New pages

Kecha Makkayi mukarramada ustoz Abdulhakim qori domlani ziyorat qilgan edik, suhbat asnosida bir gap aytdilar:
— Shayx hazratlari ko'p shunday der edilar, “onasi ilm uchun yetaklab kelgan bolalar odatda, olim bo'lib yetishadi, eng ozida, qori bo'lmay qolmaydi”.
Bunga misol qilib, o'zlariga onasi yetaklab kelgan, o'zlari o'qitgan kishilarni va buning isboti aslida tarixda imom Buxoriy, imom Molik, imom Ahmadlarning misolida o'z tasdig'ini topganini esladilar.

Ha, bu gapni ko'p eshitganmiz. Ammo bu gapni takaror va takror eshitib turaverish kerak ekan. Ayniqsa, hayotda o'zlari bunga guvoh bo'lgan ulug' ustozlardan eshitib, sir-sinoatini so'rab turish kerak. O'zim ham oldindan onasi ilmga ixlos qilgan, bolasining odobi, ilmi uchun kuyinib yurgan onalarni ko'rsam, o'sha bolalardan katta yaxshiliklar umid qilaman.

Aziz onalar — opa-singillar, sizlarda gap ko'p. Bugungi fitnalarga, turli makr-hiylalarga chalg'imang, aldanmang.
Sizlar tepratayotgan beshikda, sizlar yuvib-tarayotgan o'sha kir ustiboshning ichida buyuk insonlar o'sayapti aslida. Ularning buyukligi siz bilan! Sizning ixlosingiz, iffatingiz, sabr-matonatingiz, qanoatingiz va g'ayratingiz bilan!

✍ Ikrom Sharif

Inoqlik

Televizorda kino koʻrsatdi. Oʻttiz yettinchi yil qatagʻoni haqida. Qora plash kiyganlar bir bechorani ikki qoʻltigʻidan olib, koʻcha boshida turgan qora mashina tomonga sudrab ketyapti. Eshik oldida uning ayoli emizikli bolasini bagʻriga bosib, unsiz yigʻlayapti. Besh-olti yoshlardagi bolakay “dada, dadajon” degancha otasining ketidan chopib boryapti. Koʻchaning u yuzida odamlar turibdi. Birining koʻzida qoʻrquv, birinikida oʻkinch, yana biri loqayd qarab turibdi. Birovi esa labini istehzoli burib, xudbinona iljayadi. (“Xalq dushmani”ni kerakli joyga” chaqqan “siyosiy hushyor” kimsa...)

Oradan ancha oʻtib, televizorda yana bir kino koʻrib qoldim. Toʻgʻrirogʻi, kino emas, “Hayvonot olami” koʻrsatuvi. Yoʻlbars daraxtning pastak shoxida banan yeb oʻtirgan maymun bolasiga tashlanib qoldi. Maymuncha jon achchigʻida chiyilladi. Shunda gʻalati holat roʻy berdi. Past-baland daraxtlardan oʻnlab maymunlar shiddat bilan tushib, yoʻlbarsga tashlanishdi. Qudratli yoʻlbars ularning bir-ikkitasini majaqlab tashladi. Ammo maymunlar bor ovozda shovqin koʻtarib, moʻr-malaxdek yopirildi. Biri tishladi, biri yumdaladi. Zabardast bir maymun esa yoʻgʻon xarsangni olib, yo'lbarsning boshiga chunonan tushurdiki, yo'lbars dumini qisgancha qochib qoldi...
...Maymunlarga havasim keldi...

O'tkir Hoshimov

P.s. bu ham " Daftar hoshiyasidagi bitiklar"i dan)

Manba

#mutolaa

Tirik murda

U xo'-o'-o'-o'p o'qimishli, xo'-o'-o'-o'p bilimdon, xo'-o'-o'-o'p olim odam. Faqat bitta " Juz'iy " kamchiligi bor : chin dildan kulolmaydi, chin dildan yig'lolmaydi...


Bardosh

Keksalarni uzoq umr ko'rgani uchungina emas, hayot sinovlariga uzoq bardosh bergani uchun ham hurmat qilmoq kerak!


Mantiqsiz mantiq

O'ng qo'ling berganini chap qo'ling bilmasin, degan gap bor. Birovga yaxshilik qilib javobini kutish - tamagirlik.
Shunaqa-ku.. Boshiga og'ir kun tushganida yonida turgan, ko'maklashgan, dardiga hamdard bo'lgan odamlaring sening boshingga sinovli kunlar tushganda yaqiningga yo'lamasa, og'ir botmay iloj yo'q. Qiziq, shunday pallada, ko'pincha sendan biron manfaat ko'rmagan, hatto yetti uxlab tushingga kirmagan odamlar yoningga yetib kelib, suyanchiq bo'ladi.
...Dunyoning ishlarini tushunish qiyin...

©O'tkir Hoshimov " Daftar hoshiyasidagi bitiklar " kitobidan
❤️‍🩹

#mutolaa

Munofiq

Onasini hurmat qilmaydigan odam qo'shni kampirni yaxshi ko'raman desa, ishonmayman. O'z xalqining tilini, madaniyatini, tarixini hurmat qilmagan odam boshqa xalqlarning tilini, madaniyatini, tarixini hurmat qilaman, desa ishonmayman..


Ona tili

Qancha ko'p tilni bilsangiz, shuncha yaxshi. Biroq odam ona tilida tafakkur qiladi, ona tilida tush ko'radi, ona tilida yig'laydi... O'limi oldidan onasini ona tilida yo'qlaydi...


©O'tkir Hoshimov " Daftar hoshiyasidagi bitiklar " kitobidan
❤️‍🩹

#mutolaa

Tarix "Xato"si

IX - asr. Muhammad al - Xorazmiy algebra faniga asos soldi.
X - asr. Abu Nasr Farobiy Aristotelning " Metafizika" asariga eng mukammal sharh yozib, " Ikkinchi ustoz " unvonini oldi.
X - asr. Abu Rayhon Beruniy Yer bilan Oy o'rtasidagi masofani o'lchadi. Ibn Sino meditsina Qomusi - " Tip qonunlari "ni yaratdi.
XIV - asr. Sohibqiron Amir Temur Yevrosiyoning yarmini tasarrufga oldi. Ahli ilm boshini silab, o'lmas obidalar yaratdi.
XV - asr. Ulug'bek 1018 yulduzning harakat jadvalini tuzdi. Alisher Navoiy o'lmas " Xamsa "sini yozdi.
XVI - asr. " Boburnoma " olamga tarqaldi.
XVII - asr. Shohjahon dunyodagi yetti mo'jizaning biri - "Tojmahal"ni bunyod etdi.
XX - asr. O'zbek sovet olimlari misli ko'rilmagan " ixtiro " qildilar : tarix " xato "sini tuzatib, o'tmishda biz yoppasiga " Savodsiz " bo'lganimizni isbotlab berdilar...

Ajabooo👀


©O'tkir Hoshimov " Daftar hoshiyasidagi bitiklar " kitobidan

❤️‍🩹

#mutolaa

Andisha

Ota - bobolarimiz shunday deb tanbeh beradilar : " O'choqboshini hech qachon qo'shnining devoriga yopishtirib solma. Taom pishirayotganingda o'chog'ingdan chiqqan tutun qo'shning ko'zini achitsa, yegan ovqating harom bo'ladi! "
...O'zbekning andishasini isbotlash uchun yana qanday misol kerak?..

©O'tkir Hoshimov " Daftar hoshiyasidagi bitiklar " kitobidan

Qasamki, umring tug'ilgan kuningdan emas, balki Alloh Taoloni tanigan kuningdan boshlanadi.

Ibn Atoulloh Sakandariy rahimahulloh.

MubashshirAhmad

P.s. bir hikoyadan eshitgandim: bir qishloqning qabristonida garchi insonlar 70, 80 yil umr ko'rgan bo'lishiga qaramasdan, qabr toshlariga 15 yoki 20.. kabi yillarni yozib qo'yishar ekan. Nega bunday ekanligi so'ralganda, bu yozilgan yillari ularning (vafot etgan insonlarning) aynan yashagan yillari emas, balki bu foniy dunyoda qancha vaqt hidoyat yo'lidan yurganligi ( ya'ni Allohni tanib, U buyurgan amallarni bajargan.. vaqti nazarda tutilmoqda) ekanligini aytishgan ekan qishloq aholisi.. O'shanda tushungandim, insonning qancha yashaganligi emas, balki, aynan qanday yashaganligi qay darajada muhim ekanligini..

❤️‍🩹

Аллоҳумма баарик ланаа фий ражабин ва шаъбана, ва баллиғнаа ромазона✨

Аллоҳим! Ражаб ва Шаъбон ойларида бизга барака бергин ва Рамазон ойига етказгин✨

Manba

Shunday kitob hadya etki, "Men" har  "Dam"  o'qib "Lol"  qolay.
Sahifalarida ko'ngil "Sir"laring, "Ohi"ing yozilgan bo'lsin. Satrlari ruhimga "A'mo" bo'lsin. Umr bo'yi "Pir" o'laroq tarbiyachim bo'lsin..!


                     Fotix Duman

Baxt - bu sening ham mahallangda Azon ovozi eshitilishi..❤️‍🩹