ULUL ALBAB - The People of Intellect

E'tiboringiz past, xotirangiz sust, ilm yuqmasligi, amal qilolmasligingiz borasida shikoyatlaringiz bo'lsa, maslahat (istang oling, yo yo'q - ammo jon achiganidan aytish vazifamiz): "Ashula" degan balodan uzoq turing.

🔢 Sizni maqsaddan chalg'itadigan, yetuk xislatlardan ayiradigan, ilmdan to'sadigan, ma'siyatga yo'lni osonlashtiradigan ko'ngilyozdining shoxidir u.

Ha, hozir u har yerda - har kirganingiz do'kon, har o'tirganingiz taksi, har borganingiz manzil,.. Lekin 10 yil oldin, 50 yil oldin, asrlar oldin bizda undaymasdi. Bugunni ko'rib, "aslida norma shu ekan", deb o'ylamang.

🔢 Va usiz yashab, odamlar baxtsiz bo'lmagan, aksincha, xushchaqchaqroq, sofroq, odobliroq, fokusi (diqqati) kuchliroq edilar. Besh daqiqa musiqa eshitmasa, nimadir yetishmayotgandek, quloqchin qidirishga tushishmagan. Bunday arzon dofaminga aldanmang. Baxtingiz bunchalik arzon turmaydi. Baxtingiz bunchalik hammaning qo'lida oson yetishsa bo'ladigan narsada emas.

Baxtingiz, ko'pchilik qilmayotgan ishlarda; ilm talabida. Olim bo'lib ketishingiz shartmas, lekin sizni johil qilib qo'yadigan har qanday narsadan saqlaning.

🔢 Mayli, ilmga qiziqmassiz, hech bo'lmasa axloqingiz haqida, qalbingiz haqida qayg'uring. Har 3-4 daqiqada tuyg'ularingizni o'ynab, ularni ostun-ustun qiladigan narsaga qalbingizni sotmang (yo qorayadi, yo qulflanadi). Qaytib olish qimmatga tushadi. Hislaringiz iloji boricha sobit (stabil) bo'lsin. "Menga unchalik ta'sir qilmaydi", deb o'ylasangiz, 12-asr olimi Ibn al-Javziyning aytganlarini eslang:

"Kimki musiqa tinglash uning axloqi va rag'batiga ta'sir qilmaydi, deb da'vo qilsa, u yolg'onchidir".

🔢 Vaqtingizni qizg'oning. IFPI tadqiqotiga ko'ra, inson har hafta o'rtacha 20.7 soatini ashulaga ketkazadi. Yurtimiz aholisi uchun (ba'zi omillarni inobatga olgan holda), bu ko'rsatkichni 10 soat desak ham, umrimizning 3-4 yili ashulaga ketadi.

🔢 Shundoq ham musiqa eshitmasak, men to'g'ri ish qilarkanman, deb kekkayib ketmasligimiz kerak. Qur'ondan vazifamiz va amalga harisligimiz oshishi kerak.

@weareululalbab

Buni ilm talabidagilar saqlab olsalar, foyda, in sha Alloh:

1. Islomning dastlabki sunnat imomlari ustoz-shogird munosabatlari.
2. Hadis va fiqhning Abdulloh ibn Mas'ud rodiyallohu anhuning shogirdlaridan Imom A'zam Abu Hanifa rohimahullohga o'tishi.
3. Hadislarning Abu Hanifa rohimahulloh shogirdlari orqali "Kutubus sitta (Olti mashhur hadis to'plamlari)" mualliflariga yetib borishi.
4. Fiqhning Abu Hanifa shogirdlaridan Shofeiy va Hanbaliy mazhabi asoschilariga yetib borishi.

@weareululalbab

Telegram kanalimni qanday yuritay? #youasked

1. Niyatni to'g'rilang. Qalbga qarang. Tanilish, obunachi ko'paytirish, reklamadan pul ishlash uchunmas, Alloh uchun, U yo'lida.

2. Yo'nalishni tanlang. Nimada yaxshisiz? Qaysi sohada tajribaliroqsiz? Nima haqida yozishga erinmaysiz?
Maqsadni aniqlang. Kanal siz uchun nima? Hayot-mamotmi, shunchaki zavqmi, kundalikmi, burchingizmi?

3. Kontent sifati. Mazmunli, dunyo va oxirat uchun foydali, ibratli, amaliy, tajribada o'tgan narsalarni yozing. Lag'v tarqatmang.

4. O'zingizga gapiring. Birovdan oldin nasihat-maslahatlar o'zingizga bo'lsin. Shundagina kanalingiz sizni ham o'stiradi.

5. Obunachilar vaqtini qadrlang. Kanalingizdan kelgan xabarni ochishlari, o'qishlari ulardan vaqt va e'tibor talab qiladi. Shunga arziydigan narsa ulashing.

6. Chegarani aniqlang. Qanday postlar qilmaslik, qaysi mavzularni yoritmaslik, qaysi chegarada to'xtashni bilib oling.

7. Rejali yo tasodifiy yuritasizmi, bu sizga va maqsadingizga bog'liq.

8. O'zingiz yoqtirib, kuzatadigan 5ta kanalni tahlil qiling. O'zaro uyg'unliklari nima? Media balansi, matn, uslublarini tahlil qiling.

Bu birlamchilari edi. Qanday kanal yuritmaslik haqida bu yerda. Kanalingiz qadriyatlariz ko'zgusiligini unutmang.

@weareululalbab

Gul bilan suhbat

Кўринди бу кеча гулда муножот,
Забони ҳол билан кечди мулоқот.
Дедим: “Эй гул, нечун чеҳранг қизилдир?”
Деди: “Эй қул, юз изҳори кўнгилдир”.
Дедим: “Недан ажаб нозикбадансан?”
Деди: “Дил нозик эрса, найласин тан?!”.
Дедим: “Жисмингда йўқ ғунчангдаги бўй?”
Деди: “Хулқинг оғиздан кўрсатар бўй”.
Дедим: “Баргинг яшил эркан, гўзалдир”,
Деди: “Орзу-умидлардан масалдир”.
Дедим: “Сўлғин кўрингайсан хазонда?”
Деди: “Бу ерга ётмоқдан нишон-да”.
Дедим: “Ҳосилларингни не қиларсан?”
Деди: “Сув ичган ўрнимга тўкарман”.
Дедим: “Узмиш гулингни бир неча ёш?”
Деди: “То лаб очилди, кетди бу бош!”
Дедим: “Борми сенинг бир боғбонинг?”
Деди: “Жисминг турарми, йўқса жонинг?”
Дедим: “Булбул сенга ошиқ экан кўп?”
Деди: “Боғбондир ишқ аҳлига маҳбуб”.
Дедим: “Ҳар япроғинг санъат нишони”,
Деди: “Ҳар бири боғбон достони”.
Дедим: “ Нега боқарсан кўкка доим?”
Деди: “Дил талпинар, айтиб “илоҳим”.
Дедим: “Қанча қуёшдан баҳравар тан?”
Деди: “Ҳар қанча унга юзланарман”.
Дедим: “Ёнингда бу ажриққа не бор?”
Деди: “Тушса назарлар, айлагай кор”.
Дедим: “Нега гўзаллик рамзи сенсан?”
Деди: “Доим табассум суннат эркан”.
Дедим: “Сен қўлма-қўл халқ ичра доим”,
Деди: “Сен ҳам тиконсиз бўл, мулойим”.
Дедим: “Эл юзингга мафтун бўларлар?”
Деди: “Бадбўй эсам, ташлаб кетарлар”.
Дедим: “Эсса шабода тебранарсан?!”
Деди: “Гар тебранолмассан, синарсан!”
Дедим: “Ари асал олгай гулингдан”.
Деди: “Яхши, ёмон бори тилингдан”.
Дедим: “Ҳуснингга ошиқлар саноқсиз”,
Деди: “Ўткинчи ҳусн ишқ(қ)а яроқсиз”.
Дедим: “Қумғоқ нега гул-ғунча очмас?”
Деди: “Бебаҳра сув бирлан кўкармас”.
Дедим: “Меванг йўғ-у, сен серхаридор?”
Деди: “Хушчеҳраликда яхшилик бор”.
Дедим: “Жисмингни юлганни нетарсан?”
Деди: “Илгин ўпиб, атрим сепарман”.
Дедим: Недир ҳаётинг қилди барбод?”
Деди: “Барвақт очилмоқ бўлди, ҳайҳот!”
Дедим: “Қайдансан-у, сўнг қайга кетмоқ?”
Деди: “Туфроғдан-у, туфроққа қайтмоқ”.
Дедим: “Бу ўртада шаънингга не бор?”
Деди: “Гуллик вазифам қилмоқ изҳор”.
Дедим: “Умринг, валекин, унча эрмас”,
Деди: “Бир гул бўлишга етмоғи бас”.
Дедим: “Энди қачон сен-ла кўришмоқ?”
Деди: “Сен-ла кўришмоқ ўрни учмоқ”.
Дедим: “Менга насиҳат айла бир дам”,
Деди: “Туфроғни ёд эт, ожиз одам!”
Дедим: “Менга васият қил, қадрдон”,
Деди: “Қуллик вазифанг, ҳазрат инсон!”

Ҳусайнхон Яҳё Абдулмажид
(o'qilgani)

@weareululalbab

Hikmatli odam vaqtini qimmatli deb biladi. G'ofil esa, arzon deb.

"Qimmatli deb bilish"ning alomatlari:

- aniq niyat/maqsad bilan harakatlanish;
- reja tuzib, amal qilish;
- soniya va daqiqaning o'lchovini his qilish;
- vaqtini nazoratga olish;
- erta turish;
- vaqtga barokat kiritadigan amallarga shoshish;
- foydasizni tark qilish;
- doim soatga qarash;
- "ulgurishim kerak", "vaqtim kam", "bugun ko'p narsa qilolmadim", "shu 5 daqiqada nimaga ulgurolaman", deyish.

"Arzon deb bilish"ning alomatlari:

- reja qilmaslik;
- reja qilib amal qilmaslik;
- erta turmaslik;
- vaqtida namoz o'qimaslik;
- o'yin, muloqot, bekor o'tirishda ko'p bo'lish;
- telefonga vaqt qizg'onmaslik, lekin kitobga qizg'onish;
- doim kechikib yurish;
- vaqtini qadrlaganlarni malomat qilish;
- soatga kam qarash;
- "ulguraman", "hali vaqt bor", "keyinroq/ertaga qilaman", deyish.

@weareululalbab

"O'z vaqti bo'lsin" yohud "namozdan o'rgan"

Namozlarning tayin vaqti bor.
Ularni vaqtidan o'tkazib yubormaymiz. Hatto, vaqtidan avval tayyorlanamiz.
Mobodo, vaqtidan o'tib ketsa, siqilamiz, qo'limiz boshqa ishga bormaydi.
Yillar davomida bardavom, qoldirmay qilib kelganimiz amal - namoz.

Boshqa odatlar-u yaxshiliklarda nega bardavom emasmiz?
- Chunki, ularga vaqt tayin qilmaymiz. Kunlik hayotimizda alohida vaqt belgilamaymiz:

To'g'ri kelib qolganda, zikr qilamiz (yo qilmaymiz).
To'g'ri kelib qolganda, ehson qilamiz (yo qilmaymiz).
To'g'ri kelib qolganda, Qur'on o'qiymiz (yo o'qimaymiz).
To'g'ri kelib qolganda, Qur'on yodlaymiz (yo yodlamaymiz).
To'g'ri kelib qolganda, ilm olamiz (yo olmaymiz).
To'g'ri kelib qolganda, kayfiyatga qarab, amr-i ma'ruf, nahi-munkar qilamiz (yo qilmaymiz).
To'g'ri kelib qolganda, o'zimizni sarhisob qilamiz (yo qilmaymiz).

Shu sabab, bizga to'g'ri kelmay qolsa, qilmay ham qo'yaveramiz.

Boshqa ishlarda bardavom bo'lolmasak, katta ehtimol namozning vaqtiga rioya qilishda muammoimiz bor.

@weareululalbab

Hype (hayp) bo'lmagan kitoblarni o'qishning foydalari:

- boshqalar qiziqmayotgan kitob noodatiy fikrlashni rivojlantiradi;
- individuallikni shakllantiradi, tendensiyalar ta'siriga tushib qolmaslikni o'rgatadi;
- o'z darajangiz, bilimingiz, holatingizga mos kitob (garchi u mashhur bo'lmasa ham) sizni tadrijiy o'stiradi;
- o'zingiz tanlagan kitobni tugatish va foyda olish ehtimolingiz yuqori bo'ladi;
- o'zingizga kerak bo'lgani uchun o'qiysiz, birovni hayratlantirish uchun emas.

Ommalashgan kitobni o'qishga o'zingizni majbur his qilmang. Hovliqib ketmang. O'sing, o'zingizni tayyor his qiling. Hammasining vaqti-soati bor.

@weareululalbab

Bismillah, "Siyrat"ga qabul ochildi!

🗓Alloh nasib etsa, 27-yanvardan boshlaymiz.
📗Asosiy kitob: Ar-Rohiyqul Maxtum (S.Muborakfuriy).
🕞Darslar 31 kun (27.01-26.02) davomida har kuni bo'ladi, orada bir kun takrorlash kuni va o'tilganlar bo'yicha 3ta test mavjud.
Dars vaqti 19:00.

❓Talab: jidd-u jahd, sabr, aktivlik. Avval siyrat o'qigan bo'lishingiz shart emas. Birga o'qiymiz.

❌ Sababsiz (dangasaligi, vazifani o'qolmagani, mehmon kelib qolgani yoki shunchaki charchagani uchun) KETMA-KET 2ta dars qoldirganlar guruhdan chiqariladi, qaytib qo'shishning iloji bo'lmaydi.

‼️ Bir oy siyratni maza qilib "yashash"ga qattiq qasd qilgan, bardoshli ayol-qizlar @siyratqabul_bot ga "Siyratni o'rganishimdan maqsad - ..." shaklida javobingizni yozing.

❕Qabul: 24-yanvar 23:59gacha.

@weareululalbab

Istig'for aytish esimdan chiqib qolyapti, qachon aytay?

- Solih amallardan keyin ulardagi kamchilik-nuqsoni uchun Allohdan mag'firat so'raladi. Aks holda qabul bo'lmasligi qo'rquvi bilan. (Namoz, Qur'on tilovati, ilm majlisi, infoq qilgandan keyin va hkz.)

- maishiy ishlarda nojo'ya aytilgan gaplar, qilingan ishlar, yeyish-ichishda isrof, ish/muomaladagi ayblar, behuda ketgan vaqt, zikrdan g'ofil qolgani uchun,..

- xato, gunoh va ma'siyat qilganini bilgan onidayoq Allohdan mag'firat tilanadi!

Bulardan boshqa hollar ham bor, ammo kunlik vazifasiga istig'forni kiritolmayotganlar shularni qilsa, ko'p foydalar ko'riladi, Allohning izni bilan.

Rasululloh sollallohu alayhi wa sallam ma'sum bo'lsalar-da, kuniga 70-100 marta istig'for aytganlari hadislarda keladi. Yuqoridagi holatlar uchun bizniki kuniga 100dan ham oshsa kerak.

@weareululalbab

Fudayl ibn Iyyoz rohmatullohi alayh:

"Men Allohga osiylik qilganimni xizmatkorim va eshagimning yomon xatti-harakatlaridan ham bilib olaman".

Ya'ni ulardan yomon xulq-atvor ko'rsalar, o'zlariga qaytar, qilgan ishlari uchun o'zlarini hisob-kitob qilar, kechirim so'rab va tavba qilar edilar.

Gunohga bahona qidirma.
Yomon xulqqa birovni ayblama.
O'zingga qayt -> "reflection".
Aybni o'zingdan bil. Tavba qil.
Yuksalasan.

@weareululalbab

Ilmni "estetika" deb tushunamaylik.

Chiroyli yozuv, chiroyli daftar, chiroyli parta, chiroyli rasm - umuman dars qilishga "chiroyli muhit" degan narsa qadriyatlarimizni buzyapti.

Ijtimoiy tarmoqlarda bizga ko'rsatiladigan qulaygarchilik bo'lmasa, dars qilolmaydigan bo'lib qolyapmiz.

Ilmning mashaqqati qayerda qoldi?
Xunuk yozuvda bo'lsa ham qaydlar, to'lib ketgan daftarlar, hoshiyasiga ham o'tib ketgan yozuvlar, beli bukilib dars qilishlar, sharoiti bo'lmasa ham imkon qidirish, kitoblar varaqlash qayerda qoldi? Peshona teri qayerda qoldi?

Ilmni mashaqqatsiz qilib ko'rsatishning oqibatlari:
- unga yuzaki munosabat;
- "xo'ja-ko'rsin"ga o'qish/o'rganish;
- matonat va sabrning yo'qolishi;
- va ilmning qadrsizlanishiga olib boradi.
Biroz qiyinchilikka yuz tutsa, ortga tisariladigan bo'lib qoladi o'rganuvchi. Shunday bo'lyapti ham.

@weareululalbab

Solih do'stlarni qayerdan topaman?

Ilm yo'lida. Niyatni xolis qilib, Alloh yo'lida do'stlashish orqali. Shu yo'lga tushib, imkon boricha o'zingizni bag'ishlash orqali. Niyatga yarasha qalblarni ulfat qilib qo'yadi, rag'bat va himmatni oshiradi.

Bu yil ham (ayollar uchun) bepul siyrat darslarimiz Ramazondan oldin bo'ladi, in sha Alloh.
Qabul yaqinda shu kanalda e'lon qilinadi ❗️

@weareululalbab

Vaqt yetmayapti, birinchi nimadan kechay?

1. Vaqtni zoe qiladigan odatlar:
    - telefon, screen time, ijtimoiy tarmoqlar;
   (nazoratga olib, 2-3 soat tejash m-m);
    - bekorchi o'y-fikrlar;
    - ko'p yeb-ichish;
    - tegishli bo'lmagan narsalarga qiziqish.
  
2. Ortga tortayotgan, dangasalashtirayotgan, procrastinationga sabab bo'layotganlar:
    - oshna-og'aynilar;
    - ortiqcha choyxona va "gap"lar;
    - kino, musiqa va boshqa lag'v.
   (lag'vdan tiyilib, kuniga 2-4 soat tejash m-m.)

3. Uyqudan (kechish emas) kamaytirish:
    - balki 8 soat uyqu siz uchun ko'pdir;
   (6 soat uxlash o'rganilsa, kuniga 2 soat tejaladi);
    - yetarli va sifatli uxlash.

Shu tartibda qilib ko'ring-da, yana vaqt yetmasa, keyin boshqa foydasi kamroq narsalardan voz keching.

@weareululalbab