Korrupsiyaga qarshi kurashish agentligi

Investitsiya loyihalari doirasida ajratilgan mablag‘larni maqsadli yo‘naltirish va ochiqlikni taʼminlash borasidagi ishlar o‘rganildi

Davlatimiz rahbarining bir qator qarorlari bilan Korrupsiyaga qarshi kurashish agentligiga xalqaro moliya institutlari va xorijiy moliya tashkilotlari ishtirokidagi investitsiya loyihalari doirasida mablag‘lar sarflanishi jarayonida ochiqlikni ta’minlash bo‘yicha topshiriqlar yuklatilgan.

Mazkur topshiriqlar ijrosini ta’minlash maqsadida Agentlik direktori o‘rinbosari Umed Mavlyanov rahbarligidagi ishchi guruh Jizzax viloyatida Jahon bankining xalqaro taraqqiyot uyushmasi va Osiyo infratuzilmaviy investitsiyalar banki ishtirokida “Qishloq infratuzilmasini rivojlantirish” loyihasining amalga oshirilishi jarayoni bilan tanishdi.

Loyiha doirasida Zomin, Baxmal, Forish va Yangiobod tumanlarining 28 ta qishloqlarida 68 ta subloyihalarni amalga oshirish belgilangan.

O‘rganishlarga ko‘ra, bugungi kun holatiga jami 200,8 mlrd so‘mlik (97,3 foiz) qurilish montaj ishlari amalga oshirilgan hamda 197,6 mlrd so‘mlik (95,7 foiz) mablag‘lar moliyalashtirilgan.

Ishchi guruh loyiha doirasida Zomin tumani, Chorvador MFYda rekonstruksiya qilingan 220 o‘ringa mo‘ljallangan 10-maktab bilan tanishib chiqdi.

Zomin tuman hokimi Alisher Abdug‘aniyev, tuman mutasaddilari, loyihani amalga oshirish guruhi vakillari hamda mahalliy aholidan loyihaga jamoatchilik asosida jalb qilingan faol fuqarolar guruhi ishtirokida loyiha doirasida bajarilgan ishlar yuzasidan taqdimot tashkil etilib, mavjud muammolar muhokama qilindi.

Ishchi guruh tomonidan mas'ullarga loyiha doirasidagi ishlarni belgilangan muddatlarda yakunlash bo‘yicha tegishli ko‘rsatmalar berildi.

Loyihani amalga oshirish davomida mablag‘larning maqsadli sarflanishi va bu jarayonlarda ochiqlikning ta’minlanishi bo‘yicha nazorat tadbirlari davom ettiriladi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga oid eng muhim yangiliklar, ishonchli va tezkor xabarlar bilan Korrupsiyaga qarshi kurashish agentligining ijtimoiy tarmoqlardagi sahifalari orqali tanishing!

📱 Telegram
t.me/antikor_uzb
t.me/SherzodSaparov

📱 Facebook

📱 Instagram

📱 Youtube

📱 X (Twitter)

✅Agentlikning Facebook va Telegram kanali rasmiy maqomga ega.

Ishonchli manbalardan axborotni oling!
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi jamoasi Davlat bojxona xizmati xodimlarini bugungi kasb bayrami bilan muborakbod etadi.

Mamlakatimiz iqtisodiy manfaatlarini himoya qilish va xavfsizligini taʼminlash, yashirin iqtisodiyotga qarshi kurashish orqali korrupsiyaning oldini olish yo‘lidagi mashaqqatli, masʼuliyatli faoliyatlarida yangi yutuq va muvaffaqiyatlar tilaymiz!

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish samaradorligini reyting baholash bo‘yicha dastlabki natijalar ko‘rib chiqilmoqda

O‘zbekiston Respublikasi Prezidentining 2022-yildagi PQ-81-son qaroriga asosan, Korrupsiyaga qarshi kurashish agentligi tomonidan 2024-yil yakunlariga ko‘ra, davlat organlari va tashkilotlarining korrupsiyaga qarshi kurashishdagi samaradorligini reyting baholash bo‘yicha shakllantirilgan dastlabki natijalar Reyting baholashni mustaqil amalga oshiruvchi ekspertlar guruhiga taqdim qilindi.

Ma’lumot uchun: Ekspertlar guruhi reyting baholash ishlarining xolisligi va shaffofligini ta’minlash maqsadida 9 kishidan iborat tarkibda shakllantiriladi. Guruhning kamida 3 nafar a’zosi fuqarolik jamiyati institutlari vakillari orasidan tanlab olinadi.

Reyting baholash natijalari xolisligini ta’minlash maqsadida korrupsiyaga qarshi kurashish bo‘yicha amalga oshirilgan ishlar haqida davlat organlari va tashkilotlari tomonidan “E-anticor.uz” elektron platformasiga kiritilgan ma’lumotlar Ekspertlar guruhi tomonidan ko‘rib chiqiladi.

Bugun Agentlik vakillari hamda ekspertlar guruhi a’zolarining uchrashuvi tashkil etilib, mazkur jarayon bilan bog‘liq muhim masalalarning dastlabki muhokamasi bo‘lib o‘tdi.

Baholash bosqichlari va yakuniy natijalar Agentlikning rasmiy sahifalarida e’lon qilinadi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

2024- yilda normativ-huquqiy hujjatlar loyihalarining korrupsiyaga qarshi ekspertizasi

Korrupsiyaga qarshi kurashish agentligi tomonidan 327 ta normativ-huquqiy hujjatlar loyihalarini korrupsiyaga qarshi ekspertizadan o‘tkazildi. Shundan 233 tasida 676 ta korrupsiyani keltirib chiqaruvchi omillar aniqlandi.

Eng ko‘p korrupsiya omillari:

– 139 ta normativ-huquqiy hujjatlarda qarama-qarshiliklar mavjudligi;

– 98 ta maʼmuriy tartib-taomillarning mavjud emasligi yoki to‘liq emasligi;

– 50 ta noaniq va asossiz havolalarning qo‘llanilganligi;

– 56 ta tanlov (auksion) tartib-taomillaridan bo‘yin tovlash imkoniyatini beruvchi normalarning mavjudligi;

– 47 ta diskretsion vakolatlarning kengligi;

– 41 ta istisnolarning asossiz ravishda qo‘llanilganligi

– 245 ta boshqa omillar.

Korrupsiyani keltirib chiqaruvchi mazkur omillarni bartaraf etish choralari ko‘rildi.

Batafsil infogafikada.

📌Ma'lumot o'rnida: Qonunchilik palatasi deputatlari tomonidan quyi palataga qonun loyihasini kiritishda qonun loyihasi va xalqaro shartnoma loyihasining o‘tkazilgan huquqiy ekspertizasi natijalarini, shuningdek, qonun loyihasining korrupsiyaga qarshi ekspertizasi va u bo‘yicha o‘tkazilgan jamoatchilik muhokamasi natijalarini taqdim etish to‘g‘risidagi talabni qonunchilikda belgilashga qaratilgan qonun loyihasi ishlab chiqildi.

Loyihada qonunlarga idoraviy normativ-huquqiy hujjatlar normalarini

yuqori yuridik kuchga ega bo‘lgan qonun hujjatlariga o‘tkazishni, ahamiyati va dolzarbligini yo‘qotgan qonunosti hujjatlarini bekor qilinishini

ta’minlashga qaratilgan qo‘shimchalar ham nazarda tutilmoqda.

Kuni kecha qonun loyihasi deputatlar tomonidan uchinchi o‘qishda qabul qilinib, Senatga yuborildi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlat organlari va tashkilotlarining korrupsiyaga oid harakatlar to‘g‘risida xabar berish uchun mo‘ljallangan aloqa kanallari

✅MARKAZIY MUASSASALAR

✅O‘ZBEKISTON RESPUBLIKASI PREZIDENTI VA PREZIDENT ADMINISTRATSIYASI HUZURIDAGI TASHKILOTLAR

✅VAZIRLAR MAHKAMASI HUZURIDAGI TASHKILOTLAR

✅MAHALLIY HOKIMLIKLAR

✅QO'MITALAR

✅AGENTLIKLAR

✅DAVLAT KORXONALARI, AKSIYADORLIK JAMIYATLARI

✅INSPEKSIYALAR

✅BANKLAR

📌Eslatib o‘tamiz: Qonunchilikda korrupsiyaga oid huquqbuzarliklar to‘g‘risida xabar qiluvchi shaxslar va ularning yaqin qarindoshlari davlat himoyasida ekanligi belgilangan.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

2024-yilda amalga oshirilgan ishlar, natija va ko’rsatkichlar

Korrupsiyaga qarshi kurashish agentligi tomonidan 2024-yilda korrupsiyaga qarshi kurashishning huquqiy asoslarini takomillashtirish, davlat byudjeti mablagʼlarining samarali sarf etilishini nazorat qilish, davlat organlari faoliyatining ochiqligini taʼminlash, xalqaro hamkorlik koʼlamini kengaytirish yoʼnalishlarida amalga oshirilgan ishlarga bag'ishlangan brifing boshlandi.

Brifingni АOKАning Facebook tarmogʼidagi rasmiy sahifasi, shuningdek, "O'zbekiston" telekanali orqali jonli tarzda tomosha qilishingiz mumkin.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Bugun 20 yanvar kuni AOKAda Korrupsiyaga qarshi kurashish agentligi axborot xizmati rahbari Sherzod Saparov ishtirokida brifing bo‘lib o‘tadi.

Mavzu: 2024-yilda amalga oshirilgan ishlar, natija va ko’rsatkichlar

Boshlanish vaqti: 10:00
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlat organlari va mansabdor shaxslarining bekor qilingan noqonuniy qarorlariga doir ma’lumotlar ochiqligi ta'minlanmoqda

Davlat rahbarining 2023-yil 27-noyabrdagi PF-200-son Farmoni (1-ilovasi 10-bandi)da Oliy sud tomonidan har chorak yakuni bilan keyingi oyning 15-sanasiga qadar sudlar tomonidan davlat organlari va tashkilotlari, ularning mansabdor shaxslarining noqonuniy chiqarilganligi uchun bekor qilingan qarorlari to‘g‘risidagi ma’lumotlarni rasmiy veb-saytida ochiq e’lon qilib borish vazifasi yuklatilgan.

Farmon ijrosini ta’minlash maqsadida Oliy sudning rasmiy veb-saytidagi interaktiv xizmatlar portali — my.sud.uzda bunday tartib yo‘lga qo‘yilgan bo’lib, Korrupsiyaga qarshi kurashish agentligi tomonidan yuqorida qayd etilgan ma’lumotlarning o‘z vaqtida va sifatli joylashtirilishi doimiy monitoring qilib borilmoqda.

Tahlillarga ko’ra, 2024-yil davomida ma’muriy sudlar tomonidan davlat organlari va tashkilotlari, ularning mansabdor shaxslari qarorini haqiqiy emas deb topishga doir jami 6991 ta ish ko'rilgan bo‘lib, ularning 3184 tasi qanoatlantirilgan.

Shu jumladan, mahalliy hokimlik qarorlarining haqiqiy emas deb topilishga oid jami 2720 ta ish ko'rilgan bo‘lib, shundan mahalliy davlat hokimiyati organlarining va ular mansabdor shaxslarining qonunchilikka mos kelmaydigan hamda fuqarolar yoki yuridik shaxslarning huquqlari va qonun bilan qo‘riqlanadigan manfaatlarini buzadigan jami 933 ta qarori bekor qilingan.

Sudlar tomonidan davlat organlari va tashkilotlari, ularning mansabdor shaxslarining bekor qilingan noqonuniy qarorlari to‘g‘risidagi ma’lumotlarning jamoatchilik uchun ochiqligini ta’minlash bo‘yicha monitoring tadbirlari davom ettiriladi.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Bo‘lajak sudyalar bilan uchrashuv o‘tkazildi

Korrupsiyaga qarshi kurashish agentligida Sudyalar oliy kengashi huzuridagi Sudyalar oliy maktabi tinglovchilari bilan uchrashuv tashkil etildi.

Unda Agentlik masʼullari tomonidan tinglovchilarga korrupsiyaga qarshi kurashish sohasidagi davlat siyosati, Agentlik faoliyati, amalga oshirilayotgan aksilkorrupsiya islohotlari yuzasidan maʼlumot berildi.

Shuningdek, sohaga oid qonunchilikdagi yangiliklar, joriy etilayotgan yangi mexanizmlar, xususan, sud organlari faoliyatida ochiqlik va shaffoflikni taʼminlash, korrupsiyaga oid jinoyatlarning oldini olish hamda ularga imkon bergan omillarni bartaraf etish borasida ko‘rilayotgan choralar xususida ham o‘zaro fikr almashildi.

Tinglovchilar korrupsiyaga qarshi kurashish bo‘yicha bugungi kundagi dolzarb vazifalar, kelgusidagi reja va maqsadlar to‘g‘risida o‘zlarini qiziqtirgan savollarga javob oldi.

O‘quv mashg‘uloti mobaynida sudyalik lavozimiga nomzodlarni korrupsiyaga qarshi kurashishda huquqni qo‘llash amaliyoti bilan doimiy tanishtirib borish, shuningdek, ularning korrupsiyaga oid bilimlarini yanada mustahkamlashda bunday muloqotlarning amaliy ahamiyati muhimligi taʼkidlab o‘tildi.

Bu kabi uchrashuvlar Agentlik tomonidan doimiy ravishda tashkil etib kelinmoqda.
——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi tomonidan jismoniy va yuridik shaxslarning huquqlari, erkinliklari, qonuniy manfaatlarini himoya qilish, xalq bilan muloqotni yo‘lga qo‘yish, murojaatlar bilan ishlash sifatini yangi bosqichga olib chiqishga alohida eʼtibor qaratib kelinmoqda.

2024-yil davomida Agentlikka jami 4 176 ta murojaat kelib tushgan. Shundan 4 144 tasi ko‘rib chiqilishi taʼminlangan, 32 tasi ko‘rib chiqilmoqda.

2023-yil bilan solishtirganda murojaatlar salmog‘i 17,8 foizga oshgan.

Murojaatlar asosan quyidagi soha va yo‘nalishlar bo‘yicha kelib tushgan:

➖ sud qarorlari bo'yicha 398 ta (9,5%);

➖ surishtiruv va tergovga qadar tekshirish harakatlari yoki qarorlari yuzasidan norozilik 260 ta (6,2%);

➖ tadbirkorlarni qo‘llab-quvvatlash va huquqlarini himoya qilish masalasida 215 ta (5,1%).

Murojaatlarni o‘rganish natijasiga ko‘ra:

➖ 7 nafar shaxs intizomiy javobgarlikka tortilgan, shundan 1 nafar davlat idorasi xodimi bilan mehnat shartnomasi bekor qilingan;

➖ 19 ta qabul qilingan qarorlar bekor qilingan;

➖ 6 ta jinoyat ishi, 10 ta maʼmuriy ish qo‘zg‘atilgan va mavjud xato-kamchiliklarni bartaraf etish choralari ko‘rilgan.

Batafsil infografikada.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Korrupsiyaga qarshi kurashish agentligi jamoasi barchangizni mamlakatimiz hayotidagi muhim sana – O‘zbekiston Qurolli Kuchlari tashkil etilganining 33 yilligi hamda Vatan himoyachilari kuni bilan samimiy muborakbod etadi.

Vatanni himoya qilishdek eng ulug‘ burchni sharaf bilan ado etib kelayotgan mard va jasur o‘g‘lonlarimizning metin irodasi, jasorat-u shiddati tinch va osoyishta hayotimiz hamda sarhadlarimiz daxlsizligining mustahkam qalqoni bo‘lib xizmat qilaversin!

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

#Davlat_dasturi

2025-yilgi Davlat dasturi loyihasi jamoatchilik muhokamasiga qo‘yildi

“O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirish bo‘yicha davlat dasturi va uni tasdiqlash to‘g‘risidagi O‘zbekiston Respublikasi Prezidenti Farmoni loyihalari keng jamoatchilik muhokamasi uchun eʼlon qilindi.

Davlat dasturi loyihasida korrupsiyaga qarshi kurashish yo‘nalishida quyidagi vazifalar belgilanmoqda:

➖ davlat xaridlarida manfaatlar to‘qnashuvi, affillanganlik, raqobatga qarshi kelishuv va muvofiqlashtirilgan harakatlarni avtomatik tarzda aniqlash tizimini joriy qilish;

➖ davlat xizmatchilarida korrupsiyaga nisbatan murosasiz munosabatni shakllantirish, ularga “halollik vaksinasi”ni singdirish hamda ushbu borada preventiv mexanizmlarni joriy etish;

➖ BMT Korrupsiyaga qarshi konvensiyasi, xalqaro tashkilotlar tomonidan O‘zbekistonga bildirilgan tavsiyalar hamda boshqa xalqaro standartlarning bajarilishini monitoring qilish bo‘yicha elektron platformani ishga tushirish;

➖ davlat organlari va tashkilotlari, shu jumladan mahalliy davlat hokimiyati organlarida Korrupsiyaga qarshi kurashish ishlarining samaradorligini reyting baholash tizimini takomillashtirish bo‘yicha normativ-huquqiy hujjat loyihasini ishlab chiqish.

🗓Muhokamalar joriy yilning 22-yanvar kuniga qadar davom etadi.

——————
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt