Продам канал с доходом 138090

Всего за 55 000. Срочно нужны деньги.

Продам твой канал за сутки.

Любой по федеральной программе.

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

Rashid Tojiboev

@rashidtojiboev

Kanal geosi va tili: O‘zbekiston, O‘zbekcha

Toifa: Yangiliklar va OAV

Koreya respublikasi, Inha universiteti, Davlat boshqaruvi sohasida tahsil olayotgan Magistr talaba - Rashid Tojiboyevning kanaliga xush kelibsiz.
Savol va takliflar uchun:
telegram: @rashidtojiboyev
facebook: https://www.facebook.com/rashidtojiboev

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Yangiliklar va OAV

Statistika

Postlar filtri

O‘chirilganlarni yashirish

Repostlarni yashirish

Rashid Tojiboev

3 Jan, 17:14

Aviabiletlarning narxi: nega yoningizdagi yo‘lovchi sizdan arzon (qimmat) to‘lagan? Nega Amazon’da bir xil mahsulot narxi bir necha barobar farq qiladi? Starbucks’dagi qahvaning boshqalarida qanday farqi bor, yoki McDonald’s burgerlarini-chi? Nima uchun Nike kompaniyasining Vyetnamdagi ishchilari oyiga 1$ evaziga ham ishlashga rozi? Nega 2008-yilgi inqirozda kompaniyalar kelajakda qurilishi kerak bo‘lmagan uylarni qurdi va oqibatda Yevropa va Yaponiya davlatlari zarar ko‘rdi?

Bir mahsulot ichki bozordan ko‘ra tashqi bozorda arzonroq sotilsa, nega uni qayta bojxonada ichki bozorda foyda bilan sotmaymiz? Tahoe haydash orzungiz shimolliklarga qanchaga tushishini bilasizmi? Nima uchun foyda daromaddan ustunroq? Kichik (katta) guruhlarning o‘zaro tez kelisha olishining (olmasligining) sababi nimada? Hammamiz pirogdagi ulushimizni emas, uni kattarishini o‘ylashimiz kerakmi? Xalqaro savdoda bir davlatning muvaffaqiyati boshqa davlatning mag‘lubiyatini anglatadimi?

Ushbu savollarning javobini "Yalang‘och iqtisodiyot" kitobidan topasiz. Bu kitob sodda insonlar uchun iqtisodiyotni o‘rgatuvchi kitob emas. Aksincha, u iqtisodiyotni hech qachon o‘qib o‘rganmagan aqlli kishilarga atalgan.

👉@rashidtojiboev👈

👍 17

👎 1

5.9k 1 41 7

Rashid Tojiboev

20 Dec 2024, 11:32

Valijon Turakulov | Minimalism dan repost

Rashid Tojiboy juda ham kitobsevar yigit: har doim qo'lida kitob!

Va deyarli har safar uchrashuvlarga 5-6 ta kitob bilan keladi, sovg'a qilish uchun. Bu safar yaqinda Adabiyot yo'nalishida Nobel mukofotini qo'lga kiritgan Koreyalik Han Kang'ning "The Vegetarian" asarini sovg'a qildi.

"Sham bo'ling, nur bo'ling... Atrofga ham nur tarating!"

🍉 @v_turakulov_stories

768 0 1 18

Rashid Tojiboev

19 Dec 2024, 07:51

Sobiq Inha bitiruvchilari bilan uchrashuv – bu oddiy muloqot emas, fikrlar va tajribalar almashinuvi boʻldi. Koreyada boshlangan yoʻllar vatanda yangi gʻoyalarga tutashdi. Fikrlar qayerda rivojlanadi? Kitoblarda emas, suhbatlarda emas, balki yangi savollar tugʻilgan joydadir. Ayniqsa stol tennisida fikrlar va zarbalar qarama-qarshiligi boʻldi. Men oʻzimni stol tennisi boʻyicha “Master” deb oʻylasam, bu yerda “PhD”lar bor ekan.

👉@rashidtojiboev👈

👍 30

👎

Open Comments

1.6k 1 6 15

Rashid Tojiboev

16 Dec 2024, 12:40

Koreya adabiyotining Nobel va boshqa nufuzli mukofotlarni qoʻlga kiritishining asosiy sabablaridan biri – ijod erkinligining taʼminlanganligi va senzura cheklovlariga yoʻl qoʻyilmagani. Erkinlik boʻlmaganida, bugungi shedevr asarlar yoki ilm-fan yutuqlarining koʻpi yuzaga kelmagan boʻlardi. 2007-yilda yozilgan Han Kangning “Vegetarian” romanini menga hadya qilgani uchun Javlonbek akaga minnatdorchilik bildiraman.

Ushbu roman jamiyat normalariga qarshi chiqish va insonning oʻz tanlovini himoya qilish uchun qanday sinovlardan oʻtishini chuqur yoritadi. Uch bobdan iborat bu asarda bosh qahramon Yeong-hyening hayoti uchta turli shaxsning nuqtai nazaridan tasvirlanadi. Qahramon haqida hikoyaning oʻzi emas, boshqalar orqali maʼlumot berilishi jamiyatdan oʻzini “chetga olgan” insonlarning fikrlarini eshitmasligiga ramziy ishora qiladi.

Roman Yeong-hyening bolalikdagi travmalari va ruhiyatidagi jarohatlar tufayli qoʻrqinchli tushlar koʻrishi bilan boshlanadi. Shu tushlarning taʼsirida u vegetarianlikni tanlaydi. Ammo bu qarori jamiyat va oilasi tomonidan qabul qilinmaydi va qattiq bosimlarga sabab boʻladi. Uning goʻshtdan voz kechishi ramziy maʼnoda tasvirlanib, ayollarning oʻz tanlov huquqi cheklangan jamiyatda qanday ahvolda ekanligini yoritadi. Goʻsht jamiyatning zoʻravonlik va qaramlikni oʻz ichiga olgan normativlarini anglatadi, bu esa Yeong-hyening isyoni va oʻzini himoya qilish harakatining timsoliga aylanadi.

Yeong-hye bu jarayonda oʻz tanasidan begonalashib, oʻzini butunlay daraxtga aylangan deb hisoblaydi. Bu uning oilasi uchun fojiali yakun boʻlsa-da, Yeong-hye uchun ozodlik va erkinlik ramzi sifatida namoyon boʻladi. Roman yakunida uning opasi ham oʻz hayotidagi murakkabliklarni ochib beradi. Ammo opaning xatti-harakatlari orqali muallif hayot uchun kurashish va muqarrar qiyinchiliklarga taslim boʻlmaslik kerakligini koʻrsatadi.

Asar ijodiy ramzlar va chuqur mazmun orqali jamiyatdagi muhim masalalarni koʻtarib chiqadi. Yeong-hyening hikoyasi ayollarning oʻzligini izlash yoʻlidagi kurashini yoritgan, koreys jamiyatining madaniyati va anʼanalariga oid qiziqarli badiiy asar sifatida oʻqishga arziydi.

👉@rashidtojiboev👈

👍 9

👎

Open Comments

771 0 1 6

Rashid Tojiboev

18 Nov 2024, 15:22

00:45

Video oldindan ko‘rish uchun mavjud emas

Telegram'da ko‘rish

Bayroqning eng birinchi ma’nosi bu birlashish, butun bir jamiyat bo‘lish demakdir.

© Javoxir Shukurov

👉@rashidtojiboev👈

968 0 2 14

Rashid Tojiboev

31 Oct 2024, 10:36

Jalilov. Qaydlar dan repost

Ertaga - partiya ro'yxati bo'yicha OM QPga saylangan vazirlar qaror qabul qilishining oxirgi kuni. Siz deputatlikka nomzodini qo‘ygan vazirlar va boshqa taniqli shaxslarning natijalar e’lon qilinganidan keyin deputatlikdan voz kechishiga qanday qaraysiz?

So‘rovnoma

Qarshiman (men ularning nomzodi uchun ovoz berganman, ularning voz kechishi saylovchilarni aldash)
Qo'shilaman (men partiya uchun ovoz berganman, voz kechish yoki kechmaslik ularning huquqidir)
Betarafman (menga farqi yo'q)

1075 ta ovoz

1.4k 0 1 4

Rashid Tojiboev

27 Oct 2024, 11:25

Ilk bor elektron shaklda ovoz berdim. Juda ham qulay va yengil ekan. Bu yilgi parlament saylovlari bir qator ijobiy oʻzgarishlar asosida boʻlib oʻtmoqda:

1⃣ Aralash saylov tizimi: majoritar va proporsional usullari joriy qilinganligi;

2⃣ Toshkent shahri va viloyatlar hokimlariga xalq deputatligi kengashi raisi lavozimini egallashi taqiqlanganligi;

3⃣ Ayrim saylov uchastkalarida elektron saylov amaliyoti yoʻlga qoʻyilganligi;

4⃣ Nomzodlarning kamida 40%ini ayollar ulushi tashkil etilganligi;

5⃣ Markaziy saylov komissiyasi raisi bir marta besh yillik muddatga saylanish amaliyoti yoʻlga qoʻyilganligi.

Shunday boʻlsa-da, bir qator eʼtiborga olinishi kerak boʻlgan masalalar saqlanib qolmoqda.

1⃣ Toshkent shahar va viloyat hokimlari senator boʻlish imkoniyati mavjudligi (tiyib turish va muvozanat tamoyiliga zid);

2⃣ Proporsional saylov tizimida nomzodi qoʻyilgan boʻlajak deputatlar (misol uchun amaldagi vazirlar), saylovdan keyin ular oʻz deputatlik oʻrinlaridan voz kechish imkoni mavjudligi;

3⃣ Mustaqil partiya tuzish uchun kosmik cheklovlarni saqlanib qolayotganligi;

4⃣ Xalq deputatlari institutini kuchaytirish bilan bogʻliq ishlar yetarli daraja emasligi (misol uchun moddiy taʼminot yoʻqligi, tuman/shahar hokimlari rais lavozimida qolayotgani)

5⃣ Partiyalar gʻoyalarida xilma-xilliklar, muxolif qarashlar yaqqol koʻzga tashlanmayotganligi.

👉@rashidtojiboev👈

👍 25

👎 2

Open Comments

1.3k 0 1 8

Rashid Tojiboev

21 Oct 2024, 13:32

Sun’iy intellektning kirib kelishi bilan til korpuslarini rivojlantirishga ham katta e’tibor berilmoqda. Hozirgi kunda O‘zbekistonda sun’iy intellekt elementlari asosida sifatli tahrir, tarjima va boshqa turli xizmatlarni taklif qiluvchi Savodxon va Tahrirchi dasturlari mavjud.

Ona tili bayrami munosabati bilan, Savodxon o‘zining premium xizmatlariga 50%, Tahrirchi esa 40% gacha chegirma e’lon qildi. Ushbu dasturlardan foydalangan holda, mukammal tarjima va xatolarsiz imloni qo‘lga kiriting. Shuningdek, bu dasturlar orqali ona tili korpusini boyitishga ham hissa qo‘shasiz.

👉@rashidtojiboev👈

1.2k 0 4 7

Rashid Tojiboev

20 Oct 2024, 20:58

Shokir Tursun qarashlari dan repost

Agar 4 nutqiy koʻnikma boʻyicha oʻzbek tilidagi darajangizni aniqlab beradigan test (oʻzbekcha IELTS desa boʻladi) yaratsak, 200–250 ming toʻlov evaziga oʻzingizni sinab koʻrar edingizmi? Boshlanishiga Toshkentda.

So‘rovnoma

Ha
Yoʻq
Sal qimmat
100–150 boʻlsa mayli
Keragi yoʻq narsa

8052 ta ovoz

1k 0 0

Rashid Tojiboev

13 Oct 2024, 07:41

Koreyaning Hanyang universitetida 2025-yil bahor semestri uchun HOPE (Hanyang online pre-exchange) nomli talabalar almashinuv dasturini e’lon qildi. Bu dasturda ayni payti talaba bo‘lgan istalgan insonlar onlayn ishtirok etishlari mumkin. Bu universitet QS reytingi bo‘yicha 162-o‘rinda turadi.

Afzalliklari mutlaqo bepul, darslar ingliz tilida bo‘ladi, til bilish sertifikati kerak emas, mezbon universitet tomonidan hech qanday tavsiya qilinishi ham shart emas, shunchaki universitetda tahsil olayotgani haqida ingliz tilida ma’lumotnomaning o‘zi kifoya.

Talabalar 6 ta fandan 2 tasini tanlab, video kontent orqali tahsil oladi. Yakunda Hanyangdan sertifikat beriladi. Hujjat topshirish muddati 15-yanvargacha. Bunday dasturlarda ishtirok etish, magistraturaga yoki ishga qabul qilinishda hiyla ustunlik beradi. Talaba tanishlaringizga yuborib qo‘ying.

📚 Fanlar ro‘yxati
1️⃣ Revolutions in Science and Technology
2️⃣ UN SDGs to Social Innovation
3️⃣ Principles of Microeconomics
4️⃣ Modern Society and Marketing
5️⃣ Korean for Beginners
6️⃣ From Oldboy to Squid Game : Navigating the Korean Cultural Wave

HOPE dasturi haqida batafsil:
https://exchangein.hanyang.ac.kr/web/exchangein/hope

👉@rashidtojiboev👈

👍 11

👎 1

Open Comments

2.8k 1 64 6

Rashid Tojiboev

11 Oct 2024, 16:03

Xushnudbek.uz dan repost

Tilmoch ishlating, matn tayyorlashda vaqtingizni tejang!

Yaxshi ishni yaxshi deyish va o‘zimizning startaplarni qo‘llab-quvvatlash kerak. Bu reklama emas, xolisona tavsiya.

Tahrirchi saytini anchadan buyon ishlataman, bu loyiha haqida avval ham bir yozgandim. Ilgari faqat lotin-kirill transletiratsiyasi hamda matndagi xatolarni to‘g‘rilash funksiyasi bor edi. Hozir saytga tarjima funksiyasi ham qo‘shilgan.

Tilmoch dasturi orqali o‘zbek, rus, ingliz va qoraqalpoq tilidagi matnlarni o‘zaro bir-biriga tarjima qilish mumkin. O‘zim anchadan buyon ishlataman, hatto Premium obuna ham sotib olganman. Tarjima boshqa dasturlarga qaraganda ancha sifatli chiqyapti. Ayniqsa, "Sayqallash" tugmasi orqali sun’iy intellekt tarjimani tahrirlab berishi ortidan sifat yanada oshyapti. Xuddi tirik muharrir ko‘rib berganga o‘xshaydi.

Shu sohadagi mutaxassislar uchun ham, oddiy kundalik hayotda foydalanish uchun ham yordam beradi. Tashkilotlar xodimlariga olib bermoqchi bo‘lsa, korporativ tariflar ham mavjud.

Yuqoridagi suratlarda misol uchun olingan ruscha kichik matnning tarjima natijalari aks etgan. Dastlab oddiysi, so‘ngra sayqallash xizmatidan keyingi natija, oxirgi suratda esa xuddi shu matn uchun Google Translate xizmati bergan variant. Sifatini o‘zingiz farqlab olavering.

👉 @xushnudbek 👈

776 0 5 7

Rashid Tojiboev

10 Oct 2024, 14:10

Talaba do'stimga | Dr. Alisher Umirdinov dan repost

Tezkor xabar!

Adabiyot sohasidagi Nobel mukofotini ilk bor Koreyalik yozuvchi oldi.

Koreyaliklarning Nobel olgani o'ta nodir. Shu paytggacha 2000-yilda bir prezidentlari Tinchlik boyicha olgan xolos.

Garantiya beraman, bugun Koreya aholisi uxlamaydi: Bayram!

Tabriklayman, Koreyaliklar. Bizning yurtga ham nasib etsin!

811 0 1 11

Rashid Tojiboev

8 Oct 2024, 17:00

Iqtisodchi Kundaligi dan repost

Benabou Tirole JEP 2016 Mindful Economics.pdf

Jan Tirol oʻzining Toshkentdagi maʼruzasidan oldin bu maqolasini va bu kitobini birinchi, ikkinchi va oltinchi bobini oʻqib kelishni tavsiya qilibdi.

Maʼruzaga keladiganlarga tavsiya.

909 0 7 4

Rashid Tojiboev

7 Oct 2024, 11:28

New Uzbekistan University | Yangi O'zbekiston Universiteti | Янги Ўзбекистон Университети dan repost

“Yangi Oʻzbekiston” universiteti talabalari uchun Nobel mukofoti sovrindori Jan Tirol bilan maxsus ma'ruza tashkil etiladi

⚡️ Ma’ruzada Jan Tirol yirik monopol kompaniyalarni boshqarish va tartibga solishning eng samarali usullari yuzasidan oʻz bilimlarini ulashadi.

✅ Ishtirok etmoqchi boʻlgan talabalardan Jan Tirolning qator maqolalari bilan tanishib chiqish talab etiladi. Uchrashuvda mashhur olim bilan muloqot qilish va oʻzingizni qiziqtirgan savollarga javob olish imkoni mavjud.

💥 Jan tirol ma’ruzada eng yaxshi savol bergan 5 ta talabaga oʻz kitobini topshiradi.

👉 Roʻyxatdan oʻtish va batafsil ma’lumot olish: https://newuu.uz/jean-tirole
⏰ Vaqti: 14-oktabr, 09:30
📍Manzil: “Yangi Oʻzbekiston” universiteti, U.C.A. binosi, konferensiya zali.

🤩 Uchrashuv faqat “Yangi Oʻzbekiston” universiteti talabalari uchun tashkil etiladi.

🔁 English
➖➖➖➖➖➖➖➖➖➖
#Nobel #ochiqmaruza #JanTirol #Iqtisodiyot

⬇️Biz ijtimoiy tarmoqlarda:
Veb-sayt | Telegram | Instagram | Facebook

958 0 2 1

Rashid Tojiboev

25 Sep 2024, 09:09

Parlament saylovlari yaqin. Barcha sohada foydalanilgani kabi, saylov jarayonlarida ham AKT va sun’iy idrok elementlaridan foydalanish, natijalarni shaffof, ishonchli, tezkor, kam xarajatli bo‘lishiga olib keladi. Bunda faqat xavfsizlik talablariga rioya qilinsa bas.

Inha universiteti, Siyosiy fanlar yo‘nalishidagi doktorant akamiz Kamoliddin Mannonov aholimizning elektron ovoz berish tizimiga bo‘lgan munosabatini tahlil qilib, shu sohada ilmiy tadqiqotlar olib borayotgan ekan. Blokcheynga asoslangan saylov tizimi, istalgan joydan ovoz berish imkoniyatini taqdim etadi, muhimi natijalarni o‘zgartirish imkoniyati bo‘lmaydi.

So‘rovnomaga 5 minut vaqt ajratib, ilmiy ishga o‘z hissangizni qo‘shishingizni so‘rab qolaman. Ketgan vaqtingiz uchun telegram premium yoki boshqa qiymatli sovg‘alarni ham yutib olishingiz mumkin. So‘rovnoma havolasi: https://forms.gle/NAgiT52foN4fJW9F8

👍 11

👎

1.1k 3 4 7

Rashid Tojiboev

29 Aug 2024, 13:56

TRM Metodik yordam dan repost

Ta’limni rivojlantirish respublika ilmiy-metodik markazi #talimuchun loyihasi doirasidagi onlayn vebinarlarni davom ettirmoqda.

Loyihaning navbatdagi mehmoni Malayziyaning Universiti Sains Malysia qoshidagi Milliy oliy ta’lim tadqiqotlari instituti PhD tadqiqotchisi, El-yurt umidi jamg‘armasi stipendianti Bobir Muratov bo‘ladi.

🖥 Taqdimot mavzusi: “Oliy ta’limning xalqarolashuvi: Transmilliy ta’lim”

⏰ Boshlanish vaqti: 29-avgust soat 16:00 dan boshlab

💻 Vebinarda ishtirok etish uchun havola: https://us06web.zoom.us/j/83378631876

ID: 833 7863 1876
Kod: 174024

Kanalga ulanish:👇
https://t.me/trm_metodika

1.6k 0 0 3

Rashid Tojiboev

18 Aug 2024, 17:27

Karim Raximov dan repost

NTU(Singapur)da matematika bo'yicha phd pozitsiya

4-kursni bitirgan yoki magistraturani bitirgan yoki magistratura birinchi kursini bitirgan talabalar uchun Singapurning NTU universitetidagi professor tanishim matematika yo'nalishi PHD dasturiga grand elon qildi. Ushbu professor shug'ullanadigan sohalar:

multiscale problems, probabilistic partial differential equations, numerical analysis

Agarda siz o'zingizni shu pozitsiyaga loyiq deb bilsangiz, menga murojaat qiling, men imtixon olib ko'rib ushbu dasturga sizni tavsiya qilaman!

Menga emaildan bog'lansangiz maqsadga muvofiq bo'ladi.

emailim: karimjon1705@gmail.com

Ma'lumot uchun NTU dunyo reytingida 15-o'rinda turadi:

https://www.topuniversities.com/universities/nanyang-technological-university-singapore-ntu-singapore

@karimraximov

1.8k 0 2 7

Rashid Tojiboev

13 Jul 2024, 19:19

“Work and travel” dasturi doirasida, ukam Muhammadjon Germaniyaning Regensburg shahrida joylashgan BMW zavodida amaliyot o‘tamoqda. Ushbu zavodda 63 millatdan iborat 9 mingdan ortiq mutaxassislar BMW X1 va BMW X2 (dvigatel, gibrid va elektr) modellaridan kuniga 1300 ta ishlab chiqaradi, o‘rtacha har 57 soniyada 1 ta BMW degani.

Ukamning dastlabki tajribasi: elektr mashinalar sodda tuzilishga ega, sababi ularga 37% kamroq ehtiyot qism kerak bo‘ladi (dvigatel mashinalarda 30 ming ehtiyot qism, elektrlarda esa 20 ming). Bu kam ishchi kuchi, ko‘proq sanoat va ko‘proq g‘oya deganidir. Bu esa BMW avtonom avtomobillar davriga tayyorgarlik ko‘rayotganidan dalolatdir.

BWMning maqsadi insonlarni haydovchilikdan ozod qilish. Turli xil avtonom funksiya va boshqaruv imkoniyatlari, xavfsizlikni ta’minlash etarli quvvatni talab etadi. Buning sharti esa: batareyalardir. Kichik lekin sifatli ishlar BWMni ijodkorlikka undamoqda. Har bir BWM X1 va X2 modellarida kichik bo‘lsa-da ukamni mehnati borligi, bizni quvontiradi.

👍 24

👎

Open Comments

Ukamni kanaliga aʼzo boʻlish

2.3k 1 7 11

Rashid Tojiboev

3 Jul 2024, 06:39

The three-week “Higher Education Administration” ITEC course has come to an end. Saying goodbye is always difficult. I gained practical knowledge in the field of Higher Education 4.0, though there is still much I have yet to learn. Throughout the program, I had the opportunity to immerse myself in Indian traditions, culture, nature, street food, dance, the film industry, rugby, and public transportation. I extend my gratitude to everyone for everything.

3 hafta davom etgan “Oliy taʼlimda boshqaruv” ITEC kursi oʻz nihoyasiga yetdi. Xayrlashish juda ham ogʻir. Oliy taʼlim 4.0 sohasida amaliy bilimlarga ega boʻldim, bilmaganlarim hali qancha. Dastur davomida, Hindiston urf-odatlari, madaniyati, tabiati, koʻcha va milliy taomlari, raqs va kino sanoati, regbi va jamoat transporti bilan yaqindan tanishish imkoniyatiga ega boʻldim. Barchasi uchun barchaga rahmat.

#ITEC2024 #TISS #INDIA
👉@rashidtojiboev👈

1.5k 0 0 14

Rashid Tojiboev

2 Jul 2024, 20:59

Hindiston ta’limida tengsizlik haqida gap ketganda, klan, jins, din va nogironlik jihatidan tabaqalanish mavjud bo‘lsa-da, ushbu tabaqalashuv joylashgan hudud (shahar va qishloq), ta’lim tili (ingliz tili), maktabning moddiy-texnik imkoniyatlari, Covid, xususiy ta’lim va o‘quv markazlari tufayli yana-da keskin oshib ketmoqda. Tengsizlik tengsiz ta’limdan boshlanmoqda. Lekin, ko‘plab oilalar uchun ta’limdagi tengsizlik bolalar maktabga borishidan oldin boshlanmoqda.

Hindlarning eng badavlat 10 %i mamlakat boyligining taxminan 74 %ini nazorat qiladi. Tabiiyki, boy qatlam xususiy ta’limni afzal ko‘radi. Hindistonda 1.5 mlnga yaqin maktab bo‘lsa, unda 23% xususiy sektorga tegishli. Jami 265 million o‘quvchilarning 33 %i ushbu maktablarda tahsil oladi. PISA 2018 natijalari Hindistoning oxirgi natijalari bo‘lgan. O‘shanda mamlakat 79 davlat ichidan 77 o‘rinni band etgan. Yuqori qatlamga mansub o‘quvchilarning 17%i yuqori natijani qayd etgan bo‘lsa, 3% o‘quvchilar quyi qatlamga mansub bo‘lgan.

Maktab ta’limiga $9 mldr sarflanishiga qaramay, har bir bola uchun sarflanadigan summa, maktab va tabaqaga qarab 3 barobargacha farq qilishi mumkin. Maktabni moliyalashtirish o‘quvchilarning qabul imtihonlari natijalariga bog‘langanligi ham tabaqalanishni keltirib chiqarmoqda (tabiiy ravishda qaysi maktabda qabul imtihon natijalari past bo‘lsa, ana-shu maktabda tabaqalanish yuqori, lekin moliyalashtirishga kelganda, juda kam mablag‘ oladi va natijada segregatsiya ko‘paysa ko‘payadi, aslo kamaymaydi).

Qolaversa, baholash tizimi o‘quvchilarni majburiy ravishda repetitorlik xizmatlariga borishda undaydi. Maktab imtihonlarining hozirgi tabiati, haqiqiy o‘rganishni emas, bilimlarni yodlashga majbur qilmoqda. Natijada, maktabdan tashqari "soya" ta’limi rivojlanishiga olib kelgan. 2016-yil hisobotga ko‘ra, qariyb 26% (71 million) o‘quvchilar har yili pullik repetitorlik xizmatlariga murojaat qilishadi. Bu ko‘rsatkich boshlang‘ich sinflarda 13 %ni, yuqori sinflarda 30 %ni tashkil etadi.

Bundan tashqari, turli davlatlardan kelgan ishtirokchilar, o‘zlarining davlatlaridagi tabaqalanish haqida ma’lumot berdi. Jumladan, Afrikalik do‘stlarimiz: qizlar ayrim sinfdan keyin, oilaviy sharoitlari tufayli maktabga bora olmasligi, oliy ta’limni oila qurmasdan davom ettira olmasligi (oila qurishining sababi, turmush o‘rtog‘i shartnomasini to‘laydi), ayrim soha vakillariga qabul imtihonlari havodan qo‘shimcha ballar qo‘shilishi; Yevropalik do‘stlarimiz: ishga qabul jarayonida ish beruvchilar xususiy ta’lim vakillariga e’tibor qaratishlari; Shimoliy Osiyolik hamkasblarimiz: ishga qabul qilishda aynan elita universitetlariga ko‘proq ustunlik berilishi haqida so‘zlab berdilar.

👉@rashidtojiboev👈

👍 11

👎 1

Open Comments

1.5k 0 0 5

20 ta oxirgi post ko‘rsatilgan.

449

obunachilar

Kanal statistikasi

Kanalda mashhur

Aviabiletlarning narxi: nega yoningizdagi yo‘lovchi sizdan arzon (qimmat) to‘lagan? Nega Amazon...

Sobiq Inha bitiruvchilari bilan uchrashuv – bu oddiy muloqot emas, fikrlar va tajribalar almashin...

Koreya adabiyotining Nobel va boshqa nufuzli mukofotlarni qoʻlga kiritishining asosiy sabablari...

Rashid Tojiboy juda ham kitobsevar yigit: har doim qo'lida kitob! Va deyarli har safar uchrashuv...