Xushnudbek.uz

Toshkentdagi “Qo‘qon” podstansiyasida yong‘in sodir bo‘lgani natijasida Mirobod va Yakkasaroy tumanlari elektr ta’minotida uzilish kuzatilayotgan edi.

Ushbu nosozlik sabab bir necha nasos stansiyalari elektr ta’minotidan uzildi. Buning natijasida Yashnobod, Yakkasaroy, Mirobod tumanlaridagi ayrim aholi massivlarida suv chiqmayapti (ro’yxat bu yerda).

Shuningdek, ta’mirlash ishlari tufayli bugun, 8-iyun kuni Toshkent shahrining Yashnobod, Bektemir va Chilonzor tumanlari hududidagi qisman aholi yashash xonadonlarida elektr energiyasi soat 10:00 dan 18:00ga qadar vaqtincha oʻchirildi (ro’yxat bu yerda).


👉 @xushnudbek 👈

❗️Bugun oxirgi kun: abituriyent xotin-qizlar uchun tavsiyanoma olishga arizalar qabuli bugun tugaydi
#abituriyent

🌐 Arizalar xotin-qizlar.uz platformasi orqali elektron shaklda qabul qilinadi.

👩‍🎓 Ehtiyojmand oilalardagi xotin-qizlarga tavsiyanoma quyidagi mezonlar asosida beriladi:

➖ kam ta’minlangan oilalardagi xotin-qizlar. Oilaning har bir a’zosiga jami bir oylik o‘rtacha daromad minimal iste’mol xarajatlari miqdoridan oshmaganda kam ta’minlangan deb e’tirof etil tushuniladi;

➖ to‘liqsiz oilada tarbiyalanayotgan, ya’ni otasi yoki onasi yoxud ularning ikkalasi ham vafot etgan ijtimoiy himoyaga muhtoj qizlar;

➖ turmush o‘rtog‘i vafot etgan, voyaga yetmagan farzandini yolg‘iz tarbiyalayotgan ijtimoiy himoyaga muhtoj ayollar;

➖ nogironligi bo‘lgan farzandi bor ehtiyojmand oilalardagi xotin-qizlar;

➖ ikki va undan ortiq farzandlarini tarbiyalayotgan, boshqa qarindoshlaridan alohida (ijarada) yashayotgan ijtimoiy himoyaga muhtoj yolg‘iz ayollarning qiz farzandlari;

➖ ota-onalaridan biri yoki har ikkisi ham birinchi yoki ikkinchi guruh nogironi bo‘lgan ehtiyojmand oilalardagi xotin-qizlar.

✅ Tavsiyanoma yuqoridagi mezonlarga mos kelgan ehtiyojmand oilalardagi BARCHA talabgor xotin-qizlarga beriladi, soniga cheklov yo’q.

⏳5 yil stajga ega xotin-qizlar uchun 500 ta kvotaga tavsiyanoma 3 yilga, ehtiyojmand xotin-qizlar uchun 2 mingta kvotaga tavsiyanoma esa 1 yilga beriladi. Bir kishi ikkala tavsiyanomani olishi ham mumkin, shartlariga to’g’ri kelsa bo’ldi.

❗️ESLATMA: o’tgan yili ehtiyojmand xotin-qiz sifatida tavsiyanoma olganlar yana qayta ariza yuborishlari kerak. Ularning tavsiyanomasi 1 yillik bo’lgani uchun joriy yilda o’tmaydi.

‼️ Tavsiyonoma berildi degani, o’qishga kirdi, degani emas. Tavsiyanoma olganlar orasida yuqoriroq ball olish ham talab etiladi. Ko’pchilik tushunmasdan “meni tavsiyanomam bor edi, lekin nega o’qishga qabul qilinmadim” deb e’tiroz bildiradi.


👉 @xushnudbek 👈

18 yoshga to‘lmagan shaxslarga “sudlanganlik” maqomi bermaslik haqidagi qonun loyihasi ko’rib chiqilayotgan ekan.

Ya’ni 18 yoshga to’lmagan shaxs sodir etgan jinoyati uchun jazoni o‘tab bo‘lganidan so‘ng sudlanmagan deb hisoblanadi. Birgina istisno, bu qoida o’ta og’ir jinoyatlarga taalluqli emas.

Shuningdek, voyaga yetmagan shaxsga nisbatan tayinlanadigan ozodlikdan mahrum qilish jazosining eng kam muddatini 1 oyga tushirish taklif etilgan. Hozirda bu muddat 6 oyni tashkil qiladi.


👉 @xushnudbek 👈