Telegram-канал "Yuridik xizmatlar. Da'vo ariza yozish" — @yuristdavoarizayozish

Yuridik xizmatlar. Da'vo ariza yozish

2 Feb, 20:15

654-сон 21.10.2021. Aholini ijtimoiy himoya qilish tizimini yanada takomillashtirish chora-tadbirlari to‘g‘risida
https://lex.uz/docs/-5688101

27 0 0

Yuridik xizmatlar. Da'vo ariza yozish

2 Feb, 09:30

Баҳоларни ўз вақтида қўймайдиган ўқитувчиларга қандай чора кўриш мумкин?

Assalomu aleykum. Men ingliz tili fani o'qituvchisiman. 5-dekabr 6 A sinfidan Bsb 3 ni oldim. Lekin baholarni 17 kun kechigib qo'ydim. Va buning uchun zavuchim tushuntirish xatini yozdirdi. Boshqa takrorlanmaydi agarda takrorlansa chora ko'rilishiga roziman deb yozdim. Menga og'zaki holda oyligingnan ushlayman dedi. Men 200 mingdan ushlanadi deb o'ylab xo'p dedim. Lekin 500 ming ushlangan. Shu to'g'rimi? Oldinnan raxmat

ЮРИСТ ЖАВОБИ:

Интизомий таъсир чораси ходим ҳақиқатда ўз меҳнат мажбуриятларини бажармаганда қўлланилади.

Меҳнат кодексининг 313-моддаси учинчи қисмида интизомий жазо чорасини қўллашда содир этилган қилмишнинг оғир-енгиллиги, унинг содир этилиши ҳолатлари, ходимнинг аввалги иши ва хулқ-атвори ҳисобга олиниши белгиланган.

❗️Шунга кўра сиздаги ҳолатда баҳоларнинг ўз вақтида қўйилмаслиги, бу меҳнат интизомини бузиш ҳисобланиши мумкин.

Бунда Меҳнат кодексининг 312-моддасига мувофиқ меҳнат интизомини бузганлиги учун иш берувчи ходимга қуйидаги интизомий жазо чораларини қўллашга ҳақли:

1) ҳайфсан;
2) ўртача ойлик иш ҳақининг ўттиз фоизидан кўп бўлмаган миқдорда жарима. Ички меҳнат тартиби қоидаларида ходимга ўртача ойлик иш ҳақининг эллик фоизидан кўп бўлмаган миқдорда жарима солиниши ҳоллари назарда тутилиши мумкин.
3) меҳнат шартномасини бекор қилиш.

☝️Ушбу қоиданинг мазмунига кўра ходим меҳнат интизомини бузганда унга юқоридаги таъсир чораларидан бири қўлланилади. Бунда ходим содир этган қилмиш учун фақат битта интизомий таъсир чораси қўллаши мумкин.

💁‍♂ Айтиш керакки, бунда ходимга юқоридаги интизомий таъсир чоралари навбатма-навбат қўлланилмайди. Меҳнат интизомини бузишнинг даражасига қараб иш берувчи юқоридаги чоралардан бирини танлашга ҳақли.

Ундан ташқари ходим бундай ҳолатда биринчи марта огоҳлантирилиши талаб этилмайди. Шундай экан бу ҳолатда сизлар ҳам юқоридаги қоидалардан бирини танлашингиз мумкин. Бунда ушбу кодекс 313-моддаси қоидаларига риоя қилиш талаб этилади.

Яъни иш берувчи ходимдан интизомий жазо чораси қўлланилгунига қадар ёзма тушунтиришни талаб қилиши, шу жумладан, агар интизомий қилмиш хизмат текшируви натижаларига кўра аниқланган бўлса, талаб қилиши шарт.

Ходимнинг ёзма тушунтириш тақдим этишни рад этганлиги интизомий жазо чораси қўлланилиши учун монелик қилмайди ва ҳозир бўлган гувоҳлар кўрсатилган ҳолда далолатнома билан расмийлаштирилади.

Қоиданинг мазмунига кўра сиздан биринчи галда тушунтириш хати олиш керак. Агар сиз тушунтириш хати ёзишдан бош тортсангизгина ҳолат бўйича далолатнома расмийлаштиирлиши керак.

Шундан сўнг иш берувчининг ходимга нисбатан интизомий жазо чорасини қўллаш тўғрисидаги буйруғи қабул қилинган кундан эътиборан уч иш куни ичида, ходим ишда бўлмаган вақт ҳисобга олинмасдан, унга жазонинг сабаблари кўрсатилган ҳолда имзо қўйдириб эълон қилинади.

‼️Агар бу қоидаларга риоя қилинмаган бўлса, унда интизомий таъсир чораси нотўғри қўлланилган. Бунда сиз туман адлия бўлимига шикоят қилишингиз мумкин.

56 0 0

Yuridik xizmatlar. Da'vo ariza yozish

2 Feb, 09:29

102 га билмасдан ёлғон хабар беришлик жавобгарликка сабаб бўладими?

Ассалому алекум! Билмасдан 102 номерга ёлғон ҳабар берса қандай жазо бор?

ЮРИСТ ЖАВОБИ:

Бу жиноий жавобгарликка сабаб бўлади.

Жиноят кодексининг 237-моддасига кўра ёлғон хабар бериш, яъни жиноят тўғрисида била туриб ёлғон хабар бериш:
👉 базавий ҳисоблаш миқдорининг 50 бараваридан 75 бараваригача миқдорда жарима;
👉 ёки икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

47 0 0 2

Yuridik xizmatlar. Da'vo ariza yozish

2 Feb, 09:27

Ўқитувчига хурматсизлик қилган ўқувчиларга қандай чора кўриш мумкин?

Assalomu alaykum. Men o’qtuvchiman. Bugun maktabda 11 sinflar uchun nazorat ishi oldim, bir o’quvchi birinchi navbatda 20 minut kechikib kirdi, so’ng nazorat ishini yozlasligini aytti xohlagan bahongizni qo’ying deb menga tahdid qildi. savolim shundan iboratki men bunday o’quvchiga qanday qonuniy chora ko’rishim kerak. Javob uchun oldindan rahmat.

ЮРИСТ ЖАВОБИ:

Ўқувчига сиз қонуний чора кўра олмайсиз. Бундай ҳолатда сиз мактаб психологи, ЎИБДЎ ва бошқа раҳбар ходимларни чақириб, далолатнома тузишингиз ва шу асосда ўқувчининг ота-онасини чақиртиришингиз мумкин.

Шунингдек, ушбу ҳолат юзасидан мактабга масъул бўлган миллий гвардия бўлимига ёки участка инспекторига ариза беришингиз мумкин.

❗️Бу вазиятда ўқувчига эмас, унинг ота-онасига нисбатан маъмурий жавобгарлик чораси қўлланилади.

Таълим тўғрисидаги қонуннинг 51-моддасига мувофиқ вояга етмаган таълим олувчиларнинг ота-онаси ва бошқа қонуний вакиллари боланинг ўқиши, тарбияланиши, жисмоний, маънавий ва интеллектуал ривожланиши учун масъулдир.

Шу билан бирга ушбу модданинг тўртинчи қисмига кўра вояга етмаган таълим олувчиларнинг ота-онаси ва бошқа қонуний вакиллари:

👉 болаларининг умумий ўрта, ўрта махсус таълим ёки бошланғич профессионал таълим олишини таъминлаши;
👉 болаларининг ўқув машғулотларига қатнашишини таъминлаш ва ўзлаштириши устидан назоратни амалга ошириш шарт.

💁‍♂ Шуни ҳам айтиш керакки, агар ота-она мазкур мажбуриятларни бажармаса ёки бўйин товласа, бундай ҳолатда уларга нисбатан Маъмурий жавобгарлик тўғрисидаги кодекс 47-моддасига мувофиқ ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши:
➖базавий ҳисоблаш миқдорининг 1 бараваридан 5 баравари (375 000 сўмдан 1 875 000 сўм)гача миқдорда жарима солишга сабаб бўлади.

37 0 0

Yuridik xizmatlar. Da'vo ariza yozish

2 Feb, 09:21

1. Қийналиб турган вақтингда гапирма, чунки ўзинг хоҳламаган сирларни очиб қўйишинг мумкин.
2. Ғазабланган пайтингда гапирма, чунки айтган гапларинг ўз хоҳишингга зид бўлиши мумкин.
3. Хафалик чоғингда гапирма, чунки одамлар сенга ачиниб қарашлари мумкин.
4. Хурсанд бўлган пайтингда гапирма, чунки ёлғон ваъдалар бериб қўйиб, келажакда бажаролмай бошқаларнинг кўнглини оғритиб қўйишинг мумкин.
5. Фақатгина ўзингга нима гапириш ва нима гапирмаслик кераклигини назорат қилган пайтингдагина гапир.
6. Ғазаб пайтида гапирма, акс ҳолда бутун умр пушаймон бўлиб юрадиган гапларни айтиб қўйишинг мумкин.
7. Агар ушбу қоидаларга амал қила олмасанг, ўзингни гапирмасликка ва сукут қилишга одатлантир.

- Мулойим сўзлар қаттиқ сўзларни енгади.
- Йўқотадиган ҳеч нарсаси йўқ одамни синама.
- Мағлуб одам табассум қилса, ғолиб ғалаба завқини йўқотади.

- Ҳақиқий ҳуррият жаҳолат тугаган жойдан бошланади. Жоҳилга ҳуррият бериш, жиннига тиғ бериш билан баробар.

Тафаккур қилинг!

@Tafakkur3

31 0 1 1

Yuridik xizmatlar. Da'vo ariza yozish

2 Feb, 09:15

⚡️✅ Organ xodimlari tomonidan to'g'ridan-togr'i ushlanishi yoki olib ketilishi mumkin bo'lmagan shaxslar.

🏛 Deputatlar;

🏛 O‘zbekiston Respublikasi Oliy Majlisi Senati a’zolari;

🏛 O‘zbekiston Respublikasi Oliy Majlisining Inson huquqlari bo‘yicha vakili (ombudsman);

🏛 O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil;

🇺🇿 sudyalar;

👮 prokurorlar.

📊 Ushbu shaxslarning immunitet huquqi va daxlsizlik huquqi mavjud bo'lib, ushlab turilishi hamda ichki ishlar organiga yoki huquqni muhofaza qiluvchi boshqa organga olib ketilishi mumkin emas.

💻 Mazkur taqiq mazkur shaxslar jinoyat ustida yoki bevosita uni sodir etganidan keyin qo‘lga tushgan hollarda tatbiq etilmaydi.

📑 Asos: O'zbekiston Respublikasi Jinoyat protsessual Kodeksi.

28 0 0 1

Yuridik xizmatlar. Da'vo ariza yozish

2 Feb, 09:14

⚡️Fuqaro o'z familiyasi yoki ismini oʻzgartirishi mumkinmi ?!

🔹 Oila kodeksining 28-bobiga binoan, har bir fuqaro familiya, ism va ota ismini oʻzgartirish huquqiga ega.
Oʻn olti yoshga toʻlgan shaxs familiya va ismini oʻzgartirish haqida oʻzi yashab turgan joydagi FXDYO organiga ariza berishi lozim.
Arizaga tugʻilganlik haqidagi guvohnoma, pasport nusxasi, ota ona nikoh qogʻozi, ota ona pasporti nusxasi, 1 dona (3x4 oʻlchamli) fotosurat ilova qilinadi.
Hujjatlar FXDYO tomonidan Ichki ishlar boʻlimiga yuborilib, Ichki ishlar organi taqdim qilingan hujjatlarni 20 kun mobaynida oʻrganib chiqadi, ariza beruvchining familiyasi, ismi, ota ismini oʻzgartirish xususida asoslangan xulosa tuzadi va uni FHDYO organiga axborot tizimi orqali taqdim etadi. Shu xulosa asosida FXDYO boʻlimi tomonidan yangi familiya yoki ism beriladi. Ariza berilgan kundan boshlab bir oy mobaynida, uzrli sabablar (ishni rasmiylashtirish uchun zarur boʻlgan dalolatnoma yozuvi nusxalarining boshqa FHDYO organlaridan, ichki ishlar organlari xulosasining kechikib olinishi va boshqalar) mavjud boʻlganda FHDYO organi mudiri ushbu muddatni oʻn besh kundan koʻp boʻlmagan muddatga uzaytirishi mumkin.
❗️ Familiya va otaning ismini oʻzgartirish rad etilganda sud tartibida shikoyat qilinishi mumkin.

35 0 0

Yuridik xizmatlar. Da'vo ariza yozish

1 Feb, 08:41

Прокуратура ходимларининг хизмат кийими

Давлат раҳбарининг 2019 йил 15 июль кунги ПҚ-4394-сонли қарорига мувофиқ, прокуратура ходимлари:

расмий, байрам, тантанали ва халқаро тадбирларда, суд мажлисларида, оммавий ахборот воситалари билан учрашувлар ва интервьюларда, шунингдек, ўқув машғулотларида— тантанали формали кийим-бош;

хизмат вазифаларини бевосита хизмат хоналарида (бино, транспорт воситаси, ҳарбий қисм) амалга ошириш вақтида — махсус (маҳкама) формали кийим-бош кийиб юриш ҳуқуқига эгадирлар.

Бош прокурор буйруғи билан тасдиқланган “Хизмат кийимини кийиш тартиби”га оид умумий қоидаларда ходимлар хизмат вазифаларини бажариш вақтида белгиланган шаклдаги хизмат киймини кийишга мажбурдирлар деб кўрсатилган.

Судларда прокурор иштирокини таъминлаш – ходимларнинг хизмат вазифаларини бажариш вақти деб ҳисобланса ва юқоридаги Тартиб ҳали ҳам амалда бўлса, Наманган ва Тошкент вилояти судларида прокурор иштирокини таъминлаган ходимлар белгиланган шаклдаги хизмат кийимида бўлмаганликлари учун ҳеч бўлмаганда огоҳлантирилишлари керак бўлади.

Каналга уланиш
Advokat G’aniyev

Advokat Komilova

Прокурор "форма"да бўлмагани (!) учун суд мажлисини видеога олишга рухсат берилмади Наманган вилояти судидамиз. Бугун бу ерда ҳимоямиздаги шахснинг озодликни чеклаш жазоси ОМҚ билан алмаштирилганига нисбатан кассация шикоятимиз кўрилиб, суд қарори қабул қилиниши керак. Суд мажлисига EFFECT.UZ’дан ...

51 0 1

Yuridik xizmatlar. Da'vo ariza yozish

1 Feb, 06:23

📱Телефонни "прослушка"га қўйиш тартиби

Агар иш бўйича тўпланган далиллар иш учун аҳамиятга молик маълумотлар олиниши мумкинлигига етарли даражада асос бўла олса, суриштирувчи, терговчи телефонлар ва бошқа телекоммуникация қурилмалари орқали олиб бориладиган сўзлашувларни эшитиб туриш, улар орқали узатиладиган ахборотни олиш тўғрисида илтимоснома қўзғатиш ҳақида қарор чиқариб, унда ушбу ҳаракатларни ўтказиш асосларини баён этади.

Телефонлар ва бошқа телекоммуникация қурилмалари орқали олиб бориладиган сўзлашувларни эшитиб туриш, улар орқали узатиладиган ахборотни олиш тўғрисида илтимоснома қўзғатиш ҳақидаги қарорга илтимосномани асословчи зарур материаллар илова қилинади.

Терговчининг ёки суриштирувчининг телефонлар ва бошқа телекоммуникация қурилмалари орқали олиб бориладиган сўзлашувларни эшитиб туриш, улар орқали узатиладиган ахборотни олиш тўғрисида илтимоснома қўзғатиш ҳақидаги қарори ва зарур материаллар прокурорга юборилади.

Прокурор телефонлар ва бошқа телекоммуникация қурилмалари орқали олиб бориладиган сўзлашувларни эшитиб туриш, улар орқали узатиладиган ахборотни олиш тўғрисидаги илтимосноманинг асослилигини текшириб, унга рози бўлган тақдирда, телефонлар ва бошқа телекоммуникация қурилмалари орқали олиб бориладиган сўзлашувларни эшитиб туриш, улар орқали узатиладиган ахборотни олиш тўғрисида илтимоснома қўзғатиш ҳақидаги қарорни ва зарур материалларни судга юборади.

@generalissimo_marshal

50 0 1 1

Yuridik xizmatlar. Da'vo ariza yozish

1 Feb, 06:18

O‘zbekiston Respublikasining Suv kodeksi qabul qilindi

✔️ OMQP Majlisida deputatlar kodeks loyihasini ikkinchi o‘qishga tayyorlash davomida suvga doir munosabatlarni tartibga solish sohasida mas’ul organlarning vakolatlari, vazifa va funksiyalarini aniq belgilash, suv xo‘jaligida davlat-xususiy sheriklik mexanizmlarini kengaytirish, suvdan foydalanish uchun ruxsatnoma berish shartlarini soddalashtirish, suvni iste’molchilar orasida taqsimlashning yangi mexanizmlari joriy etishga alohida ahamiyat qaratgani qayd etildi.

✔️ Qayd etilganidek, Qonunchilik palatasining joriy yil 24-yanvar kuni bo‘lib o‘tgan majlisida kodeks loyihadagi ayrim normalar, ya’ni suv olish tartibini buzganlik uchun jarima sanksiyalari bilan bog‘liq masalalar deputatlarning e’tirozli savollariga sabab bo‘lib, xalq vakillari tomonidan bir qator takliflar berilgan edi. O‘tgan davrda mas’ul qo‘mita tomonidan ushbu takliflar chuqur tahlil qilindi va ular asosida loyiha har tomonlama pishiq-puxta holatga keltirilib, maromiga yetkazildi.

☝️ Deputatlarning fikricha, kodeks loyihasining qabul qilinishi suv resurslaridan foydalanish samaradorligini oshirish, sohaga investitsiyalarni jalb qilish, texnologik modernizatsiya qilishni rag‘batlantirishga xizmat qiladi.

👉 Majlisda kodeks loyihasi deputatlar tomonidan uchinchi o‘qishda qabul qilindi va Senatga yuborildi.

@generalissimo_marshal

49 0 0 1

Yuridik xizmatlar. Da'vo ariza yozish

30 Jan, 14:20

Maʼlumot uchun❗️❗️❗️
Jinoyat kodeksining 136-moddasiga asosan ayolni erga tegishga yoki nikohda yashashni davom ettirishga majbur qilish yoxud ayolning erkiga xilof ravishda u bilan nikohda bo‘lish uchun o‘g‘rilash, shuningdek, ayolning erga tegishiga to‘sqinlik qilish —
bazaviy hisoblash miqdorining yigirma besh baravarigacha miqdorda jarima yoki uch yuz oltmish soatgacha majburiy jamoat ishlari yoki uch yilgacha axloq tuzatish ishlari yoxud bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi.

Nahotki shu moddaning mazmunini tushunmasa IIB xodimi.
Afsus.
https://t.me/yuristdavoarizayozish

Yuridik xizmatlar. Da'vo ariza yozish

Mavjud xizmatlar : 1. Mehnat nizolari 2. Oilaviy nizolar 3. Fuqarolik ishlari 4. Ma'muriy huquqbuzarlik ishlari 5. Huquqiy maslahatlar 6. Ariza tayyorlab berish xizmati Murojaat uchun @Sohibqulov

77 0 1

Yuridik xizmatlar. Da'vo ariza yozish

30 Jan, 14:16

Jinoyatga boʻlgan IIO ayrim xodimlarining munosabati eʼtirozlarga sabab boʻlmoqda!

2024-yil noyabrida, kuppa-kunduz kuni Toshkent markazida bir necha yigit bir qizni o‘g‘irlab, tog‘ga olib qochib ketgan. Ular o‘rtasidagi bungacha qanday munosabat bo‘lgan, ular sevishganmi-sevishmaganmi, ahamiyatsiz. Eng muhim fakt shu - bir guruh barzangi, qilayotgan ishi jinoyat ekanini bila turib, bir odamni, uning xohish-irodasiga zid ravishda, o‘g‘irlagan. Tushunmaydigan “tupoy”lar uchun alohida yozaman: TOSHKENTDA ODAM O‘G‘IRLANGAN!

Hali ham bu dunyoda yaxshi odamlar bor. O‘sha o‘g‘irlash hodisasi bir xususiy ta’lim muassasasining kamerasiga tushib qolgan, u yerdagilar darhol “102”ga xabar bergan. Kameraga qizni o‘g‘irlashda ishlatilgan mashinaning avtoraqami ham tushgani uchun ko‘p o‘tmay o‘g‘irlashga bosh bo‘lgan shaxsga Yakkasaroy tuman IIB boshlig‘i, GAI boshlig‘i, jinoyat-qidiruv bo‘limi boshlig‘i ketma-ket telefon qilgan. Lekin hech kim uni na to‘xtata, na ortga qaytara olgan.

O‘sha kuni qizning onasi kechki mahal oxiri jinoyat-qidiruv bo‘limining xodimiga telefon qilib, qizining o‘g‘irlanishi haqida so‘raganida haligi xodim: “Bu o‘g‘rilik emas, sevgi”, deb javob bergan (o‘zining qizini ham shunday o‘g‘irlab ketishsa, “bu o‘g‘rilik emas, sevgi” deb o‘tirarmikin o‘sha?!).

Shundan keyin qiz va uning oilasi uni o‘g‘irlagan shaxslar ustidan, ularning boshqa tahdidlari, harakatlari (bir necha bor o‘ldirib yuborish bilan tahdid qilgan, jismoniy kuch ishlatishlar ham bo‘lgan, qo‘lini kesishgan va hokazo) yuzasidan ichki ishlarga murojaat qilgan. “Sevgishunos” xodimlar bu arizalar bo‘yicha chora ko‘ravermagach, qiz va uning oilasini haligi o‘g‘ri-zo‘ravondan himoya qilmagach, 27-yanvar kuni qiz yana bir bor o‘g‘irlab ketilganidan keyin, noyabrdagi birinchi o‘g‘rilik videosi internetga chiqarilgan.

Endi chora ko‘risharmish, hamma aybdorlar qonunda belgilangan jazosini olarmish. Shu vaqtgacha chora ko‘rmaganlar-chi, ular ham jazosini oladimi?

Ey Xudo, podyezdlardagi velosiped va kolyaskalarni hech bir ogohlantirishsiz olib ketib (“o‘g‘irlab” deyaversa ham bo‘ladi), keyin uni ehson qilib yuboradigan, chet ellik turistdan pora so‘raydigan, bozorlarda odamlarning cho‘ntagidagi telefonlarini “o‘g‘irlab olib” o‘zicha aqllilik qilmoqchi bo‘ladigan, qizi o‘g‘irlanganlarni “bu o‘g‘irlik emas, sevgi” deb ovuntiradigan hamda yana boshqa har xil aqlbovar qilmas jinniliklarni o‘ylab topgan, topayotgan va hali yana topishi mumkin bo‘lgan melisaga ishimiz tushishidan o‘zing asra!

Jurnalist Muhrim Azamxoʻjayev

@generalissimo_marshal

Избиения, похищения и порезанные пальцы: История девушки из Ташкента, которая за год прошла все круги Ада

«Взгляд.uz» на прошлой неделе узнали о похищении девушки в Яккасарайском районе Ташкента. Хоть пострадавшая и вышла на связь на следующий день, редакция выяснила, что подобное происходит на протяжении года. Ее били, запугивали, ущемляли в правах. На данный момент за дело взялось ГУВД.

65 0 1 2 1

Yuridik xizmatlar. Da'vo ariza yozish

30 Jan, 14:14

☄️Oliy ta’lim tizimida dual ta’lim joriy etiladi

“Oliy ta’lim tizimida dual ta’limni tashkil etish chora-tadbirlari to‘g‘risida”gi (VMQ-14-son, 16.01.2025-y.) Vazirlar Mahkamasi qarori tasdiqlangan.

🔰Qarorga ko‘ra, 2025/2026-o‘quv yilidan boshlab:

➡️oliy ta’lim tizimida bosqichma-bosqich dual ta’lim asosida o‘qitish yo‘lga qo‘yilib, “Kasb egasi” dual ta’lim tizimini tashkil etiladi;

➡️“Kasb egasi” dual ta’lim tizimi birinchi bosqichda Toshkent to‘qimachilik va yengil sanoat institutining 3 va 4-kurs talabalari uchun joriy qilinadi;

➡️talabalarning amaliy mashg‘ulotlari korxonalar bilan hamkorlikda o‘tkazilib, ushbu jarayon oliy ta’lim tashkiloti hamda amaliyot rahbari tomonidan muvofiqlashtiriladi;

➡️dual ta’lim asosida talabalarning korxonalarda faoliyat yuritgan davri uchun ish haqining 2 million so‘mgacha bo‘lgan qismi Bandlikka ko‘maklashish davlat jamg‘armasi mablag‘lari hisobidan qoplab beriladi.

✔️ Har yili 1-iyunga qadar dual ta’lim shaklida talabalarni qabul qiladigan korxonalar imkoniyatlari o‘rganiladi va dual ta’lim tashkil qilinadigan korxonalar ro‘yxati e’lon qilinadi.

✔️ Har yili 1-sentabrga qadar dual ta’lim shaklida o‘qishga qabul qilingan talabalarning korxonalarga biriktirilishi bo‘yicha korxona, talaba va oliy ta’lim tashkiloti o‘rtasida shartnoma tuziladi.

✔️ dual ta’lim tashkil qilingan korxonalarda talabalarga yaratilgan shart-sharoitlar doimiy monitoring qilinadi.

📌 Shuningdek, ushbu qaror bilan Oliy ta’lim tizimida dual ta’limni tashkil etish tartibi to‘g‘risidagi nizom tasdiqlandi.

🟢Mazkur nizom dual ta’lim jarayonini tashkil etish, nazariy va amaliy mashg‘ulotlarni muvofiqlashtirish, oliy ta’lim muassasalari hamda ishlab chiqarish korxonalari o‘rtasidagi hamkorlik mexanizmlarini belgilaydi.

@generalissimo_marshal

54 0 0

Yuridik xizmatlar. Da'vo ariza yozish

30 Jan, 08:47

00:46

Видео недоступно для предпросмотра

Смотреть в Telegram

«Ҳатто Президентнинг ҳам ҳаққи йўқ қонунларни бузишга...»

Ислом Каримов – Ўзбекистон Республикасининг Биринчи Президенти, 1989 йилдан 2016 йилга қадар мамлакатни бошқарган раҳбар.

Ислом Абдуғаниевич 1938 йил 30 январда Самарқанд шаҳрида хизматчи оиласида туғилди ва 2016 йил 2 сентябрь куни оғир хасталикдан сўнг 78 ёшида вафот этди.

Маълумот учун, И.Каримов ўз Президентлиги даврида қизини жиноятлари учун жавобгарликка торттирган кам сонли давлат раҳбарларидан биридир.

@generalissimo_marshal

56 0 0 1

Yuridik xizmatlar. Da'vo ariza yozish

30 Jan, 07:33

Маъмурий қамоқ ва озодликдан маҳрум қилиш (ОМҚ) жазосининг бир-биридан асосий фарқли жиҳатлари:

1) Маъмурий қамоқ маъмурий ҳуқуқбузарлик содир этган шахсларга нисбатан, ОМҚ эса фақат жиноят содир этган шахсларга нисбатан қўлланилади;

2) Маъмурий қамоқнинг энг кўп муддати 30 суткагача, ОМҚнинг муддати эса умрбод бўлиши мумкин;

3) Маъмурий қамоқ одатий ҳолларда тергов судьяси томонидан, фавқулодда ҳолатларда эса ҳарбий комендант ёки ИИО бошлиғи томонидан қўлланилиши мумкин, ОМҚ эса фақат жиноят ишлари бўйича судьялар томонидан қўлланилади;

4) Маъмурий қамоққа олинган шахслар жазони махсус қабулхоналарда, озодликдан маҳрум этилган шахслар эса жазони ижро этиш муассасаларида ўтайдилар;

5) Махсус қабулхоналарга маъмурий қамоққа олинган барча шахслар бирдек жойлаштирилади, жазони ижро этиш муассасаларига эса содир этилган жинояти, тоифаси, шахси ва бошқа хусусиятларига қараб тарбия, манзил, умумий, қаттиқ, махсус, турма ва ҳ.к.ларга жойлаштирилади;

6) Маъмурий қамоқ ҳомиладор аёлларга, уч ёшгача боласи бўлган аёлларга, ўн тўрт ёшгача бўлган боласини якка ўзи тарбиялаётган шахсларга, ўн саккиз ёшга тўлмаган шахсларга, биринчи ва иккинчи гуруҳ ногиронлиги бўлган шахсларга нисбатан қўлланилиши мумкин эмас, ОМҚ жазоси тайинлашда эса бундай чекловлар йўқ;

7) Маьмурий қамоқдагилар “Маьмурий қамоққа олинган шахслар” деб аталади, ОМҚдагилар эса маҳкум деб номланади;

8) Маъмурий қамоққа олинганлар судланмаган ҳисобланади, ОМҚ жазоси тайинланганлар эса судланган бўлади.

Асосийлари келтирилди, яна давом эттириш мумкин.

Telegram | Instagram | Facebook | Threads

Shoxrux Mirzabekov

Advokat Shoxrux Mirzabekovning telegramdagi rasmiy kanaliga xush kelibsiz. 🔴 2011-2015 TDYU 🟡 2015-2024 prokuratura 🟢 2024-yildan advokatura 📝 Kanalda Sizga kerakli ma'lumotlar berib boriladi. Murojaat uchun 👇👇👇 @AdvokatMirzabekovgaxabarBot

64 0 0

Yuridik xizmatlar. Da'vo ariza yozish

30 Jan, 05:27

Террорист бўлиб кетишимга сал қолган!

Терговчиликни энди бошлаган пайтим, қўлимга бир материални беришди. Унда бир қиз ариза қилиб, уни мажбурлаб ўғирлаб кетишганини ва номусига тегишганини ёзган эди. Ушбу материал юзасидан текшириш ўтказганимда қизни қозоқ урф-одатларига кўра келинликка ўз хоҳиши билан олиб қочишганини, ўз хоҳишига кўра куёв билан биринчи кечани ўтказганини, кейинчалик оилавий келишмовчиликлар сабабли қиз шу тарзда ариза ёзиб бериб куёвни жазоламоқчи бўлганини аниқладим.

Ҳаммаси яхши, ҳар бир эпизодга қонуний баҳо бердим. Фақат битта эпизод қолган эди. Бу - қиз куёвнинг уйига келганида уларга никоҳ ўқиб берган домланинг айблилик масаласи эди. Домлани терговга чақирдим.

Домла бирор диний таълим кўрмаган, чекка овулда динни нисбатан яхшироқ билгани учун овулнинг домласи этиб тайинланган, асл касби эса заводда муҳандислик эди.

Икки соат сўроқ қилдим, домла никоҳ ўқиганини тан олмади. Сўроқдан олдин никоҳнинг шаръий жиҳатларини тўлиқ ўрганиб сўроққа тайёрланган эдим. Домла никоҳ ўқимаганини, фақат “Фотиҳа” ва бошқа сураларни ўқиб, ёшларга панд-насиҳат қилганини айтиб, туриб олди.

Домлага охирги саволимни бердим: “Келин-куёвлар бизга никоҳ ўқилди деб, чимилдиққа киришган, Сиз уларга никоҳ эмас, балки “Фотиҳа” сурасини ўқиб бериб, улар зино қилишига сабабчи бўлдингизми?”, - деганимдан сўнг, домла охири “синди”, ҳаммасини тан олди.

Ўша пайтлари ЗАГСсиз никоҳ ўқиш учун алоҳида маъмурий жавобгарлик мавжуд эмас эди, бундай ҳолатда МЖтКнинг 201 ёки 240-моддалари билан жавобгар қилардик, бу модда учун жарима жуда юқори эди.

Шу сабабли домланинг жаҳли чиқди ва мен билан қуйидаги диалогга киришди:

Домла: Мусулмонмисиз?
Мен: Алҳамдулиллаҳ, мусулмонман.
Домла: Мени қайси асосга кўра жавобгар қилаяпсиз?
Мен: МЖтК бўйича.
Домла: Ушбу Қонунларингизнинг асоси нима?
Мен: Конституция.
Домла: Конституция ва Қонунларингизни ким яратган?
Мен: Олий мажлис депутатлари ва сенаторлари.
Домла: Шунда бу инсонлар томонидан яратилганми?
Мен: Ҳа.
Домла: Нимага одамлар яратган Қонунга бўйсунаяпсизу, аммо Аллоҳ яратган шариатга бўйсунмайсизлар?

Бўлди, шу гапдан кейин қотиб қолдим. Домла иккита гап билан мени “вербовка” қилиб қўйди. Домлани бу гапларини анча пайт ўйлаб юрдим. Бу ўйловим жуда хавфли эди, чунки бу йўналишда кетишим, ўзимни ЖКнинг 159-моддаси билан жавобгарлигимни келтириб чиқарар эди.

Фақат ўзимга маълум бир катта гуноҳимдан сўнг, ўзимча бу гуноҳни “ювиш” учун бир куни эрталаб бомдод намози ўқиш учун масжидга чиқдим. (Фақат бомдодда масжидга борар эдим, чунки эрта саҳардан масжидга бирор ҲМҚО ходими келмайди, ўзим ходим бўлганим учун масжидга чиқишим турли норасмий таъқибларни келтириб чиқариши мумкунлигидан қўрқардим)

Масжид китобжавонида Шайх Муҳаммад Содиқ Муҳаммад Юсуф ҳазратларининг “Ихтилофлар: сабаблар, ечимлар” китобини кўриб, азондан сўнг жамоат йиғилгунича ўқиб турдим. Ушбу китоб ва унга боғлиқ бошқа китоблар барча гумонларимни аритди ва Конституциявий тузумимиз энг тўғри йўл эканлигини, тинчлик бебаҳо неъматлигини англаб етишимга сабабчи бўлди. Уларда Конституциявий тузум шаърий жихатдан асослаб берилган эди.

Ҳуллас, қуйидаги китоблар, мени радикал террорист бўлиб кетишимдан асраб қолган:

1. “Ихтилофлар: сабаблар, ечимлар” (турли фитналарга раддия)
2. “Дин насиҳатдир” (“Ҳизб ут-таҳрир” ғояларига раддия)
3. “Очиқ хат” (ИШИД ғояларига раддия)

Ушбу китобларнинг ҳаммаси Шайх Муҳаммад Содиқ Муҳаммад Юсуф раҳимоҳуллоҳ қаламларига мансуб. Энг қизиғи, булар у кишининг улкан ижодларидан бир томчи ҳолос.

Каналга уланиш:
@advocatekulbayev

65 0 3 10 2

Yuridik xizmatlar. Da'vo ariza yozish

29 Jan, 22:30

7347837.pdf

8.7Мб

Тергов судьяларига оид Қонун матни. Бугундан кучга кирди.

@generalissimo_marshal

76 0 1 1

Yuridik xizmatlar. Da'vo ariza yozish

29 Jan, 17:10

❗️Тергов cудьясига оид қонун кеча имзоланди ва бугундан кучга кирди

Қонун (ЎРҚ-1022-сон, 28.01.2025 й.) билан айрим қонун ҳужжатларига ўзгартириш ва қўшимчалар киритилди.

🔰 Унга кўра, тергов судьялари томонидан жиноят ишлари бўйича судга қадар иш юритиш босқичида процессуал қарорларга санкция бериш ва маъмурий ҳуқуқбузарликлар тўғрисидаги ишларни кўриб чиқиш масалаларини қонунчиликда белгилаш мақсадида тергов судьяларининг ваколатлари жумласига киритилган ишларни кўриб чиқиш асослари ҳамда тартибини назарда тутувчи ўзгартириш ва қўшимчалар киритилди.

✔️ Жиноят-процессуал кодексига киритилган ўзгартириш ва қўшимчаларга кўра, тергов судьясининг ваколатлари белгиланиб, тергов судьяси якка ўзи иш тутиб, Кодексда назарда тутилган тартибда судга қадар иш юритиш босқичида шахснинг ҳуқуқлари, эркинликлари ва қонуний манфаатларига риоя этилиши устидан суд назоратини амалга оширади.

📋 Шунингдек, тинтув ўтказиш тўғрисида илтимоснома қўзғатиш ҳамда уни кўриб чиқиш асослари белгиланди.

❕ Бунда, тинтув ўтказиш учун асослар мавжуд бўлган тақдирда прокурор, терговчи ёки суриштирувчи тинтув ўтказиш тўғрисида илтимоснома қўзғатиш ҳақида уни ўтказиш учун асосларни баён этган ҳолда қарор чиқаради.

📞 Телефонлар ва бошқа телекоммуникация қурилмалари орқали олиб бориладиган сўзлашувларни эшитиб туришни, улар орқали узатиладиган ахборотни олишни амалга ошириш тўғрисидаги илтимосномани кўриб чиқиш асослари белгиланди.

✳️ Бундан ташқари, мол-мулкни хатлаш тўғрисидаги илтимосномани кўриб чиқиш тартиби белгиланди.

📜 Бунда, мол-мулкни хатлаш тўғрисидаги илтимоснома суриштирув ёки дастлабки тергов юритилаётган жойдаги жиноят ишлари бўйича туман (шаҳар) судининг тергов судьяси томонидан якка тартибда кўриб чиқилади.

📌Қонун расмий эълон қилинган кундан эътиборан кучга киради.

@generalissimo_marshal

87 0 1 1

Yuridik xizmatlar. Da'vo ariza yozish

28 Jan, 19:55

Ажиб замонда яшаяпмиз. 2-3 та фирибгар бир содда деҳқонни алдаб, пулини 1 ойда беришларини айтиб, автомашинасини фирибгарлик йўли билан қўлга киритиб, автомашинани бошқа шахсларга арзон баҳога сотиб юбориб, пулини ўзаро бўлишиб олиб, пулларни автомашина эгасига бермаса ва бу ҳолат юзасидан ИИО профилактика инспектори жиноят иши қўзғатишни рад этиш тўғрисида қарор қабул қилса.

Ундан ҳам қизиғи, бу фуқаро нажот истаб, профилактика инспекторининг ноқонунийлиги яққол кўриниб турган қарорини бекор қилдириш учун қонунларни аниқ ва бир хилда ижро этилишини назорат қиладиган Фарғона вилоятидаги туманлардан биридаги прокуратурага ариза билан мурожаат қилса.

Ва... Прокуратура мазкур ҳолат юзасидан жабрланувчига профилактика инспектори томонидан қабул қилинган жиноят иши қўзғатишни рад этиш қарори қонуний эканлиги, қарорни бекор қилиш учун етарли асослар топилмаганлиги тўғрисида икки энли жавоб хати ёзса!

Бу фуқаро дардини кимга айтсин. Бу томонда уни алдаб, машинасини сотиб юбориб, пулини ўзининг шахсий эҳтиёжлари учун ишлатиб юборганлар уни устидан кулиб, қўлидан бало ҳам келмаслигини айтиб турса...

Биз қайси замонда яшаяпмиз ўзи. Бу ҳолат эса афсуски ёнгинамизда содир бўлмоқда.

👉 @Advokat_Esonaliev

93 0 0

Yuridik xizmatlar. Da'vo ariza yozish

28 Jan, 15:34

01:26

Видео недоступно для предпросмотра

Смотреть в Telegram

❗️Чиройли жавоб бўлди...

Инсонни ташқи кўринишига қараб баҳо бериш энг катта хатолардан биридир...

@tez_kor24 • Барчаси бизда!

94 0 1 2 2

Продам канал с доходом 138090

Yuridik xizmatlar. Da'vo ariza yozish

Гео и язык канала

Категория

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

Yuridik xizmatlar. Da'vo ariza yozish

187

Популярное в канале

Язык сайта

Продам канал с доходом 138090

Yuridik xizmatlar. Da'vo ariza yozish

Гео и язык канала

Категория

187

Популярное в канале