⚡ХАЛҚ НАЗОРАТИ

Раддия

Инсон ҳуқуқлари бўйича «Эзгулик» жамияти раҳбари Абдураҳмон Ташанов Facebook саҳифасида қуйидаги мазмундаги хабарни чоп этган:

«Журналист Анора Содиқова «Муфаса» тахаллуси билан фаолият юритувчи блогер Мирсаид Ҳайдаров устидан судга мурожаат қилди. Мурожаатда Анора блогер томонидан ижтимоий тармоқлар ва турли аноним каналларда ўз шаъни, қадр-қиммати камситилгани ҳамда туҳматга учрагани ҳақида баён қилган.»

Бироқ, фуқаро Анора Содиқова томонидан Фуқаролик ишлари бўйича Шайхонтоҳур туманлараро судига киритилган даъво аризасида мен – Мирсаид Ҳайдаров томонидан «турли аноним каналларда ўз шаъни, қадр-қиммати камситилгани ва туҳматга учрагани» ҳақида ҳеч қандай баён келтирилмаган.

Демак, «Эзгулик» жамияти раҳбари Абдураҳмон Ташанов ҳақиқатга мос келмайдиган ва тасдиқланмаган маълумот тарқатмоқда деган хулосага келиш мумкин.

Шунингдек, Анора Содиқова ўз Telegram-канали (@anora_sodiq) ва Facebook саҳифасида бўлажак суд жараёни ҳақида шундай фикр билдирган:

«Журналистларни сўккан ва уларни хорижга агентлик қилишда айблаган блогер қонун олдида жавоб берсин.»

Бироқ, бундай баёнотлар суд ишига дахлдор эмас, шунингдек, туҳмат ва уйдирмалардан иборат деб ўйлайман. Зеро, мен бирор журналистни ҳақорат қилмаганман ва аниқ бир шахсни хорижга агентлик қилишда айбламаганман.

Бундан ташқари, Gazeta.uz ва Daryo.uz каби нашрлар юқоридаги шахсларнинг постларига ҳавола келтирган ҳолда, ҳақиқатга тўғри келмайдиган, ҳеч қандай асосга эга бўлмаган, бир тарафлама ёлғон маълумотларни тарқатган.

Шу сабабли, Абдураҳмон Ташановдан, Анора Содиқова, Gazeta.uz ва Daryo.uz таҳририятидан ўз платформаларида раддия чоп этишларини сўрайман.

Шунингдек, қуйидаги маълумотларни ўчириб ташлашларини ёки исботлаб беришларини талаб қиламан:

📌 Abdurakhmon Tashanov Facebook’даги қуйидаги жумлани:

«Мурожаатда Анора блогер томонидан ижтимоий тармоқлар ва турли аноним каналларда ўз шаъни, қадр-қиммати камситилгани ва туҳматга учрагани ҳақида баён қилган.» Манба: Facebook пости

📌 Анора Содикова Telegram-каналидаги қуйидаги жумлаларни:

«Журналистларни сўккан ва уларни хорижга агентлик қилишда айблаган блогер қонун олдида жавоб берсин.”
«Мирсаид Ҳайдаров ва троллар армиясига қарши ишда мен билан биргамисиз?!» Манба: Telegram пости

📌 Gazeta.uz’даги қуйидаги жумлани:

«Анора Содиқова ўз мурожаатида блогер «Муфаса» томонидан ижтимоий тармоқлардаги турли аноним каналларда ўз шаъни, қадр-қиммати камситилгани ва туҳматга учрагани ҳақида баён қилган.» Манба: Gazeta.uz мақоласи

📌 Daryo.uz’даги қуйидаги жумлани:

«U bloger tomonidan ijtimoiy tarmoqlardagi turli anonim kanallarda oʻz shaʼni, qadr-qimmati kamsitilgani va tuhmatga uchragani haqida shikoyat kiritgan. Манба: Daryo.uz Telegram пости

Агар юқоридаги ҳақиқатга тўғри келмайдиган маълумотлар ўз вақтида ўчирилмаса, мен ҳуқуқий тартибда чора кўриш учун ҳуқуқни муҳофаза қилувчи органларга ҳамда судга мурожаат қилиш ҳуқуқимдан фойдаланишга мажбур бўламан.

@mufasa_mh

Журналист Анора Содиқова аризаси асосидаги блогер Мирсаид Хайдарова қарши суд мажлиси бошқа кунга қолдирилди.

Мирсаид Хайдаров ўз фикрини мана бу шаклда тармоқда ифода қилди.

"ОАВ ва ижтиомий тармоқларда «Журналист Анора Содиқова Мирсаид Ҳайдаровни судга берганди. У блоегер томонидан ижтимоий тармоқлардаги турли аноним каналларда ўз шаъни, қадр қиммати камситилгани ва туҳматга учрагани ҳақида шикоят киритган» деган мазмунда ёлғон, тасдиқланмаган хабарлар тарқатилмоқда.

Даъвогар ўз даъво аризасида «блогер – яъни мен томонимдан ижтимоий тармоқлардаги турли аноним каналларда ўз шаъни, қадр қиммати камситилгани ва туҳматга учрагани» ҳақида шикоят келтирилмаган."

Чирчиқ шаҳар ҳокимлиги котибининг ёзган изоҳидаги хатоларни санаб ўтирмадим.

Судлар нега аудио ва видеоёзувдан бунчалик қўрқади?

Яқинда Наманган вилоят судида аҳоли соғлиғини сақлаш ва давлат хизматчиларининг касбий фаолияти билан боғлиқ жиноят иши юзасидан апелляция шикояти кўрилди. Ушбу соҳадаги махсус Фармонга мувофиқ аслида бундай жиноятларга оид суд мажлислари Интернет тармоғи орқали жонли эфирга узатилиши шарт.

Судларда Президент Фармонига амал қилинмаслиги сабабли судлов ҳайъатига илтимоснома киритиб, суд мажлисида аудиоёзув олиб боришга рухсат сўрадик. Ҳаттоки, ҳимоя томони бу ёзувлардан фақатгина суд жараёнларидагина фойдаланиши кафолатини ҳам бердик.

Тарафларнинг бирортасида илтимосномага нисбатан эътироз бўлмади. Судда прокурор ваколатларини бошқа бир судда “мен бугун формада эмасман, шу сабабдан суд жараёнини видеога олиш ҳақидаги илтимосномани рад этишингизни сўрайман” деган жумлалари билан ҳаммага танилган Б.Маруфов таъминлаётган эди. Аудиоёзув олиб бориш ҳақидаги илтимосномамиз юзасидан ҳурматли прокуроримиз бу сафар олдингидан ҳам ғаройиб важ келтирди.

У ўрнидан туриб “суд мажлисида баённома юритилаяпти, барча маълумотлар унга киритилади, шу сабабдан илтимосномани рад этишингизни сўрайман” деди. Шу билан судлов ҳайъати суд мажлисида аудиоёзув олиб бориш ҳақидаги илтимосномани рад этди.

Нима учун аудиоёзув Наманган вилоят судини бунчалик қўрқувга солганлиги ҳақида эса кейинроқ.

Адвокат Руслан Мухаммадиев

Судьялар олий кенгаши раиси Х.Ёдгоров EFFEKT.UZ сайти устидан Бош прокуратурага шикоят қилгани ҳақида ёзган эдик.

Х.Ёдгоровнинг шикояти асоссиз эканлигини амалда бўлган Қонунларга асосан таҳлил қилиб беришга ҳаракат қиламиз.
https://t.me/XalqNazorati/15098

Чунки, Х.Ёдгоров «Ўзбекистон Республикаси Судьялар олий кенгаши тўғрисида»ги Қонун 18-моддасининг учинчи қисмини ўзини фойдасига ишлата олмайди, пост уни шаъни, қадр қимматини камситган деб ҳисобласа, фуқаро сифатида фуқаролик ишлари бўйича судга даъво аризаси ёки ички ишлар органларига туҳмат бўйича ариза бериши мумкин.

Ҳар иккала ҳолатда ҳам маълумотларни ҳақиқатга тўғри келмаслиги исботланиши керак. Ваҳоланки, постдаги ҳолатлар ҳақиқатга тўғри келади. Лекин тақдимнома бу ҳолатда киритилишини ўзи ноқонуний.

Икки йил стаж қоида тариқасида дейилган. Малака ҳайъатлари хулосасига кўра тайинланади деган масала ҳам низоли.

Ўша ҳудуддан икки йил эмас, 10 йиллик стажлик малакали судьялар турганда, икки йил ҳам тўлмаган судьяни лавозимини кўтаришда қайси критериялар рол ўйнаган?

Чунки, «Ўзбекистон Республикаси Судьялар олий кенгаши тўғрисида»ги Қонуннинг 6-моддаси биринчи қисми иккинчи бандига кўра, судьялик лавозимларига номзодларни энг малакали ва масъулиятли мутахассислар орасидан танлов асосида танлаш, тайёрлаш, лавозимга тайинлаш, шунингдек раҳбар судьялик лавозимларига кўрсатиш учун тавсия этиш орқали судьялар корпусини шакллантириш Кенгашнинг асосий вазифаларидан бири ҳисобланади.

Кенгаш коллегиал орган, Ёдгоров жавобгар эмас дейиш ҳам асоссиз. «Ўзбекистон Республикаси Судьялар олий кенгаши тўғрисида»ги Қонун 9-моддасининг биринчи қисми иккинчи бандига кўра, Кенгаш раиси Кенгаш фаолиятига умумий раҳбарликни амалга оширади ва Кенгаш зиммасига юклатилган вазифаларнинг бажарилиши учун шахсан масъул бўлади.

ХУЛОСА ЭСА СИЗДАН...

Нима сабабдан амнистия акти асосида жавобгарликдан озод қилиш амалиётидан воз кечилди?

Конституция, Жиноят кодекси ва Жиноят-процессуал кодекси, шунингдек бошқа қонунлардаги (8 йил давомида умуман ишлатилмаган) бу актга тегишли қоидаларни бекор қилиш пайти келди.

Умуман ишлатилмайдиган қоидаларнинг қонунларда бўлишидан фуқароларимизга қандай наф бор?

Қариндошларнинг ноқонуний ишлари вазирни бошига етди...

Генерал-майор Қўлдошев Абдулла Хамидуллаевич Фавқулодда вазиятлар вазири лавозимидан озод этилди.

Ўзбекистон Республикаси Президентининг фармони билан Ботир Баҳромович Қудратхўжаев Ўзбекистон Республикаси фавқулодда вазиятлар вазири лавозимига тайинланди ва шу муносабат билан Ўзбекистон Республикаси Бош прокурори ўринбосари – Ҳарбий прокурори лавозимидан озод этилди.

Бундан илгарироқ Б.Қудратхўжаев номзоди Олий Мажлис Қонунчилик палатаси депутатлари томонидан маъқулланган эди.

Эртага вазирни туғилган куни...

У соҳага раҳбарлик қилаётганига (и.о.лик давриниям қўшганда) ҳам бир йилдан ошди. Шу вақт оралиғида соҳада ўзгариш бўлдими ёки йўқми?

Эслатиб ўтамиз, Президентимиз имзолаган
2024 йил 21 ноябрдаги фармонга асосан Асилбек Анварович Худаяров – Ўзбекистон Республикаси соғлиқни сақлаш вазири этиб тайинланди.

Жаноб Мелиев, амал умрбод берилмаган...

Ростдан ҳам Худоёр Мелиев адлия вазирининг ўринбосари лавозими бир умрга берилган деб ўйлаб юрган шекилли?!

Бугун тушгачаям кабинетни бўшатмай ўтирганмиш...

Жаноб Мелиев, Президент буйруғи билан ўйнашманг, саботаж қилманг, акс ҳолда оқибати нима бўлишини яхши тушунасиз!

Korzinka бир шиша сувдан 500 сўм уриб ўтирибди...

Бир кунда неча шиша сув сотаркан-а...?!

Эҳтиёт бўлорасилар!

1 АПРЕЛДАН АҲОЛИ УЧУН ЭЛЕКТР ЭНЕРГИЯСИ НАРХИ ОШАДИ!!

ЯНГИ ТАРИФЛАР БИЛАН ТАНИШИБ ОЛИНГ:

200 квт'гача - 600 сўм (ҳозир 450 сўм эди)

200 квт'дан 1000 квт'гача - 1000 сўм (900 сўм эди).

1000 квт'дан 5000 квт'гача - 1500 сўм (1350 сўм эди).

5000 квт'дан 10 000 квт'гача - 1750 сўм (1500 сўм эди).

10 000 квт'дан юқорисига - 2000 сўм (1750 сўм эди).

Қарғиш Аршга етиб борди шекилли...

Маълумотларга кўра Адлия вазирининг ўринбосари Х.Мелиев лавозимидан озод этилган

Мансаб ҳеч кимга умрбод бериб қўйилган эмас.

1-гуруҳ ногирони Рустам Тоғаевга нисбатан қилинган шунча зулм, туҳмат изсиз кетади деб ўйлаган эди бу жаноб.

P.S. Энди навбат қолган шерикларига: тез кунларда яна янгиликлар кутиб қоламиз

Президент маслаҳатчиси ўринбосари - Халқ қабулхонаси раҳбари Улуғбек Мухаммадиевга!

75 ёшли отахон бир неча йилдан буён сарсон қилинмоқда. Отахон мурожаат қилмаган ташкилоти қолмади ҳисоб. Отахон қаерга мурожаат қилса, мурожаати ўрганиш учун яна туманга қайтиб келмоқда. Ваҳоланки, отахон туман ташкилотлари ҳаракатларидан норози.

Бундан сал олдинроқ, 2024 йил 15 ноябрда Давлат солиқ қўмитаси ҳузуридаги Кадастр агентлиги Давлат кадастрлар палатаси раиси ўринбосари Суюнов Аҳмаджон Хужамуродовичга ҳам интернет орқали мурожаат қолдирган эди. Бошида шуғулланган бўлишди-ю, кейин эса муаммо унутилди.

Ҳурматли Улуғбек Исломович!

Юқоридагиларга асосан, отахоннинг мурожаатини назоратга олишни ҳамда ҳеч бўлмаганда вилоят даражасида ўрганиш ўтказилиб, масалага узил-кесил нуқта қўйилишида амалий ёрдам беришни илтимос қиламиз!

Мурожаатчи: Сурхондарё вилояти Денов тумани Пожур маҳалласида яшовчи Қурбонов Наби бобо.
Телефон: +99894-263-22-51
+99899-211-46-76

https://www.facebook.com/share/p/1C8B6NxDDx/