Anora_Sodiq_kundaligi

Барчангизга минг раҳмат!

Мен кеча тасаввуримдаги жадидларни кўрдим. Уларнинг кўзларига боқдим. Сўзларини тингладим. Улар миллатпарварлик қонида, жасорат қалбида, ватанпарвар руҳига сингиб кетган миллат ойдинлари эди. Қувонмай бўладими?Барчангизга минг раҳмат.
Қаршилик қилганларга ҳам раҳмат. Сиз қаршилик қилмаганингизда бу миллатнинг ойдинлари, жадидлари борлигини биров ҳис қилармиди?! Раҳмат.

Тарих барчасига баҳо беради.

@anora_sodiq

Anora Sodiq va axborot maydonida faol boshqa odamga "Zarafshon" yoki biror zal-u koshona kerak emas. Tegishli organlarning barchasidan ruxsat olinib, AOKA bilan kelishilib, ularning fotihasi bilan o'tkazilishi kerak bo'lgan media tadbirning oxirgi daqiqada joysiz qolib ketishi Real O'zbekiston, ya'ni hukumat propagandasini qilmaydigan har qanday tomondan qo'rqishga asoslangan harakat.

150 jurnalist, bloger va aktivistlar taklif qilingan erkin tadbirga Toshkentda sahna berish uchun yurak kerak, iroda kerak, aql kerak. Aslida bunday tadbirlarning o'tishi, ularni o'tkazishga ishtiyoq va g'ayrat borligi O'zbekistonda hamon erkinlik nafasi urib turganidan dalolat emasmi? Buni rejim tushunmasligi va qadrlamasligiga bugungi holat yana bir misol. O'zbekistonda media erkinlik qanchalik deb tez-tez so'rashadi. Mana sizga informatsion siyosatning bir aksi.

Aslida mamlakat bo'ylab faol ishlayotgan, O'zbekiston aholisi vaqtida zarur axborotni olishi uchun ter to'kayotgan odamlar O'zbekistonni chindan e'zozlaydigan, hatto amaldagi siyosat ish berishi kerak deb undab kelayotgan, bu jihatdan tizimga yordamlashayotgan insonlardir.

Uzdiplomat.uz yillik tanlovining g'oliblari bilan bir tanishib chiqing. Mustaqil mutaxassislar u yerda barmoq bilan sanoqli. Aksariyati - davlat organlari, ularning xizmatidagi va rasmiy propagandani qilib yurgan shaxslar. Tanlov natijalarini hukumat allaqachon sinchiklab o'rganib chiqqan, prezident va islohotlar talabiga javob berishi ta'minlangan.

Bunday tadbirlarni to'xtatish mumkin emasligini rahbariyat anglashi kerak. Anglamagani uchun ham u har doimgidek olabo'ji sifatida namoyon. Yosh, hali pishib yetilmagan, tinimsiz kuzatuvdagi, mittigina, moliyaviy jihatdan oyoqqa turib ulgurmagan media tashkilot o'tkazayotgan bo'lsa-da, bu tanlov va bugungi taqdimot - O'zbekiston axborot makonining yorqin ko'rinishi, haqiqati. Butun mamlakatdan hamkasb va safdoshlarni bir joyga yig'a olgan ezgu tashabbus. Respublika ruhiyatini va shijoatini aks ettiradigan tadbir. Uzdiplomat.uz va uning hamkorlari - tabriklaymiz, omad yor bo'lsin!

@anora_sodiq

“Йил танлови” бошланишидан суратлар
Бугун кимнидир кайфияти ёмон бузилди. Лекин аниқ меники эмас. Ҳаммага раҳмат. Ҳалақит қилганларга ҳам))

Яна шу ерда туриб Республиканинг турли бурчагидан келган фаоллар, журналистлар ва блогерларга қарата энг тотли орзуим “Ўзбекистонда қонун устувор давлатни кўриш” эканлиги ҳақида бажонидил гапирган бўлардим. Бизга ҳалақит қилиб шундай “имконият” яратиб беришгани учун раҳмат.

@anora_sodiq

Бир нечта дипломли ёшлар раҳбар лавозимга кўтарила олмаётганида, жиноят кодексининг қатооооор бандлари билан айбланган, давлат раҳбари кескин танқид қилган кадрлар раҳбарликка муносиб кўрилганига лол қолмай иложимиз йўқ.

Андижон тумани собиқ ҳокими Абдужаббор Эгамбердиев давлат идораларида раҳбарликка тайинланиш тақиқи муддати тугаши биланоқ яна раҳбар бўлди.

@anora_sodiq