#mutolaa
#Qazo_va_kafforat

Kafforat Ramazonning hurmatini oyoq osti qilingani uchun vojib bo'ladi. Ramazonning farz ro'zasini ado qilishni niyyat qilib ro'za tutgan odam uni o'z ixtiyori bilan, majburlashsiz va shar'iy uzrsiz qasddan ochib yuborsa, ham qazosini tutadi, ham kafforatini ado etadi. Lekin Ramazonning qazosini yoki boshqa ro'zalarni qasddan buzsa kafforat vojib bo'lmaydi.

Kafforat vojib bo'ladigan holatlardan biri quyidagicha:
G'izo yoki shu kabi narsani shar'iy uzrsiz yeyish. Odatda ozuqa sifatida tanovul qilinadigan barcha narsalar g'izoga kiradi. Dori, papiros, sigaret, afyun va shunga o'xshash narsalar ham g'izo toifasiga kiradi. Ushbu holatlarda ro'zasini ochgan odam ham qazosini tutadi, ham kafforatini ado qiladi. Kafforat bir qul ozod qilish bilan, agar unga qurbi yetmasa, ketma-ket ikki oy ro'za tutish, agar bunga ham imkoniyati bo'lmasa, oltmish kishi(miskin)ga ertalab va kechqurun taom berish bilan ado etiladi...

      ©Shayx Muhammad Sodiq Muhammad Yusufning Mo'minning qalqoni Mufassal ro'za kitobidan