MEDIA_NEWS | UYDA QOLING

Дадам кутилмаганда бизни ташлаб кетдилар. Ҳали кўп яшайдилар, деган фикр бор эди. Бирдан йўқотиб қўйишимни ўйлаб ҳам кўрмаган эканман. Билсам, дадам учун ўйлаб қўйган кўп ишни тезлатар эдим. Яна кўп ҳурсанд қилишга улгуриб қолар эдим. Суҳбатларини кўпроқ олиб қолган бўлар эдим..

Билсам, кўпроқ ёнларида бўлиб, бағриларига кирар эдим.

Доим келсам, бағриларига босиб, ёш боладай юзларимдан ўпардилар. Ҳалигача эркалатар эдилар. Сизлаб гапирардилар. Мен билан ғурурланишларини кўп гапирардилар.

Таъзияга келганларни кўпчилиги "даданг доим сен билан мақтанарди" деди.

Дадамни ўртоқларини кўрсам, дод деб бақиргим келяпти.

Ишонолмаяпман..

Энди 60 га киргандилар. 2 мартагина пенсия олгандилар. "Мени пенсиям баракали" деб мақтанардилар.

Невараларини доим ҳурсанд қилар эдилар. Эринмасдан чўмилгани, айлантиргани олиб борардилар.

Яқинларидан доим хабар олиб турар эдилар. Таъзияга келганларнинг кўпчилигидан шу яқин кунларда хабар олган эканлар. Доим хабар олиб турар эканлар. Қачон, қандай улгурардилар, билмайман. Вақтлари баракали эди.

Бизни бирор марта урмаганлар, сўкмаганлар. Дадамнинг оғзиларидан шу ёшимгача сўкиниш сўз эшитмаганман.

Ҳаммага яхшилик тилардилар. Биров бир нарса олса, ғайирлик қилмасдилар, ҳурсанд бўлардилар.

Қизим кечадан бери "бобом қанилар?" деяпти.... Нима дейишимни билмаяпман...

Яхши кайфиятда кун ўтказиб, аям билан ҳазил қилиб, кўтаринки кайфиятда гаплашиб, уйқуга ётиб, уйғонмадилар..

Уйғониб, Тошкентга, бизникига келмоқчи эдилар.. Ҳовлимни тартибга солиб бермоқчи эдилар..

Ҳозиргача ҳар куни эрталаб югуришга чиқардилар. Мендан тез югурардилар. Биз тенгилардан кучлари кўп эди. Бирга югуришга чиқадиган амаким айтиб бердилар: югуришга чиқиб, қўлларини дуога очиб 2 километр югуриб боргунча дуо қилар эканлар. Етиб бориб, қўлларини юзларига тортиб, яна қайтгунларича бизни дуо қилар эканлар.

Энди, дадамнинг дуоларисиз қолдим..

Дадам энди йўқлар.. Кўнглимни ҳотиржамлиги йўқ. Ҳамма нарсани дадамга ишонардим. Онамни, сингилларимни, опоқидадамни..

Уйда дардимни чиқара олмаяпман. Ҳаммани аҳволи шундоқ ҳам оғир. Уларга далда бўлишим шарт.. Аммо, ўзим дўконга чиқиш баҳонасида кўчага чиқиб, машинада ўкириб йиғлаяпман....

Ота-онаси ҳаёт бўлганлар - қадрига етинглар! Улар учун қилган режаларингизни тезлаштиринг, меникидай армон бўлиб қолмасин!

Ота-онаси оламдан ўтганлар - отангизнинг, онангизнинг жойлари Фирдавс жаннатларида бўлсин! Гуноҳларини Аллоҳ мағфират қилсин!

Дадамни ҳам Аллоҳ мағфират қилсин! Фирдавс жаннатларидан жой берсин! Қабр азобидан сақласин! Биздан рози бўлиб кетган бўлсинлар..

Инсон фарзандига отасининг, онасининг муздек пешонасини силаб йиғлаш бевақт насиб этмасин! Узоқ умр кўриб, қариб, мункиллаб қолганларида ҳам уйингизни тўлдириб ўтирсинлар...

Дадам мени бир олам армонда қолдириб кетдилар..

Мени ҳолим сизга ибрат бўлсин. Соппа-соғ дадамни бир кунда йўқотдим.. Сизларда армон қолмасин, ота-онангиз ёнига шошилинг..

Дилшод Одилов


Каналга уланиш учун линк👇
👉 @odamlar_orasida_dastur

https://fb.com/odamlarorasidadasturi

​#ОНАМГА_20_МИНГ😔😔😔

#Мардикор

Ҳовлида озгина иш бор эди, вақт тополмай мардикор олиб келадиган бўлдим. Улар тўпланадиган жойга бориб машинани тўхтатгандим, 20-30 таси бирдан ёпирилди.

Кунига саксон мингдан чиқаман, нима иш бўлсаям қилавераман, деди бир йигит.
Унинг кўзларидаги қандайдир мунг мени фақат шу йигитни олиб кетишга ундади.

Одамзот қизиқ, ўзи 100 мингларни чамалаб келаётган эдим. Шундай бўлса-да, тортишдим:
— 60 минг бераман, гап тамом.

У бир муддат жим турди-ю машинага ўтирди.
Уйга келиб кийимларини алмаштирди-да, ишни бошлади.

Ярим соатлар ўтгач бонкада совуқ чой олиб, унинг кийимлари ёнига қўяётганимда бир ёзув дафтарчасига кўзим тушди.

Ҳуснихатнинг чиройлилиги эътиборимни тортди. Унда "20.07.20. Ишим яхши бўлса, ойимга 20 минг, синглимга 20 минг, уйга 20 минг, майда-чуйдага 20 минг деб" ёзилган.

Лекин негадир “уйга 20 минг” деган ёзув устига чизиқ тортилган.😳

Демак, бу кела келгунча мендан оладиган пулини ҳисоб-китоб қилган. 60 мингга кўнмаса, ишсиз қолишини ўйлаб, айтганимга рози бўлган. Кейин оладиган пулининг уйга ишлатадиган қисмини ўчирган.

Одамлар бор, жарақ-жарақ пул топади, аммо синглиси ё опаси тугул туққан онасини ҳам бир йўқламайди.

Акалик, укалик, фарзандлик бурчини унутиб қўйган баъзилар эса давраларда ҳеч кимга гап бермайди, лекин суриштирсанг нечта ака-укаси борлигини ҳам эсидан чиқарган бўлади.

Шулар ҳақида ўйларканман, ҳалол меҳнати билан топадиган пули арзимас бўлса ҳам оқибатни унутмаган мардикор йигитга тан бердим.

Тан бериш билан қорин тўярмиди?

Ишни тугатгач, укамизга жуда яхши ишладингиз, ҳовлимни гулдай қилиб қўйдингиз, раҳмат, деб икки ҳисса пул бердим. У аввал унамади.

Энди фақат сизни опкеламан, қўлингиз гул экан, деганимдан сўнг рози бўлди, чеҳрасидаги мунг тарқагандай бўлди. Ва дуо қилди.

Қалби соф, ҳалол, содда одамларнинг бундай дуоларидан кейин яйраб яшайсан...

Мақсуд Жонихонов 👇

https://telegram.me/joinchat/AAAAAEC3FZ6kdZ99w4BwBg