Tushuninglar! SMM bu marketing emas!
Quyidagi reklama roligini ko'rib o'zini hurmat qilgan, o'z qadriyatlariga ega, vatanni va millatini sevuvchi har qanday insonda e'tiroz bo'lishi tabiiy.
Bo'ldi ham, X(sobiq Twitter), Facebook tarmoqlarida va Telegram foydalanuvchilari tarafidan ushbu contentga e'tirozlar baralla aytildi.
Raqobat bo'lsa har bir tadbirkor o'z mahsulotini talabgirligini oshirish maqsadida quyidagi qadamlarni bosib o'tishga majbur bo'ladi:
• Marketing haqida rahbar tushunchaga ega bo'lishi;
• Bozorni tahlil qilish va uni doimiy tahlil qilib borish;
• Marketing bo'limini tashkil etish;
• Marketing strategiyasini ishlab chiqish;
• Mijoz demografikasini tuzish va uni segmentlash(o'zbekchasini topa olmadim);
• Jamoatchilik fikrini o'rganish va o'rganib boruvchi bo'limni tashkil(PR - Public Relation);
• Eng asosiysi bularni tizimlashtirish
Bizdagi tadbirkorlarni xatolarini sanab o'tamiz:
• SMM ni butun boshli marketing deb bilish;
• O'z sohasining mutaxasisidan boshqa bir ishni talab qilish;
• Aniq TZ(техник задача - texnik vazifa) bermaslik;
• Marketing bo'limini tashkil etib undan "Public relation" ya'ni PR ni talab qilish;
• Buyrokratiya. Bu odatda trenddan qolib ketishga, CJM (Customer journey map - mijozning sotib olishgacha bo'lgan yo'li)ni izdan chiqarishi yohud bo'limni kreativligini tushirishga sabab bo'lishi mumkin;
• Break even point(zararsiz nuqta)ni marketing bo'limidan yashirish yohud shafof bo'lmaslik
• Bo'lim ishini SMM dagi metrika(o'lchov) bilan baho berish;
• Natijani tez talab qilishlik. Bu degani Marketing bo'limini ish boshlashi bilan natijani talab qilishlik.
Ishonasizmi-Yo'qmi? Bu hali hammasi emas!
Bu ka'bi muamolarga "ishingni qilaver foydaga kirsam pulingni beraman", "ukam prosmotr oz-ku", "G'ishmatni marketologiga qara unaqa qilyapti", "ukam video olishdan oson ish bormi", "targetologni nima qilasan mana men "продвигать"ni bosib target qildim-ku", "manga qara grafik dizayner kelgunicha "Canva"da o'zing qilib tursen bo'midimi" kabi muamolar bizni suyak suyagimizgacha kirib ketgan.
Yana yuqoridagi kontentga qaytamiz va savollar beramiz:
• U korhonada PR bilan kim ishlaydi?
• U korhonani biror vakili yaqindagina Sherzodxon Qudratxo'jani Altmanga bergan intervyusini, unga bo'lgan izohlarni va jamoatchilik fikrini o'rgandimi?
• Kontent qaysi marketing strukturasi bo'yicha tuzilgan? Uni ustida professionallar ishlaganmi?
• Marketing bo'limi tushunchasi korhona rahbarida qanday?
• Marketing bo'limi bormi? (aniq bilaman yo'q)
Sizdagi e'tirozni sezib javob yozishni lozim deb topdim.
Shuncha xodimlarni, mutaxasislarni qayerdan topaman, ularga qanday qilib oylik beraman?
Javobi: Xodimlarni topish haqiqatdan ham katta muammo buni kuchli HR bo'limi orqali bor hodimlaringizni o'qitib, malakasini oshirib yohud HR bo'limining salohiyati bilangina topa olasiz.
Keyingi masalaga kelsak buni yechimi ЦКП (ценный конечный продукт)!
Ya'ni har bir xodimni tugallangan, qiymatga ega mahsuloti bo'lishligidir.
Buning asosiysi qoidasi shuki unga sharoit yaratib berish.
Deylik siz unga vazifa qilib qozon kabob qilib berishni aytdingiz va buni hujjatlashtirdingiz lekin unga kartoshka ham go'sht ham bermadingiz lekin siz undan natija talab qilyapsiz bu holatdagi asosiysi aybdor kim ekanligini o'zingiz bilasiz!
ЦКП ham belgilandi bu bilan oylikni qanday to'layman deyishingiz aniq. Bu holatda hodim u berishi kerak bo'lgan mahsulot uchun sizdan masaliq so'raydi agar sizga masaliqlar to'g'ri kelsa marhamat qilib uni berasiz. Agar to'g'ri kelmasa mahsulotni cho'ntagingiz ko'tarmaydi ya'ni hozircha qozon kabobni emas "Ролтон" talab qilib turasiz.
Post oxirida bir narsani aytib ketishni lozim deb topdim:
"Marketing - Bor mijozlarni ushlab qolish, yangi mijozlarni jalb qilish va ketib qolgan mijozlarni qaytarib olib kelishdir" (Filipp Kotler).
®️M | Blog
@M_bloguz
