Telegram-канал "Abdulloh Rasuljanov" — @abdullokh_rasuljanov

Abdulloh Rasuljanov

7 Dec, 13:27

Репост из: Bek Olimjon

O’zbekiston chet elga talaba yuborish bo’yicha dunyoda 3-o’rinda ekan. Xitoy va Hindistondan keyingi o’rinda. (1)

Agar bu ko’rsatkich har bir davlat aholisiga nisbatan qaralsa O’zbekiston 1-o’rinda bo’ladi.

Men 2010-yilda Shvetsiyaga o’qishga kelganimda ota-onam juda ko’pchilik qiladigan xatoni qilishmagan.

Mendan uyga pul yuborishimni hech ham so’rashmagan. Shu sabab menda uyga pul yuborish bosimi bo’lmagan. Natijada vaqtimni o’qishga qarata olganman.

Bu juda muhim.

Bolasini chetga o’qishga yuborayotganlardan iltimos qilib so’rar edim:
«Bolangiz o’qigani ketgan bo’lsa undan pul yuborishini emas, mutaxassis bo’lishini talab eting»

Agar pul jo’nat desangiz hozir 1-2 yil mayda ishlarda ishlab 10-15 ming dollar topadi, o’qishni tugatib tuzuk ish topa olmay yo qaytib ketishga majbur bo’ladi yoki illegal bo’lib yashirinib yuradigan bo’ladi.

Rivojlangan davlatlarda mutaxassisga ehtiyoj kundan-kunga oshib bormoqda. Mutaxassis bo’lsin, pul uni ketidan quvadi.

Shunda sizga o’sha mashina ham bo’ladi, uy ham bo’ladi, to’y ham bo’ladi.

Shularga qo’shilib o’z atrofidagilirini oyoqqa turishiga yordam beradi. Jamiyatga yordam beradi.

Haqqingizga duo olib keluvchi bo’ladi.

Faqat sizdan farzandga bo’lgan ishonch, ruhiy ”podderjka” va ozgina sabr kerak xolos.

Bek Olimjon
07.12.2024
Norvegiya

85 0 1

Abdulloh Rasuljanov

30 Nov, 19:05

#book

"1984" - Jorj Oruell

Insoniyat tarixidagi eng muhim kitoblar ro'yxatida ko'pincha o'ntalikda keladigan ushbu durdona mening badiiy adabiyotlar ro'yxatimda 1-raqamli asar.

Oruell syujetda 2-jahon urushidan so'ng qurollanish poygasi, sovuq urushga qayta tayyorgarlik ko'rayotgan jamiyatni qay tarafga ketyatganini tasvirlaydi. Chirkin g'oyalar ustiga qurilgan tuzumlarning asl mohiyatini qiyoslarga ko'chiradi. Shu sababdan sobiq ittifoq va ko'p davlatlarda qora ro'yxatda turgan. Yozuvchi hatto o'z yurtida ta'qibda yurgan.

Sababi - u o'z asarida texnokratlashgan avtokratiya tizimining hamma illatlarini ochib tashlagan. Insonni qanday manqurtga aylantirishiyu, uni inson qilib turuvchi ong va hislardan qanday mahrum etilishini yoritgan.

Seni tunu-kun kuzatadigan,
hatto nima o'ylayatganingni nazorat qiluvchi hokimiyatdagi hayotni his qildiradi. Ayniqsa o'zbek jamiyati uchun o'qilishi shart asar.

O'zim ham qayta o'qib chiqdim. Ancha-muncha siyosiy darsliklardan ko'proq narsa beroladi.

@abdullokh_rasuljanov

189 1 1 2

Abdulloh Rasuljanov

11 Nov, 17:40

#shunchaki

Hayot poygamas, sayohat

Inson hayoti qarorlardan iborat. Qarorlarni baholash orqali tanlaydi, qabul qiladi. Baholashni esa solishtirish orqali. Ya'ni har narsani taqqoslab ko'rish inson tabiatida bor.

Lekin o'z hayoti, muvaffaqiyatlarini o'zgalarni natija bilan taqqoslash insonni hamisha baxtsiz qiladi. Sababi hayot poygamas, biz o'zimizni solishtiryatganlarimiz esa raqibmas.

Lekin inson tabiati bo'lgani uchun taqqoslash yo'qolmaydi. Yechim - o'zini kechagi o'zi bilan taqqoslash. Mana shu haqiqiy kurash.

Kimdir bugun, kimdir ertaga, kimdir tug'iliboq qaysidir natijaga ega bo'ladi. Start chizig'i hammada har xil. Hayotga sayohat deb qara. Kimdandir o'tma, o'zingdan o't. Kimnidir yengma, o'zingni yeng.

Xullas sayohatda mag'lublar yo'q. Poygada bir kishidan tashqari hamma mag'lub.

@abdullokh_rasuljanov

188 0 0 2

Abdulloh Rasuljanov

5 Nov, 17:30

#book

"Facftfulness" - Hans Rosling

Inson birlamchi ehtiyojlari qonganidan so'ng atrofi haqida ko'proq qiziqa boshlaydi. Lekin bugungi dunyo haqida qanchalik bilamiz?

Dunyoda qancha kambag'al bor, aholi soni nega o'smoqda, qizlarning qanchasi ta'lim olmoqda kabi insoniyat uchun muhim savollarga to'g'ri javob beradiganlar 30% ham chiqmaydi.

Sababi insonda dunyo haqida yanglish taassurot uyg'otuvchi instinktlar mavjud. Kitobda ana shu instinktlar, nega dunyo haqida ko'p fikrlarimiz noto'g'ri ekani ochib beriladi.

Muallif ham ayni soha gurularidan. Oxirgi marta "Why nations fail" kitobini o'qiganimda dunyoga oid bilimlarim keskin xatoligini tushungandim. Bu ikkinchisi bo'ldi. Qattiq tavsiya qilaman. Faqat ogohlantiray, mavjud bilimlaringizni ko'pini asosli inkor qiladi.

P.s: Kitobda farzand ko'rish mavzusidagi fikrlargagina qo'shilmayman. Qolgan bari asosli fikrlar menimcha.

@abdullokh_rasuljanov

180 0 1

Abdulloh Rasuljanov

31 Oct, 17:48

Репост из: Ikboljon Sobirov

Maʼlumotlarni oʻz foydamizga moslashtirish tuzogʻi

Bugungi kunda cheksiz maʼlumotlarga ega ekanimiz sabab, ularni talqin qilish uslubimiz ham oʻzgargan. Ilmiy dunyodagi oltin qoida koʻra, biz "Maʼlumotlarni gʻoyaga moslashtirmaslik, balki gʻoyani maʼlumotlarga moslashtirish" lozim. Ammo hozirgi kunda jarayon koʻpincha shaxsiy fikrdan boshlab, soʻng uni tasdiqlaydigan maʼlumotlar qidiruviga oʻtildi. Bu yondashuv koʻproq haqiqatni anglashdan koʻra, bizga yoqadigan narsani topish kabi tuyiladi, shuning uchun hozirgi qarashlarimizni tasdiqlaydi va yangi narsalarni o‘rganishga undamaydi.

Masalan, salomatlik haqida fikr yuritsak. Kimdir aniq bir parhez eng yaxshi ekaniga ishonishi mumkin. U keng qamrovli tadqiqotlarni oʻrganib, natijalarga koʻra oʻz fikrini shakllantirish oʻrniga, faqat oʻz fikrini tasdiqlaydigan maqolalar, forumlar yoki hikoyalarni qidiradi va qarama-qarshi dalillarni inkor etadi yoki eʼtiborsiz qoldiradi. Bu yondashuv ochiq fikrlilikdan yiroq boʻlib, maʼlumotlarni oldindan shakllangan qarashlarga moslash uchun ishlatadi.

Maʼlumotlarni oʻz fikrlarimizga moslashtirish — nozik tuzoq. Bu kuchli motivatsiya beradi, chunki, axir toʻgʻri statistika bilan deyarli har qanday fikrni "isbotlash" mumkin. Ammo bu bizning tushunchamizni toraytirib, oʻzimizni tasdiqlash halqasida ushlab qoladi. Maʼlumotlarga toʻla dunyoda haqiqiy qiyinchilik (va asl qadr) maʼlumotlarni bizga xolisona gapirishiga imkon berishdir. Allaqachon ishonayotgan narsamizni tasdiqlashga majburlash emas.

126 0 0 1

Abdulloh Rasuljanov

29 Oct, 17:30

#foydali

Immunitet

Inson kasallikka uchraganda immun tizimi unga qarshi kurashadi. Dorilar ham o'sha tizimga yordamchi.

OITS ham birdaniga o'ldirmaydi. Immunitetni kuchsizlashtirib boradi va inson oddiy grippni ham yengolmay vafot etishi mumkin. Ya'ni immunitet o'lsa odam uzoqqa bormaydi.

Immunitet faqat jismoniyat bilan bog'liqmas. Ruhiy immunitet ham bor. Ruhiyatga bo'ladigan zarbalarga oldindan shakllantirilgan ruhiy immunitet orqali qarshi turiladi.

Dunyoni turli burchaklarida arzimagan sabablar bilan qilingan suitsidlar ham ruhiy immunitet yo'qligidan. OITSga chalingan odam yengil grippdan halok bo'lsa, ruhiyati zaif odam kichik stressdan ham o'lib ketadi.

Inson aql, tana va ruhdan iborat ekan, har biriga immunitet kerak. Biri o'lsa boshqasi uzoqqa bormaydi. Immunitetni kuchaytiring.

@abdullokh_rasuljanov

141 0 1 2

Abdulloh Rasuljanov

29 Sep, 17:31

#foydali

Fikr, g'oya defitsiti

Bugun blog yuritish ommalashgan va bu yaxshi. Bir vaqtga kelib odamda aytadigan gapiyam, ko'rsatadigan narsasiyam tugaydi. Yangilari paydo bo'lguncha vaqt o'tadi.

Shu jarayonda ko'pchilik davomiy kontent ortidan quvib, sifatni unutadi. Ko'p bloglarni ko'rasan, yaxshi kontent qilyatgan joyda ikkita artistni munosabati muhokamasiga o'tib ketadi. Umuman aqli yetmagan mavzularda gapirishni boshlaydi. Asosiy maqsadidan chalg'iydi.

Bu payt tanaffus olish kerak. Balki butunlay ijtimoiy tarmoqdan. Yangi fikrlar va g'oyalar o'z ustida ishlash orqali keladi. Blog boshqalarga foydali narsa berish orqali qancha foydali bo'lsa, ularni vaqtini bekorga olmaslik orqali ham shunchalik foydali.

Odam gapirmaganlaridan ko'ra gapirganlariga ko'proq afsus qiladi. Ko'rsatadigan narsang bo'lmagan payt ko'rinmaganing, gapiradigan gaping bo'lmagan payt sukuting eng yaxshi kontent.

@abdullokh_rasuljanov

275 0 0 9

Abdulloh Rasuljanov

20 Sep, 18:00

#foydali

Mo'rtlik

Mo'rtlik xususiyati deyarli barcha jismlarda uchraydi. Qaysidadir kam, qaysidadir ko'p. Bu tushuncha jonsiz jismlarda qanday ma'no bildirsa, odamdayam shunday.

Qisqacha aytganda, mo'rtlik - tashqi ta'sir kuchiga nisbatan bardoshsizlik. Tashqi kuch bir narsani qanchalik oson deformatsiyaga(sinish, parchalash, bukish) uchratsa, jism shuncha mo'rt bo'ladi.

Bir inson ruhiyatigayam tashqi kuch qanchalik oson ta'sir o'tkazolsa, uning ruhiyati shunchalik zaif bo'ladi.

Seni jahlingni qanchalik oson chiqarolishsa, shunchalik asabiy zaifsan. Qancha oson hissiyotlarga berilib qaror chiqarsang, shuncha ruhiy zaifsan. Boshqaruv kimdalligini o'zing hal qilishing kerak, tashqi ta'sir emas.

Sening ruhiy kuching - senga tegishli hislarni qanchalik nazorat qilolishingda. Oson hissiyotga berilma, oson jahling chiqmasin, osonlikcha kulma.

Mo'tadil bo'l. Na qarorolaringni hissiyotga ishonma, na o'zing hissiyotsiz tosh bo'lma. Oltin o'rtalikni ushlash boshi bo'lishdan ham, oxiri bo'lishdan ham qiyin va muhim.

@abdullokh_rasuljanov

287 0 1 3

Abdulloh Rasuljanov

15 Sep, 18:45

#foydali

Instinkt ko'pincha aldaydi

Istalgan odamdan tish yemirilishi yoki avtohalokatdan o'limlar soni rivojlangan davlatlarda ko'pmi yoki kambag'allaridami deb so'rasang, katta ehtimol qashshoq davlatlarda deydi.

Javob esa o'rta qatlam davlatlarida.Tish yemirilishining asosiy faktorlaridan biri - shirinlik iste'moli. Aholi daromadi oshsa, shirinlik yeyishi o'z-o'zidan ko'payadi. Rivojlangan davlatlarda ommaviy kurashish uchun resurs yetarli, kambag'al davlatlarda esa shirinlikka imkoniyat kam. Shu sababdan kambag'al va rivojlangan davlatlar bolalarida tish yemirilishi kamroq.

Yoki avariyadagi o'limlar. Qashshoq davlat aholisida avtomobilga mablag' yo'q. Rivojlangan davlatlarda esa yo'llar, infratuzilma yaxshi. O'rta qatlam davlatlarda mashinaga pul yetarli, lekin davlat sifatli yo'llarni ta'minlolmaydi. Shu sababdan o'rta qatlamda avtohalokatdan o'lim ko'p.

Hayot sen o'ylagandan murakkabroq. Hodisaga aloqador faktorlar esa ko'p. Xulosaga shoshma.

P/s: Rasm Facftfulnes kitobidan.

@abdullokh_rasuljanov

242 0 0 1

Abdulloh Rasuljanov

11 Sep, 17:30

#tavsiya

Hujjatli filmlar

1. "The Social Dilemma" - butun dunyo o'rgimchak to'rining xavfli nuqtasi - ijtimoiy tarmoqlar qarmog'iga ilingan odamzot haqida. Ijtimoiy tarmoqlar qanday qilib seni boshqarishi, senga qanchalik ta'sir o'tkazishini, uni yaratilishida bevosita qatnashgan mutaxassislardan eshitasan. "Ijtimoiy tarmoq = ijtimoiy qarmoq" ekanini tushunasan.

2. "Minimalism" - minimalizm falsafasiga asoslangan hayot tarzi qanday bo'lishi haqida. Buyumlar bilan to'lib borsada baxtsizlashib boryatgan yashash tarzini keskin o'zgartiruvchi keyslar berilgan. Minimalizmning inson hayotiga ta'sirini anglasa bo'ladi.

3. "Objectified" - odamzotni qurshab turgan har bir buyum, detal shakli, rangi, ko'rinishi qanday yuzaga kelishi haqida. Arzimagan ko'ringan detallar dizayni inson hayot tarzini qanchalik qulaylashtirishi mumkinligi ko'rsatilgan. Suhbatlar sohadagi eng nomdor dizaynerlar bilan olib boriladi.

4. "The Fantastic Mr.Feynman" - betakror tafakkur sohibi, Nobel laureati bo'lgan fizik olim Richard Feynman biografiyasi. Uning soddalashtirish metodikasi, favqulodda noyob fikrlash tarziga sabab bo'lgan bir qancha voqeliklar xronologik yoritib boriladi. Asosiy qismi shaxsan Feynmanning o'z og'zidan hikoya qilinadi.

@abdullokh_rasuljanov

254 0 1

Abdulloh Rasuljanov

9 Sep, 17:31

#foydali

Aksar tushunchalar xato

Hamma o'z fikrini to'g'ri deb hisoblaydi. To'g'ri deb bilgani uchun ham ularni o'z fikri sifatida tan olgan. Lekin keng tarqalgan tushunchalarning ko'pincha aksi to'g'ri bo'ladi.

Dunyo yomon tarafga qarab ketyapti, kambag'allik ortyapti deb hisoblaymiz. Aslida statistikalar mutlaqo aksini ko'rsatadi.

Biror savol yoki muammoga darhol javob beravergan odamni aqlli sanaymiz. Haqiqiy aql egalari esa vaziyatni tushunmaguncha gapirmaydilar.

Jahl kelganda istalganini qilolgan odamni ko'pchilik kuchli hisoblaydi. Aslida jahlini boshqara olgan kuchli, jahliga bo'ysungan emas.

Hayotini har qadamini namoyish qilyatgan odamlarni baxtli hayot kechiryapti deb o'ylaymiz. Baxtlilar esa baxt yashirin hayotdaligini biladi.

Mashinasi, soati, uylarini namoyish qilyatganlar boy deb o'ylaymiz. Haqiqiy boylar esa mulkini deyarli namoyish qilavermaydi.

Ilm fikringni aksini ko'rsatganda qabul qilolish muhim. Yo'qsa johilligingcha qolasan. Haq xabar kelganda qabul qilolmaganlarni holi esa hammaga ma'lum.

@abdullokh_rasuljanov

287 0 2 1

Abdulloh Rasuljanov

6 Sep, 17:40

#foydali

Diqqating = boyliging

Bugun deyarli barcha ijtimoiy tarmoqdan foydalanadi. Lekin nega ular tekin? Nega tekin bo'lsada ko'p daromad topishadi?

Javob oddiy. Ular reklama kompaniyalariga sening fokusingni, vaqtigni sotishadi. Senga nima qiziqligini maksimal aniq taxmin qilish uchun harakatlaringni tinimsiz o'rganadi. Qulay payt topganda reklamalar orqali ta'sir o'tkazadi.

Sen akkountingni boshqaryapman deb o'ylayatgan payting, ular seni boshqaradi. Deyarli barcha ijtimoiy tarmoq algoritmlari shu asosga qurilgan.

Sababi gigant ijtimoiy tarmoqlarni qurishda dasturchilardan kattaroq ish bajaradigan mutaxassislar bo'ladi. Social engineerlar. Ular bir vaqtda inson psixologiyasini yaxshi tushunadi va uning xulq-atvorini o'zgartiroladigan narsalarni algoritmlarga o'tkazadi. Senga bildirmagan holda senga ta'sir o'tkazishni boshlaydi.

Azaldan kamyob narsaga ko'p to'lanadi. Raqamlashgan davrda esa eng kamyob narsa - diqqat. Asosiy qiymatingni arzonga sotma. Unutmaki, mahsulotga to'lamayatgan bo'lsang, mahsulot o'zingsan.

@abdullokh_rasuljanov

811 2 6

Abdulloh Rasuljanov

3 Sep, 17:30

#book

1. "Ifor" (Parfumer) - Patrik Zyuskind

Navoiyni o'qigan oddiy odam qiziq voqealar bayonidan rohat olsa, tajribali o'quvchi kattaroq - komillikka harakat voqealarini anglaydi. Ifor ham shunday yozilgan. Oddiy o'quvchi bir qotillik qissasini o'qisa, ziyrak kitobxon insoniyat tomonidan mehr ko'rmagan bolakayni qanday shaxs bo'lib yetishishini, ichki tanazzul eng katta fojea ekanini o'qiydi. Yozuvchi juda qiziq syujet orqali insoniyatni ma'naviyatidagi badbo'yliklarni ochib tashlaydi. Tashlandiq bolakay hayoti orqali butun insoniyatni yuziga oyna tutadi.

2. "Skafandr va kapalak" - Jan-Dominik Bobi

Faoliyatini ayni gullagan payti, 44 yoshida falajlikka chalingan dramaturgning faqat miyasi va bir ko'zi ishlashda davom etadi. Kitob ana o'sha bir ko'zini yumib-ochish orqali logoped yordamida yozilgan. Kitob odamga shukr hissi naqadar begona ekani, atrofdagi ne'matlarga qanchalik befarq ekanini anglatadi. Lahzalar qadrini tushuntiradi. Shukronaga qattiq undaydi.

@abdullokh_rasuljanov

280 0 1 9

Abdulloh Rasuljanov

1 Sep, 17:30

#foydali

O'zagadan kamroq, o'zingdan ko'proq kut

Odam tashqaridan o'ziga ko'p narsa kutadi. E'tibor, sovg'a, mehr. Qachonki real voqelik kutilgan voqelikdan past bo'lsa, insonda qoniqmaslik, tushkunlik yuzaga keladi. Ya'ni olgani kutganidan kam bo'lsa.

Bayramga akangdan iPhone 15 kutganingda, akang iPhone 14 sovg'a qilsayam hursand bo'lmaysan. Garchi olganing ko'pchilikka orzu bo'lsa ham. Agar 13 model kutgan bo'lsang natija aksi bo'ladi, holat o'zgarmasada.

Boshqa keys. 3 baho kutganding 4 chiqdi. Hursand bo'lma. Ta'sir o'tkazish qo'lingda bo'lgan narsalarda kattarog'ini ko'zlashing kerak edi.

Natijasi senga deyarli bog'liq bo'lmagan holatlarda doim kamroq kut. Yakunda yutasan nima bo'lsa ham. Natijasi senga bog'liq bo'lgan holatlarda ko'prog'ini ko'zla. Negaki natijaga bevosita ta'sir qilolasan.

Baxtning qoidasi shu. O'zingdan ko'proq, o'zagadan kamroq kut.

@abdullokh_rasuljanov

358 0 3 4

Abdulloh Rasuljanov

29 Aug, 17:05

#foydali

Bizning davrlar boshqacha edi

Deyarli barcha o'zi tug'ilgan, ulg'aygan davrini eng yaxshisi deb biladi, kuchli nostalgiyani his qiladi.

Avstriyalik Nobel laureati bo'lgan zoolog Konrad Lorenzning tajribalari shunday holatlar sababini yoritib beradi.

Unga ko'ra, g'oz bolalari tuxumdan chiqiboq birinchi qimirlagan mavjudotni onasi deb biladi. Tug'ilganlarida Konradni ko'radi va o'z onasi deb o'ylab unga ergashadi. Harakatlariga, tovushlariga taqlid qiladi. Juft tanlashga kelganda ham o'zlari onasi deb o'ylagan mavjudotga o'xshash mavjudotlar orasidan qidiradi.

Bu holat chaqaloqlarda ham kuzatiladi. Ular o'zlari dastlabki davrda anglagan bilimlarini to'g'ri deb o'ylaydi, garchi noto'g'ri bo'lsa ham.

"Bizning yoshlik davrlar boshqacha edi" yoki "SSSR payti zo'r edi, arzonchilik" deydiganlarni barchasi yuqoridagi psixologik jarayon ta'sirida fikrlaydi.

Fikrlari to'g'ri bo'lmasada, ko'z ochib ko'rgani shu. Shuning uchun inson birinchilarini ideallashtirishga moyil, o'zgarishlarni qabul qilishi esa qiyin.

@abdullokh_rasuljanov

241 0 0 2

Abdulloh Rasuljanov

25 Aug, 17:05

#foydali

Senga o'rgatdimi, kompyutergayam o'rgatadi

Ko'nikmalar turlicha. Soft skillar, hard skillar va hokazo. Shundaylari borki ularni o'rgansa bo'ladi, o'rgatib bo'lmaydi. Masalan, farosat, kreativ fikrlash, hazil hissi.

Ko'nikmalar ham inson harakteriga qarab turli tezlik va yo'nalishda rivojlanadi. Kishi harakteriga xosroq ko'nikmalarni boshqalarga qaraganda tezroq o'zlashtiradi.

Masalan, aniqlik va tartibni yoqtirgan odam matematikani xaosda o'zini erkin his qiladiganlardanga nisbatan tezroq o'rganishi mumkin.

Shaxsiy rivojlanishda tezroq o'sish uchun o'zgalardan ko'ra senga ko'proq berilgan hislatni aniqlash kerak. Shaxsiy yondashuv qo'shilishi uni noyob ko'nikmaga aylantiradi. Insonni texnologiyadan afzalligini ta'minlaydi.

Agar sendagi hamma ko'nikmalarni senga o'rgatishyatgan bo'lsa, ertaga ularni kompyutergayam o'rgatishadi. O'shanda temir qutidan farqing qolmaydi.

@abdullokh_rasuljanov

366 1 1

Abdulloh Rasuljanov

18 Aug, 18:35

#book

"Gruziya muvaffaqqiyatga qanday erishdi?" - Larisa Burakova

SSSR changalidan korrupsiya va jinoyatga botgan holda chiqqan Gurjiston asr boshida jiddiy reformalarga uchraydi.

Hukumat tepasiga kelgan siyosiy elita xususiylashtirish, soliq, qurilish, sog'liqni saqlash kabi deyarli barcha sohani 0 dan qayta quradi. Korrupsiya darajasini deyarli eng past ko'rsatkichga, biznes qilish sharoitini esa maximal ko'rsatkichga yetkazadi.

Bir necha o'nlab nima qilishinida bilmaydigan vazirlik va agentliklar tugatiladi. Davlat sektoridagi ishchilar soni haddan tashqari keskin kamaytiriladi.

Davlat ko'pchilikka kam to'lashdan, kamchilikka ko'p to'lashga o'tib intellektual qatlamni hukumat ishlariga jalb qiladi. Deyarli barchasi o'zini oqlaydi.

Kitobda barcha islohotlar statistikalar bilan tahlil qilingan. Biroz ilmiyroq ekanini hisobga olmasa, juda qiziq. Huddi "Why nations fail" kitobidagi fikrlarni bir davlat misolida ko'rinishi. Yurtimiz kelajagida nimadir qilolishimizga umidlantirdi.

@abdullokh_rasuljanov

429 1 2 3

Abdulloh Rasuljanov

15 Aug, 17:40

#shunchaki

Hamma takani shoxi bor

Maktab payti bir hikoya o'qigandim. Nomi esimda yog'u, syujet esimda. Boshidan shox turtib chiqqan uloqcha buni o'zining kamchiligi deb o'ylaydi. Boshqalarni ko'ziga qarashdan uyalib, faqat yerga qarab yuradi.

Butun hayolini egallagan fikr - atrofdagilar uni ko'rinishi haqida nima deb o'ylayatgani bo'ladi. Bir kun oxiri boshini ko'tarib atrofga qarashga qaror qiladi.

Qarasa atrofda hamma echkilar shoxidan uyalib, boshqalar bu haqida nima deb o'ylashidan qo'rqib boshini egib yurgan bo'ladi.

Bu bizning bugungi holatimizdek. Bir ish qilyatganda, biror fikr bildirganda boshqalar biz haqimizda qanday o'ylashiga bog'lanib qolganmiz. Tashqaridagi ko'zlar bizni qanday ko'rishi eng muhimidek.

Haqiqat esa shu. Sen atrofdagilar sen haqingda nima deb o'ylashini o'ylayatgan payt, ular o'zlari haqida boshqalar nima deb o'ylayatgani o'ylayapti.

Echkida shox tabiiy bo'lganidek, insonda ham xatolar tabiiy. Xato qilsang takrorlamaslik muhim, boshqalarni xatoing haqida nima deb o'ylashimas. Ular sen haqingda o'ylamayapti baribir. Ularga o'zini shoxi qiziq.

@abdullokh_rasuljanov

309 0 1 1

Abdulloh Rasuljanov

13 Aug, 17:15

#foydali

Maydalari ahamiyatliroq

Kundalik hayotda ko'p mayda detallarga e'tibor berilmaydi. Ana shu mayda detallar vaqt o'tgani sari natijaga jiddiy ta'sir qila boshlaydi.

Rasmda oddiy matematika. Bir yil davomida kimdandir atigi 0.01% ko'proq harakat qilsang, yil oxirida undan 37.7 baravar yaxshi natijada bo'lasan.

Ko'p o'quv markazlarda bir narsani kuzatyapman. O'quvchi sig'imini oshirish uchun xonalarni zich va derazasiz loyihalashyapti. Tor va derazasiz xonada kislorod tanqisligi boshlanadi.

Kislorod yetishmovchiligi oqibatida miya juda tez xarob bo'ladi. O'quv markaz iqtisodiga son muhimdir, lekin yuqoridagi holatda sifat aniq yo'qoladi.

O'quvchi yetarli kislorodsiz xonada uyqusiraydi, chalg'iydi, konsentratsiyani yo'qotadi. Qarabsizki, potensiali 100 ballik o'quvchi noto'g'ri loyihalangan xonada o'qish sabab 60-70 ballik natija ko'rsatishi mumkin.

Ko'rinishidan arzimas sabablar natijaga katta ta'sir qiladi. Mayda narsalar ko'ringanichalik maydamas.

@abdullokh_rasuljanov

199 0 0

Abdulloh Rasuljanov

8 Aug, 17:30

#book

"Dahriyning ibodati" - Onore de Balzak

Kitob realizm janrining oldi vakillaridan bo'lgan fransuzni "Gobsek" qissasi va boshqa hikoyalarini jamlagan.

XIX asr Fransiyadagi burjuaziya bilan bog'liq ijtimoiy va ahloqiy muammolarni yoritgan yozuvchi, inson va boylik, odamlar munosabatidagi uning o'rnini qiziqarli syujet orqali ochib bergan. Bir-ikki fransuzcha atamalarni aytmaganda o'qish juda qulay.

Hikoyalarining biri ko'zini ko'r qilgan maqsad yo'lida qaylig'i bilan munosabatini garovga tikkan yosh rassom haqida bo'lsa, boshqasi yaxshiliklar orqali ibodatga bel bog'lagan dahriy doktor haqida so'zlaydi.

O'z davri muammolarini puxta yoritarkan Balzak insonni o'ta sinchkov nigohli qilib qo'yadi. Sababi uning o'zi kuchli kuzatuvchi bo'lib, voqea tasvirlarini ko'z qorachig'ing ichiga chizib qo'yadi.

Kitob hayot faqat yaxshi va yomon odamlardan iboratmasligini, biz qandayligini tushunolmaydigan, na oq, na qora shaxsiyatlar ko'pligini lo'nda tushuntiroldi.

@abdullokh_rasuljanov

241 0 0

Postal

Продам канал с доходом 138090

Abdulloh Rasuljanov

Гео и язык канала

Категория

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

Abdulloh Rasuljanov

119

Популярное в канале

Язык сайта

Postal

Продам канал с доходом 138090

Abdulloh Rasuljanov

Гео и язык канала

Категория

119

Популярное в канале