Соғлиқни сақлаш вазирлиги | Вакцина – ягона чора!

❗️ЖССТ: Сўнгги йилларда дунёда вабо эпидемияси авж олмоқда

📈 Жаҳон соғлиқни сақлаш ташкилотининг янги ҳисоботига кўра, ўтган йили дунёда вабога чалиниш ҳолатлари сезиларли даражада ошди.

📊 Хусусан, 33 мамлакатда яшовчи 805 мингга яқин кишига ушбу касаллик ташхиси қўйилган. Беморлардан 5 минг 800 нафардан зиёди эпидемия туфайли ҳаётдан кўз юмган. Хавотирли жиҳати, бу 2023 йилдагига нисбатан қарийб 100 мингтага, 2022 йилга қиёслаганда эса 340 мингтага кўпдир.

📍 Юқори ўсиш динамикаси асосан Шарқий Ўрта ер денгизи минтақасида қайд этилган. Жумладан, Яман бу борада етакчилик қилди: мамлакатда ўтган йили 260 мингдан ортиқ янги касалланиш ҳолатлари рўйхатга олинган.

🔎 Шунингдек, Африка давлатларида ҳам эпидемия тарқалиши авж олган: Суданда 51 минг, Конго Демократик Республикасида 31 минг, Эфиопияда 27 минг ва Нигерияда 24 минг нафардан ортиқ кишида вабо аниқланган.

💉 Экспертлар хулосасига кўра, бу касалликни жиловлаш мумкин. Бироқ фармацевтика компаниялари паст рентабеллик туфайли вабога қарши вакциналар ишлаб чиқаришни деярли тўхтатиб қўйган.

➡️ Чунки аксарият вабо ўчоқлари энг қашшоқ мамлакатларда аниқланяпти. Табиийки, улар бундай ҳимоя воситаларини катта миқдорда харид қилишга қодир эмас.

‼️ Қолаверса, тоза ичимлик суви таъминоти, санитария ва гигиена қоидаларига амал қилиш вабо эпидемиясини тўхтатишнинг ягона ечими бўлиб қолмоқда.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

⚡️ТАЙИНЛОВ

✅ Тегишли буйруққа кўра, Кадиров Рустам Надирович Республика шошилинч тиббий ёрдам илмий маркази (РШТЁИМ) Самарқанд вилояти филиали директори этиб тайинланди.

🔎 Р. Кадиров 2002 йил Самарқанд давлат тиббиёт институтини тамомлаган. 2002 — 2004 йилларда клиник ординатура бўйича таҳсил олган.

➡️ Турли йилларда РШТЁИМ Самарқанд вилояти филиали шифокор-эндоскописти, қабул-диагностика бўлими мудири, Академик В. Воҳидов номидаги Республика ихтисослаштирилган хирургия илмий-амалий тиббиёт маркази шифокор-эндоскописти бўлиб ишлаган.

📌  У тайинловга қадар
РШТЁИМ Самарқанд вилояти филиали лаборатория-диагностика бўлими мудири сифатида фаолият кўрсатиб келаётган эди.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❓Болалар кам инвазив хирургияси: Бу йил ҳудудларда қандай юқори технологик амалиётлар йўлга қўйилади?

✅ Сўнгги йилларда мамлакатимизда аҳолига малакали тиббий ёрдам кўрсатиш бўйича амалга оширилаётган ислоҳотлар ўз самарасини бермоқда.

🩺 Хусусан, соҳага илғор инновацион технологиялар, замонавий ташхислаш ва муолажа усуллари кенг татбиқ этилиши натижасида тиббиёт халққа янада яқинлашяпти.

💬 — Авваллари фақат республика тиббиёт муассасаларида бажарилган операциялар эндиликда вилоят, ҳатто, туман даражасида йўлга қўйилмоқда, — дейди Республика болалар кам инвазив ва эндоскопик хирургия илмий-амалий маркази директори Бобир Абдусаматов. — Ҳолбуки, яқин-яқингача беморларимиз юқори технологик операциялар учун вақт ва катта маблағ сарфлаб, хорижга ёки пойтахтга келишга мажбур эди.

📍 Охирги 3 йилда 20 нафар болалар жарроҳи Россия, Беларусь, Германия, Туркия, Жанубий Корея давлатларида, 300 нафар маҳаллий мутахассис пойтахтда малака оширди.

🔬 Марказда 10 турдаги, вилоятларда 8 турдаги, туман шифохоналарида 4 турдаги янги даволаш ва диагностика усуллари ўзлаштирилди.

📌 Мутахассисларимиз томонидан ҳудудларда ҳар йили 2 мингдан зиёд тиббий кўриклар, 150 дан зиёд юқори технологик операциялар ўтказилаётгани ҳам аҳоли учун қулайлик туғдирмоқда.

📑 Бундай мураккаб амалиётларни туманлар даражасига тушириш бўйича 2025 йил учун қатор режа ва марраларни белгилаб олдик.

🖇 Вилоят кўп тармоқли болалар тиббиёт марказлари ва туман (шаҳар) шифохоналарида авваллари ўтказилмаган 4 та янги диагностика ва 6 та даволаш усули татбиқ қилинади.

⏩ Жумладан:

➡️ Қорақалпоғистон Республикаси, Хоразм, Бухоро, Қашқадарё ва Навоий вилоятларида болаларда қорин бўшлиғи, кўкрак қафаси ва сийдик чиқарув аъзолари туғма ва орттирилган касалликларни ташхислаш ҳамда даволаш;

➡️ Фарғона, Наманган, Андижон, Сирдарё, Жиззах, Тошкент ва Сурхондарё вилоятларида эса кичик ёшли беморларда туғма ва орттирилган нуқсонларни лапароскопик ва торакоскопик операциялар ёрдамида соғломлаштириш жорий этилади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴🟦🟦🟦

❗️Республика кардиология маркази: Ҳудудларда диагностика амалиётлари сони яна 15 тага оширилади

✅ Ўтган йили тиббиётни халққа яқинлаштириш йўналишида Республика ихтисослаштирилган кардиология илмий-амалий тиббиёт маркази томонидан дадил қадамлар ташланди.

💬 — Жорий йилда ҳам олдимизда залворли вазифалар турибди, — дейди марказ директори Хуршид Фозилов. — Энг аввало, ихтисослашган тиббий ёрдамни қуйи бўғинларга тушириш борасидаги ишларимизни изчиллик билан давом эттирамиз.

📌 Шу мақсадда туман (шаҳар) тиббиёт муассасаларини эхокардиография ва холтер-ЭКГ замонавий кардиология ускуналари ҳамда коагулометр билан тўлиқ жиҳозлаш ҳисобига жойларда янги турдаги диагностика амалиётлари сонини яна 15 тага оширишни режа қилганмиз.

📍 Жумладан, Бекобод ва Денов туманлари ҳамда Наманган шаҳрида юқори технологик тиббий ёрдам турлари оширилади. Андижон, Фарғона ва Наманган вилоятларида маҳаллий мутахассислар учун бир қатор йўналишлар бўйича маҳорат дарслари уюштирилади.

🔴 Марказнинг Сурхондарё, Жиззах, Андижон ва Фарғона филиалларида мураккаб радиочастотали абляция амалиётларини ўтказиш йўлга қўйилади. Бу билан биз 5 турдаги тахиаритмия амалиётларини тўлиқ филиалларнинг ўзида жорий этмоқчимиз.

⏩ Муҳими, бу орқали беморларнинг ортиқча вақт ва маблағ сарфлаб хорижга, пойтахт ёки вилоятлар марказларига қатнашига барҳам берилади.

📊 Туман шифохоналарининг мингдан зиёд мутахассислари марказимиз ва жойларнинг ўзида билим ва кўникмасини мустаҳкамлайди. Муассасамизнинг 46 нафар мутахассиси 7 та чет давлатдаги нуфузли клиникаларда малакасини ошириб келади.

📍 Ихтисослаштирилган тиббий ёрдамни туман даражасига тушириш мақсадида ҳар бир ҳудуддан 2 тадан туман ва шаҳарни намунавий шаклга келтириш чораларини кўрамиз.

➡️ Жорий йилги вазифаларимиз орасида халқаро алоқаларни мустаҳкамлаш алоҳида ўрин тутади. Хусусан, тиббиётнинг ушбу йўналиши яхши ривожланган давлатлардан етук мутахассисларни жалб этиш ниятимиз бор.

🫀 Аниқ айтадиган бўлсак, Ўзбекистон кардиология хизматининг мавқеи ва нуфузини кўтариш, бу борада тажриба алмашиш, маҳаллий мутахассисларга маҳорат дарслари ўтказиш, илғор технологияларни амалиётга жорий қилиш, жойларда тиббий кўрик ва операцияларни амалга ошириш учун 6 давлатдан 19 нафар мутахассис келиши таъминланади.

🟢Айни чоғда кардиология соҳасида тиббий туризмни ривожлантириш тадбирларига эътибор кучайтирилади.

⭐️ Шуларга мос ҳолда марказимиз ва ҳудудий филиалларда функционал диагностика хоналари, компьютер томография бўлимлари, юқори технологик амалиёт бўлимларида дастурий таъминот ва сунъий интеллект дастурларини татбиқ қилиш ҳисобига кардиология хизматини янада кўтариш чораларини кўрамиз.

‼️ Бу вазифалар ижроси биздан катта билим ва тажриба ҳамда масъулият талаб этишини яхши тушунамиз.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

❗️ССВ: Соҳада бажарилган ишлар танқидий таҳлил қилиниб, устувор вазифалар белгилаб олинди

✅ Соғлиқни сақлаш вазирлигининг навбатдаги Ҳайъат йиғилиши бўлиб ўтди.

➡️ Унда вазирлик марказий аппарати ходимлари, Санитария-эпидемиологик осойишталик ва жамоат саломатлиги қўмитаси, Давлат тиббий суғуртаси жамғармаси, Фармацевтика тармоғини ривожлантириш агентлиги, Фармацевтика маҳсулотлари хавфсизлиги маркази ҳамда Стратегик режалаштириш ва саломатлик институти, ихтисослаштирилган марказлар, республика даволаш муассасалари ва тиббиёт олий ўқув юртлари раҳбарлари иштирок этди.

🔴 Жойлардаги студиялардан барча ҳудудий бошқармалар ҳамда туман тиббиёт бирлашмалари масъуллари онлайн қатнашди.

📝 Йиғилиш Соғлиқни сақлаш вазири Асилбек Худаяров маърузаси билан бошланди. Дастлаб вазир ўз чиқишида ўтган 2024 йилда бажарилган ишларни танқидий таҳлил қилиб, 2025 йилда амалга ошириладиган устувор вазифаларга тўхталиб ўтди.

💬 — Давлатимиз раҳбари биз, соҳа масъуллари олдига катта вазифаларни қўйган, — деди А.Худаяров. — Буни амалга оширишда тизимдаги ҳар бир раҳбарнинг виждони уйғоқ, ташаббускор ва шахсий масъулияти юқори бўлиши зарур.

⏩ Соҳага қаратилаётган эътибор ҳамда бизга билдирилган юксак ишончни оқлаш мақсадида аҳолига тиббий ёрдам кўрсатиш сифатини янада ошириш бўйича 2025 йил учун қатор режа ва марраларни белгилаб олдик. Эндиликда тизимдаги ҳар бир мансабдор пастга тушиб, қуйи бўғиндаги муассасаларда бўлиб, аввало, ҳудудларнинг ўзида мавжуд вазиятни чуқур ўрганиш, таҳлил қилиш ва аниқланган камчиликларни жойида ҳал қилиш чоралари кўрилади.

💻 Шунингдек, маърузада касалликлар профилактикаси ва уларни эрта аниқлаш, тиббиёт муассасаларидаги мавжуд ахборот тизимларини ўзаро интеграция қилиш ва соҳадаги коррупцион ҳолатларнинг олдини олиш каби қатор масалалар танқидий таҳлил қилинди.

🔬Шундан сўнг кун тартибидаги навбатдаги масалалар юзасидан вазир ўринбосарлари — Ф.Ташпулатов, О.Омонов, Ф.Шарипов ва Э.Баситхановалар сўзга чиқди.

🩺 Унда бюджет маблағларидан мақсадли фойдаланиш, моддий-техник таъминот, хорижий инвестицияларни жалб қилиш, соҳани рақамлаштириш, давлат тиббий суғуртаси механизмларини жорий этиш, оналик ва болалик муҳофазаси бўйича бажарилган ишлар ҳамда 2025 йилдаги устувор вазифалар юзасидан ҳисоботлар тингланди.

‼️ Йиғилиш сўнгида пастга тушган ҳолда бирламчи бўғин фаолиятини янада ривожлантириш, патронаж хизматини халққа яқинлаштириш, хавфли касалликларнинг олдини олиш, эрта аниқлаш ва самарали даволаш, аҳоли орасида соғлом турмуш тарзини йўлга қўйиш каби масалалар юзасидан масъулларга аниқ вазифалар юклатилди.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦

✅ Айни дақиқаларда Соғлиқни сақлаш вазирлигининг навбатдаги Ҳайъат йиғилиши бўлиб ўтмоқда.

📌 Унда вазирлик марказий аппарати ходимлари, Санитария-эпидемиологик осойишталик ва жамоат саломатлиги қўмитаси, Давлат тиббий суғуртаси жамғармаси, Фармацевтика тармоғини ривожлантириш агентлиги, Фармацевтика маҳсулотлари хавфсизлиги маркази ҳамда Стратегик режалаштириш ва саломатлик институти, ихтисослаштирилган марказлар, республика даволаш муассасалари ва тиббиёт олий ўқув юртлари раҳбарлари иштирок этяпти.

📍 Жойлардаги студиялардан барча ҳудудий бошқармалар ҳамда туман тиббиёт бирлашмалари масъуллари онлайн қатнашмоқда.

➡️ Йиғилиш Соғлиқни сақлаш вазири Асилбек Худаяров маърузаси билан бошланди. Вазир ўз чиқишида ўтган 2024 йилда бажарилган ишларни танқидий таҳлил қилиб, 2025 йилда амалга ошириладиган устувор вазифаларга тўхталяпти.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 ✏️✏️✏️✏️

❗️ССВ: Паркинсон, тутқаноқ каби касалликларни жарроҳлик йўли билан даволаш татбиқ этилади

🏥 Республика ихтисослаштирилган нейрохирургия илмий-амалий тиббиёт маркази юртимиз аҳолисига нейрожарроҳлик ёрдами кўрсатиш бўйича бош муассаса саналади.

💬 — Марказимизда 406 турдаги тиббий хизматлар кўрсатилади, улардан 62 таси юқори технологияли, — дейди муассаса директори Ғайрат Кариев. — Ўтган йили 2585 та операция ўтказилган бўлиб, улардан 1579 тасини юқори технологик амалиётлар ташкил этди.

✅ Хусусан, бу ерда бир нечта операциялар илк бор ўтказилди. Эндоскопик трансназал ўсмани олиш ва мия қаттиқ пардаси пластикаси, гидросирингомиелитик кисталар билан биргаликда кечадиган орқа мия ўсмаларини даволаш, афазияни баҳолаш, интраоперацион мия марказларини хариталаш шулар жумласидандир.

📌 Яна бир ноёб операция 36 ёшли беморда бажарилди. Бош миянинг нутқ маркази соҳасида жойлашган ўсма янгича — “уйғоқ” жарроҳлик услубида, яъни амалиёт давомида бемор эс-ҳушини сақлаган, оғриқ ҳис этмаган ҳолатда муваффақиятли олиб ташланди.

📍 Марказнинг 34 нафар шифокори Германия, Испания, Россия, Хитой, Туркия, Миср, Индонезия, Ҳиндистон, Қозоғистонда малака ошириб қайтди. Шунингдек, Хитой, Россия, Исроил ва Қозоғистондан келган шифокорлар билан биргаликда кўргазмали операциялар, қўшма маҳорат дарслари ўтказилди.

🟢 Муҳими, ҳудудий филиалларда ҳам янги даволаш ва диагностика усуллари амалиётга татбиқ этилмоқда. Жумладан, Сурхондарё вилоятида бош миянинг каверноз мальформациясини жарроҳлик йўли билан олиб ташлаш, Жиззах вилоятида бош мия қон томирларининг стеноз касаллигида экстра-интракраниал томир шунтлаш, Бухоро вилоятида эса бош мия артеривовеноз мальформациясини эндоваскуляр йул билан тўсиб қўйиш каби амалиётлар жорий қилинди.

🖥 Ҳудуддий филиаллар билан телемедицина ёрдамида беморларни диагностика қилиш ва даволаш йўлга қўйилган. Бош мия ўсмаси касаллигининг юқори технологик давоси вилоятларда ҳам амалиётга татбиқ этилганлиги туфайли ушбу патология бўйича марказга мурожаатлар 1,5 баробарга камайди.

🔬 Жорий йилда муассасамизда янги 5 та диагностика ва 4 та даволаш усули жорий этилади, булардан: Паркинсон касаллигида ва ҳаракат бузилишлари кузатиладиган кассаликларда бош миянинг чуқур марказларига стимулятор ўрнатиш, тутқаноқ хасталигида хуружларни камайтириш мақсадида адашган нервга стимулятор ўрнатиш, болаларда бош суяги вақтидан олдин битишини жарроҳлик йўли билан янги технологик ускуналар орқали даволаш татбиқ этилади.

🟢 Вилоят филиалларида эса янги 1 тадан диагностика ва 3 тадан даволаш усулларини жорий этиш кўзда тутилган. Вилоят муассасаларидаги 14 нафар, марказдаги 15 нафар мутахассис чет давлатларнинг нуфузли клиникаларида малака оширади.

📊 Жойларда маҳорат дарсларини ташкил қилиш, аҳоли скрининги давомида қўшимча текширув сифатида марказий асаб тизими нейровизуализациясини ўтказиш ва унинг натижасида касалликларни эрта босқичда аниқлаш кўрсаткичини оширишни мақсад қилганмиз.

👨🏻‍🎓 Шунингдек, 42 нафар мутахассис томонидан 10 та йўналишда илмий изланишлар олиб борилиб, 8 нафар нейрохирург докторлик ва номзодлик диссертацияларини ҳимоя қилади.

📑 Марказнинг етакчи мутахассислари йил давомида доимий тарзда режа асосида вилоятлар филиалларига илғор нейрохирургик амалиётларни бажариш учун жалб этилади.

📎 Бундан ташқари, янги технологияларни жорий қилиш, тажриба алмашиш, маҳорат дарслари ҳамда ҳудудларда тиббий кўриклар ва операцияларни ўтказиш мақсадида Россия ва Қозоғистондан мутахассислар ташрифи кўзда тутилган.

Соғлиқни сақлаш вазирлиги
Матбуот хизмати.

🌐@ssvuz | 🌐@ssvmatbuotkotibi |🌐 Facebook | 🌐Instagram

❗️Минздрав: В Ташкенте пройдет субрегиональная конференция в области охраны материнства и детства

✅ Состоялась онлайн-встреча министра здравоохранения нашей страны Асилбека Худаярова с директором Европейского Регионального бюро ВОЗ Хансом Клюге.

🤝 В начале встречи А. Худаяров поздравил Х. Клюге с переизбранием на очередной срок на должность директора Европейского Регионального бюро ВОЗ и пожелал успехов в нелегкой и вместе с тем ответственной деятельности. Также выразил благодарность за огромное внимание уделяемое региону Центральной Азии, в том числе Республике Узбекистан.

🖇 Было отмечено, что визит Ханса Клюге в нашу страну в июне прошлого года дал хороший импульс дальнейшим инициативам в направлении реформирования системы здравоохранения, определения приоритетов и инструментов решения поставленных задач.

🤱🏻 Стороны обсудили вопрос усиления направления сотрудничества в области охраны материнства и детства, профилактики и контроля неинфекционных заболеваний, развития службы первичной медико-санитарной помощи.

📊 Было отмечено, что Узбекистан — страна с положительной динамикой роста населения, где проживает более 37,5 миллионов человек, 25% составляют женщины репродуктивного возраста.

📑 Это свидетельствует о необходимости продолжения сотрудничества в сфере охраны материнства и здоровья новорожденных и детей, обеспечения доступа к высококачественным перинатальным услугам.

📌 Во время встречи стороны обсудили вопрос организации в Ташкенте при поддержке ВОЗ Субрегиональной конференции в области охраны материнства и детства стран Центральной Азии, где можно будет выявить препятствия на пути внедрения и институционализации мероприятий по повышению качества оказания медицинской помощи в этом направлении.

Пресс-служба
Министерства здравоохранения.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦🟦🟦🟦🟦

❗️ССВ: Тошкентда она ва бола саломатлиги бўйича Марказий Осиё субминтақавий конференцияси ўтказилади

✅ Cоғлиқни сақлаш вазири Асилбек Худаяров ва ЖССТнинг Европа минтақавий бюроси директори Ханс Клюге ўртасида видеоконференц алоқа шаклида онлайн учрашув бўлиб ўтди.

🤝 Мулоқот аввалида А. Худаяров Х. Клюгени Жаҳон соғлиқни сақлаш ташкилотининг Европа минтақавий бюроси директори лавозимига яна бир муддатга қайта сайлангани билан қутлади ҳамда унга масъулиятли фаолиятида муваффақиятлар тилади. Шунингдек, вазир Марказий Осиё минтақасига, жумладан, Ўзбекистонга қаратилаётган улкан эътибор учун миннатдорлик билдирди.

📍 Ханс Клюгенинг ўтган йилнинг июнь ойида мамлакатимизга ташрифи соғлиқни сақлаш тизимини ислоҳ қилиш борасидаги келгуси ташаббуслар, галдаги вазифалар ва уларни амалга оширишнинг устувор йўналишларини белгилаб олиш учун муҳим туртки бўлгани таъкидланди.

📑 Томонлар она ва бола саломатлигини муҳофаза қилиш, юқумли бўлмаган касалликларнинг олдини олиш ва уларга қарши курашиш, бирламчи тиббий-санитария ёрдамини ривожлантириш йўналишларида ҳамкорликни мустаҳкамлаш масалаларини атрофлича муҳокама қилдилар.

📊 Таъкидланганидек, Ўзбекистонда аҳоли сонининг ижобий ўсиш динамикаси кузатилаётган бўлиб, 37,5 миллиондан ортиқ аҳоли истиқомат қилади, уларнинг 25 фоизи репродуктив ёшдаги аёлларни ташкил қилади.

🤱🏻 Бу она ва янги туғилган чақалоқлар, болалар саломатлигини муҳофаза қилиш соҳасида ҳамкорликни давом эттириш, юқори сифатли перинатал хизматлардан фойдаланишни таъминлаш зарурлигини англатади.

📌 Учрашувда томонлар ЖССТ кўмагида Тошкентда Марказий Осиё давлатларининг она ва бола саломатлигини муҳофаза қилиш бўйича субминтақавий конференциясини ташкил этиш масаласини муҳокама қилдилар. Ушбу йирик анжуман соҳадаги тиббий ёрдам сифатини такомиллаштириш бўйича зарур чора-тадбирларни амалга ошириш ва институционаллаштириш йўлидаги тўсиқларни аниқлаш имконини беради.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram