Koronavirusinfouz

❗️Коронавирус оғир кечишининг яна бир сабаби аниқланди

Бостон болалар шифохонаси ходимлари Массачусетс технология институти ва Миссисипи университетининг тиббиёт маркази экспертлари билан ҳамкорликда 35 нафар ковид-беморнинг бурун йўлидан олинган намуна устида тадқиқот ўтказишди. Ушбу иш натижалари «Cell» журналида эълон қилинди.

Олимларга кўра, бурун-томоқ йўли таҳлиллари қон намунасига асосланган тадқиқотларга қараганда самаралироқ.

SARS-CoV-2 юққанида нафақат бурун, балки томоқдаги эпителиал ҳужайралар ҳам жиддий ўзгаришларга учрайди, дейишмоқда муаллифлар. Мисол учун, COVID-19 енгил ва ўртача кечаётган беморларда ушбу ҳужайралардаги вирусга қарши реакцияга жавоб берувчи генлар фаоллашган.

Касаллиги оғир беморларда эса, аксинча, вирусга қарши реакциялар эпителиал ҳужайраларнинг интерферонга қарши кучсиз реакцияси сабабли сустлашган. Уларнинг бурун йўлидан олинган намуналарда макрофаглар ортиқча миқдорда пайдо бўлган ҳамда яллиғланиш реакциялари кучайган бошқа иммун ҳужайралар топилган.

Тадқиқотчилардан бири Хосе Ордовас-Монтаньеснинг айтишича, иммун тизимининг фаолиятини тартибга солиш имконини берувчи интерферонга нисбатан кучсиз реакция одамларни нафақат коронавирус, балки бошқа инфекциялар қаршисида ҳам ожиз қилиб қўяди.

Энди олимлар мазкур реакция сабабини аниқлаштириб, уни назал спрейлар ва томчилар ёрдамида кучайтириш имкониятларини ўрганишмоқчи.

👉🏻 @koronavirusinfouz

“Коронавирусга чалиниб, карантинга олинган фуқаролар ҳам президент сайловида овоз беради” — Зайниддин Низомхўжаев

23 июль куни Ўзбекистонда президент сайлови кампаниясига старт берилди. Сайлов 24 октябрда бўлиб ўтади.

«Сайлов комиссиясининг икки аъзоси тиббиёт ходими иштирокида махсус кийимлар билан тиббиёт муассасаларига, саралаш марказларига бориб, карантин талаблари ва йўриқнома қоидалари асосида беморларнинг ҳуқуқлари таъминлайдилар.

Карантин туфайли ўз уйида даволанаётган инсонларга ҳам қулайлик яратиш мақсадида уларнинг уйларига бориб, кўчма қутилар билан овоз бериш ҳуқуқлари таъминланади. Сайловга овоз бериш куни арафасидаги эпидемиологик вазиятга қараб иш тутилади», – деди Марказий сайлов комиссияси раиси Зайниддин Низомхўжаев.

👉🏻 @koronavirusinfouz

❗️Санитария-эпидемиологик осойишталик ва жамоат саломатлиги хизмати раҳбари ўринбосари Нурмат Отабеков Ўзбекистонда нима сабабдан қаттиқ карантин чоралари ўрнатилмаётгани бўйича изоҳ берди

«Аҳоли ўртасида мамлакатимизда қаттиқ карантин чоралари ўрнатилмаётгани юзасидан айрим эътирозлар келиб чиқмоқда. Шу ўринда айтишим мумкинки, мамлакатимиз аҳолисининг иқтисодий ҳолатини ҳисобга олиб ҳамда пандемия ҳолатида ҳам иш жараёнини тўхтатмаслик учун айрим чекловларга қўллаган ҳолда қаттиқ карантин ўрнатилмаяпти. Албатта, бу эътиборсиз бўлиш керак дегани эмас. Пандемик ҳолат ҳали юмшаганича йўқ», — дейди Отабеков.

👉🏻 @koronavirusinfouz

⚡️Ходимларини тўлиқ эмлаган кафе-ресторанларга 20:00дан кейин ҳам ишлашларига рухсат берилиши мумкин

Коронавирусга қарши курашиш штаб аъзоси Ботир Қурбоновнинг айтишича, ўз ходимларининг эмланишини етарлича таъминлаган ошхона, кафе, ресторанларга чекланган муддатдан ташқари ишлашларига рухсат берилиши мумкин. Бу дегани, агар жамоаси тўлиқ эмланган бўлса, соат 20.00дан кейин ҳам бироз муддатга узайтириш мумкин бўлади.

Эслатиб ўтамиз, Республика махсус комиссияси бу жараён қандай бўлиши ҳақида аниқ тартибни ва муддатини ҳали эълон қилгани йўқ.

👉🏻 @koronavirusinfouz

⚡️Исроил дунёда биринчи бўлиб коронавирусга қарши капсула шаклидаги вакцинани яратди ва унинг клиник синовларига ҳозирлик кўрмоқда.

Синовлар Соғлиқни сақлаш вазирлиги томонидан тасдиқланган заҳоти Сураски номидаги тиббиёт марказида бошланади. Бу яқин ҳафталар ичида юз бериши кутилмоқда.

Синовда ҳали эмланмаган 24 нафар кўнгилли иштирок этади. Уларнинг ярми битта капсуладан, қолганлари эса иккита дозадан препарат қабул қилишади. Тадқиқот олти ҳафта давом этади.

👉🏻 @koronavirusinfouz

Ўзбекистонда аҳоли орасида ўзбек–хитой вакцинаси — «ZF-UZ-VAC2001» билан эмлангандан сўнг коронавирусга чалиниш ҳолатлари кузатилмоқда

Санитария-эпидемиологик осойишталик ва жамоат саломатлиги хизмати, вакциналар ва иммунопрофилактика бўлими бошлиғи Дилором Турсуновага кўра, ҳозирда коронавирус билан эмлангандан сўнг вирусни юқтирмасликка 100 фоиз ишонч билан жавоб бериш қийин. Бироқ айнан эмланган фуқаролар касаллик аломатларини енгил ўтказаётгани қайд этилган.

Таъкидланишича, «ZF-UZ-VAC2001» вакцинаси билан эмланган фуқаролар орасида вирусни юқтириш ҳолатлари тахминан 0,004 фоиз аҳоли орасида аниқланган.

«Асосан вакцинанинг 1-дозаси билан 2-дозасининг оралиғида эмланган фуқароларда вирусни юқтириш ҳолатлари кузатилди. Бироқ 3-дозани қабул қилган аҳоли ўртасида вирусга чалинганлар деярли қайд этилмади», — дейди Дилором Турсунова.

👉🏻 @koronavirusinfouz

Тиббий ниқобсиз юрган фуқаролар шу пайтгача камида 279 млрд сўмдан зиёд жарима тўлашган

Ўзбекистонда коронавирусга чалинган илк бемор аниқланиши ортидан жорий этилган карантин чекловлари даврида 1 млн 139 минг 872 нафар шахс тиббий ниқоб тақмагани учун жарима тўлаган.

Ҳудудлар кесимида бу борада энг кўп қоидабузарлик Тошкент вилояти (215764 та), Тошкент шаҳри (163383 та) Самарқанд (109205 та) ва Фарғона (161879 та) вилоятларида кузатилган. Энг кам кўрсаткич Қорақалпоғистон Республикаси (30534 та), Хоразм (29209 та) ва Навоий (22346 та) вилоятларида қайд этилган.

Тиббий ниқоб тақмагани учун 2020 йил 16 мартдан 2021 йил 18 июлгача Қашқадарёда – 80833, Наманганда – 79270, Сурхондарёда – 58807, Андижонда – 56544, Сирдарёда – 50748, Бухорода – 42948, Жиззахда – 38402 нафар шахс жарима тўлаган.

👉🏻 @koronavirusinfouz

❗️Коронавирусдан вафот этганлар ва пневмония ҳолатлари кўпайди

2021 йил 6 июль ҳолатига кўра, Ўзбекистонда коронавирус инфекцияси қайд этилганлар сони 114039 (+471) нафарни ташкил этмоқда.

Бундан ташқари, кеча кун давомида 195 нафар кишида пневмония аниқланди. Шунингдек, 4 нафар коронавирусга чалинган бемор вафот этиб, касалликдан вафот этганлар сони 758 нафарни ташкил қилди.

👉🏻 @koronavirusinfouz

❗️Ўзбекистонда коронавирусга қарши мажбурий эмлашни жорий қилишга чақириқлар янграй бошлади

Ўзбекистонда расмий доираларда коронавирусга қарши эмлашни мажбурий қилиш тўғрисида фикрлар янграй бошлади.

Масалан, Санитария-эпидемиология хизмати бошлиғининг ўринбосари, тиббиёт фанлари доктори Нурмат Атабеков аҳолини мажбурий эмлаш амалиётини жорий қилишни тўғри, деб ҳисоблайди.

Депутат Расулбек Кушаербаев эса касалликка қарши оммавий эмлашни ҳам ихтиёрийликдан мажбурийликка ўтказиш кераклигини, шунда кутилган натижага тезроқ эришилишини қайд этган.

👉🏻 @koronavirusinfouz

⚡️ Ўзбекистонда барча турдаги оммавий тадбирлар тўхтатилди

Республика махсус комиссияси томонидан очиқ майдонлар ёки ёпиқ мажмуаларда бўлишидан қатъи назар, юртимизда барча турдаги оммавий байрам тадбирлари, спорт мусобақалари, шунингдек, концерт, фестиваль, театр ва кино дастурлари вақтинча тўхтатилиши белгиланди.

Спорт турлари бўйича мусобақаларни мухлисларсиз ўтказишга рухсат берилди.

👉🏻 @koronavirusinfouz