Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

OʻzDSMI | RASMIY

@dsmi_uz
Channel's geo and language: Uzbekistan, Uzbek
Category: Education

О‘zbekiston davlat san’at va madaniyat institutining rasmiy telegram sahifasi.
Rasmiy sayt: dsmi.uz
Murojaat uchun: (71) 230-28-02, 230-28-15

Related channels  |  Similar channels
Channel's geo and language
Uzbekistan, Uzbek
Category
Education
Statistics
Is this your channel? Confirm Канал в реестре блогеров РКН? Confirm Channel history
Posts filter

OʻzDSMI | RASMIY

14 Feb, 16:39

Open in Telegram Share Report
Forward from: Edu.uz
#live #Prezident #muloqot #yoshlar

“Vatan tayanchi” harakati kasb-hunar maktabi, texnikum va xususiy ta’lim tashkilotlarida ham yo‘lga qo‘yiladi

Yoshlarimizda vatanparvarlik ruhini kuchaytirish bo‘yicha 10–11-sinf o‘quvchilari o‘rtasida boshlangan “Vatan tayanchi” harakati kasb-hunar maktabi, texnikum va xususiy ta’lim tashkilotlarida ham yo‘lga qo‘yilishi belgilandi.

“Vatan tayanchi" otryadlari o‘rtasida “maktab – tuman – viloyat – respublika" darajasida sport musobaqalari va ijodiy tanlovlar tashkil etiladi.

Shu kabi har bir mahallada yoshlar o‘rtasida “mahalla – sektor – tuman – viloyat – respublika” darajasida “Shijoat va g‘ayrat” sport o‘yinlari o‘tkaziladi. G‘olib mahallalarga sport inshooti qurib beriladi, zarur anjomlar bilan ta’minlanadi.

“Vatan tayanchi” hamda “Shijoat va g‘ayrat” musobaqalari g‘oliblariga harbiy oliygohlarga kirishi uchun tavsiya beriladi.

Bizni kuzating

Facebook | Instagram | YouTube | Telegram
1 0 0
OʻzDSMI | RASMIY

14 Feb, 16:39

Open in Telegram Share Report
Forward from: Edu.uz
#live #Prezident #muloqot #yoshlar

“Men buyuk el farzandiman” umummilliy harakati yo‘lga qo‘yiladi

Bugungi kunda mafkuraviy xavf-xatarlar allaqachon kibermakonga ko‘chib o‘tgani qayd etildi.

Shu munosabat bilan yoshlarimizda internetdan foydalanish madaniyatini yanada yuksaltirish, ular yolg‘on ma’lumotlar qurboniga aylanishi, dunyoqarashi salbiy g‘oyalar ta’sirida shakllanishini oldini olish muhimligi ko‘rsatib o‘tildi.

Farzandlarimizning ma’naviy tarbiyasi va mafkuraviy immunitetini kuchaytirish, ularni yot g‘oyalardan asrash har birimizning vazifamizga aylanishi shartligi ta’kidlandi.

Shu bois mutasaddilarga yoshlarning mafkuraviy xavfsizligini ta’minlash, ularni dardiga malham bo‘lib, muammosini hal qilib, turli g‘oyaviy xurujlardan asrash, zararli axborotlardan himoya qilish ishlarini kuchaytirish topshirildi.

Ilm-fan va ta’lim yo‘nalishidagi foydali mahalliy internet resurslari reestri shakllantirilib, ulardan bepul internet tarmog‘i orqali foydalanish yo‘lga qo‘yiladi.

Nuroniylarimiz ishtirokida “Ajdodlar merosiga munosib avlod” g‘oyasi ostida yoshlarni birlashtirish bo‘yicha yangi tizim joriy etiladi. Shuningdek, yoshlarda vatanparvarlik hissini oshirish maqsadida “Men buyuk el farzandiman” umummilliy harakatini yo‘lga qo‘yish bo‘yicha yoshlarning tashabbusi qo‘llab-quvvatlandi.

Yoshlar ma’naviyatini yuksaltirishda badiiy adabiyotning roli juda katta ekani ta’kidlandi. Bundan qirq yil oldin ustoz shoir Erkin Vohidov tashkil etgan "Yoshlik” jurnali faoliyatini kuchaytirib, uni yana yoshlarimiz sevib o‘qiydigan jurnalga aylantirish muhimligi ta’kidlandi.

Bizni kuzating

Facebook | Instagram | YouTube | Telegram
1 0 0
OʻzDSMI | RASMIY

14 Feb, 16:39

Open in Telegram Share Report
Forward from: Edu.uz
#live #Prezident #muloqot #yoshlar

Sun’iy intellekt, robototexnika, dron, kiberxavfsizlik kabi ixtirochilik yo‘nalishlarida “Oliygoh kubogi” o‘tkaziladi

Bugungi kunda fizika, kimyo, biologiya, texnologiya, muhandislik, matematika, bir so‘z bilan aytganda, STEM fanlarining ahamiyati tobora ortib bormoqda.

Olmazor tumanida 10 ta maktabda muhandislik laboratoriyalari tashkil qilindi. Bugun ushbu labaratoriyalarda 2 ming o‘quvchi robototexnika va ilg‘or texnologiyalarni o‘rganmoqda.

Barcha tumanlar hokimlariga bu tajribani o‘rganib, ommalashtirish, o‘z hududida 5 tadan maktabni shunday laboratoriyalar bilan jihozlash topshirildi.

Toshkent davlat texnika, axborot texnologiyalari, kimyo-texnologiya, Turin, Inxa kabi 36 ta texnika oliygohi rektorlari sun’iy intellekt, robototexnika, dron, kiberxavfsizlik kabi ixtirochilik yo‘nalishlarida "Oliygoh kubogi"ni e’lon qiladi. Eng yaxshi startap loyihalari tijoratlashtiriladi.

Kelgusi o‘quv yilidan boshlab o‘quvchilar o‘rtasida muhandislik olimpiadalari va tanlovlarini o‘tkazish yo‘lga qo‘yiladi. G‘olib bo‘lgan bitiruvchi yoshlar texnika oliygohlariga grant asosida o‘qishga kiradi.

Bizni kuzating

Facebook | Instagram | YouTube | Telegram
1 0 0
OʻzDSMI | RASMIY

14 Feb, 16:00

Open in Telegram Share Report
🟦🟦🟦

✔️Bugun O‘zbekiston davlat san’at va madaniyat instituti "Cholg'u ijrochiligi" kafedrasi professor-o'qituvchilari: O'zbekistonda xizmat ko'rsatgan artist, professor v.b. Komiljon Shermatov, dotsent Xurshid Beknazarov va katta o'qituvchi Qudratilla Qobilqoriyevlar tomonidan Sirdaryo viloyatida joylashgan 10-sonli Bolalar musiqa va san'at maktabida ijodiy uchrashuv hamda mahorat darsi o'tkazildi.

Unda Sirdaryo viloyatidagi bir qancha musiqa va san'at maktablari o'quvchilari hamda o'qituvchilari ishtirok etishdi.

Tadbir avvalida Sirdaryo viloyati 10-sonli Bolalar musiqa va san'at maktabining iqtidorli o'quvchilari tomonidan konsert dasturi namoyish etildi.


O'z navbatida, O'zbekiston davlat san'at va madaniyat instituti "Cholg'u ijrochiligi" kafedrasi professor-o'qituvchilari tomonidan ham diltortar kuylar ijro qilindi.


Shundan so'ng qonun, dutor va doira cholg'ulari bo'yicha o'qituvchi hamda o'quvchilar uchun "Mahorat darsi" o'tkazildi.


Yakunda bu kabi tadbirlarni muntazam ravishda o'tkazib borish, o'zaro hamkorlikni yanda mustahkamlash borasida kelishib olindi.
188 0 0 3
OʻzDSMI | RASMIY

14 Feb, 14:54

Open in Telegram Share Report
Video is unavailable for watching
Show in Telegram
#jarayon #davra_suhbati

Bugun O‘zbekiston davlat san’at va madaniyat institutida Xalq demokratik partiyasi bilan hamkorlikda O‘zbekiston Respublikasi Oliy Majlisi Senatining Yoshlar, xotin-qizlar, madaniyat va sport masalalari qo‘mitasida doimiy asosda ishlovchi senator Malika Kadirxanova ishtirokida “Ijtimoiy masalalarda yoshlar va xotin-qizlarning rolini kuchaytirish” mavzusida davra suhbati o‘tkazildi.

💻E’tiboringizga jarayondan videolavha havola etamiz.
464 0 0 5
OʻzDSMI | RASMIY

14 Feb, 14:17

Open in Telegram Share Report
🟦🟦🟦 🟦🟦🟦🟦🟦

Bugun O‘zbekiston davlat san’at va madaniyat institutida Xalq demokratik partiyasi bilan hamkorlikda O‘zbekiston Respublikasi Oliy Majlisi Senatining Yoshlar, xotin-qizlar, madaniyat va sport masalalari qo‘mitasida doimiy asosda ishlovchi senator Malika Kadirxanova ishtirokida “Ijtimoiy masalalarda yoshlar va xotin-qizlarning rolini kuchaytirish” mavzusida davra suhbati o‘tkazildi.

Davra suhbatida, shuningdek, O‘zbekiston Respublikasi Oliy Majlisi Qonunchilik palatasi deputati Dilbarxon Mamadjanova, Xalqaro toifadagi psixolog Zebiniso Rahmatullayevalar ham ishtirok etdi.

Mehmonlar dastlab institut tarixi, faoliyati, xorijiy aloqalari, ilmiy-ijodiy sohalarda erishilayotgan yuqori natijalar bilan yaqindan tanishdi.

Davra suhbatida esa tadbir qatnashchilariga bugungi kunda yurtimizda yoshlar va xotin-qizlarga yaratilayotgan imkoniyatlar, berilayotgan imtiyozlar, shuningdek, o’z oldiga maqsad qo’yish va unga erish kabi bir qancha mavzular haqida batafsil ma’lumot berildi.


Tadbirda ta’kidlanganidek, ijtimoiy masalalarda yoshlar va xotin-qizlarning roli tobora muhim ahamiyat kasb etmoqda. Ular jamiyatning kelajagi, yangi g'oyalar va tashabbuslar manbai hisoblanadi. Yoshlar va xotin-qizlar o'zlarining bilimlari, energiyasi va yangi fikrlash uslublari bilan ijtimoiy hayotga faol ishtirok etishlari, jamiyatni rivojlantirishga hissa qo'shishlari mumkin. Ularning ijtimoiy hayotda faol ishtirok etishi, jamiyatning rivojlanishiga va taraqqiyotiga ulkan ijobiy ta'sir ko'rsatadi.


Shuningdek, mavzu yusadan berilgan barcha savollarga mehmonlar batafsil javob berishdi.

📱Telegram 📱 Facebook 📱 Instagram
468 0 1 5
OʻzDSMI | RASMIY

14 Feb, 14:17

Open in Telegram Share Report
431 0 2 3
OʻzDSMI | RASMIY

14 Feb, 13:50

Open in Telegram Share Report
Forward from: Edu.uz
#live #Prezident #muloqot #yoshlar

Energetika, transport, urbanizatsiya, zamonaviy arxitektura, tibbiyot yo‘nalishlarida “El-yurt umidi” jamg‘armasi kvotalari ko‘paytiriladi.

Bundan tashqari, dunyoning nufuzli “top-100” oliygohlarida ilmiy daraja olgan 35 yoshgacha bo‘lgan yosh olimlarga uy-joy uchun 10-yil muddatga 800 million so‘mgacha foizsiz ssuda ajratiladi.

Nufuzli xalqaro fan olimpiadalarida g‘olib va sovrindor bo‘lganlar uchun bir martalik pul mukofoti miqdori 5 karra oshiriladi.

Harbiy oliygohlarning namunali tinglovchilari uchun “Oliy bosh qo‘mondon” davlat stipendiyasi joriy etiladi.

Yoshlarni ilmga qiziqtiruvchi media kontentlar, eng yaxshi intellektual shoular yaratishga Yoshlar agentligi tomonidan 100 million so‘mgacha grantlar ajratiladi.

Yoshlarda tabiatga mehrni oshirish, atrof-muhitni muhofaza qilishga qaratilgan loyihalarini qo‘llab-quvvatlash uchun “Yashil tashabbuslarni qo‘llab-quvvatlash jamg‘armasi” tashkil qilinadi.

Facebook|Instagram|X
466 0 1 1
OʻzDSMI | RASMIY

14 Feb, 13:50

Open in Telegram Share Report
Forward from: Edu.uz
#live #Prezident #muloqot #yoshlar

“Yorqin iste’dod” loyihasi joriy etiladi

Muloqotda kambag‘allikni qisqartirishning eng samarali yechimi ta’lim ekani ta’kidlandi.

Shuning uchun kam ta’minlangan oilada hech bo‘lmaganda bitta farzand oliy ma’lumotli bo‘lishi uchun zarur sharoitlar yaratiladi.

Endilikda kambag‘al oilaning farzandiga ta’lim krediti foizsiz beriladi, qo‘shimcha grant ajratiladi, kontrakt to‘lovining bir qismi qoplab beriladi.

Yana bir yangilik – iqtidorli, bilimga chanqoq, lekin og‘ir oilaviy sharoiti sababli o‘qish imkoniyatiga ega bo‘lmagan yoshlarni xorijda o‘qitish bo‘yicha yangi tizim – “Yorqin iste’dod” loyihasi joriy etiladi.

Bunda har bir mahalladan ijtimoiy himoyaga muhtoj, bilimga chanqoq yoshlar saralab olinib, iqtidori aniqlanadi. Ularning salohiyatiga mos xorijiy oliygoh tanlanib, tayyorgarlik kurslarida o‘qitiladi.

Xorijda ta’lim olib qaytgan yoshlar Milliy kadrlar zaxirasiga to‘g‘ridan to‘g‘ri kiritiladi, ular davlat organlariga tanlovsiz ishga olinadi.

Har yili saralashdan o‘tgan 1 ming nafar yoshlar dunyoning “top-100” oliygohlariga yuborilib, o‘qish va yashash xarajatlari qoplab beriladi.

Bizni kuzating

Facebook | Instagram | YouTube | Telegram
346 0 0
OʻzDSMI | RASMIY

14 Feb, 13:50

Open in Telegram Share Report
Forward from: Edu.uz
#live #Prezident #muloqot #yoshlar

Joriy yil IT sohasi eksportini 1 milliard dollarga yetkazish maqsad qilingan. Bunda asosiy kuch, albatta, yoshlar ekani ta’kidlandi.

“Bir million dasturchi” loyihasiga qo‘shimcha 300 ming yoshlar jalb etiladi. “Coursera” platformasida 3 mingdan ortiq kurslarda sun’iy intellekt yordamida yoshlar uchun o‘zbek tilida ta’lim olish imkoniyati yo‘lga qo‘yiladi.

Bu yil “Muhammad Xorazmiy vorislari” loyihasi Qoraqalpog‘istonda ham joriy etilib, yana 1 ming nafar yoshlar qamrab olinadi.

Birlashgan Arab Amirliklari bilan O‘zbekistonda “Bir million sun’iy intellekt foydalanuvchilari” loyihasini amalga oshirishga kelishilgan. Raqamli texnologiyalar vazirligiga bu boradagi ishlarni boshlash topshirildi.

O‘tgan yili 25 ming nafar qizlar IT bo‘yicha bepul o‘qitildi. Bu yil dasturchi qizlar soni 2 barobar oshirilishi reja qilindi. 1 ming nafar iqtidorli qizlar IT oromgohlarida xalqaro olimpiadalarga tayyorlanadi.

Yoshlarning qiziqish va ehtiyojlarini barvaqt aniqlashda sun’iy intellekt texnologiyalaridan foydalanish, salohiyatini monetizatsiya qilish, ijtimoiy ahamiyatga molik loyihalarga jalb etish muhimligi ta’kidlandi. Mutasaddilarga raqamli ijtimoiy ekotizimni joriy etish bo‘yicha uzoq muddatli strategiyani ishlab chiqish topshirildi.

Bizni kuzating

Facebook | Instagram | YouTube | Telegram
295 0 0
OʻzDSMI | RASMIY

14 Feb, 13:50

Open in Telegram Share Report
Forward from: Edu.uz
#live #Prezident #muloqot #yoshlar

Olis va chekka hududlarda chet tillariga ixtisoslashgan o‘quv markazlarini ochadigan “C1” darajasiga ega yoshlarga 120 million so‘mgacha foizsiz ssuda beriladi

Inson uchun ona tili bilan birga xorijiy tillarni bilish dunyoga chiqishda juda muhim. Ayniqsa, tijoratda buning o‘rni beqiyos.

Endi, xorijiy tillardan “C1” darajasiga ega bo‘lgan yoshlar tashabbus ko‘rsatib, olis va chekka hududlarda chet tillariga ixtisoslashgan o‘quv markazlarini ochsa, ularga 120 million so‘mgacha foizsiz ssuda beriladi.

Shuningdek, mehnat bozoriga til biladigan yoshlar kirib kelishini rag‘batlantirish uchun xususiy o‘quv markazlarida xorijiy tillarni o‘rganadigan yoshlarga xarajatlari "2+6" shaklida qoplab beriladi. Bunda o‘quv xarajatlarining dastlabki 2 oyi o‘quvchilarning o‘z mablag‘idan, qolgan 6 oyi davlat hisobidan to‘lab beriladi.

Bizni kuzating

Facebook | Instagram | YouTube | Telegram
338 0 1 1
OʻzDSMI | RASMIY

14 Feb, 13:13

Open in Telegram Share Report
Forward from: Edu.uz
#live #Prezident #muloqot #yoshlar

Kreativ soha vakillarini o‘qitadigan biznes maktablari tashkil qilinadi

Yurtimizda kreativ iqtisodiyot jadal rivojlanmoqda. Sohada faoliyat ko‘rsayotganlarning 98 foizi yoshlar.

O‘tgan yili kreativ iqtisodiyotni rivojlantirish bo‘yicha alohida qonun qabul qilinib, huquqiy asoslari belgilandi.

Toshkent shahridagi "Yoshlar ijod saroyi"da namunaviy "Kreativ park" tashkil qilindi.

Endi, kreativ industriya parklari hududlarda ham barpo etiladi. Ular zarur resurs va infratuzilma bilan ta’minlanadi.

Kreativ industriya parki rezidentlariga 2030-yil yakunigacha imtiyozli soliq rejimi joriy etiladi. Bunda ijtimoiy va daromad soliq stavkalari 50 foizga kamaytiriladi, rezidentlar tovarlarni realizatsiya qilish hajmidan qat’i nazar aylanmadan olinadigan soliq to‘lovchilar bo‘ladi.

Parklar negizida kreativ soha vakillarini o‘qitadigan biznes maktablari tashkil qilinadi. Ushbu maktablarda yoshlar yangi va zamonaviy biznes yuritish hamda elektron tijorat kabi xizmat ko‘rsatishning innovatsion usullarini o‘rganadi.

Bizni kuzating

Facebook | Instagram | YouTube | Telegram
434 0 1
12 last posts shown.