O'zLiDeP - Andijon

ҚУТЛОВ!
ПАРТИЯМИЗ ФАОЛЛАРИНИНГ ЮТУҚЛАРИ МУБОРАК БЎЛСИН!
Инсон ҳаёти давомида ўз меҳнатлари билан эл-юрт манфаати, фаровонлиги ва бахтиёр ҳаёти учун ҳисса қўшади. Бу қиланаётган хизматларнинг қанчалик сидқидил ва салмоқли эканлиги вақт синовидан ўтгач, юзага чиқади. Ҳалол ва чин кўнгилдан қилинган саъйи-ҳаракатлар инсоннинг юзини ёруғ қилади.
Яқинда Қўрғонтепа туманидаги фаолият олиб бораётган бир гуруҳ партия фаолларимиз бир неча соҳа вакиллари қаторида Мустақил давлатлар ҳамдўстлиги доирасида ташкил этилган халқаро илмий-амалий кўрик-танловда иштирок этиб, “Фидойи хизматлари учун” эсдалик нишони ҳамда қимматбаҳо совғалар билан тақдирландилар.
Тошкент шаҳридаги “Заковат” аренасида уларни тантанали тақдирлаш маросими бўлиб ўтди. Тақдирланганлар қаторида O’zLiDeP Қўрғонтепа туман Кенгаши аппарат раҳбари Ҳурриятхон Абдурасулова, туман Кенгаши раисининг Аёллар масалалари бўйича ўринбосари Замирахон Усмонова, туман Кенгаши депутатлари -Ифтихоржон Джўраев, Акмалжон Икромов, шунингдек, “Аёллар қаноти” фаоли Нигора Абдуллаева, партия фаоллари Хотамжон Бадалов, Ботиржон Мўминов, Мавлудахон Фозилова ва Мавлудахон Қодироваларнинг борлиги қувонарлидир. Эзгу мақсадлар йўлида собитқадамлик билан интилаётган бу партиядошларимизни O’zLiDeP Андижон вилоят Кенгаши номидан қутлуғ унвон билан муборакбод этамиз. Уларнинг келгуси ишларига омад ва муваффақиятлар тилаб қоламиз.

КИЧИК САНОАТ ЗОНАЛАРИ ДЕПУТАТЛАР ТОМОНИДАН ЎРГАНИЛМОҚДА

Давлатимиз раҳбарининг ташаббуси билан бугунги кунда тадбиркорлик ва кичик бизнес соҳасига алоҳида эътибор қаратилган. Шу боис, тадбиркорлик фаолияти билан шуғулланиш истагида бўлганларга қулай бизнес муҳити ва шарт-шароитлар яратиб бериш борасидаги ишлар жадал олиб борилмоқда.
Халқ депутатлари Избоскан туман Кенгаши депутати Н.Нўъмонова ҳамда партия туман Кенгаши аппарат раҳбари З.Хайдаровалар томонидан Избоскан тумани “Амур Темур” маҳалла фуқаролар йиғинидаги ёшлар кичик саноат зонаси ўрганилди.
Ўрганиш натижаларига кўра, ҳудудда ёшларни тадбиркорлик фаолияти билан шуғулланишлари учун 2 гектар ер майдони ажратилган. Якка тартибдаги тадбиркор Алиев Жаҳонгир 2023 йилдан буён акфа эшик- ромлари ишлаб чиқариш корхонасини ташкил қилиб, 3 нафар ёшни иш билан таъминлаган. Тадбиркорлик фаолиятида ҳеч қандай муаммолар мавжуд эмас.
Жумаев Билолдин - якка тартибдаги тадбиркор, автомобилларга техник хизмат кўрсатиш шахобчаси ҳамда автомобиллар эҳтиёт қисмлари ва жиҳозлари сотиш дўконида фаолият олиб боради. Бу тадбиркор ҳам ўз ишини мамнун. Ўрганишлар натижасида ёшлар тадбиркорлиги учун ажратилган ҳудудда барча шароитлар яратилганлиги маълум бўлди.

ДЕПУТАТЛИК ГУРУҲИ ТОМОНИДАН НАЗОРАТ ТАДБИРЛАРИ ЎТКАЗИЛМОҚДА

Тадбиркорлар ва ишбилармонлар харакати –Ўзбекистон Либерал-демократик партияси Балиқчи туман Кенгашининг 2025 йилга мўлжалланган иш режасига асосан, «Кучли вакиллик ҳокимияти — мамлакатни демократик ривожлантиришнинг кафолати» лойиҳаси доирасида аҳолини озиқ-овқат маҳсулотлари билан узлуксиз таъминлаш, нарх-наво барқарорлигига эришиш бўйича қилинган ишлар, ички бозорда нархлар барқарорлигини сақлаш, энг аввало, аҳолини етарли миқдорда озиқ-овқат маҳсулотлари билан таъминлаш, куз-қиш мавсуми учун озиқ-овқат маҳсулотлари заҳиралари яратилганлиги ҳолати бўйича жамоатчилик назорат тадбири ташкил этилди. Мазкур тадбирда “Балиқчи деҳқон (озиқ-овқат) бозори” МЧЖ даги ҳолат атрофлича ўрганилди.
Ўзбекистон Республикаси Вазирлар Маҳкамасининг 2024 йил 30 октябрдаги “2024-2025 йиллар қиш-баҳор мавсумида аҳоли ва ижтимоий соҳа ташкилотларининг асосий турдаги қишлоқ хўжалиги маҳсулотларига бўлган эҳтиёжини қондириш бўйича қўшимча чора-тадбирлар тўғрисида”ги қарори, шунингдек, шу асосда маҳаллий ҳокимият томонидан чиқарилган қарорлар раҳбарлик ва ижро учун қабул қилиниб,
асосий турдаги қишлоқ хўжалиги ва озиқ-овқат маҳсулотларини заҳирага жамғариш бўйича белгиланган ишлар амалга оширилган.Бозор ҳудудларида қишлоқ хўжалик маҳсулотлари билан савдо қилувчи ЯТТ лар Шералиев Муҳаммаджон, Боймирзаев Комилжон, Мирзаев Сардорбеклар томонидан заҳиралар жамғарилган. Жамият томонидан жами 600 тонна қишлоқ хўжалиги маҳсулотлари заҳираси мавжуд. Бозор ҳудудида озиқ-овқат хавфсизлиги ва соғлом овқатланишни таъминлаш ҳамда аҳолининг барча қатламлари соғлом ва фаол ҳаёт кечириши учун шарт-шароитлар яратиш бўйича мунтазам чора-тадбирлар кўрилаётганлиги назорат қилинди.

КИЧИК САНОАТ ЗОНАЛАРИ ДЕПУТАТЛАР ТОМОНИДАН ЎРГАНИЛМОҚДА
O`zLiDeP Андижон вилоят Кенгашининг шаҳар, туманлардаги депутатлик гуруҳлари аъзолари томонидан саволнома асосида кичик саноат зоналари фаолияти ўрганиш ишлари тизимли йўлга қўйилмоқда. Ёшлар муаммоларини ўрганиш ва тадбиркорларни қўллаб-қувватлаш бўлими режаси бўйича тизимли тадбирлар - Шаҳрихон ва Балиқчи туманларида ҳам самарали ташкил этилди. Шаҳрихондаги “София соф либослари” ҳамда “Зикрилло универсал” МЧЖларда ўрганиш ишлари олиб борилди. Мазкур туманда кичик саноат зонасига 24 га ер майдони ажратилган бўлиб, ишлаб чиқаришни йўлга қўйиш учун зарур шарт-шароитлар, қулайликлар : йўл, электр энергияси, табиий газ, ичимлик суви, канализация, Алоқа тармоқлари билан таъминланган. Депутатлар томонидан ҳудудда қўшимча имкониятлар яратиш бўйича таклиф ва тавсиялар ишлаб чиқилди.
Шунингдек, Балиқчи туманидаги “ Оққўрғон” МФЙ да жойлашган кичик саноат зонасида фаолият юритаётган "UCH XIL DUNYO” ҳамда "Севентим" МЧЖ да ҳам ана шундай ўрганишлар олиб борилиб, ҳудудда инфратузилмани янада яхшилаш бўйича таклифлар ўртага ташланди.