Judayam moddiy birnima"Yashil sharifli qiz" filmini mazza qilib koʻrardim-u, lekin insonlarni haqiqatan shu holga tushishi bu qadar achinarli boʻlishini kutmagandim. Bir kuni kelib xariddan voz kechilgan vaqtlar hisobiga butun boshli tilni oʻrganib olsa boʻlishiga ishonmasdim)
Kiyim doʻkonlari muhtasham, chiroyli chiroqlari bilan sizni shu qadar oʻziga tortadiki, qanday qilib butik'ka kirib qolganingizni sezmay ham qolasiz. Ha kiyimlar, buyumlar chaqiradi sizni. Bugun javonlar kiyimga toʻlib toshib ketsa ham nafasimizning javonlari sira toʻlmaydi.
Bugun hamma sizga nimadir sotishni istaydi. Hamma yerda chegirmalar, aksiya/skidkalar. Kurslar uchun, kiyimlar uchun, buyumlar uchun, hamma hammayoʻq uchun.
Instagramga kirishingiz bilan kimdir tekin webinarga taklif qiladi. Va bu webinar oxirida takrorlanmas kursini sotadi sizga. Ssenariy bir xil.
Psixobirbalotik kurslarni-ku gapirmasa ham boʻladi. Eh infoloʻttibozlar qoʻlida qolgan soddagina xalqim ayollari!
Bugun marketing ommani shu qadar manipulyatsiya qilyaptiki insonlar xarid vasvasasiga allaqachon chalinib boʻldilar.
Qoralamayman, qabul qilaman. Sotilayotganlarning ichida foydalilari ham koʻp. Lekin biror narsa sotib olishdan oldin hech soʻrab koʻrasizmi: "Kerakmi shu menga? Ehtiyojim bormi oʻzi?"
Kurslarni sotib olish yoki olmaslik, mablagʻni nimalarga sarflash borasida sizda moliyaviy savodxonlik boʻlishi kerak. Bu uchun esa men tomonimdan tashkillanayotgan moliya savodxonligi kurslarda oʻqing va moliyaviy bilimingizni oshiring, degan boʻlardim, lekin shukrki menda unday kurs yoʻq. 😃
Xullas bugun shu kabi narsalarga albatta tanqidiy koʻz bilan qarang. Hayotingizdagi vaqtlaringizni avaylab, oʻzingizni keraksiz xarajatlardan asrang🌸
T.me/Mendaniborat
