Шаҳбоз Шариф,
Покистон Ислом Республикаси Бош вазири

🌐 https://t.me/AOKA_Surxondaryo

25.4k 15 19 7

АОКА | Сурхондарё

27 Feb, 05:59

Яхши ота-она бўлмоқчимисиз?

➖ Асабийлашманг. Сиз қанчалик мулойим ва сокин бўлсангиз, болангиз ҳам шунчалик осуда бўлиб ўсади.

➖ Алдаманг. «Овқат есанг, бувингникига олиб бораман!», дедингизми, олиб боринг ёки ундай ваъда берманг. Болага берилган ваъдани устида туриш у сизга ишониши ва талабларингизни осон бажариши учун муҳим.

➖ Урманг. Болани уришдан ёмони йўқ. Урмай туриб ҳам жазолаш, ота-она ўз гапини ўтказиши мумкин. Уриш даражасига бордингизми, демак айб сизда.

➖ Ҳар нарсани ман қилаверманг. У мумкин эмас, бу мумкин эмас, «Уни қилма, буни қилма», каби гапларни эшитаверган бола бора-бора бу гапларга эътиборсиз бўлиб қолади.

➖ Ёмон намуна бўлманг. Ўзингиз хунук сўзларни ишлата туриб болангизга «Хунук гапирма!» дея олмайсиз.

➖ Айбингизни тан олишни билинг. Бирон ишда хато қилиб қўйсангиз болангиз олдида уни тан олишга одатланинг.

🌐 https://t.me/AOKA_Surxondaryo

5.2k 1 126 1 14

АОКА | Сурхондарё

26 Feb, 19:20

• Қийин замонлар кучли инсонларни шакллантиради;
• Кучли инсонлар енгил замонларни шакллантиришади;
• Енгил замонлар кучсиз одамларни шакллантиради;
• Кучсиз одамлар қийин замонларни шакллантиришади...

Хулоса шуки, фарзандларингизнинг енгил замон кўришига йўл қўйманг! Акс ҳолда, кучсиз авлодни шакллантирган бўласиз...

🌐 https://t.me/AOKA_Surxondaryo

3.7k 1 53 7 19

АОКА | Сурхондарё

26 Feb, 14:07

“Айритом”да юк автомашинасида яширилган оғу топилди

“Айритом” чегара божхона постида қўшни давлатдан кириб келган юк автотранспорт воситаси назоратдан ўтказилганида кабина орқа ўриндиғидаги кўрпача остида рангсиз полиэтилен ўрам билан ўралган, ўткир ҳидли, тўқ жигарранг бир дона ашё борлиги аниқланди.

Ўрам очилиб, махсус электрон тарозида ўлчаб кўрилганида оғирлиги 37 грамм бўлган “гашиш” гиёҳвандлик моддаси экани маълум бўлди.

🌐 https://t.me/AOKA_Surxondaryo

3.1k 1 6 10

Показано 17 последних публикаций.

7 373

подписчиков

Статистика канала

Популярное в канале

📣 Хайрли ишга бош қўшинг, азизлар! Қабристон обод бўлса – ўтганларнинг руҳи шод, тирикларнинг эз...

“Сурхондарёда миллийлик трендда” “Миллий тренд челленжи” бўйича миллий либосларимизнинг бу галги...

РАҲБАРЛАРНИНГ ОММАВИЙ ИМИЖИНИ ТАЪМИНЛАБ БЕРАДИГАН, ЛЕКИН ДОИМИЙ КАМЕРА ОРТИДА ҚОЛАДИГАН КАСБ ЭГАЛ...

Сурхондарёда миллийлик трендда “Миллий тренд челленжи” бўйича миллий либосларимизнинг бу галги т...

❗️ Ҳуқуқий мақомимни қандай легаллаштираман? 🇷🇺 Россияда ишлаб юрган бўлсангиз ва сизни ҳам шу ...