Введите текст для поиска
Расширенный поиск каналов

Продам канал с доходом 138090

Всего за 55 000. Срочно нужны деньги.
img
реклама

Bugun.uz | Расмий канал

@bugunrasmiy
Гео и язык канала: Узбекистан, Узбекский
Категория: Новости и СМИ

Bugun.uz нашрининг расмий Telegram-канали
Алоқа учун: @bugunuzaloqabot

Связанные каналы  |  Похожие каналы
Гео и язык канала
Узбекистан, Узбекский
Категория
Новости и СМИ
Статистика
Это ваш канал? Подтвердить Канал в реестре блогеров РКН? Подтвердить История канала
Фильтр публикаций

Bugun.uz | Расмий канал

27 Jan, 13:19

Открыть в Telegram Поделиться Пожаловаться
Саида Мирзиёева Ўзбекистон ЖСТга аъзо бўлиш ҳаракатларини 2025-йилда ҳам давом эттиришини маълум қилди

Президент ёрдамчиси Ўзбекистоннинг Жаҳон савдо ташкилотига аъзо бўлиш жараёнидаги ҳозирги ҳолат ҳақида маълумот берди. 2024-йилда мамлакат ушбу йўналишда катта қадам ташлади.

«Бу Президент Шавкат Мирзиёев томонидан олиб борилаётган қатъий иқтисодий ислоҳотлар натижасида амалга ошди. Хусусан, ўтган йили ЖСТ Ишчи гуруҳи иккита муҳим йиғилиш ўтказди. Бу бизга аъзоликнинг асосий ҳужжати – Ишчи гуруҳ Ҳисоботи лойиҳасини тайёрлашга киришишга имкон берди. Шунингдек, АҚШ, Хитой ва Япония каби 15 та мамлакат билан икки томонлама музокаралар якунланди. Натижада Ўзбекистон ҳисобида 23 та имзоланган битим бор.

Қисқа вақт ичида бизнесни ва рақобатни янада шаффоф қилиш учун 20 та муҳим қонун қабул қилинди» — дейди Саида Мирзиёева.


У тез орада Ташкилотнинг тўлақонли аъзоси бўлиш учун жорий йилда ҳам шу суръатда давом этишини айтди. Бу мамлакатнинг инвестицион жозибадорлигини ошириши ҳамда ўзбек бизнесининг минтақавий ва глобал қўшилган қиймат занжирларига кириб боришини таъминлаши лозим.

«ЖСТга аъзолик ва давлат раҳбари томонидан олиб борилаётган ислоҳотларнинг якуний мақсади, шубҳасиз, халқимиз фаровонлигини таъминлаш, унга муносиб иш ўринларини яратиш ва иқтисодиёт бошқарувини самаралироқ тизимга ўтказишдир» — деди Президент ёрдамчиси.
994 0 3
Bugun.uz | Расмий канал

27 Jan, 11:49

Открыть в Telegram Поделиться Пожаловаться
Беларусда Александр Лукашенко еттинчи президентлик муддатига қайта сайланди

Беларусда бўлиб ўтган сайловда сайловчиларнинг 86,82 фоизи Александр Лукашенкога овоз берди, дея хабар берди БЕЛТА Марказий сайлов комиссияси раиси Игор Карпенкога таяниб.

Беларус Республикаси президентлигига ҳар бир номзод учун берилган овозлар сони бўйича дастлабки маълумотлар:

Гайдукевич Олег Сергеевич - 2,02 фоиз;
Канопацкая Анна Анатольевна - 1,86 фоиз;
Лукашенко Александр Григоревич - 86,82 фоиз;
Сиранков Сергей Александрович - 3,21 фоиз;
Хижняк Александр Николаевич - 1,74 фоиз;
барчага қарши - 3,60 фоиз.
1.8k 0 0
Bugun.uz | Расмий канал

26 Jan, 19:47

Открыть в Telegram Поделиться Пожаловаться
Мирзиёев «Амирсой»да Жапаров билан учрашди

Шавкат Мирзиёев Тошкент вилоятидаги «Амирсой» курорт мажмуасида Садир Жапаров билан норасмий учрашув ўтказди, деб хабар бермоқда Президент матбуот хизмати.

25 январь куни Қирғизистон президенти Ўзбекистонда бўлди. Учрашувда икки томонлама муносабатларнинг долзарб масалалари, халқаро сиёсат ва минтақавий ҳамкорлик юзасидан фикр алмашилди.

Қирғизистон президенти тоғ-чанғи мажмуасида яратилган шароитлар ва унинг жаҳоннинг юксак стандартларига мос замонавий инфратузилмасини юқори баҳолади.

Ўзбекистон ва Қирғизистонда икки мамлакатнинг ноёб геоландшафти ва хилма-хил табиатини ҳисобга олган ҳолда курорт-рекреация марказларини ташкил этишга қаратилган қўшма лойиҳаларни илгари суришга келишиб олинди.

Қирғизистон президенти «Амирсой» тоғ-чанғи курортини кўриб ҳайратга тушганини, хизмат кўрсатиш даражаси Еввропаникидан кам эмаслигини айтди.

«Ҳамкасбим Шавкат Мирзиёев бу юқори даражадаги базани нолдан бошлаб қурди. Гап йўқ, баракалла» деб ёзди у Facebook’даги саҳифасида.
3.2k 0 5
Bugun.uz | Расмий канал

24 Jan, 11:26

Открыть в Telegram Поделиться Пожаловаться
Тошкентдаги мактаб ўқувчиларининг 2 нафарида сил аниқланди

Тошкент шаҳри Шайхонтоҳур туманидаги 59-мактабнинг 11-синф ўқувчисида сил касаллигианиқланган. Бу ҳақда Соғлиқни сақлаш вазирлиги маълум қилди.

Ўқувчи қиз 2024 йил 26 декабрда Тошкент шаҳар 3-сонли фтизиатрия диспансерига мурожаат қилган.

«Бемор опасининг сўзларига кўра, синглиси сўнгги ойларда тез-тез бетоб бўлган. Даволаниш учун фақат хусусий клиникага мурожаат қилган. Охирги марта ЛОР-шифокор кўригидан кейин 3-сон фтизиатрия диспансерига юборилган», – дейилади вазирлик хабарида.


Аниқланишича, диспансерда ўтказилган рентгенография текширувида қизга «Ўнг ўпка юқори бўлаги яллиғланган сили, емирилиш даври, БК +» ташхиси қўйилган ва у Тошкент шаҳар болалар сил касалликлари шифохонасига ётқизилган.

Вазирлик ўқувчи қиз билан уйда мулоқотда бўлган 6 киши (2 нафари 6 ёшгача болалар) 2024 йил 27 декабрда 3-сон фтизиатрия диспансерида рентген текширувидан ўтказилгани ва уларда фаол сил касаллиги аниқланмаганини маълум қилган.

Бемор билан мулоқотда бўлган ва касаллик юқтириш хавфи мавжуд 59- мактабнинг, шунингдек, бемор қўшимча дарсга қатнаган хусусий ўқув мактаб ўқувчилари ва ўқитувчилари Санитария эпидемиологик осойишталик ва жамоат саломатлиги қўмитаси Тошкент шаҳар бошқармаси назорати остида 3-сон фтизиатрия диспансерида рентгенография ва диаскин тест текширувларидан ўтказилган.

Текширувларда қизнинг яқин дугонаси бўлган синфдошида ҳам сил аниқланиб, шифохонага ётқизилган. Бундан ташқари, 3 нафар ўқувчи ва 1 нафар ўқитувчида касалликка мойиллик аниқлангани сабабли профилактик даво муолажалари бошланган.

Ҳолат бўйича 59-мактаб директорига нисбатан Санэпид Тошкент шаҳар бошқармаси томонидан маъмурий баённома расмийлаштирилган.
Маълумот учун, ҳозир 59-мактабда капитал реконструкция ишлари олиб борилаётгани сабаб бу мактабнинг бошланғич синф ўқувчилари 115-умумтаълим мактабида, юқори синф ўқувчилари эса тумандаги 82-сонли умумтаълим мактабида ўқишни давом эттиряпти.

ССВга кўра, 2025 йилнинг 21 январда 82-сонли умумтаълим мактабида такрорий зарарсизлантириш ва димлаш тадбирлари, 2025 йил 22 январ куни эса ялпи тозалаш ва шамоллатиш тадбирлари ўтказилган. 115-мактабда эса зарарсизлантириш 23 январда ташкил қилинган.
4.1k 0 8
Bugun.uz | Расмий канал

23 Jan, 20:29

Открыть в Telegram Поделиться Пожаловаться
Биз таълим — фаровонлик пойдевори эканига қатъий ишонамиз ва ҳар бир бола учун ўз салоҳиятини рўёбга чиқариш имкониятини таъминлашга интиламиз – Саида Мирзиёева

Халқаро таълим куни арафасида Президент ёрдамчиси Саида Мирзиёева UNICEF, UNESCO, UNDP, ИҲТТ, Жаҳон банки ва бошқа ташқилотлар вакиллари билан учрашув ўтказди. Маълум қилинишича, мулоқот давомида таълим масаласига янги ёндашувлар – инновациялар, замонавий методикалар ва жаҳон тажрибасига асосланган ечимлар муҳокама қилинган.

Саида Мирзиёева ўз саҳифасида ушрашув ҳақида фикр билдирар экан, “Биргаликдаги саъй-ҳаракатларимиз натижасида сифатли таълим олиш имкониятидан барча эркин фойдаланиши учун зарур шароит яратишга эришамиз”, дея қўшимча қилиб ўтди.
3.6k 0 3
Bugun.uz | Расмий канал

23 Jan, 10:29

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Бино ва иншоотлар қурилишида замонавий телекоммуникация инфратузилмаси мажбурий бўлиши белгиланди

2024 йилнинг 27 декабрида «Телекоммуникациялар тўғрисида»ги қонун янги таҳрирда қабул қилинди. Унга кўра, банк иловаси, тўлов тизими, тўлов ташкилоти, электрон тижорат платформаси орқали хизматлар кўрсатишда телекоммуникациялар соҳасида ишлаш учун лицензия талаб этилмайди.
4.1k 0 8
Bugun.uz | Расмий канал

23 Jan, 09:28

Открыть в Telegram Поделиться Пожаловаться
Қашқадарёда ўқитувчиларга форма учун пул йиғишга кўрсатма берган мактаб директори жаримага тортилди

Ижтимоий тармоқларда Қарши шаҳридаги 23-умумий ўрта таълим мактаб директори томонидан ўқувчиларнинг формаси учун пул йиғимига кўрсатма бергани ҳақида видео тарқалганди.

Унга кўра, директор ўқитувчиларга видеомурожаат йўллаб, 70 минг сўмдан йиғишни, формаси йўқ ўқувчини эса мактаб дарвозасидан ташқарига чиқариб юборишини айтганди.

Ушбу мактаб директорига нисбатан ўртача ойлик иш ҳақининг 25 фоизи миқдорида жарима интизомий жазоси қўлланилди. Шунингдек, мактаб жамоасига келгусида ушбу ҳолатларга йўл қўймаслик бўйича тушунтириш берилиб, мактаб синф раҳбарларидан тушунтириш хатлари олинди.
5.8k 0 10
Bugun.uz | Расмий канал

22 Jan, 18:14

Открыть в Telegram Поделиться Пожаловаться
Тимур Кападзе Ўзбекистон миллий терма жамоаси бош мураббийи этиб тайинланди

Айни кунларда Ўзбекистон миллий терма жамоаси Қатарда йиғин ўтказмоқда. Тимур Кападзе ушбу йиғинга қўшилиб, жамоани бошқаради.
4.3k 0 8
Bugun.uz | Расмий канал

22 Jan, 14:28

Открыть в Telegram Поделиться Пожаловаться
Эркинжон Турдимов Сирдарё вилояти ҳокими вазифасини бажарувчи этиб тайинланди

У ўтган йил ноябрида саломатлиги туфайли Самарқанд вилояти ҳокимлигидан кетганди.
4.6k 0 2
Bugun.uz | Расмий канал

22 Jan, 08:25

Открыть в Telegram Поделиться Пожаловаться
Ўзбекистонда криминоген вазият оғир маҳаллалар ҳақида президентга ахборот бериб борилади

Ўзбекистонда криминоген вазият оғир маҳаллалар билан янгича ишлаш механизмлари жорий этилади. Бу ҳақда «2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида»ги президент қарорида белгиланди.

Қарорга кўра, масъул идоралар ва муассасалар учун 2025 йилда «Ҳар бир маҳаллада ҳуқуқбузарликларнинг барвақт олдини олиш» устувор вазифа этиб белгиланди. Шунингдек, маҳаллаларда ҳуқуқбузарликларнинг олдини олишга қаратилган бир қатор йўл хариталари ҳамда 2025 йилда республика маҳаллаларида хавфсиз муҳит яратиш ва ҳуқуқбузарликларнинг барвақт олдини олиш тизимининг самарадорлигини ошириш бўйича манзилли чора-тадбирлар дастури тасдиқланди.

Ҳуқуқбузарликларнинг барвақт профилактикаси, дастур ва «йўл хариталари»нинг ижросини назорат қилиб бориш учун Бош прокуратура ҳузурида Республика идоралараро мувофиқлаштириш ишчи гуруҳи тузилади.

Эндиликда, жиноят содир этилган маҳаллаларда илмий ташкилот ва таълим муассасалари томонидан илмий ёндашувлар асосида ўрганишлар ўтказилади. Барча туман (шаҳар) сектор раҳбарларига, Миллий гвардия қўриқлаш хизмати бошлиқларига ва ички ишлар органлари бошлиқлари ўринбосарларига 2025 йилда криминоген вазият оғир маҳаллалар номма-ном бириктирилади.

Масъуллар фаолияти ҳар ой якунида – ички ишлар вазири ҳузурида, ҳар чорак якунида – Бош прокурор ҳузурида, ҳар ярим йилда бош вазир ҳузурида танқидий муҳокама қилинади, ҳар бир маҳалла кесимида президентга ахборот бериб борилади.

Қарорга мувофиқ, вилоятлар марказлари ва криминоген вазият оғир туман (шаҳар)лар маҳаллаларида профилактика кичик инспектори фаолияти йўлга қўйилади. Кичик инспектор меҳнат мигрантлари, мактаб битирувчилари ва талабалар билан ишлайди.

Ички ишлар органларида миграцион профилактика бўлинмалари, туманлараро маъмурий конвой гуруҳлари ташкил қилинади.
5.2k 0 10
Bugun.uz | Расмий канал

21 Jan, 11:58

Открыть в Telegram Поделиться Пожаловаться
Тошкентда таксичи ва унинг шериги ухлаб қолган йўловчи номига 12 млн сўм кредит олди

Ижтимоий тармоқларда Тошкентда такси ҳайдовчиси мижозга сув ичириб ухлатиб қўйиб, унинг номига 12 млн сўм микрокредит расмийлаштириб олгани айтилган хабарлар тарқалди. Пойтахт ички ишлар бош бошқармаси матбуот хизмати ҳолатга ойдинлик киритди.

Аниқланишича, маст аёл телефонини ҳайдовчига манзил геолокациясини кўриш учун ўз ихтиёри билан бериб қўйган ва ухлаб қолган. Ижтимоий тармоқларда айтилаётганидек таксичи мижозни наркотик модда қўшилган сув бериб ҳушидан айирмаган.

Ҳайдовчи ва унинг шериги ухлаб қолган мизожнинг телефонидаги илова орқали унинг номига онлайн банкларнинг биридан 12 миллион сўм микроқарз расмийлаштирган. Пулни ўз картасига ўтказиб, банкоматдан ечиб олган.

Ҳозирда ҳар иккала шахс ушланган. Ҳолат юзасидан жиноят иши қўзғатилган. Айни пайтда жабрланувчига етказилган моддий зарар қоплаб берилган. Тергов ҳаракатлари давом эттирилммоқда.
4.4k 0 4
Bugun.uz | Расмий канал

21 Jan, 09:52

Открыть в Telegram Поделиться Пожаловаться
Ўзбекистонга 2024 йили кириб келган пул ўтказмалари миқдори қарийб 15 млрд долларга етди

Ўзбекистонга 2024 йилда кириб келган пул ўтказмалари миқдори 14,8 млрд долларга етди. Ушбу кўрсаткич 2023 йилга нисбатан 30 фоизга ёки 3,4 млрд долларга кўп.

Маблағларнинг 77 фоизи Россиядан келиб тушган бўлиб, 2023 йилга нисбатан 29 фоизга ошган. Мазкур трансфертларнинг қолган қисми Қозоғистон, АҚШ, Жанубий Корея, Туркия, Буюк Британия ва бошқа мамлакатлардан ўтказилган.

Ўзбекистонга 2024 йили келиб тушган трансчегаравий пул ўтказмалари ҳажмида 2023 йилга нисбатан Буюк Британиядан 83 фоиз, Жанубий Кореядан 56 фоиз, АҚШдан 35 фоиз ҳамда Европа иттифоқи мамлакатларидан 32 фоиз ўсиш кузатилган.
4.2k 0 3
Bugun.uz | Расмий канал

21 Jan, 07:41

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Пискентда боғча болаларига заҳарли илонлар билан томоша кўрсатилди

Тошкент вилояти мактабгача ва мактаб таълими бошқармаси берган маълумотга кўра, томоша 16 январь куни 7-сонли давлат боғчасида ўтказилган. Боғча маъмурияти болаларнинг ҳаёти ва соғлиғи учун хавфсизлик чораларини таъминламаган.

Томошани Олмалиқ шаҳар “Тошкент” ҳаваскорлик цирк жамоаси ходими уюштирган бўлиб, у ўқув йили аввалида туман мактабгача ва мактаб таълими бўлимига таълим тизимидаги муассасаларга цирк томошаларини намойиш қилиш бўйича хат ва дастур билан мурожаат қилган. Масъуллар томонидан ушбу томошаларга рухсат берилган. Намойишлар дастурида ҳайвонлар билан саҳна кўринишлари кўрсатилмаган.

Ҳолат юзасидан ўрганиш ишлари олиб борилди. Ишчи гуруҳ хулосаси билан ҳолатга бевосита масъул бўлган, эътиборсизлик қилган шахсларга нисбатан чора кўрилди.

Ички ишлар органлари томонидан ҳам мазкур ҳолат тўлиқ назоратга олинди.
4.3k 0 17
Bugun.uz | Расмий канал

20 Jan, 18:15

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Саида Мирзиёева Абу-Даби шаҳрида «Глобал ўрта мактаблар» номинацияси бўйича Шайх Зоид мукофотини қўлга киритган Президент мактаби ўқувчилари ота-онаси ва устозига Президент номидан мукофотни топширди. Бу ҳақида у ўз саҳифасида ёзиб қолдирди ва тадбирдан махсус видеони эълон қилди.

«Бу ғалаба барча ёшларимиз учун умид ва илҳом рамзидир. Биз Сиз билан фахрланамиз!», дея қўшимча қилган Президент ёрдамчиси.
4.3k 0 9
Bugun.uz | Расмий канал

20 Jan, 17:31

Открыть в Telegram Поделиться Пожаловаться
Тошкентда 6 ёшли бола иссиқ сув қувурига тушиб кетиб, вафот этди

«Коммуналчи иссиқлик қувваттаъмир» МЧЖнинг ташқи трубаларни таъмирлаш монтажчиси темир цех майдонидаги ер остидан ўтган иссиқлик трубалари жойлашган қувурда унинг устки темир-бетон қопламасини олиб ташлаган ҳолда таъмирлаб, ишларни якунига етказмасдан очиқ ҳолатда қолдирган.

Оқибатда 2024 йил 9 июль куни 2018 йилда туғилган бола очиқ қолдирилган қувур ичига тушиб кетиб, юқори нафас йўлларининг суюқлик билан беркилиши оқибатида иссиқ сувдан 100 фоиз куйиш оқибатида вафот этган.

Суд ҳукми билан айбланувчи ЖКнинг 258-моддаси (тоғ-кон, қурилиш ёки портлатиш ишлари хавфсизлиги қоидаларини бузиш) 2-қисми «а» банди билан айбли деб топилиб, унга нисбатан бир муддатга мансабдорлик ва моддий жавобгарлик лавозимларида ишлаш ҳуқуқидан маҳрум қилиш ҳамда иш ҳақининг 15 фоизи миқдорида давлат даромади ҳисобига ушлаб қолган ҳолда 2 йил 6 ой муддатга ахлоқ тузатиш ишлари жазоси тайинланган.
4.2k 0 23
Bugun.uz | Расмий канал

20 Jan, 14:16

Открыть в Telegram Поделиться Пожаловаться
Эрон суди машҳур хонандани ўлимга ҳукм қилди

Эрон суди машҳур хонанда Амир Ҳусайн Магсудлуни шаккокликда айблаганидан кейин ўлим жазосига ҳукм қилди.

37 ёшли хонанда 2018 йилдан бери Истанбулда истиқомат қилган. Бироқ 2023 йил декабрида Туркия полицияси уни Эронга топширган. Ўшандан бери у Эронда ҳибсда сақланмоқда. У «фоҳишабозлик»ни тарғиб қилгани учун 10 йилга озодликдан маҳрум қилинган, бошқа ҳолларда эса у «номақбул контент» тарқатишда айбланган.

Олий суд ишни қайта кўриб чиққан ва Амир Ҳусайн Магсудлуни пайғамбарни ҳақоратлаганликда айблаб, ўлим жазосига ҳукм қилган.

Реп, поп-мусиқа ва Р&Б уйғунлиги билан танилган кўплаб татуировкаларга эга бўлган ижрочи илгари консерватив сиёсатчилар орасида «машҳур» бўлган. Улар хонанда ёш ва либерал эронликларнинг фикрига таъсир ўтказмоқчи эканини айтган.
4.5k 0 9
Bugun.uz | Расмий канал

20 Jan, 14:02

Открыть в Telegram Поделиться Пожаловаться
Шунингдек, бўлимда гематолог, ангиохирург, болалар жарроҳи, неонатал-жарроҳ каби тор соҳа мутахассислари томонидан ўтказилган қўшимча ва клиник тиббий текширувлар натижасида беморга — асосий: сепсис, септисемия, COVID-19 этиологияли шифохонадан ташқари пневмония асосий ташхиси ҳамда туғма юрак нуқсони-бўлмачалараро тўсиқ нуқсони касаллиги ва унинг асорати бўлган нафас етишмовчилиги 1 ва 2-даража, юрак-қон томир етишмовчилиги 1 ва 2-а даражаси ташхиси қўйилган.

Муассасада даволаниш вақтида қизалоқда чап томонлама елка артерияси тромбоэмболияси, чап қўл ва чап қўл панжасида қон айланишининг 3-а даражали ўткир бузилиши, полиорган етишмовчилиги кузатилган. Шу сабабли бемор ҳаётини сақлаб қолиш мақсадида ампутация ўтказишга қарор қилинган ва ота-онасининг розилиги билан унда жарроҳлик аралашуви амалга оширилган. Ҳозирда чақалоқнинг аҳволи стабил ҳолатда.

Қайд этилишича, айни пайтда мазкур ҳолат соғлиқни сақлаш вазирлиги томонидан тўлиқ назоратга олиниб, вазиятга аниқлик киритиш мақсадида хизмат текшируви ўтказилмоқда. Якуний хулосалар бўйича жамоатчиликка қўшимча маълумот берилади.
4.2k 0 5
Bugun.uz | Расмий канал

20 Jan, 14:02

Открыть в Telegram Поделиться Пожаловаться
ССВ 2 ойлик чақалоқнинг қўли кесиб ташланганига изоҳ берди

Ижтимоий тармоқларда тиббиёт ходимларининг нотўғри муолажаси оқибатида 2 ойлик чақалоқнинг қўллари кесиб ташлангани ҳақида хабарлар тарқалди. Соғлиқни сақлаш вазирлиги ҳолатга ойдинлик киритди.

2024 йил 9 декабрь куни соат 15:30 лар атрофида Тошкентнинг Шайхонтоҳур туманида яшовчи 2024 йилда туғилган қизалоқ Ҳ.Ж. ота-онаси томонидан Тошкент шаҳар 1-сон болалар клиник шифохонасига тана ҳароратининг кўтарилиши, йўтал, хириллаш, ҳансираш, безовталик ва ҳолсизлик каби шикоятлар билан олиб келинган.

Бемор зудлик билан навбатчи шифокор Н.Султанова томонидан тиббий кўрикдан ўтказилган. Дастлабки текширув давомида унга пневмония ташхиси қўйилган. Беморнинг аҳволи шифокорлар томонидан оғир дея баҳоланиб, дарҳол муассасанинг чақалоқлар ва чала туғилган чақалоқлар патологияси бўлимига госпитализация қилинган.
3.7k 0 5
Bugun.uz | Расмий канал

20 Jan, 11:12

Открыть в Telegram Поделиться Пожаловаться
Толибон расмийси аёллар таълимига қўйилган тақиқни қоралади

Афғонистон Ташқи ишлар вазирлиги директор ўринбосари Шер Аббос Станикзай ҳукуматни афғон аёллари ва қизларининг таълим олишига қўйилган тақиқларни бекор қилишга чақирди.

Амалдор диний мактабдаги маросимда тўпланганларга аёллар ва қизларнинг таълим олишини тақиқлашга ҳеч қандай сабаб йўқлигини айтди. Толибон етакчиси қизларга олтинчи синфдан кейин таълим олишни тақиқлаган. Ўтган йилнинг сентябрь ойида эса ҳукумат аёллар учун тиббий таълим ва курсларни ҳам тўхтатган.

Афғонистонда аёл ва қизлар фақат аёл шифокорлар ҳамда тиббиёт ходимларида даволаниши мумкин.

«Биз яна раҳбариятни таълим эшикларини очишга чақирамиз. 40 миллион аҳолининг 20 миллион нафарини барча ҳуқуқларидан маҳрум этиб, уларга нисбатан адолатсизлик қилмоқдамиз. Бу ислом қонунларига кўра эмас, балки бизнинг шахсий танловимиз ёки табиатимиз натижаси», деди Станикзай.
4.5k 1 6
Bugun.uz | Расмий канал

20 Jan, 08:17

Открыть в Telegram Поделиться Пожаловаться
Тошкентда Lacetti йўл ўртасидаги устунга бориб урилди

Тошкент шаҳрининг Юнусобод тумани, Амир Темур кўчасида 19 январ куни соат 01:00 ларда ЙТҲ содир бўлди.

Пойтахт ИИББ ЙҲХБ хабар беришича, ҳайдовчи, 2003 йилда туғилган М.А. Lacetti автомашинасини бошқариб кетаётиб рул бошқарувини йўқотиб, йўл ўртасидаги устунга тўқнашган.

Ҳодиса оқибатида автомашина йўловчисига биринчи тез тиббий ёрдам кўрсатилган. Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
4.2k 0 4
Показано 20 последних публикаций.