Мадина НОРЧАЕВА

@Madina_Norchayeva

Channel's geo and language: Uzbekistan, Uzbek

Category: not specified

Madina Norchayeva she'rlari

Related channels | Similar channels

Channel's geo and language

Uzbekistan, Uzbek

Мадина НОРЧАЕВА

4 Feb, 10:41

Forward from: zouᴉɹɥǝW

Ayol. Jamol. Og’riq.

Og’rig’ini qushlarga sepdi
qushlar o’lib qoldi,
og’rig’ini gullarga quydi,
gullar so’lib qoldi.
Ayol yashayverdi, ayol yashnayverdi.

Og’rig’ini suvlarga sochdi,
Suvlar qurib qoldi
Og’rig’ini odamga ochdi,
odam jimib qoldi.
Ayol yashayverdi, ayol yashnayverdi.

Og’rig’ini Jamolga aytdi
Og’riq qiyofasida keldim, dedi U.
Og’rig’iga tikildi,
Og’rig’ini sevdi,
Og’rig’iga oshiq bo’ldi
Og’riqsiz yasholmasligini tushundi,
Og’riq bu – Xudo, deya pichirladi.
Ayol yashayverdi, ayol yashnayverdi…

✍🏻MehrNoz

@mehrnoz_abbos

68 0 1 14

Мадина НОРЧАЕВА

29 Jan, 11:28

Forward from: Feruza Xayrullayeva

Inson boradigan odami bo’lmaganida o’ziga keladi(qaytadi).

248 0 1 20

Мадина НОРЧАЕВА

28 Jan, 18:40

03:09

Video is unavailable for watching

Show in Telegram

https://youtu.be/3VIRb5RddKQ?si=7pIGCzLhDICwc_V1

Oʻzbekiston xalq shoiri Xurshid Davron haqida "Oʻshal damlar..." koʻrsatuvida...

https://t.me/Madina_Norchayeva

318 0 0 8 9

Мадина НОРЧАЕВА

26 Jan, 20:19

Forward from: Амирқул Пўлкан

01:20

Video is unavailable for watching

Show in Telegram

#TANLOV_UCHUN

She'r muallifi: Amirqul Po'lkan
Madina Norchayeva o'qidi

https://t.me/amirqulpulkan

327 0 2 10 24

Мадина НОРЧАЕВА

25 Jan, 15:52

Forward from: "Mahalla" telekanali

01:18

Video is unavailable for watching

Show in Telegram

#anons

🎬 O‘zbekiston xalq shoiri Xurshid Davron bilan "o‘shal damlar"ni eslaymiz...

◀️ "O'shal damlar... "
🗓 26-yanvar, Yakshanba kuni
⏰ 20:20da

💬 Facebook 📸 Instagram ✅ Telegram 📹 YouTube

279 0 3 10

Мадина НОРЧАЕВА

23 Jan, 08:15

Укамга айтолмаганларим

Ота уй. Отасиз уй
Синчларига синган ғам.
Гоҳо гангитар турмуш
Гоҳо овутар болам.
Боролмайман, укажон
Дадам, осмондек дадам
Қирга айланиб қолган...

Ота уй — кўҳна қайиқ
Чайқалади бобо дашт.
Бир аёл эшкак тортар
Ул-да толиққан, яккаш.
Манзилини биларми
Ёки шамол измида.
Дуоларига шўнғиб
кетар
Бир-бир Исмлар.

2
Болалик –
Оппоқ каптарлар қанотларига
Хат битиб қўярдик
Ёлғиз У тушунган имлода.
У вақтлар навқирон бошпанамиз ҳам
Гўё эртакларга тўлган дунёдай.
Сўнг бургут оғалар шимолга учди,
Барвақт дийдасини қоплади қиров.
Турнадек опамиз жанубга кўчди.
Укажон,
Энг кичик полапон эдик биз икков.
Дашт осмони узра кездик муаллақ
Соямиз улғайди тупроқ юзида.
Сен қуёш тафтида тоблардинг қилич
Мен рўмол тўқирдим чақмоқ изидан.

3
Кўнглимни қуйиб бердим
Қақраган бир гиёҳга.
У ҳам яшнаб кетмади
Хиралашди қиёфам.
Энди мени олмас тан
На қафас на коинот.
Ёдимда қолгани дашт
Ва каптарлар, оқ қанот.
Ва ота уй мунғаяр
Қадамингга илҳақ зор.
Унга севги ҳадъя қил,
Унга ҳаёт олиб бор.

@Madina_Norchayeva

925 2 8 36

Мадина НОРЧАЕВА

20 Jan, 22:21

Forward from: Орзиқул ЭРГАШ ижодидан

05:57

Video is unavailable for watching

Show in Telegram

Мактуб ёздим қаро тунлар
Кипригингдай узун-узун.
Мактуб ёздим юрагимни
Қилма дея маҳзун-маҳзун…

Алвидомас, Салом ёздим,
Дил ўртаган калом ёздим.
Мужда кутиб сиз томондан
Кеча-кундуз, мудом ёздим.

Булбулларнинг ноласини
Қўшиб ёздим сўзларимга,
Бутун дунё ғамларини
Жо айладим кўзларимга.

Олиб қайтсин дея чиздим
Кабутарнинг қанотини,
Четларига битиб қўйдим
Фузулийнинг баётини.

347 0 3 12

Мадина НОРЧАЕВА

20 Jan, 21:53

Хуршид Даврон
БОБУР

Отлар елар шиддатдан терлаб,
Янграр хатар тўла тўқалар.
Ҳуркиб кўкка сапчир патирлаб,
Тун уйқуси — қора қарғалар.

Отлар елар, тилларанг хазон
Суворийлар узра сочилар.
Элас-элас янграйди азон –
Тоғлар узра осмон очилар.

Отлар елар, елар кўпириб,
Уйғотганча мудроқ йўлларни,
Гўё тўғон бандин ўпириб,
Тошқин қувиб келар уларни.

«Заҳириддин, қайга борурсан,
Бобонг тахтин, юртингни ташлаб?!
Қора тақдир сени қул каби
Қаёнларга кетмоқда бошлаб?!

Заҳириддин, бу қандай савдо,
Қора ҳижрат сари юз тутмоқ?
Юрагингни этар-ку адо –
Тирик туриб Ватандан кетмоқ?

Заҳириддин, ортга бир қара,
Ортга бир боқ, токи сен омон,
Ахир кейин тушларингда ҳам,
Бу тупроқни кўрмоғинг гумон.»

От пишқириб тўхтар, чавандоз
Узангига тирар оёғин
Ва бўғзига тўплар беовоз
Вужудига тўлган ингроғин.

Алам билан юраги урар,
Шивирлайди титроқ лаблари:
«Ҳамма ердан кўриниб турар
Самарқанднинг миноралари».
1981

415 0 3 9

Мадина НОРЧАЕВА

20 Jan, 15:45

Forward from: Xurshid Abdurashid

Ustoz shoir Xurshid Davronga adabiyotshunos olim Ibrohim Haqqul shunday ta'rif beradi:

“Xurshid Davron millatimizning beqiyos shoiri, hassos, zukko tarixnavisi. Uning ijodiy qiyofasi tozaligi, samimiyati, haqqoniyligi bilan ajralib turadi. Bolalik pokligi va tabiiyligiga xilof bir harakat qilmagan ikkita shoir bo‘lsa, bizningcha, biri Xurshiddir. Axir, ilm va ijodkorlar orasida mustaqillik va istiqlol bayroqdorlaridan biri ham Xurshid Davron edi-ku! Unga teng keladigan shoir, olim, muarrix yana qachon paydo bo‘ladi?! Xudo biladi… Ehtimol, injiqligi, cho‘rtkesarligi, hatto isyonkorligini kimlardir qabul etolmas. Shu “qaysarlik”lari bilan u Xurshid Davron. Bugun shu xususiyatlarni kimga nisbat berib bo‘ladi? So‘zi, fikri, iste’dodi va erkini sotmagan ijodkor bormi hozir? Bo‘lsa, nechta?..”

Ibrohim G‘afurov Xurshid Davron she'rlarini Klod Lorren suvratlariga mengzaydi:

“Klod Lorren suvratlarini ko‘rganman. Ularda qasrlarning vayronalari juda qadim zamonlardan qissalar aytayotganday. Sokin ko‘rfazlar, qanotli maolika, ko‘pirib yotgan oq bulutlar, tonglar, tunlar, so‘lim choshgohlar. Eski g‘isht ko‘priklar chuqur oqayotgan daryolar uzra... Daraxtlar esa... Klod Lorren suvratlarida daraxtlar doim markazda, doim borliq uzra yuksalib sirli hikoyatlar so‘ylaydilar. Ular go‘yo ko‘p yurib, zaminni aylana-aylana horib shu yerga cho‘kkandaylar, nafas rostlayotgandaylar. Xurshid Davronning she’rlarini o‘qiganda Klod Lorren suvratlari yodimga tushadi. O‘xshashlik bor edi ular o‘rtasida...”

Yozuvchi Ahmad A'zam esa “nekbin qarashlar shoiri” deya tavsiflaydi:

“Xurshid – tabiatan yorug‘ kechinmalar, nekbin qarashlar shoiri. Uning ko‘zyoshlari qanaqadir tiniq, dardlarida mas’um bir tortinchoqlik bor. U hatto qahramonlarining fojiiy kechinmalarini yoritishga intilganda ham mas’umligicha qoladi. Uning qayg‘usi ham hayotiy qonun bo‘yicha quvonchiga uzviy: “Nega baxt to‘ldirsa yurak ichini Biz o‘lim haqida o‘ylay boshlaymiz?... O‘lim haqidamas bu o‘ylar, Hayotga muhabbat erur balki g‘am”...

Bugun ustoz Xurshid Davron tavallud topgan kun. Umrlari uzoq bo‘lsin!

VIDO

Men sendan ketmoq istayman,
Yomg‘irdek emas, –
Yomg‘ir yana qaytib keladi.
Shamoldek emas, –
Shamol yana qaytib yeladi.
Men sendan ketmoq istayman
Muhabbat kabi…

Xurshid Davron

👉 @xurshidabdurashid

323 0 1 10

Мадина НОРЧАЕВА

19 Jan, 12:49

Forward from: Амирқул Пўлкан

00:54

Video is unavailable for watching

Show in Telegram

#Ижро

Амирқул Пўлкан шеъри

Нилуфар Эргашева,
Зулфия номидаги Давлат мукофоти совриндори

https://t.me/amirqulpulkan

365 0 2 13

Мадина НОРЧАЕВА

16 Jan, 11:34

Taqdir kori — Nasiba Abdullaeva va Samandar Hamroqulov

05:25

547 0 3 5

Мадина НОРЧАЕВА

14 Jan, 13:23

Kattenasini bagʻrida oʻtirgan shu ikki yigitchalar kun kelib yurtini, xalqini sevadigan, sevganlarni himoya qiladigan insonlar boʻlishini istayman.

Bayram muborak boʻlsin!

674 0 0 4 50

Мадина НОРЧАЕВА

9 Jan, 11:44

Yangi yilni she'r bilan boshlaymiz!

768 0 0 23

Мадина НОРЧАЕВА

2 Jan, 22:26

* * *

Биз бебок кунларда учрашдик,
Даҳрнинг бўғзида ногаҳон.
Сен шаҳид кетгандинг, ачиндинг –
"Тирик жон экансан, тирик жон."

Елкамга қўндилар зарқанот
Фалакнинг кавокиб қушлари.
Дедим, ишқ бенажот, бенажот –
Сафарйўл тулпорлар кишнади.

Сўнг қайтдим, қичқирди кунботар,
Чўкаркан қуёш ўз қонига.
Қачондир албатта беҳадик
Руҳ бўлиб қайтаман ёнига.

Madina Norchayeva

977 0 3 23

Мадина НОРЧАЕВА

31 Dec 2024, 12:25

Aslida vaqtni jilovlab, raqamlab boʻlmaydi. Uning na rangi, na shakli bizga ayon emas. Ammo tabiat oʻzini fasllarga taqsimlaganidek, biz ham umrimizni daqiqalar va kunlarga, oylar va yillarga ajratamiz. Shu vaqt parchalari ichida kezib yuramiz. Hotiramizda esa oʻsha kechirgan kunlarimizning hislari bergan zavq va ogʻriqlargina saqlanib qoladi.
Barchaga kelayotgan yil muborak boʻlsin! Baxtli yashang!

Madina

717 0 2 20

Мадина НОРЧАЕВА

27 Dec 2024, 22:56

* * *

Заминнинг тилини боғлайди
Кузакда адашган мезонлар.
Дарахтлар кўнглини доғлайди
Тўкилган япроқлар - сўзона.
Базм этмиш
Бўзимда чилтонлар,
Ёр десам
Ҳавода сурати.
Кўзимда уйғонди вулқонлар
Танимда сўнгаклар
Гуллади
Денгизлар булутга чўмилди
Чақмоқни балиқлар ютгани.
Кафтимга тирик йўл кўмилди
Адашган карвонлар ўтгани.
Рангталош кунларни йиғлатдик
Машшоқнинг куйида мавж надир.
Қол дедим қадаҳни кўрсатдинг
У куҳна ғам билан тўладир.
Базм этмиш
Бўзимда чилтонлар...

https://t.me/Madina_Norchayeva

1k 1 5 1 20

Мадина НОРЧАЕВА

16 Dec 2024, 22:34

722 0 1 28

Мадина НОРЧАЕВА

15 Dec 2024, 09:44

00:22

Video is unavailable for watching

Show in Telegram

717 0 1 31

Мадина НОРЧАЕВА

12 Dec 2024, 09:45

Forward from: “Аkademnashr” nashriyoti

Izlam turkumidagi ijodkorlarning telegramdagi ijodiy kanallari:

1-mavsum

Azizbek Norov @kitob_xiyoboni
Tillaniso @TillanisoEN
Xurshid Abdurashid @xurshidabdurashid
Jontemir @jontemir_t
Feruza Xayrullayeva @FeruzaXayrullayeva
Madina Norchayeva @Madina_Norchayeva
Muhammad Siddiq @Muhammad_Siddiq
Mirzohid @bobil_kutubxonasi

2-mavsum

Furqat Alimardon @f_alimardonqoralamalari
Bayram Ali @BeshinchiTomon
Sevara Alijonova @sevara_alijonova
Mansur Jumayev @Mansur_Jumayev
Najmiddin Ermatov @Najmiddin_Ermatov
MehrNoz Abbosova @mehrnoz_abbos
MohiRa @Altruistning_qizi
Nozima Habibullayeva @Nozima_Habibullayeva
Suhrob Ziyo @suhrob_ziyo1
Jaloliddin Sayyid @jaloliddinsayid
Gulhayo Anorova @GulhayoAVRON
Shahriyor Shavkat @shahriyor_shavkat
Jumanazar Yo‘ldosh @Jumanazar_Yuldash
Rahmat Bobojon @Rahmat_Bobojon

📚 @akademnashr

#IZLAM to‘plamini chegirmali narxda xarid qiling.

Xarid: t.me/akademsavdo

Youtube | Instagram | Facebook | Twitter

569 0 8 11

Мадина НОРЧАЕВА

12 Dec 2024, 08:43

Forward from: Mutolaa

📢 Yilning eng kutilgan kechasi - "Qo'rboshilar qo'shig'i" she'riyat spektakliga marhamat!

🎙️ She’riyat va adabiyotga oshufta qalblar uchun, O‘zbekiston Yoshlar ishlari agentligining “Mutolaa” loyihasi hamda O‘zbekiston Milliy kutubxonasi hamkorligida “MUTOLAA’DA SHE’RIYAT” teatrlashtirilgan kechasini taqdim etadi.

➡️ Dastur bosh qahramoni: yosh va iste'dodli shoir Najmiddin Ermatov

➡️ Dastur mehmoni: taniqli aktyor va shoir Erkin Bozorov

🔖 So‘z va adabiyot muxlislarini 12-dekabr (kuni) soat 18:00 da O‘zbekiston Milliy kutubxonasida kutib qolamiz.

👇 Ro’yxatdan o’tish uchun:
https://forms.gle/JXuWztq9yywF8wbNA

👤 Yilning eng eksklyuziv tadbirini aslo o'tkazib yubormang!

Telegram | Instagram | YouTube