Shokir Tursun qarashlari

eMaktab.uzʼga ota-ona nomidan kirib chiqishingiz maktab rahbariyatiga nima uchun kerak?

Ular bunga qanday asos keltirishadi?

Ularga kim shunaqa degan

@birgap

Bizning maktabda bir ustoz bor. Tarix fanidan dars beradi. Qizigʻi shundaki, tarix fanini ingliz tilida oʻtadi (yuqori sinflarga). Nima uchun bunday ekanini mana bu yerda tushuntirib berganlar.

Ana shu ustoz, oʻz kanalida mana bunga oʻxshash hamma uchun foydali boʻlgan postlar va maʼlumotlar joylab boradi.

Tavsiya qilaman!

@birgap

Oxirgi 5 yilda taʼlim ustida juda koʻp tajriba qilindi. Oʻqituvchilar hayotiga taʼsir qiladigan koʻplab qarorlar chiqdi.

Siz qaysi qarorni eslaysiz? Oʻsha qaror sizning hayotingizni qanday taʼsir qilgan?

Qaysi qaror sizning ustingizdan muzdek suv quygandek boʻlgan, seskantirgan? Sizning hayotingizni qiyinlashtirgan?

Agar izohlarda yozishga iymansangiz @shtursunreklama_bot ga yozing. Bu yerda shaxsingiz ochiqlanmaydi.

@birgap

2025/2026-o‘quv yiliga qadar B2 darajadagi sertifikatlarga ega bo‘lmagan chet tili oʻqituvchilari dars oʻtish huquqiga ega boʻlmaydi.

2025/2026-oʻquv yiliga qadar umumiy oʻrta, oʻrta maxsus va professional taʻlim muassasalarida faoliyat yuritayotgan barcha xorijiy tillar oʻqituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega boʻlishi lozim.

P.S. bu safar choʻzib berishmas ekan
@birgap

“Anor” hikoyasidagi mana bu parcha juda muhim:

Turobjon bu gapni aytdi-yu, xotinining ahvolini ko‘rib achchig‘idan tushdi, agar izzat-nafs qo‘ysa hozir borib uning boshini silar va: “Qo‘y, xafa bo‘lma, jahl ustida aytdim”, der edi.

Koʻplab masalalar mana shu bir tomonning oldinga yurmasligidan, or-nomus deyishidan kelib chiqadi. Ayniqsa, bizning jamiyatimizda erkak kishi oʻz xotinidan uzr soʻrashi normal qabul qilinmaydi. Koʻplab erkaklarda bu juda yoshligidan shakllanib qolgan dunyoqarash. Uni oʻzgartirish ogʻir. Agar shu yerda Turobjon oʻzi aytgan izzat-nafsni yengib, “Qo‘y, xafa bo‘lma, jahl ustida aytdim”, deya olganda voqealar rivoji butkul boshqacha kechgan boʻlarmidi...

@birgap

Aksar ingliz tili oʻqituvchilari ismi oldidan miss yoki mister qoʻshib olishlari mantigʻini kimdir tushuntirib ketsin?

@birgap

Oʻrganish – bu yangi bilimlar, koʻnikmalar va malakalarni olish jarayoni. Bu jarayon davomida odam biror ma'lumotni qabul qiladi, oʻrganadi, lekin hali uni toʻliq qoʻllash yoki mustahkamlash darajasiga yetmagan boʻladi.

Oʻzlashtirish – bu oʻrganilgan bilimlarni amalda qoʻllay olish darajasiga yetish jarayoni. Bu jarayon oʻrganilgan maʼlumotlarning mustahkamlanib, inson faoliyatida qoʻllanishini ifodalaydi.

Ushbu videodagi suhbat ishtirokchilari oʻrganish va oʻzlashtirish orasidagi farqni yaxshi his qilishmaydi. Ayniqsa, bir yarim soatda ingliz tili grammatikasi oʻrgatish uslubini yaratgan repititor opa. Nega uni oʻqituvchi yoki ustoz demayapman, oʻqituvchi yoki ustoz oʻrganish va oʻzlashtirish orasidagi farqni yaxshi anglaydi va ikkisini almashlab qoʻllash orqali boshqalarni chalgʻitishga urinmaydi.

Repititor opamiz aytganday, istalgan tilning grammatik qoidalarini bir yarim-ikki soatda oʻrganib chiqish mumkin. Hamma grammatik qoidalar yozilgan kitobni oʻqib chiqasiz yoki biror videoni koʻrasiz. YouTubeda bunday videolar qalashib yotibdi. Qoidalarni koʻrib chiqish – bu oʻrganish, ulardan hayotimiz davomida oʻrinli foydalanishimiz – oʻzlashtirish. Oʻzlashtirish har doim uzoq vaqt oladi.

Bolangizga oʻqituvchi sifatida bilim oʻrgatadiganlarni emas, oʻzlashtirishiga koʻmaklashadiganlarni qidiring, yutasiz. Mana bu opaga oʻxshab daʼvo qiladiganlardan esa uzoqroq yuraveringlar.

@birgap

Gʻazo uchun xursandman!

@birgap

Bu yerda qiziq holat bor. Oʻzi ona tili va adabiyot oʻqituvchilari uchun ustama toʻlanishi haqidagi gap Oʻzbek tili bayramida aytildi (adashmasam). Shunday boʻlsa-da rus tili va adabiyoti fani uchun berilayotgan ustama, oʻzbek tili (oʻzga tilli guruhlarda) uchun berilmayotgani gʻalati. Juda gʻalati.

@birgap

Boshlangʻich sinf ustozlari ham yodda tutingki, ona tili va adabiyotdan milliy sertifikat olgan boʻlsangiz faqatgina alifbe, yozuv, ona tili, oʻqish savodxonligi fanlari uchun toʻlanadigan haqqa 50 foizlik ustama olasiz, hamma soatingizga emas.

@birgap

Oʻqituvchilar adolat istamoqda

Vazirlikdagi manbaga koʻra, ona tili va adabiyot hamda tarix fanidan Milliy sertifikat olinganda toʻlanadigan 50 foizlik ustama oʻzbek tilidan dars beruvchi oʻqituvchilar uchun amal qilmas ekan.

Ochigʻi, men buning sababini umuman tushunmadim. Prezident qarorining maqsadi oʻzbek tili obroʻsini oshirish edi. Oʻzbek tili fani boshqa tilli fuqarolar orasida oʻzbek tilini yoyishning eng oson usuli hisoblanadi. Ularga ustama toʻlanmasligini tushunishim qiyin kechmoqda. Tushuna olmayapman.

Adashmasam, oʻzbek tilidan dars beradiganlar ham ona tili va adabiyotdan dars beradigan oʻqituvchi topshiradigan imtihonni topshiradi.

Bora-bora izohli lugʻatda adolat soʻzi izohida faqatgina qizlar ismi degan maqola qoladi xolos shekilli.

@birgap

❗️Eslatib oʻtamiz, ustama B+, A va A+ va eski baholash asosida 80 va undan yuqori ballga ega sertifikatlar uchun qoʻllaniladi.

Manba

@birgap

2025-yil 1-yanvardan ona tili va tarix o‘qituvchilariga milliy sertifikat uchun 50% ustama to‘lanar ekan. Shunda milliy sertifikatga ega boshlang‘ich sinf o‘qituvchilariga ham o‘zbek tili va adabiyotidan boshlang‘ichlarda dars o'tgani uchun 50 foiz to‘lanadimi?

Javob:
Ha

Bunda:
Ta’lim tili o‘zbek tili bo‘lgan maktablarda dars beruvchi pedagoglarga o‘zbek tili va adabiyoti sertifikati uchun ona tili va adabiyot faniga;

Ta’lim tili rus tili bo‘lgan maktablarda dars beruvchi pedagoglarga rus tili va adabiyoti sertifikati uchun ona tili (rus tili) va adabiyoti faniga;

Ta’lim tili qoraqalpoq tili bo‘lgan maktablarda dars beruvchi pedagoglarga qoraqalpoq tili va adabiyoti sertifikati uchun ona tili (qoraqalpoq tili) va adabiyoti faniga tegishli dars soatlari uchun ustama to‘lanadi.

Shuningdek, boshlang‘ich ta’limda ona tili bo‘yicha dars beruvchi ustozlarga sinflar kesimida quyidagi fan soatlari uchun 50 foiz miqdorida ustama to‘lanadi:

1-sinfda o‘quv yilining 1-2-choraklarida 4 soat “Alifbe”, 4 soat “Yozuv”, 3-4-choraklarida 4 soat “Ona tili”, 4 soat “O‘qish savodxonligi” fani;

2-4-sinflarda 4 soatdan “Ona tili”, 3 soatdan “O‘qish savodxonligi” fani.

Manba: Xalq taʼlimi info

@birgap