Azimjon's Fikrlog

Ishonch tizimi (belief system)

Qilayotgan ishlarimiz, o'ylayotgan fikrlarimiz barchasi ortida ongimiz qarida ko'milgan voqea/hodisalar, eshitganlarimiz, ko'rgan-kechirganlarimiz yotadi.

Manabu opa-singilga bolaligida oyisi

shakar yeb ustidan dieta kola ichsang yuvib ketadi

deb aytgan. 20 yil o'tib, ko'milgan urug' kaaatta daraxtga aylangan. Tom ma'noda.

10 yil ilgari ishonganlarimiz bugun haqiqat. Qanday urug'lar eksak, vaqt o'tib o'sha mevani terib olamiz.

Siz nimaga ishonasiz?

Toshkentga kelganimda odatda faqat metroda yuraman, onda-sonda taksiga chiqaman.

Kuni kecha taksida
Notanish haydovchi:
- ha toybola, maktabdan qaytyapsizmi?

10,000

Pul haqida.

@fikrlog da hech pul haqida yozmadim - bu birinchisi.

Pulsiz ham ko'p narsaga erisha olish mumkinligiga ishonaman. Sifatli ta'lim olish, til & kasb o'rganish, sog'lom turmush tarzi qura olish va hattoki dunyo bo'ylab sayohat qilish mumkinligiga.

Noto'g'ri tushunmang, bu gaplar pul topish kerak emas degani emas. Pul toping. Ammo pul ishlatmay maqsadga erisha olish, maqsad mazmunini oshiradi.

Hozirgacha,
16 yoshimda - birinchi $1K
20 yoshimda - birinchi $10K
24 yoshimda - birinchi $100K topdim.

Qancha topganimdan ko'ra qanday topganim va uni nima uchun ishlatayotganligim ahamiyati kattaroq.

16 yoshimda topgan $1,000ga macbook olmoqchi bo'lganman. Ekrani singan macbook air ham bermagan o'sha vaqtda. Keyin $450ga HP laptop olib, qolganini opamning universitet kontraktini to'lashga ishlatganmiz.

20 yoshimda topgan $10,000ning hammasi Polshada bakalavr o'qishim uchun ketdi. Bir qancha vaqt 1 kunda 1 mahal ovqatlanib, 8 kishi bilan bir xonada yashashimizga ham to'g'ri kelgan.

24 yoshda Amazonda 1 yilda ishlab topgan pul bilan esa 42.uz ustida ishlashni boshladik, hozirgacha $16k dan ortiq xarajat qilibmiz. 2025-yil uchun ham rejalarimiz 10x kattaroq.

Maqsad pul topish emas, balki maqsad uchun pul ishlatish.

Darrov bir yil bo’pti.

2024-yil tugashiga @qirikki kun qoldi

Nimadir qilishga arzisa...

Yurishni o'rganish arziydimi? Unda 100 marta yiqilish arziydi.
O'qishni o'rganish arziydimi? Unda harflab sekin o'qish arziydi.
IELTS olishga arziydimi? Unda birinchisida 5.5 olishga arziydi.
Universitetni bitirish arziydimi? Unda qayta topshirishga arziydi.
Ishga kirish arziydimi? Unda 100 marta rad javobini olish arziydi.
Dastur qurishga arziydimi? 1-versiyasi oddiy bo'lsa ham arziydi.
Maqola yozish arziydimi? Unda 1ta so'z bilan boshlash ham arziydi.

Nimadir qilishga arzisa, birinchisida yomon qilishga ham arziydi.

Nimadir

10 yil.

2014: Westminster litsey imtihonidan yiqildim
2016: IELTSdan 6.0 bal oldim (speaking: 5.5)
2017: Inha universitetiga 4-o'rinda kirdim
2018: Universitetdan ketdim - qimmatlik qildi
2018: Ta'limga oid startup - tajriba yetmadi
2018: Ish topdim (workly) - 3 oyda haydaldim
2019: Varshavaga o'qishga kirdim - viza kechikdi
2020: Universitetdan 2-marta ketdim, pandemiya
2021: Yandex, Bloomberg - suhbatdan yiqildim
2022: Facebook (Meta) da amaliyot o'tadim
2023: Amazonda 1 yildan so'ng, ishdan ketdim
2024: PJAIT universitetini qizil diplomga bitirdim
2024: 9-5 Googleda ishlab, 5-9gacha 42.uz da
2025: 42.uz da 10,000+ kishi tahsil olyapti

Nega Azimjon Pulatov?

Polshada J harfi Y deb o’qiladi:
Azimjon - Azimyon bo’ladi. 5 yilda kamida 5000 marta Azimyon emas, Azimjon deb o’qiladi degan bo’lsam kerak.

Ammo bu o’zgarish familiyamdan -ov (-ev) suffiksini olib tashlash bilan boshlandi.

Bunga sabab ko’p - eng asosiylaridan biri bu xorijda shunchaki familiyangizga qarab: Sen Sobiq Sovet davlatidansan deya olishi bo’ldi. Buni ortidan esa diskriminatsiya kelishi mumkin.

Google Nyu Yorkdan bir qiz "hey familiyamiz bir xil ekan" deb yozdi. Familiyasi “Pulodi” - ha o’xshash ekan dedim, keyin u - yo’q men “Pulatova”man, o’zgartirganman dedi.

Hamma familiyasi -ov/-ev bo’lgan joyda buning ahamiyati yo’q, ammo xorijda yaxshigina ajratib qo’yadi.

Hamid Olimjonni sovetchasiga “Hamid Olimjonovich Azimov” deb atasak u qanchalar O’zbek shoiri bo’lardi? Ular ijodkor bo’lishgan deysizmi?

Demak familiyamiz bizni ijod qilishimizga to’sqinlik qiladi deb aytsak bo’ladimi? Menimcha yo’q - ammo paxta terishga chaqirgan.