🇮🇱🇮🇷
Кеча Эрон осмонида нима содир бўлди?Эрон давлат матбуоти жума куни ҳаво ҳужумидан мудофаа тизимлари бир неча шаҳарларда, жумладан
марказий Исфаҳон вилоятида шубҳали нишонларга қарши фаоллаштирилгани ҳақида хабар берди.
Ярим расмий Меҳр агентлиги Исфаҳон осмонида учта дрон йўқ қилинганини хабар қилди. Эрон давлат телевиденияси Исфаҳондаги
"катта портлашлар"ни тасдиқлади, бироқ марказий шаҳардаги
ядровий иншоотларга зарар етмаганини айтди.
📰
Америка оммавий ахборот воситалари расмий манбаларга таяниб, Исроил Эрон ҳудудига ҳужум қилгани ва АҚШ расмийлари режаланган ҳужум ҳақида у
амалга оширилмасданоқ огоҳлантирилгани ҳақида хабар беришди.
Кечаги ҳужум натижасида
Эрон ўз мамлакати устидан парвозларни чеклаб қўйди, ҳозирда улар қайта тикланди. Мамлакат ичида ва давлат каналларида Исроил ҳужумига нисбатан муносабат анча тийиқ.
Юқори мартабали амалдорлар ҳужумни
"Исроил ҳужуми" эмас, балки "
инфильтрация" деб атаса,
эронлик экспертлар буни оддий нарса деб изоҳладилар.
Исроил Эронга қилинган ҳужумга ҳали расман изоҳ бермади. Бироқ, бундай изоҳлар воқеани "
қасос ҳаракати" деб атаган исроиллик сиёсатчилар ва расмийлардан келади.
Шундай қилиб,
ўта ўнгчи Исроил миллий хавфсизлик вазири Итамар Бен Гвир Х тармоғидаги саҳифасида Тел-Авив томонидан жума куни Эрон ҳудудида амалга оширилгани айтилаётган ҳужумни "
етарли эмас" деб атади.
🚫 Эрон ва Исроил ўртасидаги таранглик
Теҳрон 1 апрель куни Суриядаги консуллигига етти нафар ҳарбий маслаҳатчи ҳалок бўлган ҳужумга жавоб тариқасида шанба куни дрон ва ракета ҳужуми уюштирганидан кейин кучайди.
Консулликка уюштирилган ҳужум учун масъулиятни расман ўз зиммасига олмаган Исроил ҳафта охиридаги Эрон ҳужумига ҳарбий жавоб беришга ваъда берди.
👉
@Geosiyosatuz