The Perfectionist

Janoblar, barmoqlaringiz ostida butun dunyo ilmlariga ochiq manba mavjud. Haligacha foydalanmayapsizlarmi?

– ChatGPT:
• o seriyasidagi modellar (o1, o3-mini, o3-mini-high) orqali barcha murakkab savollaringizga javob olasiz.
• Deep research orqali biznesingiz, ilmiy ishingiz yoki qandaydir Startup gʻoyangiz uchun katta hajmdagi eng muhim va soʻnggi ma’lumotlarni topishingiz mumkin.

– Deepseek:
• Mutlaqo tekin reasoning (fikrlay oladigan) model. Shuning oʻzi ham koʻpgina murakkab savollaringizga yechim bera oladi.

– Claude:
• 3.7 Sonnet modeli orqali yuqori sifatli kodlarni yozdirishingiz mumkin. Dasturchilar uchun ayni bob model.

– Perplexity:
• Deep Research modeli orqali internetdan izlamoqchi boʻlgan istalgan savolingizni bering, eng sifatli natijalarni chiqarib berishga qodir.

– DeepL va Gemini modellarini tarjima uchun ishlatsangiz ancha sifatli natijalar olasiz.

– Grok’ni esa insoniy suhbatlar uchun foydalansangiz boʻladi.

Umuman olganda bu yerda har birining boshqalaridan ustunroq ajralib turuvchi xususiyatlarini keltirdim. Har biridan koʻplab maqsadlar foydalanib, muammolaringizni anchaginasini hal qilishingiz mumkin.

Til bilishingiz kerakmi? Shart emas! Barcha modellar oʻzbek tilini yetarlicha yaxshi biladi. Muammosiz suhbatlasha olasiz. Agarda ingliz tilini bilsangiz, nur ustiga a’lo nur.

Endi faqatgina sizdan ikki narsa talab qilinadi: aniq maqsad va toʻgʻri tuzilgan savollar! AI’lar orqali maqsadingizga eltishga yordam beruvchi savollaringizga javob topganingizdan keyin bitta ish qilish qoladi — amaliyotda qoʻllash! Ishlaringizda bir necha karra oʻsish kuzatiladi.

Imkon boʻlsa, barcha modellarning pullik versiyalarini xarid qiling. Agarda sizda aniq maqsad va savollar boʻlsa, ishontirib ayta olamanki, sarflagan pulingizga ortigʻi bilan arziydi.

Agarda haligacha bulardan foydalanmayotgan boʻlsangiz, nimani kutyapsizlar, hayronman. Agarda faqatgina bema’ni, foydasiz, arzimas savollar berish bilan cheklanayotgan boʻlsangiz, imkoniyatni qoʻldan boy beryapsiz.

Mabodo modellar savollaringizga toʻliq javob bera oladigan, masalangizni hal qila oladigan darajada aqlli emas deb oʻylasangiz, ishonavering, modellar emas, sizning oʻzingiz toʻgʻri savol bera oladigan darajada aqlli emassiz!

Albatta, bu bilan modellar siz uchun toʻliq ishlarni bitirib berishga qodir demoqchi emasman. Biroq, jarayonni bir necha karra tezlashtirishga, sizni qiynab yurgan masalalarga qisman boʻlsada yechim bera olishga qodirligiga ishonchim komil.

@mehmonov_blog

Фото Гонконга от harimaolee

#интересное

#ajabtovur #sanʼat

Jahongir Otajonov yana yondirmoqda!

Kecha xonandaning “Happy birthday” nomli taronasi premyera qilindi. Unga ishlangan klip har doimgidek ramzlarga, remeyklarga toʻla.

Mana oddiygina misol: klipda mashhur golland rassomi Yohan Vermeyerning “Marvarid sirgʻali qiz” nomli shohasariga parodiya bor.

Umuman olganda, klipning oʻzi ishoralarga toʻla. Oʻrdakboshli aktyorlar, ofis hayoti, “aaa aa aa” degan tovush, kostyumlar va klip soʻngida Otajonovning ham oʻrdakboshga aylanishini toʻlaqonli kompozitsiya sifatida baholash mumkin.

Janr masalasiga kelsak, menimcha, bu ham post-pankka oʻxshaydi. Adashgan boʻlsam, soʻz musiqa bilimdonlariga. Marhamat, fikringizni qoldiring.

Klip havolasi:
https://youtu.be/Lp2riL9OyCY?si=PjZQaaXIUWUm_7PB

@usmonosphere

"Alien: Romulus"

O'tgan kuni poyezdda uzoq yo'lga chiqib, yo'l-yo'lakay "Begona" ("Чужой") franshizasining yaqinda chiqqan qismi — "Alien: Romulus" filmini tomosha qildim. Umuman, film menda o'rtachadan yuqoriroq taassurot qoldirdi. Shuning uchun bu film haqida ham nimadir qoralashga qaror qildim.

"Чужой" haqidagi filmlarni sevib tomosha qiladigan, bu franshizani yoqtiradigan bir qancha do'stlarim bor. Shuning uchun, bu seriyadagi filmlarni men ham e'tibordan chetda qoldirmayman. Umuman, horror janrining muxlislari uchun "must-watch" bu filmlar (ayniqsa, ilmiy-fantastika ishqibozlari uchun).

Ksenomorflar deb ataluvchi "mavjudotlar" haqidagi oxirgi chiqqan filmlar muxlislarning hafsalasini pir qilayotgan edi. 2024-yilda chiqqan "Alien: Romulus" esa muxlislarning biroz bo'lsa ham umidlarini oqladi.

Bu franshiza bilan unchalik yaxshi tanish bo'lmaganlar uchun ma'lumot berib ketsam. Ksenomorflar haqidagi ilk filmni 1979-yilda Riddli Skott suratga olgan. O'sha paytlarni tasavvur qiling, bunday g'oyadagi film ajiotajlarga sabab bo'lishi tabiiy edi. Keyinchalik bu franshizaning davomini Jeyms Kemeron (1986-yilda), Devid Fincher (1992-yilda), Jan-Pyer Jene (1997-yilda) kabi rejissyorlar suratga olishgan. Oradan vaqt o'tgach, Riddli Skottning o'zi bu "olam"ga qaytib, "Prometey" (2012), "Alien: Covenant" (2017) kabi filmlarni suratga oldi.

Shu Riddli Skott tomonidan suratga olingan oxirgi qismlari muxlislar kutgan effektni bermayotgan edi (Riddli ham qarib qoldi). 2024-yilda chiqqan "Alien: Romulus" esa rejissyor Fede Alvares tomonidan suratga olindi.

Filmga ssenariy yozayotganda bu franshizadagi oldingi qismlarni tomosha qilmagan insonlarni ham o'ylashgan. Oldingi filmlar bilan tanishmagan bo'lsangiz ham bemalol ko'raversangiz bo'ladi. Shu bilan birga "Alien" franshizasi muxlislari ham oldingi filmlar bilan bog'liq syujet liniyalarini payqashdi. Masalan meni o'zim Riddli Skott ishlagan "Prometey" filmi bilan bog'liqliklarni ko'rdim.

O'zi, umuman, bu franshizaning muxlislari orasida aynan ksenomorfning "fanatlari" ko'p. Ya'ni ksenomorflarning "tupoy odamchalarni" yo'q qilishi yoki tanasiga kirib, transformatsiya qilishiga ishqibozlar bor. Chindan ham, bu kabi filmlardagi odamlarda yoki "o'zini saqlash instinkti" yo'q, yoki haddan tashqari optimist bo'lishadi. Shuning uchun "Alien"da odamlar o'ta darajada "jalkiy" (sorry for my russian) ko'rinadi.

"Alien: Romulus" filmida menda tez rivojlanuvchi va shafqatsiz ksenomorflardan ko'ra, filmning oxirida ko'rsatilgan ksenomorf+odam miksi boshqacha taassurot qoldirdi. Ksenomorfga ko'z o'rganganmi, mana bu yangi gibrid ko'zimga juda boshqacha ko'rindi (Yozilishicha, bu obrazni 2,31 sm bo'yga ega basketbolchi Robert Bobrotskiy gavdalantirgan ekan).

Xullas, film yomon emas. Ilmiy-fantastika va horror ishqibozlariga tavsiya qilaman. Ta'sirchan odamlarga esa — yo'q.

➡️Please!