Posts filter




Forward from: Gulchehra NUR ijodi
* * *

Буюк эди менга ҳақиқат...
Тоза эди орзум булоғи...
Мантиқ дерди: «Ҳар бир дақиқанг
Жоиз эрур гўзал бўлмоғи...»

Булоғимга супринди ташлаб,
Ҳақиқатни этдилар сургун...
Мен нетайки, шу ондан бошлаб
Оҳим бўлди дуркундан-дуркун...

Умидларим қолди пучмайиб...
Қувончларим айтди хайр-хўш...
Сўзим ёшли... Сўзларим майиб...
Қаршимдаги йўл эса бўм-бўш...

Бу йўллардан сургун ҳақиқат...
Қуриб борар орзум булоғи...
Ваҳоланки, ҳар бир дақиқам
Жоиз эди гўзал бўлмоғи...

Буюк эди менга ҳақиқат...

2001 йил.


@Gulchehra Nurullaeva
Instagram
YouTube
Facebook


Forward from: Bobil Kutubxonasi
* * *

Ая,
мен негадир ичиколмадим,
ҳокистар узандим сендан нарига.
бугун қўрқув титроқ сувратин чизар
нафасимнинг шаффоф деворларига.
Бир йўл кўринади,
сенга бормас йўл,
дилимнинг чилпарчин деразасидан.
Уйғониб кетаман кузги боғларда
ёдинг-ла тўкилган барглар сасидан.
Кўзимда музлади қуёш сийрати,
оят дарёлари тўлдилар оҳга.
Оғриқлар тирилди –
нажот бергил деб
фақат сенга боргум,
фақат Аллоҳга...
Улоқиб юрибман олис кунларнинг
рўмолинг каби кенг тарафларида.
Ая, кўр,
умримнинг либоси – иймон,
лек таним осийлик ҳадафларида.
Ботинимда қўпар зангор васваса,
билмайсан...
бу зулмат – иблис саждаси.
Ва яна билмайсан,
бу кенглик – зиндон,
мен ҳамон қўмсарман меҳринг қафасин.
Кун келиб узгайман беҳол, бемажол,
умиднинг занг босган занжирларини.
Синдиргум кўксимга ботмоқ истаган
дунёнинг нигоҳий ханжарларини.
Кетарман, келарман...
йўлим – айлана,
борлигим – борлиққа йўналган ўчим.
Бемеҳр демагин, чарчадим, ая –
сени соғинмоққа етмайди кучим.

Мирзоҳид Музаффар


Forward from: Feruza Xayrullayeva
O’zbek katta el! Ustoz uchun juda xursandman! Hali juda ko’p she’rlar, tarjimalar kutyapti bizni. Alloh uzoq umr bersin!


Video is unavailable for watching
Show in Telegram
"Hayot va xayol yoʻllarida" — Gulnoz Moʻminova bilan suhbat

https://t.me/Madina_Norchayeva


* * *

Қалдирғочлар билан келмоқчи эдинг,
Юлдузлар шабнамдек титраган чоғи.
Кипригимни чирмаб олган илонлар
Хазина деб ўйлар кўзимни токи —
Омон ўтармисан нигоҳларидан?

Мактубларим ёмғир хотирасида
Заминга сингар-у, кўкка учгайдир.
Олти ойлик йўл бор,
Ишқдан нарида —
Қаршингдаги маккор дунё — Сурҳайл.
Омон ўтармисан тузоқларидан?

Оқшомлар вақт оқар томирларимда,
Юрагим зарбидан кўпчийди тупроқ.
Манзилим Арш бўлар ёки Жаҳаннам,
Аммо келганингда, эй аҳли Ушшоқ,
Шу ён ўтармисан сўроқларидан?

@Madina_Norchayeva


Forward from: ERKIN BOZOROV | RASMIY
Video is unavailable for watching
Show in Telegram
BINAFSHA

Binafsha, senmisan, binafsha — senmi,
Ko‘chada aqchaga sotilgan.
Binafsha menmanmi, binafsha menmi,
Sevgingga, qayg‘ungga tutilgan?..
(Cho'lpon)



Hayot shovqinlarida berkingan tuyg'ularimiz bizni qayta topadilar. Uchrashuv joyi @arthousehamsa
+998 93 145 80 80

(Qo'shiq muxlislar talablariga binoan to'liq joylandi🫡)


Сизга айтолмайман...
Кўз ёшларимда балиқлар сузади,
Митти, ғаройиб.
Қабоғим устида иккита илон
Сирғалиб ҳар тунда бўлади ғойиб.

Енгларим яширар
Бармоқларимнинг
Ўрнида барглари тўкилган шохлар.
Борлиққа ёйилиб кетмасдан аввал
Ўсиб чиқолмадим ўзимдан — чоҳдан.

Сизга айтолмайман...

@Madina_Norchayeva




Forward from: Farrux Jabborbek
Oxirgi postimga juda ko‘p munosabat bildirildi, qarab turmaymiz, yordam berishga shaymiz, degan izohlar yozildi. Elning daldasi umid bag‘ishlab, ulug‘ ayyom kunlari yana bir post qo‘yishga qaror qildim.

Yo‘ldosh Eshbek xalqimizni milliy ozodlikka boshlagan shoirlardan biri. Shunday shaxsning xor-u zorlikda yashashiga tomoshabinlik qilish bizga yarashmaydi. Eng yomoni, bu ahvol surunkali ravishda davom etmoqda. Shoir sovet davridayoq ta’qibga uchragan bo‘lsa, mustaqillik yillarida ham ro‘shnolik ko‘rmagan, 10-15 yilcha uy qamog‘ida saqlangan. Bu, tabiiyki, oilani uch-quyruqsiz muammolar zanjiriga giriftor qilgan. Ko‘pchilik ziyolilar vaziyatni oldindan yaxshi biladi (sabablarini ham), imkon qadar ko‘mak berib keladi.

Yo‘ldosh Eshbek “Yig‘layotgan qiz” timsolida butun dunyodagi barcha ezilgan mazlumlarga, hayotda ko‘p aldangan soddadillarga hamdard, hasratdosh bo‘ldi. Ne tongki, o‘zining ham qismati “yig‘layotgan qiz”ga aylanib ketdi.

Bu dunyo aslida aldoqchilardir!
Bu dunyo aslida yig‘layotgan qiz!

Biror yillar ilgari borganimda Yo‘ldosh Eshbek sobiq yotoqxonaning bir bo‘lmasida yashardi, har holda. Keyin oshxonaga ko‘chib chiqibdi. Oilaviy sharoit shuni taqozo qilgan. Kamida besh jon tiqilib kun kechirmoqda: ota, ona, o‘g‘il, qiz, nabira… Ustiga ustak, shoirni xastaliklar qiynayapti: qand kasali bor, ko‘z ko‘rmay qolgan, o‘t azob beradi… Shu holida ham ijoddan to‘xtagani yo‘q. Og‘riqlar orasida she’rlar bitadi, ulug‘ ulamolarimizdan tarjimalar qiladi (aytib turib yozdirsa kerak).

Avvalgi postim ijtimoy tarmoqda keng tarqalib, yaxshi odamlar amaliy yordam taklifi bilan chiqdi, manzilini surishtirgan ham ko‘p bo‘ldi. Menimcha, hamma uyiga borib, bezovta qilmagani durust. Xijolatli... Do‘stlar bilan kengashib, eng to‘g‘ri yo‘l plastik kartaga ko‘mak yig‘ish deb o‘yladik. Shoirning o‘zi bu haqda eshitishni ham istamadi. Shuning uchun shaxsiy karta ma’lumotlarimni e’lon qilyapman.

👉 UZCARD 5614681908452158 (Djabbarov Farrukh)

👉 HUMO 9860060102409871 (Farrukh Djabbarov)

👉 VISA 4195250040623413 (Farrukh Djabbarov)

Olganing – birovniki, berganing – o‘zingniki, deganlar. Katta elmiz, bir g‘ishtdan qo‘yib, osmono‘par minorlar tiklaganmiz. Millatim deb yashagan shoirini millatimiz yolg‘iz qo‘ymasligiga ishonaman. Imkoningiz boricha yordam qilsangiz quvonaman, imkoningiz bo‘lmasa tushunaman. Postning ko‘proq odamga yetib borishiga hissa qo‘shing 🙏

🗄Farrux Jabborbek


Video is unavailable for watching
Show in Telegram
Йўлдош Эшбек. Йиғлаётган қиз →


Forward from: Farrux Jabborbek
Bugun turkiy dunyoning katta shoirlaridan biri, Oʻzbekistonda xizmat koʻrsatgan madaniyat xodimi, sobiq yotoqxonaning oshxonasida (бывший общежитиенинг кухнясида) yashayotgan Yoʻldosh Eshbekni yoʻqladik.

Koʻzlari koʻrmay qolibdi. Yostiqday kitobni koʻrsatib, yarmigacha tarjima qilishga ulgurdim, ishim chala qoldi, deb oʻkindi. Yangi sheʼrlarini ham qogʻozga tushirishga qiynalyapti ekan.

Turnakoʻz buloq qaynab yigʻlashi haqida sheʼr oʻqib berdi. Oʻzi yarmini olib chin dunyoga ketishi, yarmini esa yolgʻon dunyoga qoldirishi haqidagi sheʼri...

Nima deyishga ham hayronman. Boringlar, xabar olinglar, desammi. Davolataylik, chogʻroq uy olib beraylik, desammi. Oʻzbek katta el...mikan?

🗄Farrux Jabborbek


Forward from: Nodirabegim
Баҳор туҳфаси — шоира, адиба, таржимон, адабиётшунос, китобхон аёл-қизлар клуби 🌷

✅ Уланиш учун босинг: АМАЗОНКА


Forward from: Qaqnus | Madaniyat va maʼrifat
Eʼlon

16-mart kuni soat 13:00 da
Qaqnus koʻrsatuvining

Izlam ruknidagi kitoblar mualliflariga bagʻishlangan soni yozib olinadi.

Koʻrsatuvga tomoshabin sifatida qatnashish uchun @Nurmuhammad_Abduzoirov ga pasport maʼlumotlaringizni yuborib, roʻyxatdan oʻtishingiz kerak.

Qani, bir mazza qilib sheʼrlashaylik...

@Qaqnus_klub


Video is unavailable for watching
Show in Telegram
Сўнгсиз тоқат берма,
Ўтдай исён бер
Севги бер шу ўтни ўчиргунингча.
Бир Одам кўксидан мутлақ қўрғон бер
Токи ҳузурингга кўчиргунингча.
Худоё,
Аёлга куч бер!


https://t.me/Madina_Norchayeva


Video is unavailable for watching
Show in Telegram
Bugun ayam 62 yoshni qarshiladi. Ayajon, umringiz uzoq boʻlsin! Baxtli bolalik uchun, adabiyotga uygʻotgan muhabbatingiz uchun, oʻzimni anglash, orzularimga erishish yoʻlida doim yonimda boʻlganingiz uchun tashakkur.

1k 0 17 5 35

Мадина Норчаева

Таскин

Зерикдим
Кунларни сузиб пиёлага
Яна чой қошиқда солавериб қанд.
Қанча югурмайин йўлим айлана
Мудом ўз-ўзимга беравердим панд.
Биламан,
Қайдадир, андозаси йўқ
Бир мавсум туғилар эрта ё индин.
О, шу он апрелга қилмасдан қуллуқ
Кўкламнинг баҳридан кечишим мумкин.
Унда орзуларин кўтарганча даст
Бинафша рўмолин илар тиғларга.
Мангу озодликдан бўлганча сармаст
Қўшилиб кетаман қадим руҳларга.


#Байрам_туҳфаси сифатида ёзганларимдан аёл тимсоли келтирилган шеърларни илиняпман.

* * *
Сен афсун истайсан...
Туннинг қулоғига тақилган зирак
Даштнинг кўзларига оғир қадалар.
Адирлар ёдини тўзғитса керак,
Номозшом уйига шошган подалар.

Сен афсун истайсан...
Болалари оч,
Тоғорада умрин қоради аёл.
Гулгун қиз чоғига, келин чоғига
Тушларида йиғлаб боради аёл.

Сен афсун истайсан...
Саҳройи шамол
Лабингда сўзларни кетар қуритиб.
Болалик ҳеч кимга айтмас эҳтимол
Кепак кулча еган гўдак сирини.

Ой –
Туннинг қулоғига тақилган зирак,
Ногоҳ юлқиб олар кумушбадан тонг.
Ногоҳ титраб кетар мудраган юрак,
Ногоҳ мўжизадан умид узар онг.
Сен нима истайсан?


* * *

Бир ютум шафақни симирди қуёш,
Пуштиранг булутга артди лабларин.
Бир аёл туш кўрди
ҳув жингалак соч,
Ғамдан йироқ бўлган гўдак вақтларин.

Тун "сомон йўли"ни бошига ёпди,
Бекитди оқ сочин - яшинларини.
У аёл тушида онасин ўпди,
Силагандек бўлди ажинларини.

Қалдирғоч сир айтди,
Кўкламданми ё
Ёки ҳазин ишқининг хабарларини.
Қайдадир унутди
Ўзгача дунё -
Орзуси битилган дафтарларини.

Бир ютум армонин симирди аёл,
Билмайди бу тушни қачон кўрганди.
У уйғонган чоғи осмон юзида
Ойни чумолилар ташиб юрганди.


Аёл

Аввал мактуб ёздим алангаларга
Қуш боққандек боқдим
Ичимда ўтни.
Ҳар тонг бир сабримни кузатдим жангга
Тўқиб сочларимдан олтин совутни.
Сўнг арғимчоқ осдим
Кўҳна дун шоҳи
Қисирлаб синмади, учавердим хуш.
Жонимга чанг солган турмуш қийноғи
Тунлари ҳаловат ваъда қилган туш.
Битмас
Топмай туриб бари ниҳоя
Толиққан руҳимга ҳар туйнук - нажот.
Қуш боққандек боқдим
Ичимда ўтни
Не учун ҳеч ёниб кетмайсан ҳаёт?

Укамга айтолмаганларим

Ота уй. Отасиз уй
Синчларига синган ғам.
Гоҳо гангитар турмуш
Гоҳо овутар болам.
Боролмайман, укажон
Дадам, осмондек дадам
Қирга айланиб қолган...

Ота уй — кўҳна қайиқ
Чайқалади бобо дашт.
Бир аёл эшкак тортар
Ул-да толиққан, яккаш.
Манзилини биларми
Ёки шамол измида.
Дуоларига шўнғиб
кетар
Бир-бир Исмлар.

2
Болалик –
Оппоқ кабутарлар қанотларига
Хат битиб қўярдик
Ёлғиз У тушунган имлода.
У вақтлар навқирон бошпанамиз ҳам
Гўё эртакларга тўлган дунёдай.
Сўнг бургут оғалар шимолга учди,
Барвақт дийдасини қоплади қиров.
Турнадек опамиз жанубга кўчди.
Укажон,
Энг кичик полапон эдик биз икков.
Дашт осмони узра кездик муаллақ
Соямиз улғайди тупроқ юзида.
Сен қуёш тафтида тоблардинг қилич
Мен рўмол тўқирдим чақмоқ изидан.

3
Кўнглимни қуйиб бердим
Қақраган бир гиёҳга.
У ҳам яшнаб кетмади
Хиралашди қиёфам.
Энди мени олмас тан
На қафас на коинот.
Ёдимда қолгани дашт
Ва каптарлар, оқ қанот.
Ва ота уй мунғаяр
Қадамингга илҳақ зор.
Унга севги ҳадъя қил,
Унга ҳаёт олиб бор.

* * *

Худоё, Аёлга куч бер, Худоё,
Қирқ жонига қирқ минг жаллод тикмиш дор.
Қачондир қўллари гул эди унинг
Бугун елкасида қушлар ини бор.

Худоё, аёлга ишқ бер,
Жунун бер
Ўз умри ичинда бўлмасин талош.
Йўл бер, кўзларидан томчи-томчилаб.
Сўнгида Ўзингга этувчи йўлдош.

Жангларга ташласанг
Зафар бер, шон бер
Зулм арқонига танғилмасидан.
Гар болам деб ўлса, қайтадан жон бер,
Иймон бер нафсига енгилмасидан.

Сўнгсиз тоқат берма,
Ўтдай исён бер
Севги бер шу ўтни ўчиргунингча.
Бир Одам кўксидан мутлақ қўрғон бер
Токи ҳузурингга кўчиргунингча.
Худоё,
Аёлга куч бер!

https://t.me/Madina_Norchayeva


Forward from: OʻZBEKISTON TARIXI | Rasmiy kanal
Video is unavailable for watching
Show in Telegram
https://uztv.tv/channels/uzbekiston-tarix

#bayram_tuhfasi

Turonning halol, mard va jasur malikalari timsolida zamonamizning dilbar ayollariga bag‘ishlanadi!
Buyuk onalar obrazini yaratgan shoira singillarimizdan minnatdormiz!

👉Do‘stlaringizga ham ulashing. t.me/uzbtariximtrk

Rasmiy sahifamiz👇
Telegram
🌐 Instagram
Facebook
📹You Tube


Forward from: Feruza Xayrullayeva
Ba'zan tuyg'ularingni ifodalashga so'z topolmay qolasan, shunaqa vaqtlar holingni "izohlaydigan" she'r qidirasan. Opa, shunday hollarimda sizda topaman men ularni. Har ayolga, o'zimga-da sizdagi jasoratdan so'ragan bo'lardim! Har insonga ruhingizdagi erkdan so'ragan bo'lardim. Qadim Samarqand minorlaridek baland, mag'rur ruh esh bo'laversin umringizga!

40 dan keyin...

Garchi hali yashaganim yo‘q,
Umr o‘tdi suvdek, xayoldek.
Sochlarimni yig‘aman endi,
Aqlin yig‘ib olgan ayoldek.

Ha, bahormas kuzga o‘xshayman,
Sochlarimni o‘ynamas shamol.
Lekin endi ichimda yashar,
Bir ulug‘vor, dilbar Guljamol. 

Va besamar kurashlar ichra,
Toliqqandek jismim, sabotim.
Garchi yovqur To‘maris kabi,
Ot ustida o‘tdi xayotim...

Goh pariman, goh parishonman,
Osmondaman oydek, hiloldek.
... Va aqlimni yig‘ib olaman,
Sochlarini yig‘gan ayoldek.

Guljamol Asqarova

20 last posts shown.