Boykot isroil

29-kun  ommaviy #ramazon_chellenj

Ramazon oyini:
- Allohdan mag'firat so'rab;
- fitr sadaqasi berib;
- shukr qilib;
- asr vaqti o'tirib, amallar qabuli va keyingi Ramazonga yetkazishi hamda boshqa oylarda ham toat-ibodatda sobitqadamlik so'rab,
chiroyli kuzatib qo'ying.

© ULUL ALBAB yozdi

Uxroviy:

Allohning mag‘firati, kechirimi;
Allohning roziligi;
Do‘zaxdan panoh;
Jannatning yuqori darajalari;
Ixlos;
Amallar qabuli;
Dinda sobitqadamlik;
Dunyo va oxir zamon fitnalaridan panoh...

Dunyoda dinida barqarorlik uchun:

O'zi va ahli uchun hidoyat;
Qur'on ahlidan bo'lish;
Qur'onni tushunish va unga amal qilish;
Ilm, faqihlik va hikmat;
Salim va rozi qalb;
Go'zal xulq va sunnatga mutoba'a;
Solih muhit va do'stlar;
Sog‘liq va quvvat;
Halol va barakali rizq;
Solih juft va zurriyot;
Foydali ilm va foydasiga hujjat bo'ladigan amallar...
Qiyinchiliklardan ofiyat, ruhiy sakinat;
Kuchli musulmonlardan qilishi...

Xulosa:
- Oxirat najoti va unga oid duolarni birinchi qo'ying.
- Dunyoviy narsalarni oxirat manfaatiga bog'lab so'rang.
- O'zingizda, atrofingizda nimadan sustkashlik bilan qiynalayotgan bo'lsangiz, so'rang. Katta foydali burilishlarga sabab bo'lishi mumkin.
- Yana bulardan fikr olib, tartiblashingiz mumkin.
Alloh qabul qilsin.

© ULUL ALBAB yozdi

Bugun Allohdan bularni so'raymiz:

Tasbih, Alloh maqtovi, Rasululloh sollallohu alayhi wasallamga salovat, tavba va istig'for bilan boshlanadi:

- Rahmat, mag'firat, afv
- Amallar qabuli
- Hidoyat
- Nusrat
- Hifz-himoya
- Ofiyat
- Qalb, ruh va tana salimligi
- Iymon va ixlos
- Istiqomat
- Shukr, qanoat, barokat
- Ahli bayt va sahobalarni duo
- Ulamolar, solihlar va o'tganlarni duo
- Ota-ona, oilani duo
- Sakiynat beruvchi juft
- Zurriyotlardan ko'z quvonchi bo'ladiganlar
- Birodarlarni duo
- Solih do'st
- Do'zax va qabr azobi, hayot-mamot va Dajjol fitnasidan panoh
- Yuzlar qorayadigan kunda yuzimizni yorug' qilishi
- Nabiylar, siddiqlar va shahidlar qatorida tirilish
- Sirotdan yengil o'tish
- Jahannamdan panoh
- Firdavs Jannati
- Rasululloh sollallohu alayhi wa sallam shafoatlari va u kishi bilan birga bo'lish
- Allohning vajhi
- Xos bandalaridan - Qur'on ahlidan qilishi
- Foydali ilm
- Halol rizq
- Ikki dunyo saodati
- Namozda qoimlik, yaxshilikda bardavomlik
- Chiroyli xotima (o'lim)
- Zolimga insof, mazlumga najot
- Johilga hidoyat
- Ummat ahvolini yaxshilash, mazlum musulmonlarga nusrat
- Dinga xizmat qilish
- va boshqa duolaringiz

@weareululalbab

So'nggi 10 kun/tun uchun 10 maslahat

1️⃣ Kunduzi gunohlardan yiroq bo'lish. Ular tufayli Allohning rahmati va Laylatul Qadrni kutishdan to'silib qolish mumkin.

2️⃣ Tunda ko'p gapdan qochish. Odamlarga ko'p aralashmaslik - behuda (lag'v) gaplarga aralashib qolish mumkin. Tun shomdan keyin boshlanadi!

3️⃣ (Erkaklar) xufton va bomdodni masjidda jamoat bilan o'qish. Buning uchun kechasi ibodat qilib chiqqandek savob olish mumkin.
4️⃣ Imomning ortida to'liq qiyom namoz o'qish.

5️⃣ Kechasi odatdagidan ko'proq Qur'on o'qish. Qur'on Laylatul Qadr kechasi nozil bo'ldi va uning birinchi so'zi "O'qi!" edi.

6️⃣ Shu duoni ko'paytirish. Chunki uni Rasululloh sollallohu alayhi wasallam maxsus shu kecha uchun o'rgatganlar. 

7️⃣ Harakatda bo'lganda ham zikr/duo bilan mashg'ul bo'lish. Mashina haydarkan, uy ishi bilan band bo'larkan, tilda duo. Har soniyani muhim bilish.

8️⃣ Sajda va namozni ko'paytirish. Bu tun iymon va savob umidida qoyim bo'lganning oldingi gunohlari kechiriladi. Qadr surasidan oldin keladigan oyat "(Allohga) Sajda qilib, (Unga) yaqin bo'ling!" [96:19].

9⃣ Sadaqa. Muborak kechalarda mag'firat, ziyoda va umr uzayishiga sabab bo'lishi mumkin.

🔟 Har tun so'nggini istig'forga ayirish. Alloh taolo "Sahar chog'larida Allohdan mag'firat so'raydiganlar"ni maqtaydi [3:17; 51:17]. Oddiy kunlarda ham maqtalgan amal, endi Muborak Kechadagi ibodatlarning kamchiligini ham yopib ketishi mumkin.

© ULUL ALBAB jamlagan

Bunday mindset bilan kiring Ramazonga:

1. Ramazon - Qur'on oyi. Ko'p-ko'p o'qishim kerak.

2. Allohning mag'firatiga erisholmasam, yutkazaman.

3. Shu oxirgi Ramazonim bo'lishi mumkin.

4. Bu yeb-ichish va ziyofat oyi emas.

5. Shu 30 kun - umrim islohining boshlanishi.

@weareululalbab

Бойкот ишига бепарво бўлган пайтингизда ўзингизга буни эслатинг:

У: «Эй Роббим, менга берган неъматнинг ҳаққи-ҳурмати ҳаргиз жиноятчиларга ёрдамчи бўлмасман», деди.

("Қасос" сураси, 17-оят)

@MubashshirAhmad