MEXRIBONIM_OTAM_ONAM

Жамики рўзадор ака-укаларим номидан!

РЎЗАМИЗНИНГ ЯРМИ СИЗНИКИ!

Азиз мунис ва камтарин ўзбегим аёлларига.

Дунёнинг хаёю-шарми сизники!
Ширинлик ва ҳамда гарми сизники!
Ўзбегим аёли, унутманг асло:
Тутган рўзамиз нинг ярми сизники!

Зўр-базўр турамиз саҳарга аранг,
Тайёр овқатга ҳам қиламиз таранг,
Уйғотасиз, ялиниб... бизларни, қаранг...
Тутган рўзамиз нинг ярми сизники!

Кундузи тенгма-тенг тўкасиз терлар,
Сизсиз қуриб битар экин-у, ерлар,
Билдим, жонингизни недан қирқ дерлар:
Тутган рўзамизнинг ярми сизники!

Биз тутган рўзани сиз ҳам тутяпсиз,
Газ йўқ ўчоғингиз... тутун ютяпсиз,
Ҳамон келажакдан умид... кутяпсиз:
Тутган рўзамизнинг ярми сизники!

Қўлингиз косов-у, сочлар-супурги,
Эгнизда-кўйлаклар... бир йил бурунги,
Сизга бас, овсинлар жонли гурунги:
Тутган рўзамизнинг ярми сизники!

Аслида Аллоҳнинг раҳмати - Сизсиз!
Бирингиз - қайнона, келинсиз-қизсиз!
Билмадим аҳвол не бўларди, Сизсиз:
Тутган рўзамизнинг ярми сизники!

Бу ҳақда ёзгандим... яна қайтаман,
Ташаккур айтайин қайта-қайта Ман,
Кимгадир ёқмаса... баланд айтаман:
Тутган рўзамизнинг ярми сизники!


Қобилжон Исақов "Имом Аъзам" жоме масжид

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

ИФТОРДАН ОЛДИН АЁЛЛАР НИМА ҚИЛИШИ КЕРАК?
🌸
Ҳадиси шарифда, Аллоҳ таъоло рўзадорга ифтор вақтида нима сўраса, ато қилиши айтилган. Яхши, агар бирор банда ўша вақтда ҳеч нарса сўрамаса, у ҳолда у нимага эришади?

Бизнинг аксар оналаримиз, опа-сингилларимизнинг ҳолатлари айнан шундайки, ифторлик нарсаларини тайёрлашда ва дастурхон безашда шундай банд бўладиларки, уларга “Ҳой, ифторлик вақти бўлиб бўлди, сиз ҳам ифтор қилиб олинг”, дейишга тўғри келади. Бунинг маъноси шуки, у меҳнатнику қилган бир ишчи, лекин, меҳнат ҳаққини берувчи, хоҳлаганингча сўра, қанча керак? деб турганда, сўрашлик ёдига ҳам келмайди. Бундан ҳам улканроқ бирор бошқа ғафлат бўлиши мумкинми?

Аёллар ифторлик нарсалари ярим соат олдин тайёр қилиниб, дастурхонга қўйиб қўйилганини эрларига тушунтиришлари керак. Охирги ярим соатда биз ошхонада ўчоқ тепасида туришимиз ўрнига ва нималардир қовуриляпти, баъзан нималардир пишяпти, бу ишлар билан банд бўлиш ўрнига, ушбу охирги ярим соат ёки йигирма дақиқа жойнамозда ўтириб, Роббимизга дуолар қилиб олайлик. Аёллар уйларидаги барча ёш болаларни олдиларига ўтказиб олсинлар ва гуноҳдан пок болажонларга айтсинларки, улар ҳам қўлларини кўтариб дуо қилсинлар. Агар катталар гуноҳ қилган бўлсалар, ёш болалар гуноҳдан покдилар. Ким билсин, ушбу гуноҳдан пок қўллар кўтарилгач, Аллоҳ таъоло раҳм қилиб, сизнинг дуоларингизни қабул қилар.

Шунинг учун аёллар ифторнинг ушбу вақтларини қадрлашлари керак. Агар бирор уйда фақат биргина аёл бўлса ва у таом пишириши ҳам зарур бўлса, у ҳолда дуо қўл билан эмас, қалб билан қилинадики, шунга кўра, қўл иш билан машғул бўлсин ва сиз ушбу ҳолатда ҳам қалбингизда Аллоҳ таъолога дуолар қилаётган бўлсангиз, демак, сиз ҳам ушбу вақтда Аллоҳ таъолодан сўраган нарсангизга эриша оласиз.

Ҳазрати Зулфиқор Аҳмад Нақшбандий.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Байрам муборак қалби покларим,
Гўзалликда танҳо  моҳирўйларим.
Хонадон бекаси  бегойимларим,
Бегининг эркаси барчинойларим.

Бугун сизга бўлсин барча қутловлар,
Дунёнинг гўзаллари дилбар аёллар.
Пойингизга ташайин бори оламни,
Борми сиздек  гўзал ҳури ғилмонлар.

Сиз мени Онамсиз моҳитабоним,
Тунлар алла айтган гўзал фариштам.
Сиз мени қуёшим кўкдаги ойим,
Юзларидан ой балққан кўнгли сариштам.

Жаннат пойингизда сўзсиз-у бешак,
Сиз шундай самовий мафтункор ҳилқат.
Шоирлар лол қолиб бермиш ҳадялар,
Дона-и ҳолингизга шаҳри Самарқанд.

Сизни деб Мажнунлар сарсон чўлларда,
Ақлу ҳушларидан бўлиб бегона.
Фарходлар тоғ ошиб Ширин васлига,
Етмоқ истадилар бўлиб девона...

Сиз, "ўшами?"...қора қошлари қалам,
Отабегин куйдирган "анди".
Бир боқиши юрак бағрини тилиб,
Тошкент бегин қилганлар банди.

Мақтовлар кам бўлса мени кечиринг,
Дилда бўлса ғам  дарров ўчиринг.
Бугун байрам, шодлик майин ичиринг,
Не яхши тилак бўлса, тилга кўчиринг.

Яшанг ҳаётингиз  нурга тўлдириб,
Қучоғингиз доим гулга тўлдириб.
Ҳамроҳ бўлсин сизга ўтли муҳаббат,
Кулиб юринг дунёни бахтга тўлдириб!

Инобат Рўзибоева 💐💐💐

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

🌸Аёллар ва кизларимиз учун насихат

Нега бунча нолийсиз,
Қайнонам деб зулмкор.
Яхши келин уй сирин,
Кўчага қилмас ошкор.
Ўғли яхши экан-ку,
Нахот ёмон онаси.
Хафа бўлманг кизларжон,
Келди гапнинг хонаси.

Яшанг муроса қилиб,
Гар севсангиз эрингиз.
Хўп ойижон десангиз,
Ейилмас хеч ерингиз.
Урушса хам сўкса хам,
Хаққи бор у хам она.
Сизга сира ёмонлик,
Тиламайди ҚАЙНОНА.

Ахир ўғил ўстирган,
Яхши ният, ўй қилиб.
Хизматимни қилар деб,
Келин олган тўй қилиб.
Кам бўлмайсиз сира хам,
Дуосини олсангиз
Эшитмайсиз яхши гап,
Қовоғингиз солсангиз.

Иш буюрса беминнат,
Чопиб қилинг хизматин.
Доимо қўйиб қўйинг,
Ўз ўрнига хурматин.
Жон олинг ойижон деб,
Очиқ чехра юз билан.
Ишингизни битиринг,
Ширин калом сўз билан.

Эхтиёт бўлинг тилга,
Тил бошларни ейди-ку.
Хурматланг қайнонани,
Қайтар дунё дейди-ку.
Устиряпсиз ўғилни,
Ахир сиз хам онасиз
Хизматингиз ажрини,
Яратгандан оласиз


Ota ~ Onasini Qadrlaganlar Kanali

@MEXRIBONIM_OTAM_ONAM 🌸

БОР  БЎЛСИН  АЁЛ!..

Алладан бошланар асли бу ҳаёт,
"Она" сўзин айтар илк бор одамзот.
Жонидан жон олар, меҳридан бунёд,
Керакмас истисно, керакмас савол -
Бу ёруғ дунёда бор бўлсин аёл!..

Ҳатто пайғамбарлар туғилмас эди,
Не буюк даҳолар тил билмас эди.
Дашту саҳроларда гул унмас эди,
Ғайратидан гиёҳ топгайдир камол,
Бу ёруғ дунёда бор бўлсин аёл!..

Дейман, қон-қонидан бўлганми пайдо,
Фарзанд учун тунлар бехобдир гоҳо.
Зурёди бир тараф - бир тараф дунё,
Болам деб бағрига йўлатмас шамол,
Бу ёруғ дунёда бор бўлсин аёл!..

Рўзғорини ўйлаб куяр ҳар сафар,
У бор, билмайсан ғам, чекинар хатар.
Тандирда иссиқ нон, қозонинг қайнар,
Усти-бошинг башанг, уй-жойинг хушҳол,
Бу ёруғ дунёда бор бўлсин аёл!..

Оила сўзини уққан ҳам ўшал,
Турмуш деб жонга-жон суққан ҳам ўшал.
Ҳазрат Алишерни туққан ҳам ўшал.
Борлиқда энг гўзал - энг соҳибжамол,
Бу ёруғ дунёда бор бўлсин аёл!..

Ҳақ расули айтмиш: "Бағрингни тилгин,
Мукаррам зотларнинг қадрини билгин.
Аввало онангга яхшилик қилгин -
Жаннат оёғининг остида поймол"
Бу ёруғ дунёда бор бўлсин аёл!..

Мен кимман: бир далли, битганим ашъор,
Сўрсалар жонимни бермоққа тайёр.
Ҳар вақт "она" десам, кўнглимда баҳор,
Юзимда ёнар гул, тилларимда бол,
Бу ёруғ дунёда бор бўлсин аёл!..

...Дунёнинг шодлиги сиз учун она,
Боримизни берсак кам бўлар яна.
Кўнглимни таржима қиляпман мана:
Кўргани бахт бўлсин, топгани иқбол,
Бу ёруғ дунёда бор бўлсин аёл!..

Акрамжон АЗИЗОВ

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

BAXT nimα..?
Bu judα oddiy..!
BAXT bu - "bolαm
chαrchαmαdingmi" deb berilgan
sαvol..!
BAXT bu - sen uchun
qilingαn duolαr..!
BAXT bu - uygα kirgαningdα
mehribonlαringni
sαlomingα αlik olishi!
BAXT nimα..? Bu juda oddiy..!
BAXT bu - yαrim metrli
odαmchα..!
BAXT bu - uydα sochilib yotgαn
o'yinchoqlαr, divαndαgi
pechenye
ushoqlαri..!
BAXT bu - Xudodαn
so'rαgαningdαn ko'rα
shukuringni ko'proq bo'lishi..
BAXT bu - OTA ONA sog'ligi,
"dαvomchingni" borligi..!
BAXT bu - OILA
BAXT bu - Men
BAXT bu - Siz
BAXT bizning borligimiz..!

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

#ПРЕМЬЕРА

🔥ОНА...

Қўлимда не бўлса айлайман тортиқ,
Розиман шу билан қилса тантана...
Жисмингиз авайлаб жонимдан ортиқ,
Мен сизни дардларга бермайман Она...

Сочингиз оқидан кўзимда намлар,
Кўнглимнинг четида битмайди камлар,
Минглашиб келса ҳам аламлар ғамлар,
Мен сизни дардларга бермайман Она...

Ҳассангиз ўзимман тоғингиз ўзим,
Гоҳида қалбдаги доғингиз ўзим,
Мехрдан яралган боғингиз ўзим,
Мен сизни дардларга бермайман Она...

Ажинлар кўпайса парволар қилманг,
Томирлар бўртганин назарга илманг,
Доимо ёшман денг қарилик билманг,
Мен сизни дардларга бермайман Она...

Қадрингиз билмасам гуноҳ бўлгандай,
Шундай гуноҳларга гувоҳ бўлгандай,
Киприклар кўзларга паноҳ бўлгандай,
Мен сизни дардларга бермайман Она...

Қўлимда не бўлса айлайман тортиқ,
Розиман шу билан қилса тантана...
Жисмингиз авайлаб жонимдан ортиқ,
Мен сизни дардларга бермайман Она...

📝Муаллиф: Зоҳид Зиё...

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Аллоҳ  сизни  сийласин
🌹🌹

Бу  дунёда  бўлинг  омон,
Ризқингизни  қиймасин,
Мушкулингиз  қилиб  осон,
Аллоҳ  сизни   сийласин!

🌹🌹

Аллоҳ  қўллаб  вақтида,
Пуллар  келсин  нақдида,
Тирикликнинг  тахтида,
Аллоҳ  сизни  сийласин!.

🌹🌹

Ёқмай  ёмон   қораси,
Янграб  қувонч  наъраси,
Бўлиб  дўстлар  сараси,
Аллоҳ  сизни  сийласин!

🌹🌹

Қўлда  доим  созингиз,
ҳуш  ёқар  шўх   овозингиз,
Сўйланг  кўнгил  розингиз,
Аллоҳ  сизни   сийласин!

🌹🌹

Ичингиз  ғам  емирмасин,
Дилингизни  кемирмасин,
Ташвишлар  ҳеч  семирмасин,
Аллоҳ  сизни  сийласин!

🌹🌹

Бекаму  кўст  тахт  бериб,
Ҳеч  сўнмаган  аҳд  бериб,
Омад  бериб , бахт  бериб,
Аллоҳ  сизни  сийласин!

🌹🌹

✍  Бахтиёр  Хасанов  📚📚

7.11.2022  й

Ota ~ Onasini Qadrlaganlar Kanali

@MEXRIBONIM_OTAM_ONAM 🌸