Микробиология

👨‍🔬Bo'lajak olimlar va tadqiqotga qiziquvchi bakalavr talabalari uchun ajoyib imkoniyat

Agar siz tibbiyot, biologiya, genetika, biotexnologiya va biotibbiyot, biokimyo, farmakologiya, odam fiziologiyasi, mikrobiologiya, immunologiya va anatomiya sohasi bakalavr talabasi bo'lsangiz bu siz uchun foydalim imkoniyat.

Xalqaro Amgen fondi va Harvard Universiteti hamkorligida jahonning top universitetlari ilm-fan laboratoriyalarida 2 oylik tadqiqot-o'qish dasturini taklif qiladi.

O'zbekiston talabalari uchun Osiyoning top universitetlari sifatida Tokyo Universiteti, Singapur Milliy Universiteti, Kyoto Universiteti va Tsinghua Universitetlari (Xitoy) o'z eshiklarini ochadi.

Tadqiqot olib borish vaqti Iyunning ilk haftasidan Avgustning ilk haftasigacha.

Yo'l kira va viza harajatlari, turar-joy va yashash uchun stipendiya harajatlarining barchasi Amgen fondi va universitet tomonidan qoplanadi. Hujjatlar 1 fevral, 2025 ga qadar qabul qilinadi.

Ma'lumot o'rnida aytib ketsam. Amgen fondi biotibbiyot tadqiqot fondi bo'lib insoni kasalliklarini davolash dorilari va texnologiyalarini ishlab chiqarish, olimlarni qo'llab quvvatlash bilan shug'ullanadi.

Doimgidek, iltimosim agar sizga bu imkoniyat taqdim etilsa, borgach oqilona foydalaning, o'zbek talabalari haqida iliq taasurot qoldiring. Tashkilotchilar sizni fanga intiluvchi va tirishqoq inson sifatida eslab qolishsin.

Bu postni shu soha talabalari bilan ulashishni unutmang. Link bu yerda:
https://amgenscholars.com/asia-program/

Kanalimga a'zo bo'lishni ham unutmang:

t.me/research1uz

Bilasiz kanalimda yosh, tadqiqotlarga qiziquvchi talabalar uchun imkoniyatlar haqida ham yozib turaman. Ana shunday post

Biologiya, umumiy amaliyot shifokorligi, tibbiy biologiya/biotibbiyot talabalari uchun yaxshi imkoniyat. Nufuzli Lausanne (Lozan) Universitetidan (Shveysariya, shundoqqina Jeneva ko’lining yonida joylashgan) bakalavr talabalari uchun yozgi ilmiy tadqiqot loyihasi. Tadqiqot atmosferasiga tushish va o’z qo’llaringiz bilan tadqiqotlarni o’rganish uchun ajoyib imkoniyat.

Davomiyligi 2025 yil 7 Iyuldan 28 avgustgacha. Yashash uchun joy, harajatlar uchun taxminan 2000$, yo’l harajatlari uchun ~1500$ taqdim qilinadi. Kamchiligi bu pullar sizga loyiha yakunida beriladi, ungacha siz o’zingizning mablag’ingizni ishlatib turishingizga to’g’ri keladi.

Talablar: siz 2-3 kurs bakalavr talabasi bo’lishingiz kerak. Baholaringiz ball tizimida 90-92% bo’lishi kerak, ya’ni faqat a’lo baholar, ikkita professordan tavsiya xati.

Qiziq yo’nalish, laboratoriyalar va qo’shimcha ma’lumotlarni linkdagi saytdan toping:
https://www.unil.ch/eb-sur/en/home.html

Muhim holatni eslatib o’tay. 10 yilcha avval bir o’zbek talabasi bu loyihaga taklif qilingan, lekin u loyiha tashkilotchilarida yomon taasurot qoldirgan. U laboratoriyada bo’lish va tadqiqotlarda qatnashish o’rniga sayohat va aylanishni ma’qul ko’rgan. Hamkasbim tashkilotchilar bilan gaplashganda unga o’sha talabadan keyin o’zbek talabariga ishonchimiz kamaygan deb aytishgan. Shuning uchun iltimos, agar sizga bu loyihada stipendiya taqdim etilsa o’zingizni yaxshi tomondan ko’rsating, tadqiqotlarda faol bo’ling. Chunki sizga qarab ular boshqa o’zbek talabalari haqida xulosa qilishadi.

Bu postni biologiya, biotibbiyot va shifokor talabalarga yuborib qo’ying. Kanalim havolasi bilan ulashishni ham unutmang

t.me/research1uz