Huquqiy axborot+

#Биласизми

‼️ Дарахтларни парвариш қилишга кимлар масъул?

✳️ Дарахтлар ва буталарни суғориш ва озиқлантиришга қуйидагилар масъул ҳисобланади:

1️⃣ Шаҳарлар ва туманлар марказларидаги кўчаларда — бириктирилганлигига мувофиқ маҳаллий давлат ҳокимияти органлари, шунингдек, ўзлари фаолият кўрсатаётган бинодан кўчагача бўлган оралиқдаги ташкилотлар.

2️⃣ Шаҳарлар ва туманлар марказларидаги ички кўчалар, маҳаллалар ҳудудлари ҳамда кўп қаватли уйлар оралиғи ва атрофида, шунингдек, бошқа аҳоли пунктларида — ўзларига бириктирилган ҳудудлар бўйича фуқароларнинг ўзини ўзи бошқариш органлари, кўп квартирали уйларни бошқариш органлари, ўзлари фаолият кўрсатаётган бинодан кўчагача бўлган оралиқдаги ташкилотлар.

3️⃣ Ташкилотларнинг ҳудудларида — ер эгалари.

4️⃣ Умумий фойдаланишдаги автомобиль йўллари бўйларида — Автомобиль йўллари қўмитаси ташкилотлари.

5️⃣ Умумий фойдаланишдаги темир йўллар бўйларида — "Ўзбекистон темир йўллари" АЖ ташкилотлари.

6️⃣ Дарё, сой, ирмоқ, канал, коллектор-дренаж тармоқлари ва ариқлар бўйларида — маҳаллий давлат ҳокимияти органлари ва сув хўжалиги органлари.

7️⃣ Фермер хўжаликлари ерларида ва қишлоқ хўжалигига мўлжалланган бошқа ерларда — ер эгалари.

8️⃣ Захира ерларда — маҳаллий давлат ҳокимияти органлари.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

❗️Ҳафта давомида қабул қилинган қонунчиликдаги янгиликлар билан танишинг:

🔹“Янги авлод” махсус саноат зонаси ташкил этилади ➖ Манба: (ПҚ-138-сон, 20.03.2024 й.);

🔹Жамоат транспортини бошқаришнинг ягона интеллектуал тизими жорий этилади➖ Манба: (ПҚ-139-сон, 25.03.2024 й.);

🔹Барқарор ўрмон ландшафтларини тиклаш лойиҳаси амалга оширилади ➖ Манба: (ПҚ-140-сон, 27.03.2024 й.);

🔹“Узлуксиз таълим тизимининг изоҳли луғати” ишлаб чиқилади ➖ Манба: (157-сон, 27.08.2024 й.).

Каналга уланиш👇👇👇
https://t.me/huquqiyaxborot

#2024_йил_1_апрелдан

🗓 1 апрелдан нималар ўзгаради?

🔹Банк устав капиталининг энг кам миқдори оширилади ➖БАТАФСИЛ

🔹Айрим ёлғиз кексаларга поездга бепул чипталар ажратилади ➖БАТАФСИЛ

🔹Ижтимоий қўллаб-қувватлаш марказларида эксперимент тариқасида айрим хизматлар кўрсатилади ➖БАТАФСИЛ

🔹Номоддий маданий мерос намуналарини сақловчи шахслар ҳар ойда рағбатлантирилади ➖БАТАФСИЛ

🔹Туман (шаҳар) ва вилоят архитекторлари сертификатланади ➖БАТАФСИЛ

🔹Айрим тадбиркорларга субсидия берилади ➖БАТАФСИЛ

🔹“Кўча санъати ва мусиқаси” лойиҳаси амалга оширилади ➖БАТАФСИЛ

🔹“Маданият тўлқинлари” медиа лойиҳаси доирасида энг яхши медиа маҳсулотларга пул мукофоти берилади ➖БАТАФСИЛ

🔹Давлат харидлари доирасида маҳаллий ишлаб чиқарувчиларга преференцияси берилади ➖БАТАФСИЛ

🔹Юк ва йўловчиларни ташишда автотранспортларга йўл варақалари электрон юритилади ➖БАТАФСИЛ

🔹Тадбиркорларга субсидия, имтиёз ва преференциялар уларнинг рейтингига қараб берилади ➖БАТАФСИЛ

Каналга уланиш👇👇👇
https://t.me/huquqiyaxborot

Фарзанди ОТМда ўқиётганларнинг иш ҳақи 12 фоизлик даромад солиғидан озод қилинадими?

@Yurist_Xizmati 4045-савол:

Assalomu alaykum. Men maktabda  o'qituvchi  bo'lib  ishlayman. Ikki nafar  farzandim kantrakt asosida tahsil  oladi. Mendan har oy podaxodniy  nalog olinishi to'g'rimi?

ЮРИСТ ЖАВОБИ:

✅ Ҳа тўғри. Агар сиз ойлик иш ҳақингизни фарзандларингизнинг тўлов контракти учун ўтказсангизгина сиз даромад солиғи тўлашдан озод қилинасиз.

Солиқ кодексининг 378-моддасига асосан солиқ тўловчининг Ўзбекистон Республикасининг профессионал ва олий таълим ташкилотларида таълим олиш (ўзининг, шунингдек йигирма олти ёшга тўлмаган фарзандларининг ёки эрининг (хотинининг) таълим олиши) учун тўловга йўналтириладиган, солиқ солиниши лозим бўлган иш ҳақи ва бошқа даромадлари солиқдан озод қилинади.

❗️Демак, бу имтиёз фақат ота-онага улар фарзандларининг контракти учун тўлаган даромадларига нисбатан қўлланилади.

Ўзбекистон Республикасининг профессионал ва олий таълим ташкилотларида таълим олиш учун йўналтириладиган маблағларга жисмоний шахслардан олинадиган даромад солиғи бўйича имтиёзни қўллаш тартиби тўғрисидаги низом (Рўйхат рақами 2107) 16-бандига асосан Ўзбекистон Республикасининг профессионал ва олий таълим ташкилотларида ўқиш учун тўлов жисмоний шахс томонидан мустақил равишда (нақд пул ҳисобига, жисмоний шахсларнинг банклардаги омонат ва бошқа ҳисоб рақамларидан ёки пластик карталардан фойдаланган ҳолда) амалга оширилганда, солиқ чегирмаси Ўзбекистон Республикаси Солиқ кодексининг 396 — 398-моддаларида назарда тутилган тартибда давлат солиқ хизмати органларига жисмоний шахснинг жами йиллик даромади тўғрисидаги декларацияни топшириш йўли орқали берилиши мумкин.

💁‍♂ Мазкур қоиданинг мазмунига мувофиқ, сиз солиқ органига декларация топширишингиз талаб этилади.

Бунда, солиқ чегирмаси Ўзбекистон Республикасининг профессионал ва олий таълим ташкилотларида таълим олиш учун ҳақиқатда амалга оширилган харажатлар суммасига, солиқ даври учун кўрсатилган жисмоний шахснинг жами йиллик даромади миқдорида берилади.

❗️Демак, сиздаги ҳолатда солиқ имтиёзи контракт учун тўланган ҳамма суммага эмас, контракт тўлаган шахснинг жами йиллик даромадлари миқдорида берилади.

Мисол учун 46 млн сўм контракт тўлгансиз дейлик лекин, ўзингизнинг йиллик жами даромадинг 40 млн сўм.  Бундай ҳолатда сизга контракт суммаси ҳисобланган 46 млн сўмдан эмас, 40 млн сўмдан келиб чиқиб 12 фоиз солиқ суммаси қайтарилади.

📩 Юристга савол юбориш

☎️ Қўнғироқ орқали юрист билан ҳозироқ онлайн боғланиш

📚Барча турдаги ҳужжатларга буюртма бериш

Каналимизга уланинг
                👇👇
👉 @Yurist_Xizmati