📖 Ta'lim Yangiliklari

​​#ОТМ_янгиликлари

Халқаро "Ёзги мактаб” ўз ишини онлайн шаклда бошлади

Тошкент ирригация ва қишлоқ хўжалигини механизациялаш муҳандислари институтида Олмаота шаҳрида жойлашган Қозоғистон-Немис университети (КНУ) ҳамда ТИҚХММИ магистратура босқичи талабалари учун мўлжалланган “Сув ресурсларини бошқариш асослари: назария, амалиёт ва илмий тадқиқотлар интеграцияси" мавзусида Халқаро “ёзги мактаб” ўз ишини онлайн шаклда бошлади.

Халқаро ёзги мактаб тингловчилари Марказий Осиёнинг барча давлатлари, шу жумладан, афғонистонлик талабаларни ўз ичига олади. Мазкур ўзига хос тажриба мактаби талабаларнинг Марказий Осиё минтақаси ҳудудида қўлланадиган билимлари ва кўникмаларини мустаҳкамлашга, улар ўртасида диалог учун платформа яратишга қаратилган.

Халқаро ёзги мактабнинг очилиши маросимида яна бир қувончли воқеа, институтда «Сув ресурсларини интеграл бошқариш (СРИБ)» лабораториясининг очилиши бўлиб ўтди. Бу йил учинчи марта ўтказилаётган Халқаро ёзги мактаби ҳамда нафақат Ўзбекистон, балки минтақа учун ҳам нодир ҳисобланадиган янги СРИБ лабораторияси ТИҚХММИнинг “Сув таълими ва ҳамкорлик (SMART WATER)” лойиҳаси билан ҳамкорлик натижаси ҳисобланади.

Халқаро ёзги мактабнинг очилишига бағишланган тантанали тадбирда ТИҚХММИ ректори профессор У.Умурзаков, АҚШнинг Ўзбекистондаги мухтор ва фавқулодда элчиси Дэниел Розенблюм, Олий ва ўрта махсус таълим вазири ўринбосари У.Бегимқулов ва бошқалар иштирок этди.

Халқаро ёзги мактаб икки ҳафта (17-28 август) давом этади.

Ta'lim Yangiliklari👇🏻
https://telegram.me/joinchat/AAAAAFX7Nsa9RaAE4UylQg

⚡️ Ўзбекистон Республикаси таълим муассасаларига ўқишга қабул қилиш бўйича Давлат комиссияси мажлисининг 2-сон баёни қарорига мувофиқ:

⚠️ Пандемия шароитида абитуриентлар соғлиғига хавф-хатарнинг олдини олиш ҳамда уларга қулай шароит яратиш мақсадида тегишли вазирлик ва идоралар, олий таълим муассасаларининг мурожаатларини инобатга олиб, 2020/2021 ўқув йили қабулида истисно тариқасида:

❗️республикадаги барча давлат олий таълим муассасаларига ўқишга қабул қилишда инглиз, немис ва француз тилларидан бошқа чет тили бўйича кўп балли тизим бўйича имтиҳонлар ўрнига ТЕСТ СИНОВЛАРИ ўтказилиши белгиланди:

✅ Давлат тест маркази мазкур масалалар ечими юзасидан тегишли ташкилий чора-тадбирларни амалга оширади.

Ta'lim Yangiliklari👇🏻
https://telegram.me/joinchat/AAAAAFX7Nsa9RaAE4UylQg

​​#Қабул2020

Туркиянинг Иқтисодиёт ва технологиялар университетининг Тошкент шаҳридаги филиалига қабул давом этмоқда

Коронавирус пандемияси билан боғлиқ ҳозирги вазият ва абитуриентлар қулайлигини ҳисобга олинган ҳолда, ҳужжатларни топшириш муддати 2020 йил 20 августгача узайтирилиди.

Кириш имтиҳонлари 25 августдан 1 сентябргача режалаштирилган.

Имтиҳонлар икки фан бўйича: математика ва инглиз тили фанларидан олинади.

❗️Ариза шаклини қуйидаги манзилда олиш мумкин: http://cc.uz/16613

Қўшимча саволлар учун: 78 150 60 08, TOBB ETU Тошкентдаги филиалининг расмий канали

—————————————————-

Прием документов в Ташкентский филиал Турецкого университета экономики и технологий продолжается

Учитывая нынешнюю ситуацию с пандемией коронавируса и для удобства абитуриентов сроки подачи документов продлены до 20 августа 2020 года.

Проведение вступительных экзаменов планируется в период с 25 августа по 1 сентября.

Экзамены будут по двум предметам: математика и английский язык.

Форму заявки можете получить по ссылке: http://cc.uz/16613

Для дополнительной информации: 78 150 60 08, Официальный канал Ташкентского филиала TOBB ETU

Ta'lim Yangiliklari👇🏻
https://telegram.me/joinchat/AAAAAFX7Nsa9RaAE4UylQg

​​Ўзбекистон олий таълим муассасалари халқаро миқёсда эътироф этилишига муҳим қадам

Охирги кунларда айрим ижтимоий тармоқларда Ўзбекистон олий таълим муассасаларининг халқаро рейтингига нисбатан чалғитувчи фикрлар эълон қилинмоқда.

Олий ва ўрта махсус таълим вазирлиги бундай тушунмовчиликларни олдини олиш мақсадида қуйидаги изоҳларни маълум қилади.

Бугунги кунда дунё университетларининг таълим ва илмий фаолияти энг нуфузли, халқаро даражада тан олинган - Times Higher Education World University Rankings (Буюк Британия) ва QS World University Rankings (Буюк Британия) рейтинг тизимларида баҳоланади. Мазкур компаниялар ҳар йили университетларнинг глобал, ҳудудий ва соҳа (фан) рейтингларини эълон қилиб боришади.

✅ Олий таълим муассасаларининг рейтингини аниқлаш меъзонлари бўйича баҳолаш кўрсаткичларига ажратилган баллар куйидагича:

👉 Times Higher Education World University Rankings тизимида илмий-тадқиқот ишларига 60%, ўқув жараёни сифатига 30%, бошқа кўрсаткичларларга 10% (Webometrics Ranking of World Universities натижаларида бу ҳисобга олинмайди);

👉 QS World University Rankings тизимида илмий-тадқиқотларга 20%, академик сўровномага 30%, иш берувчилар сўровномасига 20%, ўқув жараёнига 15%, бошқа кўрсаткичларга 15% (жумладан,Webometrics Ranking of World Universities натижаларига 5% гача) ажратилган.

Ушбу рейтинг тизимларида олий таълим муассасаси илмий фаолияти халқаро илмий-техник маълумотлар базаси “Scopus”га кирувчи илмий журналлардаги мақолалар сони ва уларга келтирилган иқтибослардан келиб чиққан ҳолда баҳоланади.

Кўриб турганингиздек, университетлар рейтинги унинг ўқув ва илмий фаолияти, кадрлар тайёрлаш сифати, халқаро алоқаларидан келиб чиқадиган кўрсаткичларга асосланади ва охирги беш йиллик натижалари таҳлил қилинади.

Фақатгина QS World University Rankings тизимида университетларнинг Интернетдаги сайти кўрсаткичига 5% балл ажратилади ва бу айнан Webometrics Ranking of World Universitiesдан олинади.

Маълумот учун, Webometrics Ranking of World Universities (шунингдек, Ranking Web of Universities деб номланади) Интернетда веб-контент ҳажмини (саҳифалар ва файллар сони) ва ушбу нашрларнинг ташқи иқтибосларга аниқ таъсирини ҳисобга оладиган метрикага асосланган глобал университетлар рейтинги тизими ҳисобланади.

Webometrics Ranking of World Universities тизимида университетларнинг умумий ҳолатда таълим ёки илмий фаолияти таҳлил қилинмайди.

Халқаро рейтинг агентликлари университетлар рейтингини аниқлашда уларнинг охирги беш йиллик фаолияти натижаларини инобатга олади. Бизда олий таълим муассасаларининг халқаро рейтингга эришиш йўналишида мақсадли ҳаракатлар ва зарурий маълумотларни чоп этиш, эълон қилиш ишларида дастлабки қадамлар ташланди.

Таълим сифатини таъминлаш, иш берувчилар талабларига жавоб берадиган рақобатбардош кадрларни тайёрлаш, илмий ишлар натижадорлигини ошириш соҳасида эришилган натижалар орқали халқаро миқёсда танилиш ҳам, нуфузли рейтингларда қайд этилиш ҳам фақат вақт масаласи.

Батафсил: https://edu.uz/uz/news/view/2225

Ta'lim Yangiliklari👇🏻
https://telegram.me/joinchat/AAAAAFX7Nsa9RaAE4UylQg

Ўқишини кўчириш (тиклаш) бўйича айрим саволларга жавоблар

Кеча ўқишни кўчириш (тиклаш) бўйича рўйхатдан ўтиш жараёни якунланди. Олий ва ўрта махсус таълим вазирлиги шу жараёнга оид айрим саволларга жавоб берди.

1️⃣ Ариза ҳалигача "кўриб чиқилмоқда" статусида турибди, бу нимани англатади? Муддат тугаб қолдику, энди муаммо бўлмайдими?

Жавоб: Йўқ, муаммо бўлмайди. Ҳозирги вақтда мутахассислар томонидан топширилган ҳужжатларнинг тўлиқлиги, тўғрилиги ва нусха сифати кўриб чиқилмоқда.

Масалан:
🔺паспортнинг 1-саҳифаси бор, бироқ прописка белгиланган саҳифаси йўқ;
🔺синов дафтарчаси нусхаси, академик маълумотнома ёки транскрипт ўрнига бошқа ҳужжат юкланган;
🔺ҳужжатлар сифатсиз нусхаланган, улардаги маълумотларни ўқиш қийин ва ҳ.к.

Камчиликлари мавжуд бўлмаган ариза “қабул қилинади”, камчилиги бўлса, сабаби кўрсатилган ҳолда “рад этилади".

2️⃣ Агар аризамда хатолик бўлсаю, у 5 августдан кейин рад этилса, унда мен қайта ариза юбора олмайманми? Ахир ариза топшириш муддати тугаб бўлдику.

Жавоб: Хавотир олманг, аризалари 5 августдан кейин рад этилган талабаларга ўз аризасини таҳрирлаш, яъни кўрсатилган хатони тузатиб, қайта ариза юбориш имконияти берилади.

3️⃣ Аризам ҳолати "қабул қилинди" деган статусда турибди. Бу дегани мени ўқишни кўчиришимга рухсат берилди деганими?

Жавоб: Йўқ, дастлабки кўриб чиқиш натижаларига кўра ариза қабул қилинганлиги ўқишни кўчиришга (тиклашга) рухсат этилганлигини билдирмайди. Бу шунчаки онлайн ариза тўғри юборилганини англатади. Якуний қарорни ваколатли комиссиялар қабул қилади.

4️⃣ Мен ариза юборишга улгурмадим. Аризалари рад қилинганларга таҳрирлашга рухсат берилган пайтда мен янгидан ариза юбора оламанми?

Жавоб: Йўқ, юбора олмайсиз. Таҳрирлаш имконияти фақат 5 августгача ариза юборганларга берилади. Агар кимдир 5 августгача онлайн ариза юборишга улгурмаган бўлса, унда кейинги йилда қайта уриниб кўриши мумкин.

‼️Рўйхатдан ўтган фуқаролардан аризалари ҳолатини transfer.edu.uz тизимидаги шахсий кабинетлари орқали мунтазам кузатиб боришлари сўралади.

Ta'lim Yangiliklari👇🏻
https://telegram.me/joinchat/AAAAAFX7Nsa9RaAE4UylQg

#Қабул2020 #АбитуриентгаЭслатма

Республикада амалдаги қонунчилик бўйича ўрнатилган тартибда ташкил этилган нодавлат олий таълим муассасалари рўйхати*:

🔰 2018 йилда фаолиятини бошлаган:
1. Тошкент шаҳридаги Ёджу техника институти;

🔰 2019 йилда фаолиятини бошлаган:
2.Акфа университети;
3.Қўқон университети;
4.Фарғона шаҳридаги Корея халқаро университети;

🔰 2020/2021 ўқув йилида илк бор фаолиятини бошлаши режалаштирилмоқда:

5. «Tashkent International University» халқаро университети;
6. TEAM университети;
7. Тошкент шаҳридаги Британия менежмент университети;
8. «Tashkent International University of Education» халқаро университети.

✅ Эслатма: мазкур рўйхатда хорижий олий таълим муассасаларининг республикамиздаги ўрнатилган тартибда ташкил этилган филиаллари келтирилмаган.

❗️Юқоридаги рўйхатда келтирилмаган, бироқ "биз нодавлат олий таълим муассасасасимиз" деб ўзининг олий таълим бўйича дастурларини тақдим этаётган ташкилотлар таклифларига алданиб қолманг, ОГОҲ бўлинг!

Ta'lim Yangiliklari👇🏻
https://telegram.me/joinchat/AAAAAFX7Nsa9RaAE4UylQg

⚡️ ЭЪЛОН ! ⚡️

❗️2020/2021 ўқув йили қабули учун магистратурага ҳужжат топширган абитуриентлар диққатига!

✅Давлат олий таълим муассасаларининг магистратурасига кириш имтиҳонларида иштирок этиш учун magistr.edu.uz - онлайн ариза топшириш тизимидан рўйхатдан ўтган, бироқ, олий таълим муассасалари томонидан текширув натижаси бўйича турли сабабларга кўра АРИЗАЛАРИ РАД ЭТИЛГАН абитуриентларга ҳужжатларидаги мавжуд камчиликларни жорий йилнинг 4 август куни соат 11.00 дан 6 август куни соат 11.00 га қадар қайта таҳрирлашлари учун Олий ва ўрта махсус таълим вазирлиги томонидан имконият яратилади.

⚠️Ушбу вақт давомида камчиликларни тўлиқ бартараф этмаган абитуриентларнинг аризалари қайта кўриб чиқилмайди ҳамда улар кириш имтиҳонларига киритилмайди.

Ta'lim Yangiliklari👇🏻
https://telegram.me/joinchat/AAAAAFX7Nsa9RaAE4UylQg