KorrupsiyasizUrDU

Пора олмасликнинг иложи борми?

Академияда ўқиб олиб юрган вақтларимиз маъруза машғулотларида лекторлар маърузани эътибор билан тингламаётган, уйқусираб ўтирган тингловчиларни ўринидан турғазиб: мана сиздақалар эртага кўчага чиқиб, қўлидаги материални нима қилишни билмасдан, пора олиб қамалиб кетади, ўтириб яхшилаб тингламайсанми, сен учун гапиряпман-ку, деб уришиб беришарди.

Бу гаплар кўпчилигимизга жиддий таъсир қилган. Наҳот амалиёт шу қадар мураккаб бўлса, наҳот пора билан бизни қамаб юборишса, дердик.

Ўқишни тугатганимиздан кейин эса, мен амалиётда бироз муддат ишлаб, ўзим учун пора олмасликнинг оддий сирини кашф этдим.

Ҳа, устозларнинг айтганларида ҳам жон бор, кимки, билимсиз бўлса, қўлига берилган ҳужжатлар бўйича қабул қилинажак қарорнинг оқибатларини билмаса, жавобгар бўлиб кетиши мумкин.

Лекин, пора олмасликнинг яна бир оддий сири ҳам бор экан: сўрамасанг, беришмайди.

Шунчалар оддий эканки бу пора олмасликнинг сири, агар унга риоя этсангиз, ҳеч қачон пора олмайсиз, сўрамасангиз бўлгани. Ҳар қандай ҳолатда ҳам пора олувчи албатта уни сўрайди. Сўрамаганга пора берилмайди.

Мажбурлаб пора берадиган инсон ҳали бу дунёга келмаган, менимча!

Таклиф балки пора берувчидан чиқиб қолар, лекин унинг миқдори, қандай тартибда олиниши ва ҳоказолар, албатта сўрагувчидан чиқади.

Пора сўраманг, шунда, тоза, ҳалол ва хотиржам ҳаёт кечирасиз, ҳамма жойда ҳурматингиз ошади, юзингиз ёруғ бўлади.

Шу оддий сирни сиз билан бўлишгим келганди!

Адвокат Сарвар Артиков

@generalissimo_marshal

Maktabni bitirish arafasida turgan uka-singillarim!

Sizdan bakalavrda o‘zingizga mos yo‘nalish tanlashingizni so‘rab qolgan bo‘lar edim. Chunki to‘g‘ri yo‘nalish tanlash - kelajakdagi kasbingizga qadam tashlashning muhim bosqichi. Men ko‘plab seminarlarda ham shu mavzuni birinchi o‘rtaga qo‘yaman.

To‘g‘ri yo‘nalishni tanlashni esa hozir tushuntiraman🎁. Buning uchun avvalo o‘zingizni yaxshi anglab olishingiz kerak. Bu jarayonda uchta asosiy jihatga e‘tibor qarating:

➡️Qadriyatlar (Values)
Siz uchun muhim bo‘lgan narsalar nimalar? Ko‘proq daromadmi yoki ko‘proq bo‘sh vaqtmi? Yoki jamiyat rivojiga xissa qo'shishmi? Shu kabi qadriyatlar sizning tanlovingizni belgilashi mumkin.

➡️Qiziqishlar (Interests)
Sizga yoqadigan mashg‘ulotlar nimalar? Ularni kelajakdagi kasbingizga bog‘lashga harakat qiling. Qiziqishlaringizni aniqlash orqali o‘zingizni yanada yaxshi tushunasiz.

➡️Ko‘nikmalar (Skills)
Nimalarni yaxshi bajara olasiz? Jamoada ishlash, muammolarni hal qilish yoki muloqot qilish kabi ko‘nikmalar ish beruvchilar tomonidan yuqori baholanadi.

Unutmang, to‘g‘ri yo‘nalish tanlash kelajakdagi muvaffaqiyatlar poydevorini quradi🪙. O‘z qadriyatlaringiz, qiziqishlaringiz va ko‘nikmalaringizni aniqlang va ular asosida qaror qabul qiling.


👉@QilichbekDavronov👈