Talaba jislofficial |JizzaxYurTex

​​«Вилояти ҳокими кубоги» турнирида вилоят ҳокимининг қизи ғолиб бўлди

Жорий йилнинг 9-10 май кунлари Тошкент вилояти Қибрай туманидаги «Universal Jumping» от спорти клубида от спортининг конкур йўналиши бўйича «Тошкент вилояти ҳоким кубоги» мусобақаси ўтказилди. Мазкур турнирнинг 110 см баландликка сакраш мусобақасида Мадина Ҳидоятова – «Арагон» лақабли отида ғолибликни қўлга киритди ва вилоят ҳокимининг совғасига эга бўлди. Мадина Ҳидоятовани Тошкент вилояти ҳокими Даврон Ҳидоятовнинг фарзанди эканлигини вилоят ҳокимлигига «яқин манба» ҳам тасдиқлади.

Бундан аввал Мадина Ҳидоятова айни шу от спорти клубида «Евросиё от спорти ассоциацияси вице-президенти кубоги учун мусобақа»да иштирок этиб, 100 см баландликка сакраш бўйича ғолибликни қўлга киритолмаган эди.

Иккинчи масала: Очиқлик сиёсати

Тошкент вилояти ҳокимлиги ахборот хизмати томонидан юқорида қайд этилган турнирда 2-йўналиш — 115 см баландликка сакраш мусобақаси бўйича ғолиб ва иштирокчиларнинг исм шарифлари эълон қилинган. Бироқ, айни Мадина Ҳидоятова ғолиб бўлган йўналиш бўйича эса ғолиб ва иштирокчиларнинг исм шарифлари жамоатчиликдан беркитилган.

Менимча, турнир ғолиби ким бўлишидан қатъий назар Тошкент вилояти ҳокимлиги ахборот хизмати айрим маълумотларни жамоатчиликдан яширишга ҳаққи йўқ деб ўйлайман. Сабаби, бу йил вилоят ҳокимлиги фаолияти ҳақидаги хабарларни ижтимоий тармоқларга жойлаштириш учун — 1 млрд 260 млн сўм ва PR (пиар) қилиш учун — 210,0 млн сўм бюджет маблағлари сарфланган.

@mufasa_mh

​​Berilgan imtiyozlarga qilingan tajovuzlar

O'zbekiston Prokratura Departamenti tomonidan olib borilgan tekshiruvlar natijasida quyidagi talon-tarojliklar aniqlangan:

— Ulugʻnor tumanida quyonchilik uchun ajratilgan 200 mln soʻm imtiyozli kreditni talon-toroj qilingan;
— Uzun tumanida 120 mln soʻm imtiyozli kredit mablagʻlari;
— Yangiqoʻrgʻon va Termiz tumanlarida “Har bir oila-tadbirkor” dasturi doirasida 392 mln soʻmlik imtiyozli kredit mablagʻlari talon-toroj qilingan;
— Andijon tumanida zaxiraga jamgʻarilgan 646,6 mln soʻmlik 149 tonna kartoshka talon-toroj qilingan;
— Oqdaryo tumanida aholi bandligini taʼminlash uchun ajratilgan 309,7 mln soʻm subsidiya mablagʻlarini talon-toroj qilingan;
— Doʻstlik tumanida 2019-2020-yillarda 7 nafar fuqaroning xabardorligisiz imtiyozli shartlarda 156 mln soʻmlik kreditlar talon-toroj qilingan;
— Andijon viloyatida faoliyati toʻxtatilgan jamiyatlarga fuqarolar va tadbirkorlar uchun ajratilgan 5,1 mlrd soʻmlik imtiyozli kredit mablagʻlarini oʻtkazib, talon-toroj qilingan.

@NarxiQancha — Narxlar haqidagi #1 blog!

​​Ўзбекистондаги энг йирик нашрлардан бири Ҳукуматга тегишли(ми?)

Куни кеча Daryo – LIVE телеграм канали (Daryo.uz сайти)да Комил Алламжоновнинг оммавий ахборот воситаларига турли идоралардан бўладиган босимлар ҳақидаги муносабати юзасидан чиқарилган пости кўп ўтмай давлат идораси масъул ходимининг қўнғироғидан сўнг ўчирилгани ҳақида хабар пайдо бўлди.

Лекин Daryo.uz сайти бош муҳаррири Муҳрим Аъзамхўжаев Daryo – LIVE телеграм каналидан пост давлат идораси аралашуви билан ўчирилгани ҳақидаги маълумотни рад этиб чиқди ва бу ҳақдаги хабарни уйдирма деб атади.

Хўш, Daryo.uz сайти ўзи кимга тегишли?

Daryo.uz сайтининг муассиси — «SIMPLE NETWORKING SOLUTIONS» МЧЖ ҳисобланади. Ҳозирги кундаги маълумотларга кўра, ушбу жамиятда таъсисчилар улушининг 100,0 фоизи «O'ZBEKTELEKOM» АЖга тегишли.

«O'ZBEKTELEKOM» АЖ акцияларининг 94,25 фоизига Ўзбекистон Республикаси Давлат активларини бошқариш агентлиги эгалик қилади. Шунингдек, «O'ZBEKTELEKOM» АЖнинг Кузатув кенгаши раиси — АКТ вазири ҳисобланади ва АКТ вазирлиги тизимидаги ташкилотларга киради.

Энг қиқзиғи эса, «O'ZBEKTELEKOM» АЖнинг биринчи ўринбосари Арипов Жаҳонгир Абдуҳакимович — Ҳукумат раҳбари А.Ариповнинг қариндоши ҳисобланади. Ҳукумат раҳбарининг яна бир қариндоши — Арипов Жавоҳир Абдуҳакимович эса АКТ вазирлигида «Мобил алоқа бўлими» бошлиғи лавозимида ишлайди. Муҳтарам бош вазиримизни алоқа ва интернет соҳасидаги ўзига яраша сулоласи бу билан якун топмайди, албатта. Қолганлари айни мавзуга доир бўлмагани учун очиқланмади (лекин давоми бор...).

Ўзбекистон шундай диёр ё сотиласан, ё отиласан! Шунинг учун айрим интернет нашрларининг мақолалари «404» бўлса, меҳнаткаш журналистлардан хафа бўлманг!

@mufasa_mh