Bivshiy LeGenD^

Аллоҳ беришни севади, сен сўрашни сев

Haram is like a credit card
Enjoy now, pay later! (If you can)

Hech narsa taskin bermay qo’yadi.
Na qisqa videolar, na qo’shiq, na kino, na kitob. Hech nima qilmasdan o’tirging keladi, hech nima demasdan, chunchaki o’tirasan. O’zing o’zinga qarshi. Lekin bu holatda ichingni yeb bitirasan kishi. Gaplashmoqchi bo’lganlaring sendan xafa gaplashishni xoxlashmaydi. Eng yaqinim deganlaring eng uzoqda bo’lib qolishadi. Ammo seni maqsadlaring borligi esingdami? Orqangda Ota-Onang seni duo qilib, senga ishonib, oxirgi umidlari sen ekaningni senga aytishganichi? Sen asosiy maqsadingdan chalg’ib ketding. Oldinga katta-katta maqsadlar qilganding. Ushalmas orzular qilganding. Qani?

"Kim koʻzini xarom narsalar bilan töldirsa, Alloh ham qiyomat kuni uning koʻzini olov bilan töldiradi".

© Abu Homid Gʻazzoliy, " Mukoshafatul Qulub "

Эртаклар ёмонликка етаклар

3-4 йил аввал бошқалар менга нимадир қилиб беришга:

Ота-онам — ўқишга киришимга;

Тоғам — иш топишимга;

Опам — соғлиғимга;

Дўстларим — пулим йўқлигида ёрдам беришга мажбур деб ҳисоблардим.

Кутувларим амалга ошмадими — демак улар айбдор.

Умуман олганда, ҳозир ҳам аксариятимизда бошқалардан катта кутувларимиз бор

Нима деб ўйлайсиз бу кутувлар бизга қаердан келган?

Эртаклардан!

Чунки, ҳеч ўйлаб кўрганмисиз эртакларда қаҳрамон ички эмас, ташқи таъсирлар ёрдамида қаҳрамонга айланади:

Ўргимчак одам ўз меҳнати билан эмас, балки ўргимчак уни чақиб олгани;

Алладин — сеҳрли чироқ топиб олиши;

Ҳошимжон — сеҳрли қалпоқча;

Жек ва ловия поясида — олтин тухум қўювчи ғоз;

Мушук аёл — мушуклар тишлаши;

Астерикс — сеҳрли дамлама орқали қаҳрамонга айланади.

Қизларга аталган ҳикояларда ҳам аёллар ўз устида ишлашлари эмас, балки умр давомида ўз шаҳзодалари келиб уларни ҳаётларини ўзгартиришларига урғу берилади:

Аждарҳо чангалидаги Фионани Шрек қутқариши;

Ухлаётган опоғойни шаҳзода бўса билан қутқариши (номаҳрамни ўпмай ўл бетамиз😅) ва бошқалар бунга мисол бўлади.

Бу каби эртаклар гўё ҳаётимизда бир воқеа бўлсаю ҳаётимиз бирданига ўзгариб кетишига, ҳаётимизда "Сеҳрли таблеткалар" борлигига ишонтиришади

Энг ёмони, бизда масъулиятсизлик ва ҳаётда содир бўлган муаммоларга бошқаларни айблаш кўникмаси шаклланади

Фирибгар маркетологлар ҳам инсонларнинг айнан шу фикрлашидан фойдаланиб: "Мана шу маҳсулотни олсанг, ҳаётинг тубдан ўзгариб кетади" - деб инсонларни чув туширишади.

Аслини олганда ҳаётимизда мўъжизалар мавжуд ва бир воқеа ҳаётимизни ўзгартиришида ҳам ҳақиқат бор

Фақат фарқи — биринчи қадамни сиз ташлаб, ушбу йўлда сабр билан туриш керак!

Бир китоб ҳаётингизни ўзгартириши бор гап, лекин у китобни ўқиш учун сиз ҳаётингизни ўзгартирмайдиган бир нечта китоб ўқиб чиқишга мажбурсиз!

Моҳир Мирзахмедов

Менга хотиржамлик келтирувчи ҳикматлар

1. Ота-онангдан ҳам меҳрибон бўлган Роббинг сенга ҳеч қачон ёмонликни раво кўрмайди.

2. Қилиб қўйган гуноҳларингга афсус-надомат чекиб, азобланиб юришинг – тавбага қўйилган биринчи қадам.

3. Сени қилиб қўйган гуноҳингдан кўра Аллоҳнинг раҳмати катта.

4. Севганингга эришолмаган бўлсанг, биринчидан, у аниқ сенинг тақдиринг эмас эди, иккинчидан, у сени кучайтириш учун юборилган Аллоҳнинг неъмати эди.

5. Қийналяпсанми? Демак ривожланяпсан. Саҳобаларга озгина муддат синов келмай қолган пайти хавотирга тушишганиндан хабаринг бормиди?

6. Аллоҳ сендан натижани эмас ихлос билан қилинган максимал ҳаракатни кутади. Шундай экан, дунёни ўзгартиролмаётганингдан ёкида жамиятга фойда келтиролмаётганингдан сиқилма. Фақат қаттиқ ҳаракат қил.

7. Ўқишингда, ишхонангда, маҳаллангда сени душманинг борми? Демак сени шахсиятинг бор. Душманинг йўқлиги характеринг йўқлигини билдиради.

8. Қанчалик ўлиб ҳаракат қилма, ҳидоят сенинг қўлингда эмас. Нуҳ алайҳиссалом 950 йил даъват қилиб, ўз ўғли ва аёлини қутқариб қола олмаган. Сени ишинг сабабини қилиб қўйиш.

9. Иймон деган энг буюк неъматни олдинг. Энди ҳар қандай вазиятда ҳам ношукурлик қилишга ҳаққинг йўқ!

10. Ҳозирги келишмовчилик, тортишувлар келажакдаги тинчлик-хотиржамликка сабаб бўлади.

11. Қалбингга ғам ташвиш соя солса, ё Роббисини соғинган бўлади, ёки Роббиси уни.

12. Битта сен эмас ҳаётда ҳамма қандайдир адолатсизликка учрайди. Бу табиий жараён.

Mohir Speaks

Қайси бири тўғри?

1. Дангасалиги учун хотини эрлик ролини олиб қўйганми ёки хотини бошлиқлик ролини олиб қўйгани учун дангасами?

2. Гиёҳвандлиги учун муаммоси кўпми ёки муаммоси кўплиги учун гиёҳвандми?

3. Ойлиги камлиги учун ўз устида ишламайдими ёки ўз устида ишламагани учун ойлиги камми?

4. Камбағаллиги учун пул билан муомала қилишни билмайдими ёки муомала қилишни билмагани учун камбағалми?

5. Кўрмагани учун Аллоҳнинг мўъжизаларига ишонмайдими ёки ишонмагани учун мўъжизаларни кўра олмайдими?

6. Ҳидоят қилинмагани учун ибодат қилмайдими ёки ибодат қилмагани учун ҳидоят берилмаганми?

7. Моддий қийинчиликка кўп учрагани учун бахил бўлиб қолганми ёки бахиллиги учун кўп моддий қийинчиликка учрайдими?

8. Бачкана кўрсатувлар халқнинг онгини бузяптими ёки халқ онги бузилгани учун бачкана кўрсатувларни севиб томоша қиладими?

9. Эркакшодалиги учун эркаклар ичида юрадими ёки эркаклар ичида кўп юргани учун эркакшодами?

10. Бўш вақти йўқлиги учун ибодат қилмайдими ёки ибодат қилмагани учун бўш вақти йўқми?

MOHIR – SPEAKS

Мени ўйлантираётган саволлар..

1. Аёллар фақат уларни кулдирганларни севиб қоладими, ёки фақат севиб қолганларига кулишадими?

2. Ақллилиги учун муваффақиятли одамлар билан дўстми, ёки шундай дўстлари бўлгани учун ақллими?

3. Камбағаллиги учун уни фикри инобатга олинмайдими, ёки фикри инобатга олинмагани учун камбағалми?

4. Бизни алдашгани учун одамларга ишонмай қўямизми, ёки барибир ишонмаганимиз учун бизни алдашадими?

5. Одамлардан узоқлашганимиз учун ўзимизни ёлғиз ҳис қиламизми, ёки ўзимизни ёлғиз ҳис қилганимиз учун одамлардан узоқлашамизми?

6. Кўп калтак егани учун тарбияси бузилганми, ёки тарбияси бузилгани учун кўп калтак еганми?

7. Унга ёмон муомала қилишгани учун характери қўполми, ёки қўполлиги учун унга ёмон муомала қилишганми?

8. Қизлар калта кийингани учун эътиборга тушадими, ёки эътиборга тушиш учун калта кийинадими?

9. Бизни кўп солиштиришгани учун ўзимизни ноқис ҳис қиламизми, ёки ўзимизни ноқис ҳис қилганимиз учун бизни кўп солиштиришадими?

10. Ўзимизга бўлган ишонч камлиги учун — ҳаммадан биз ҳақидаги фикрини сўраймизми, ёки ҳаммадан фикр олаверганимиз учун ўзимизга бўлган ишонч пастми?

11. Дангасалигимиз учун бу постни ҳеч кимга улашмаймизми, ёки бу постга изоҳ ёзиб, улашмаганимиз учун дангасамизми? 😉

Сен нима деб ўйлайсан?

MOHIR — SPEAKS

Zamonaviy qizlarimiz uchun 11 og'iz gap - 2

1. Ey muslima singlim, sen haqingda niyati jiddiy odam senga uylanmoqchi bo’lsa, gapini sovchi yuborishdan boshlaydi, sen bilan gaplashsa seni o’rganish uchun, yoki biror muammoga oydinlik kiritish uchungina suhbatlashadi, nafsiga qullik qilib, hirsiga berilganidan emas. Ikkisini farqini bil.

2. Sen avvalo o’z baxtingni top, shundagina oila qurgandan keyin o’z baxtingni boshqalarga, hususan bo’lajak umr yo’ldoshingga, ham ulasha olasan. Va unutmaki qalbdagi baxt va sokinlik faqat va faqat Allohni zikri bilan sodir bo’ladi. Menimcha nima demoqchi ekanimni tushunding.

3. Taqdir degani, o’z hayoting uchun hech narsa qilmasdan taqdirni o’z holiga tashlab qo’yishing degani emas. Qilguningcha tanlov, qilganingdan keyingisi taqdiringdir. Shunday ekan taqdiringni o’zing yarat, tanlov o’zingda.

4. Qalbing shubxalarga to’ladir balkim (islom haqida, undagi ayrim hukmlar haqida), agarda shunday bo’lsa, yagona yechim bu ilm olishingdir, qalbingdagi shubxalardan butunlay halos bo’lmaguningcha iymoning mukammal bo’lmaydi. Iymoning mukammal bo’lmagunicha sakinat lazzatidan tota olmaysan.

5. Islomni odamlardan emas, islomni o’zidan o’rgan. Hozirgi sen ko’rib turgan ko’pchilik musulmonlarni orasida senga o’rnak bo’ladigani yo’q, ulardan qanday yashash, qanday muslima qiz bo’lish kerakligini o’rganma. Ilm ol, o’qi, o’rgan va haqiqiy muslima qiz qanday bo’lishi kerakligini o’zing uchun kashf qil.

6. Va ishon, Allohni sen uchun atagan insoni kerakli vaqtda va kerakli joyda seni o’zi topib keladi, shunchaki sen unga munosib inson bo’lsang bo’ldi.

7. Odobni o’rgan, chunki ilmsiz odobdan foyda yo’qdir. Islom asli odob-axloqdir.

8. Ham hozirgi zamon psixologik dunyoning best-seller kitoblarini o’qidim, ham diniy, oila haqidagi kitoblarni o’qidim. O’sha hozirgi zamon kitoblari 14 asr oldin muhtaram payg’ambarimiz nimani bizga o’git qilib qoldirgan bo’lsa, shularni isbotlab kelmoqda. Baxtni uzoqdan izlama, tarixga nazar sol.

9. Hozirgi kunda islom ummati har qachongidan-da ilmli, firklashi keng, ham dunyoviy, ham diniy tomonlama ildam muslimalarga, muhsinalarga muhtoj, sen shulardan biri bo’lki, vaqti kelib islom ummatidan yana Buxoriy, Ibn Sino va G’azzoliyga o’xshagan buyuk insonlar yetishib chiqsin.

10. Qanchadan qancha oilalarni ko’rdim, baxtsiz. Sababi er yoki ilmsiz, yoki ilmiga amal qilmaydi. Qanchadan qancha baxtli oilalarni ko’rdim. Sababi er ilmli va ilmiga amal qiladi. O’zing uchun bitta yaxxxxshi umr yo’ldosh tanla, va eng asosiysi shu umr yo’ldoshga o’zing munosib bo’l. Yoqsa, men yuqoridan aytgan ilmsiz yoki amalsiz erga uchraysan. Taqdiring o’z qo’lingda.

11. Taqqoslash insonni tabiatida bor, va inson o’zini boshqalarga taqqosalagani sayin o’zini baxtsiz his qiladi. Televizorda sen ko’rayotgan hashamatli hayotda yashayotgan oila, instagramda sen kuzatayotgan dugonalaring yoki san’atkorlar, tiktok (YouTube shorts, Instagram reels)dagi blogerlar bunga misoldir. Odamlar internetda faqat va faqat yaxshi lahzalarini odamlar bilan ulashadi, ularni internetdagi ideal hayotini sen o’z hayotingga taqqoslasang sen baxtsiz bo’lmasdan men baxtsiz bo’laymi?!

Baxtli bo’lmoqchimisan? unda energiyangni so’rib, seni baxtsiz qiladigan narsalardan uzoqroq yur, bular: Instagram, TikTok, YouTube shorts, Televizor va o’zi 100 tagina odami bor lekin kuniga 20 ta post tashlaydigan dugonangni, o’zi nimaga ochganini ham bilmaydigan telegramdagi kanali.

Hurmatli bollar chuqurroq o'ylelar odatda hamma narsaga yuzaki qaraysiz.

Hurmatli qizlar, ba'zan narsalarga yuzakiroq qarashni o'rganilar. Odatda ko'p narsani chuqur o'ylab yuborasiz.

Hayotni lazzati shu ikkisi o'rtasidagi oltin o'rtalikni topishda 👌.