#Манзиллар

Келажакда нималар кутяпти мени?!.
Кексайгани сари кўпаядиган масъулиятлар.. Фарзандлар, набиралар ғами..

Жуда қаттиқ қўрққаним укол игналарига рўбарў қиладиган хасталиклар, дармонсизликлар.. Жон бериш талвасаси..

Энг оғири бир олам гуноҳни ортмоқчилаб, бошдан-оёқ иши менга яхшилик қилиш бўлган Раббим ҳузурида ҳисобга туриш..

Овозингни ел олсин, дейсизми?
Уни ел олганда, ё буларни ўйлашдан қочганимда ва ё бу ҳақда гапирганларнинг овозини ўчирганимда, қани эди бундай келажакдан қутулиб қола олсам!

Лекин бу уринишлар ўзимни алдашдан бошқа нарса эмас.
Бу ҳаммамизга тегишли келажак. Йўқ, менгамас, деб кўрингчи..

Битта умидим - Аллоҳнинг раҳмати, фазли ва меҳрибонлиги.

Зотан мусулмон эканман, яшаётган эканман, ана шулардан умидворман.

Раҳматингни ва фазлингни сўраймиз, ё Аллоҳ!!

2015 йил.

@MubashshirAhmad