DAVLAT TILINI RIVOJLANTIRISH DEPARTAMENTI

📌 Qishlog‘ingiz nega bunday nomlangan?
(2-qism)

Qorakesak – Qipchoqlarning qoraqipchoq urug‘i tarkibida qorakesak tarmog‘i bo‘lgan. Qozoqlarda qorakesak O‘rta O‘rdaning asosiy qabilalaridan biridir. Shu bilan birga qozoqlarning arg‘in va olchin qabilalari tarkibida ham qorkesak degan urug‘ bo‘lgan. Umuman, bu bir qancha turkiy xalqlarda keng tarqalgan etnonim hisoblanadi. Chunonchi, o‘zbeklarning tuyoqli qabilasining mullakesak va mirzakesak degan urug‘lari bo‘lgan.

Qoraki – qoraqalpoq-qo‘ng‘irot qabilasining qoramo‘yin urug‘i tarmoqlaridan biri bilan bog‘liq nom.

Elaton – Farg‘ona va Zarafshon qipchoqlari urug‘ining nomi. Qipchoq-qirg‘iz va o‘zbeklarning Elatan degan urug‘i bor.

Beshbola – Qo‘ng‘irotlar, Zarafshon qoraqalpoqlari, sariqipchoqlar tarkibida, turkman juzlarida beshbola urug‘i mavjud. O‘zbek-qipchoqlarning qoraqipchoq tarmog‘iga kiruvchi urug‘lardan biri beshbola deyiladi.

Asqarbek QURBONOV,
tuman hokimi maslahatchisi.

Ulaning va ulashing:
Veb-sayt | Facebook | Telegram | Instagram

Bugun tuman hokimligi ishchi guruhi tomonidan tumandagi Oqmachit mahallasidan o‘tgan markaziy ko‘chasida “Davlat tili haqida” va “Reklama to‘g‘risida”gi Qonunlarga amal qilmasdan, belgilanmagan joylarga o‘rnatilgan tashqi reklama vositalari joyida bartaraf etildi.

   ⚠️ Eslatma o‘rnida:
Hurmatli tadbirkorlar!
O‘zbekiston Respublikasi “Reklama to‘g‘risida”gi Qonuniga muvofiq tashqi reklama va axborotni joylashtirish tartibini buzganlik bazaviy hisoblash miqdorining ellik baravari miqdorida jarima solinishiga sabab bo‘lishini eslatib o‘tamiz.

Kanalga qo‘shiling:👇
Veb-sayt | Telegram | Facebook