TILGA E’TIBOR 📚🖌

Bilib qo‘ygan yaxshi

Tartib son arab raqami bilan yozilsa, -nchi qo‘shimchasi o‘rniga chiziqcha (-) qo‘yiladi.

Misollarga e'tibor qilamiz:

❌ 2009 yilda chiqib ketib, krizisni yengib yana qaytgan. 2015 yilda yana o‘nlikni tark etgan. 2021 yilda Rossiya yana o‘nlikka qaytgan. 2022 yilda esa rubl qadrining anomal mustahkamlanishi hisobiga hattoki 8-o‘ringa ko‘tarilib olgan. (kun.uz saytidan)

✅ 2009-yilda chiqib ketib, krizisni yengib yana qaytgan. 2015-yilda yana o‘nlikni tark etgan. 2021-yilda Rossiya yana o‘nlikka qaytgan. 2022-yilda esa rubl qadrining anomal mustahkamlanishi hisobiga hattoki 8-o‘ringa ko‘tarilib olgan.

❌ Turkiya va Rossiya o‘rtasida «Aqquyu» AESini qurish va foydalanishga topshirish bo‘yicha hukumatlararo bitim 2010 yilda imzolangan edi. (kun.uz saytidan)

✅ Turkiya va Rossiya o‘rtasida «Aqquyu» AESini qurish va foydalanishga topshirish bo‘yicha hukumatlararo bitim 2010-yilda imzolangan edi.

❌ 2024 yilning 27 iyun kuni Toshkent shahrida Kia avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhi tomonidan tashkil etilgan Kia avtomobillariga sotuvdan keyingi xizmat ko‘rsatilish bo‘yicha dilerlar Konferensiyasi o‘tkazildi. (kun.uz saytidan)

✅ 2024-yilning 27-iyun kuni Toshkent shahrida Kia avtomobil brendining O‘zbekistondagi rasmiy distribyutori bo‘lgan ADM Global kompaniyalar guruhi tomonidan tashkil etilgan Kia avtomobillariga sotuvdan keyingi xizmat ko‘rsatilish bo‘yicha dilerlar Konferensiyasi o‘tkazildi.

🔹 Сиз ҳам шунга ўхшаш хатоликларни учратсангиз, бизга йўлланг. Хатоларни бирга тузатамиз.

〰️〰️〰️〰️〰️〰️
🔰 Каналга уланиш: https://t.me/tilgaetibor

Билиб қўйган яхши

Матбуотда -лар қўшимчасининг ишлатилиши билан боғлиқ хато кўп учрайди.

Агар нарса-буюмнинг миқдори сон билан аниқ ифодаланган бўлса, у ерда -лар қўшимчасига эҳтиёж йўқ.

Самарқандда 5 туп қимматбаҳо дарахтлар таги билан йўқ қилинди. ("Янги Ўзбекистон" газетаси)

Мазкур гап мақоланинг сарлавҳаси сифатида берилган. Унда йўқ қилинган қимматбаҳо дарахтнинг неча туп эканлиги аниқ кўрсатилган. Шу боис дарахт сўзи -лар қўшимчасисиз қўлланиши керак эди.

❌Самарқандда 5 туп қимматбаҳо дарахтлар таги билан йўқ қилинди.

✅ Самарқандда 5 туп қимматбаҳо дарахт таги билан йўқ қилинди.

Қуйидаги мисолларга ҳам эътибор беринг:

❌ Ayni vaqtda respublikada 10 182 ta umumtaʼlim maktablari mavjud. ("Daryo" gazetasi)

✅ Ayni vaqtda respublikada 10 182 ta umumta'lim maktabi mavjud.

❌ 76 та олий таълим муассасаси ва 23 та филиаллар мавжуд.

✅ 76 та олий таълим муассасаси ва 23 та филиал мавжуд.

🔹 Сиз ҳам шунга ўхшаш хатоликларни учратсангиз бизга йўлланг. Хатоларни бирга тузатамиз.

🔰 Каналга уланиш: https://t.me/tilgaetibor