Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

TGAlertsBot

Каналингиз репостлари ва эсловлари ҳақида хабар беради.

Statistika Saralanganlar

Botirjon ERGASHEV | rasmiy

@Botirjon_Ergashev

Kanal geosi va tili: O‘zbekiston, O‘zbekcha

Toifa: ko‘rsatilmagan

Ushbu o'zanda siz
✒️ shoir Botirjon Ergashev ijodidan namunalar;
📌 ijtimoiy munosabatlar;
📺 ko'rsatuvlar;
🎙️ qo'shiqlar
🎬 video va audiolar hamda ko‘plab boshqa qiziqarli yangiliklardan bahramand bo'lib borasiz!
Murojaat uchun: @Botirjon_Ergashev1975

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

ko‘rsatilmagan

Statistika

Postlar filtri

O‘chirilganlarni yashirish

Repostlarni yashirish

Botirjon ERGASHEV | rasmiy

8 Mar, 03:48

01:54

Video oldindan ko‘rish uchun mavjud emas

Telegram'da ko‘rish

ASAKABANK XODIMLARI HAMKASB OPA-SINGILLARINI BIZNING SHEʼRIMIZ ORQALI TABRIKLASHIBDI. KO‘RIB, JUDA XURSAND BO‘LDIM, RAHMAT, ALISHERBEK!

@Botirjon_Ergashev

359 0 3 11

Botirjon ERGASHEV | rasmiy

8 Mar, 03:43

А Ё Л

Қумсиз саҳрони ҳеч саҳро, деб бўлмас
Сувсиз дарёни ҳеч дарё, деб бўлмас
Дунё аёл билан ёқимли, тотли –
Аёлсиз дунёни дунё, деб бўлмас.

Аёл дегани бу – боғ тўла гулдир,
Аёл – азиз она, опа-сингилдир.

Жисмидан фарзандга жон ато этар
Рўзғорим – борим, деб, жон фидо этар
Ёри жоним, десин, боласи онам –
Заҳматни енгмоққа, шу сўзлар етар.

Аёл дегани бу – гардсиз кўнгилдир,
Аёл – азиз она, опа-сингилдир.

Аёл ҳар юмушни дўндириб яшар,
Бошига бахт қушин қўндириб яшар,
Уни ожиз, деманг, заифа деманг,
Борни бор, йўғини йўндириб яшар.

Аёл дегани бу – ёруғ манзилдир,
Аёл – азиз она, опа-сингилдир.

Ҳусни кечаларни нурафшон этган,
Доим сабри билан муродга етган.
Яралган бўлса ҳам қовурғамиздан,
Бу кун жонимизга айланиб кетган.

Аёл бу Дунёда Ягона тилдир,
Аёл – азиз она, опа-сингилдир

✍Ботиржон ЭРГАШЕВ

@Botirjon_Ergashev

2k 1 86 20

Botirjon ERGASHEV | rasmiy

7 Mar, 03:58

ЖУМЪА – ҲАЖ-УЛ МАСОКИН

Бугун Жумъа кўнгли поклар покланар яна,
Бу кун тикар кундир ҳар ким нафсининг чокин.
Қанча-қанча аҳли муслим бир бўлиб ана,
Ибодатга шошар қалбин айлашиб сокин,
Қутлуғ бўлсин улуғ Жумъа – ҳаж-ул масокин!

Ҳар Жумъада жам бўлгайдир бунда мўъминлар,
Эзгуликлар қилар куну тунда мўъминлар.
Мўъминлигин исботлашиб шунда мўъминлар,
Йўқлар ўтган марҳум ота-оналар хокин,
Қутлуғ бўлсин улуғ Жумъа – ҳаж-ул масокин!

Бир-бирини эҳтиромлар уядош, индош,
Бир-бирларин қутлашади ватандош, диндош,
Бир-биридан хабар олар қавму қариндош,
Ювилгайдир юраклардан барча гина, кин,
Қутлуғ бўлсин улуғ Жумъа – ҳаж-ул масокин!

Меҳр билан юксалгайдир одамнинг қадди,
Меҳр билан юксалгайдир оламнинг қадди,
Оқибатга чидар покдил инсонлар ҳадди,
Беоқибат кўнгилларга меҳр қурсин ин,
Қутлуғ бўлсин улуғ Жумъа – ҳаж-ул масокин!

Муҳаббат бор – саҳро дунё боғ бўлмоғи рост,
Муҳаббат бор – нураган қалб тоғ бўлмоғи рост,
Муҳаббатсиз юракларнинг доғ бўлмоғи рост,
Аллоҳ учун севдим сизни, ботирлигим чин,
Қутлуғ бўлсин улуғ Жумъа – ҳаж-ул масокин!

Ботиржон Эргашев
@Botirjon_Ergashev

534 0 5 1 21

Botirjon ERGASHEV | rasmiy

5 Mar, 18:05

01:59

Video oldindan ko‘rish uchun mavjud emas

Telegram'da ko‘rish

«RASULULLOH»

✍ Botirjon ERGASHEV

🎙 Botirjon ERGASHEV

🎬 Nigora RUSTAMJON qizi

@Botirjon_Ergashev

2.7k 1 86 5 29

Botirjon ERGASHEV | rasmiy

3 Mar, 14:24

#Milliylik

Shoir ukalarim Navoiylik Alisher, Ravshan Haqmurod hamda Burhon Rahmatov uchchalovlari kutilmaganda milliy kiyimlarda ishxonamga yo‘qlab kelishdi. Ularning egnidagi o‘zbekona matodan tikilgan zamonaviy usullar uyg‘unligidagi choponlarini ko‘rib, hayratda qoldim. Eng quvonarlisi ular menga ham yoshimga moslab ajoyib zamonaviy ko‘rinishga ega chopon olib kelishibdi. Ochig‘i, juda xursand bo‘ldim.
Milliyligimizni shu yurtda yashovchi millatdoshlarimiz qadrlasagina bu qadriyat yashab qoladi.
Umring uzoq bo‘lsin MILLIYLIGIM! Milliyligimizni targ‘iboti uchun
Sizlarga ham ming rahmat, ukalarim!
Marhamat, istovchilar bo‘lsa, sizlar ham milliyligimizni targ‘ib qiling!
Chet mamlakatlarga safarga chiqayotganlar, xuddi shu ko‘rinishda chiqsangiz, O‘zbekistonimiz imiji uchunam zo‘r bo‘ladi.

@Botirjon_Ergashev

1.8k 1 9 20 32

Botirjon ERGASHEV | rasmiy

3 Mar, 02:50

"Рамазон туҳфаси" туркумидан...

РАСУЛУЛЛОҲ!

Яхшиларга эш юрайлик,
Тангрим Ўзи бўлсин паноҳ.
Ёмонлардан юз бурайлик,
Умматим денг, Расулуллоҳ!

Бўлганида охир замон,
Шод юрайлик Махшар томон.
Ҳасаддан кул бўлсин шайтон,
Умматим денг, Расулуллоҳ!

Бизни иймон сари чоғлаб,
Ўстирган Ҳақ ҳукмин ёқлаб –
Ота-онамни ардоқлаб,
Умматим денг, Расулуллоҳ!

Опа-синглим, оға-иним,
Ҳаётимга ривож, унум.
Ёруғ айлаб, зулмат туним,
Умматим денг, Расулуллоҳ

Фарзанд инсон учун неъмат,
Бир неъматки, жондан қиммат.
Уларга ҳам айлаб ҳиммат,
Умматим денг, Расулуллоҳ!

Қувонтиринг кўзларимни,
Бутлай каму кўстларимни,
Азиз ёру дўстларимни,
Умматим денг, Расулуллоҳ!

Ҳақ кечирсин сиз туфайли,
Насиб этсин жаннат сайли,
Душманларимни ҳам майли,
Умматим денг, Расулуллоҳ!

Сиз суйганни суяр Худо,
Шафоатдан қилманг жудо,
Сизга бўлсин жоним фидо,
Умматим денг, Расулуллоҳ!

Тавба қилдим гуноҳимга,
Шайтон ўлсин бир оҳимга,
Сўроқ куни Оллоҳимга,
Умматим денг, Расулуллоҳ!

Номингизни айтиб ҳар дам,
Кўзларимда туну кун нам.
Мен бечора Ботирни ҳам,
Умматим денг, Расулуллоҳ!

1997
@Botirjon_Ergashev

1k 0 8 4 30

Botirjon ERGASHEV | rasmiy

2 Mar, 03:13

ТУРИНГЛАР САҲАРЛИККА!

Сўзим тегишли бул дам,
Қишлоғу шаҳарликка.
Уйқуга бериб барҳам,
Туринглар саҳарликка!

Шайтонни куюнтириб,
Оловдан кийинтириб,
Аллоҳни суюнтириб,
Туринглар саҳарликка!

Субҳ дилни сато қилур,
Тангрим ризқ ато қилур,
Турмаган хато қилур,
Туринглар саҳарликка!

Турсак, гуноҳлар азон -
Тўкилар мисли ҳазон.
Бу ой - моҳи Рамазон,
Туринглар саҳарликка!

Файзиёб субҳи содиқ,
Олмагай биздан солиқ.
Бизни халқ қилган Холиқ,
Туринглар саҳарликка!

Бизга омонат бу жон,
Уни айлайлик омон.
"Аллоҳу Акбар", дебон,
Туринглар саҳарликка!

Ғафлат - дўзахий ўчоқ,
Ёҳуд шайтоний қучоқ,
Иблисга санчиб пичоқ,
Туринглар саҳарликка!

Кимки, ғафлатдан нари,
Бўлмас каму кўстлари.
Эй, Ботирнинг дўстлари,
Туринглар саҳарликка!

✍Ботиржон Эргашев

@Botirjon_Ergashev

2.7k 1 36 2 54

Botirjon ERGASHEV | rasmiy

1 Mar, 10:32

ОМОНИМ БАҲОР

Куртаккўзлар билан боқар ширин хаёлли,
Қиш бағридан омон чиққан омоним баҳор.
Астагина нозлар билан булутрўмолли –
Қуёш бўлиб юзин очар жононим баҳор,
Қиш бағридан омон чиққан омоним баҳор.

Ялпизларга буркар буткул ариқ лабини,
Сезган каби ошиқларнинг нозик таъбини.
Гоҳи шаррос ёмғир бўлиб айтар гапини,
Мажнунтолли кўркам, яшил айвоним баҳор,
Қиш бағридан омон чиққан омоним баҳор.

Япроқ ёзган новда мисол яшнайди диллар,
Дил яшнагач, гўзал бўлар барча манзиллар.
Тоғ бошидан қор аримай, бағрида гуллар,
Чаман-чаман сўзли, ширин забоним баҳор,
Қиш бағридан омон чиққан омоним баҳор.

Она юртим, ота юртим жамолидир бу,
Ел мисоли шўх фарзандлар камолидир бу,
Кўнгли кўклам элнинг ҳаққи ҳалолидир бу,
Пойандозим, вале қадри осмоним баҳор,
Қиш бағридан омон чиққан омоним баҳор.

Уйғон, дилим, уйғон, тилим, уйғонгин, нолам,
Уйғон, юрак, уйғон, тилак, уйғонди олам,
Уйғонди тоғ, кўз очди боғ, мудрама, болам,
Болаликдай қисқа давру давроним баҳор,
Қиш бағридан омон чиққан омоним баҳор.

@Botirjon_Ergashev

753 0 3 14

Botirjon ERGASHEV | rasmiy

1 Mar, 02:59

МОҲИ РАМАЗОН

Хуш келдинг, хуш кўрдик,
            моҳи Рамазон,
Ойларнинг султони,
            шоҳи – Рамазон!

Ташрифингдан
           кўнгиллар обод бўлди,
Кўмилди шум нафснинг
           чоҳи, Рамазон.

Шайтон банди, тиллар банд
          Ҳақ зикри-ла,
Ҳаққа етсин диллар
          оҳи, Рамазон!

Минг ойдан афзалсан,
         ювилиб кетсин
Рўзадорларнинг
        гуноҳи, Рамазон!

Тақво сари курашда
       Яратганнинг –
Ўттиз кунлик зўр
       сипоҳи Рамазон.

Бағрингда покланган
      ҳар бир мўъминнинг
Райёнга элтгувчи
     роҳи Рамазон!

Нафс жангида ғолиб       мусулмонларнинг
Бир йилда бир ой
     ҳамроҳи, Рамазон!

Сен Аллоҳнинг бизлар
       учун раҳмати,
Хуш келдинг, хуш кўрдик,
      моҳи Рамазон!

©Ботиржон ЭРГАШЕВ

@Botirjon_Ergashev

1.8k 0 31 28

Botirjon ERGASHEV | rasmiy

26 Feb, 19:23

ХАБАР

Йиллар сочим қорларга белар,
Аммо умид кўнглимни элар.
Интизорлик жонимдан ўтди,
Қачон сендан бир хабар келар?

Кутиш ҳам бир зўр аҳд экан-да,
Аҳдда туриш зил тахт экан-да.
Севилиш ҳам бир бахт экан-да,
Қачон сендан бир хабар келар?

Ишқ этагин тутган ўзимман,
Ҳажрингда қон ютган ўзимман,
Сени энг кўп кутган ўзимман,
Қачон сендан бир хабар келар?

Ҳеч ким дардим қилолмагай ҳис,
Қадрсизман сенинг қадрингсиз.
Ҳатто еллар эсар атрингсиз,
Қачон сендан бир хабар келар?

Юрак мисли ҳуркак оҳудир,
Кутиш оғир, соғинч оғудир.
Ҳаётда бир илинжим шудир –
Қачон сендан бир хабар келар?

Ҳеч бўлмаса қилсин, деб тумор,
Сочингнинг бир толасин юбор,
Қонсин бироз дилдаги хумор,
Қачон сендан бир хабар келар?

Синайверма бунча сабримни,
Бир бор ҳис эт тортган жабримни,
Шу бир савол ковлар қабримни,
Қачон сендан бир хабар келар?

Йўқла бир бор минг оҳим учун,
Ортга йўл йўқ қайтмоғим учун,
Севилдим, деб айтмоғим учун,
Қачон сендан бир хабар келар?

@Botirjon_Ergashev

751 0 8 6 32

Botirjon ERGASHEV | rasmiy

26 Feb, 11:58

АССАЛОМУ АЛАЙКУМ, ҚАДРЛИ ДЎСТЛАР!

Айни пайтда ҳамюртимиз, наманганлик Абдуллажонов Диёрбек деган укамиз Туркияда саратон касаллиги билан курашмоқда.

Шифокорлар зудлик билан операция қилиш лозимлигини айтишган. Жарроҳлик амалиёти учун 30.000 АҚШ доллари миқдорида маблағ жуда ҳам зарур.

Эҳсоннинг мукофоти эҳсондир. Шундай экан, имконимиз даражасида, қурбимиз етганча Диёрбекнинг оёққа туриб кетишида ўз ҳиссамини қўшайлик!

КАРТА РАҚАМ🇺🇿🇺🇿
💳 9860160143642520
АҲАДЖОНОВ САРВАРБЕК
------------------------------------
СБЕРБАНК 🇷🇺🇷🇺🇷🇺🇷🇺
💳 2202203645314826
📲 +79319738393
ШОҲРУҲ ШУҲРАТ ЎҒЛИ (Россияда ишлаётганлар учун)

НАҚД ЭҲСОНЛАР УЧУН ҚУЙИДАГИ РАҚАМГА ҚЎНҒИРОҚ ҚИЛИНГ.
+998332550595

Телеграмда Диёрбекка ёрдам гуруҳи ҳам очилган.
👇👇👇👇👇
https://t.me/diyorjongayordam

879 0 4 9 10

Botirjon ERGASHEV | rasmiy

26 Feb, 11:16

842 0 1 17

Botirjon ERGASHEV | rasmiy

25 Feb, 07:44

#Taʼziya

Баҳоси йўқ Баҳодир эдингиз. Шундай катта шоир қандай қилиб бу даражада камтар бўлиши мумкин, деган ўй доим мени ҳайратга солган. Сизни инсонийликда ҳам ўрнак шоир қилиб кўрсатардим кўпларга.
Сизнинг этагингиздан тутган қанчалари ўзгариб кетди, сиз қандай бўлсангиз, шундайлигингизча яшаб ўтдингиз. Оёғим ерда узилиб, учиб Фарғонага бориб, сиз билан кўришиб, суҳбатлашиб, оёқни ерга қўйиб, қайтардим. Сиз гапирмай, насиҳат қилмай тарбиялай оладиган зўр мураббий эдингиз, ака.
Жойларингиз жаннатда бўлсин! Оилангиз, шогирдларингиз, яқинларингизга сабр тилайман! Сизнинг яхши инсон эканингизга Яратганнинг ҳузурида ҳам гувоҳлик бераман!

@Botirjon_Ergashev

1k 0 3 18 20

Botirjon ERGASHEV | rasmiy

24 Feb, 18:11

ТЕЛБА ОШИҚ

Чин севгига бўлинг лойиқ,
Дил дарчангиз қўйинг очиқ.
Мен ўзимни таништирай,
Менинг исмим “Телба Ошиқ”.

Тун-кун хаёл кезадирман,
Соғинчлардан безадирман,
Йиғлаб-йиғлаб севадирман,
Менинг исмим “Телба Ошиқ”.

Ўз-ўзимда йўқдир қасдим,
Фақат ишққа бўлдим таслим.
Ишқ бўлмаса яралмасдим,
Менинг исмим “Телба Ошиқ”.

Бахт изладим армонлардан,
Омон чиқдим ҳижронлардан,
Фарқлаб олинг омонлардан,
Менинг исмим “Телба Ошиқ”.

Севги ёлғон туйғу деманг,
Ёки алам, қайғу деманг,
Мени кўриб, ким бу деманг,
Менинг исмим “Телба Ошиқ”.

Мендан кетган ўю ақл,
Ёрим десам, қилманг жаҳл.
Айтдим-ку ёр, сизга ахир,
Менинг исмим “Телба Ошиқ”.

Ишқим булбул, кўнглим қафас,
Ҳасад эмас, қилинг ҳавас,
Менинг исмим Ботир эмас,
Менинг исмим “Телба Ошиқ”.

@Botirjon_Ergashev

888 0 8 5 25

Botirjon ERGASHEV | rasmiy

22 Feb, 06:23

СЕЗЯПСИЗМИ?

Шайтон авжида бай-бай,
Шум нафс ҳам жўшиб қолди.
Ер шари ёрилгудай,
Шар каби шишиб қолди.
Қоч, болам! Кўкда қушдай
Бомбалар учиб қолди.
Қанча жон айбин билмай,
Бунда ер қучиб қолди.
Гўдакюзлар ажиндан
Бирдан буришиб қолди.

Қочиб уч ёш қизчанинг
Зираги тушиб қолди,
Дил тубида асраган,
Тилаги тушиб қолди,
Зулм отли қўрқувдан
Юраги тушиб қолди,
Тирсакдан йўқ икки қўл -
Билаги тушиб қолди.
Душманлар ўсиб қолди,
Дўстлари пусиб қолди.

Кўриб, кўксимни эзар -
Жазо бўлди юрагим,
Қизчанинг билагидай
Қазо бўлди юрагим,
Вайроналикда бугун
Ғазо бўлди юрагим,
Чириб, титилиб кетган
Мато бўлди юрагим.
Кўксим увишиб қолди!
Кўксим увишиб қолди!

Сиз ҳам ҳар куни мендек
Дунёни кезяпсизми?
Золимлар бош ҳаётда
Яшашдан безяпсизми?
Мазлумларга ачиниб
Бағрингиз эзяпсизми?
Тўкилай деб турибди,
Сизлар ҳам сезяпсизми?
Дунёмиз пишиб қолди,
Бу дунё пишиб қолди?!

2025 йил 22 февраль
Шанба, соат 07:59 да

@Botirjon_Ergashev

1.6k 0 12 9 37

Botirjon ERGASHEV | rasmiy

20 Feb, 19:26

Бугун – 20 феврал юксак даражадаги шоир ва таржимон устозим Матназар Абдулҳаким туғилган кун.

ҚАРЗ

Болакай, минг раҳмат одобинг учун,
Илтифотинг учун минг-минг ташаккур.
Азалдан абадга мерос бўлаётир,
Камёб бир холислик, тансиқ тиниқ нур.

Шунга муносибдир. Бу эзгу қарзни
Жон билан узаман бир кун, ҳойнаҳой.
Менга автобусда ўрнингни бердинг,
Сенга ер юзидан бўшатаман жой.

Матназар АБДУЛҲАКИМ

@Botirjon_Ergashev

1.2k 0 8 24

Botirjon ERGASHEV | rasmiy

20 Feb, 05:40

ТЎРТЛИК

Осмон жим-жит, депсинади Ер,
Бири чўкар, бири юксалар.
Ёшлар тезроқ вақт ўтсайди, дер,
Вақт ўтмаса, дейди, кексалар.

Ботиржон Эргашев

@Botirjon_Ergashev

1.1k 0 11 4 45

Botirjon ERGASHEV | rasmiy

17 Feb, 09:02

УЗОҚҚА ЕТГАЙ

Оқил инсон учун оз
имкон узоққа етгай,
Ҳар доим имкони бор
инсон узоққа етгай.

Эзгуликни манзил деб,
пок ният-ла йўл юрса,
Ҳеч талофат кўрмасдан
карвон узоққа етгай.

Бу карвон бир омонат,
минг савол-жавоби бор,
Бунда нафсидан кечган
сарбон узоққа етгай.

Донони ғафлат босиб,
ўйлаб босмаса қадам,
Бу ҳам битта кўргулик –
нодон узоққа етгай.

Омад отига минган
чавандоз мард бўлса бас,
Берилган гўзал давр-у
даврон узоққа етгай.

Ҳар мушкулнинг йўриғи
бор, уни топмоқ мушкул,
Топганлар омон қолар,
омон узоққа етгай.

Дон эзилиб, ун бўлар,
Аллоҳ ҳукмини кўринг,
Лойга қўшилса ҳамки,
сомон узоққа етгай.

Ботир, Тақдир синови
қаттиқ бўлса сабр айла,
Камон қаттиқ тортилса,
пайкон узоққа етгай.

✍️Ботиржон ЭРГАШЕВ

@Botirjon_Ergashev

1.6k 0 10 10 30

Botirjon ERGASHEV | rasmiy

14 Feb, 07:18

БОБУР

Салтанат қиличининг энг кескир дами – Бобур,
Ҳам шеърият илмининг ўткир қалами – Бобур.

Ҳар миллатни Яратган бундай эъзозлайвермас,
Ҳақнинг биз туркийларга улуғ карами – Бобур.

Аммо ўша эски гап – бир кам дунё бу дунё,
Элнинг юртга сиғмаган битмас бир ками – Бобур,

Қуёш кунни, ой тунни ёритар фонусидир,
Маърифатли дилларнинг ҳеч ўчмас шами – Бобур.

Ҳар ғазалин бир гўзал гулга қиёс айласак,
Ундан ғазалхон тотган асалнинг таъми – Бобур.

Ёзса, қофия бўлур, Ботирга Бобур, вале,
Бирмас, минг Ботирнинг ҳам етмас қадами – Бобур!

✍Ботиржон ЭРГАШЕВ

@Botirjon_Ergashev

2k 1 14 35

Botirjon ERGASHEV | rasmiy

13 Feb, 09:55

ЙЎҚНИ ЙЎНДИРИБ ЯША

Бетаъсирга дарс беролмас минг ибратли қисса ҳам,
Ҳаётингга қўшилмасин улардан бир ҳисса ҳам.
Жон сақлай деб чекинмагин, майли сувни кечавер,
Ўтма номард кўпригидан сув сени оқизса ҳам.

Омад қушин ўз бошингга ўзинг қўндириб яша,
Номардларнинг нақди қурсин, йўқни йўндириб яша.

Хизматингга рағбати йўқ ёки бирор раҳмати,
Илондан ҳам хатарлидир ундайларнинг иллати.
Оч бўлсанг оч юравергин, юпун бўлсанг шундай ўт,
Бир корингга яраб қолса, тугамайди миннати.

Тўлмаган шу ярим кўнглинг, ўзинг тўлдириб яша,
Номардларнинг нақди қурсин, йўқни йўндириб яша.

Ёмонингни йиллаб сақлар, яхшингни тез унутар,
Юз бор хўп деб, бир йўқ десанг келиб ёқангдан тутар.
Иззатталаб, ҳурматталаб, ғурбатталаб бу каслар
Эл ичинда унга таъзим қилиб юришинг кутар.

Уларнинг бу нафс ўтини ёқмай, сўндириб яша,
Номардларнинг нақди қурсин, йўқни йўндириб яша.

Кўзи кибр қамчисидир бўйсун деб талаб қилар,
Юриб турган ўнг йўлингни шайтон мисол чап қилар.
Тўй-хашамми ё бир йиғин, тўртта одам тўпланса,
Худо берган шуҳратингни “мен бердим” деб, гап қилар.

Ботир ўзни шу тақдирга энди кўндириб яша,
Номардларнинг нақди қурсин, йўқни йўндириб яша.

2012. 30. 09

✍ Ботиржон ЭРГАШЕВ

@Botirjon_Ergashev

1.3k 0 10 2 32

20 ta oxirgi post ko‘rsatilgan.

1 586

obunachilar

Kanal statistikasi

Kanalda mashhur

ТУРИНГЛАР САҲАРЛИККА! Сўзим тегишли бул дам, Қишлоғу шаҳарликка. Уйқуга бериб барҳам, Туринглар ...

«RASULULLOH» ✍ Botirjon ERGASHEV 🎙 Botirjon ERGASHEV 🎬 Nigora RUSTAMJON qizi @Botirjon_Ergashev

БОБУР Салтанат қиличининг энг кескир дами – Бобур, Ҳам шеърият илмининг ўткир қалами – Бобур. Ҳ...

А Ё Л Қумсиз саҳрони ҳеч саҳро, деб бўлмас Сувсиз дарёни ҳеч дарё, деб бўлмас Дунё аёл билан ёқи...

#Milliylik Shoir ukalarim Navoiylik Alisher, Ravshan Haqmurod hamda Burhon Rahmatov uchch...