O‘zbekcha yoz!

Keyingi yildan boshlab Space Academy bilan faol ishlashim haqida aytgandim. Aynan shu jamoani tanlashimga sabab — ular doimo tinib-tinchimasdan yangiliklar qilishlari.

Mana masalan, siz qish davomida istalgan kursda yaxshilab o‘qiganingiz uchun Space har xil sovg‘alar taqdim qilayotgan ekan: MacBook, iPhone, iPad kabilar shularga misol.

Pastdagi havola orqali ro‘yxatdan o‘tib, ham bilim, ham Apple texnikasi egasi bo‘lib oling.

📩 Ro’yxatdan o’tish uchun:
https://forms.gle/Govzky52M7Q9LQyi8

Shanba kuni vaqtingizni biroz unumliroq o‘tkazish uchun Marketing Club’ga birrov kirib o‘ting.

Ham biznes, ham konsalting, ham strategiya va brending olamidagi mutaxassislar birga chiqishlari — yaxshi bo‘lishi aniq.

Tadbir bepul, faqat ro‘yxatdan o‘tish kerak.

Keyingi yil — fokus va e’tiborni bir joyda jamlashga bag‘ishlanadi.

Buni aynan sizlarga ham taaluqli joylari bor, shular haqida bir og‘iz aytib ketmoqchiman: meni blogimni kuzatib boradigan brendlarga ham, balki, kerak ma’lumot bo‘lib qolar.

2025-yilda brendlar bilan frilans ishlamayman. Faqat juda kichik startaplar, endi ishini boshlagan yosh bizneslar bilan qiziqish ustida hamkorlik qilishim mumkin, lekin, odatdagidek yirik loyihalar, kreativ, interfeys matnlari va shunga o‘xshash kattaroq ishlarda bir yil bo‘lmayman. Umuman.

Butun vaqtim Lokals agentligiga qaratiladi, maqsad strategiya sohasida tajriba orttirish, vertikal o‘sish va qiymatimni oshirish.

Ikkinchi fokus beriladigan soham — ta’lim. Ham o‘qish, ham o‘qitish. Space Academy bilan birgalikda infouslub va kreativ bo‘yicha o‘zbek tilida kurs chiqarish niyatim bor. Ham onlayn, ham oflayn. Amaliyotga boy, tajribamga va real keyslarga asoslangan.

Bu yerda kopirayting va kreativga qiziqqanlar ko‘p, bilaman. Qanday yo‘nalishda mualliflik kurs bo‘lishini xohlardingiz? Izohlarda yozib qo‘ysangiz, juda katta yordam bo‘lardi.

Nega shunday qilmoqchiman? Chunki ichki resursim kamayib borayotganini sezdim, biroz aqlim kirdi, har yoqqa chopib, o‘nta quyonni ortidan yugurmasdan, nuqtasiga urishga harakat qilmoqchiman.

Nima bo‘lishini keyingi yil oxirida ko‘ramiz. Hozircha, reja shunaqa.

Mening bir yaqin do‘stim bor. Unga har doim bitta narsani eslatib yurishga harakat qilaman. Bugun shu narsani sizga ham aytmoqchiman.

Siz — o‘zingizning eng muhim loyihangizsiz.

Har qanday boshqa imkoniyatlar, g‘alabalar, o‘sishlar va rivojlanishlar sizdan, sizning salomatligingiz, ruhiy va jismoniy holatingizdan boshlanadi.

Charchadingizmi? Dam oling. Maza yo‘qmi? Davolaning. Depressiyaga tushib qoldingizmi? Yordam izlang.

Avvalambor o‘zingizga e’tibor bering, chunki siz «buzilib» qolsangiz, qolgan hammasi qulaydi.

TBC/payme jamoasiga kopirayter kerak ekan.

Bu kompaniyalar bilan anchadan beri ishlayman — chin dildan maslahatim, urinib ko‘ring. Ajoyib qadriyatlarga ega ajoyib jamoa.

Aynan bu vakansiya qisqa formatli matnlarni yoza oladigan mutaxassislarga mos: SMS-xabarnomalar, push-xabarnomalar va direktdagi reklama matnlari yozish kerak.

O‘zbek va rus tillari talab qilinadi.

Rezyumeingizni https://t.me/Sayyora_TBCxPayme orqali yuborishingiz mumkin.

Bugun ozgina strategiya haqida gaplashamiz.

Brend arxetiplari degan narsa haqida eshitganmisiz? Eshitgan bo‘lsangiz, zo‘r, bo‘lmasa — Google qilib o‘qib oling. Men esa arxetiplar haqida qiziq narsa o‘rgandim. Ilinmoqchiman sizga.

Xullas, ayrim hollarda bitta brendga ikkita, yoki hattoki uchta arxetip to‘g‘ri kelishi mumkin. Masalan, Apple — sehrgar va hukmdor, Gucci esa — isyonkor, sevgili va ijodkor.

Lekin arxetiplarni bir biriga mos ekanligini qayerdan bilamiz? Ularning hayot yo‘lidagi o‘rnidan.

Jozef Kempbellning (Amerikalik buyuk tadqiqotchi) talqiniga ko‘ra, har qanday personaj (arxetip) umri davomida hayot yo‘lini bosib o‘tadi. Ayrim arxetiplar bu sayohatning boshida, boshqalari o‘rtasida, kimdir esa yo‘lni allaqachon bosib o‘tib bo‘lgan hisoblanadi.

Arxetiplarni birgalikda ishlatish uchun, ular sayohatning biror bosqichida birga bo‘lishlari kerak.

Boshida: beg‘ubor, do‘st, qahramon va mehribon.

O‘rtasida: yaratuvchi, sevgili, isyonkor va tadqiqotchi.

Yo‘lni bosib o‘tgan: hukmdor, sehrgar, dono va masxaraboz.

Ayrim hollarda sayohat boshidagi va sayohat oxiridagi arxetiplarni ham birlashtirish mumkin. Lekin yo‘lni o‘rtasidagilar boshqa hech kim bilan birlasha olmas ekan.

Bilaman, murakkab mavzu. Lekin juda foydali. Mana bu yerdan batafsilroq o‘qib olishingiz mumkin.

Hammayoqda «qora» juma bo‘layotgan paytda Space Academy qadriyatlarimizga mos «oq» jumaga start beribdi.

Kommunikatsiya va kreativ nuqtai nazarida juda zo‘r yechim: hurmat bilan, aql bilan qilingan yurish.

Foydalanib qolishni maslahat beraman: sara kurslarga 70% gacha chegirma bilan o‘qish hammagayam nasib qilavermaydi.

Imkoniyatdan foydalanish uchun @spc_admin yoki +998 78 777 55 35 raqamiga aloqaga chiqaverasizlar.

Portfoliomni yangilab oldim. Oldindan aytaman, ha, u o‘zbek tilida emas, chunki xalqaro bo‘lish muhim.

Tirikchilik shunaqa, to‘g‘ri tushunasizlar.

Maqtanish bahona maslahat — sayt-portfolio yasab oling. Buni bepul qilsa ham bo‘ladi, readymag yoki tilda kabi platformalarda.

https://saidnazrillayev.uz

P.S: Kompyuter/noutbukda oching

Festivallar hali tugamadi.

Epica Awards’da ikkita shortlist olibmiz — nasib, 12-dekabr kuni mukofot bormi, yo‘qmi, aniq bo‘ladi.

Yaxshi niyat qilib turinglar.

Yomon emas, Akfa, yomon emas.