Muxbir kopirayter

@muxbirkopirayter

Channel's geo and language: Uzbekistan, Uzbek

Category: Marketing, PR, advertising

Taqdir taqozosi bilan marketingga kirib qolgan jurnalist qizning sahifasi
• Marketing va kopirayting haqida;
• Jamiyatga oid shaxsiy fikrlar;
• Qisman sheʼriy ijoddan namunalar.
©️ @muxbir_kopirayter

Related channels

Channel's geo and language

Uzbekistan, Uzbek

Muxbir kopirayter

9 Mar, 10:18

❤️‍🔥 Agar inson oshiq boʻlsa...

Sevmaganga chumoli ham yuk, sevganga fillar ham chumolidek gap. Agar inson oshiq boʻlsa va ishonsa, togʻni ham yelkasida tashiy oladi.

📖Maʼrufjon Yoʻldoshev, “Shams ila Mavlono” asaridan.

P.S. Bu asarda Shams Tabriziy va Jaloliddin Rumiyning xos suhbatlari keltirilgan. Oʻqigan odam boshqacha boʻladi. Bir kitobda ham oʻzbek, ham turk tilida oʻqishingiz mumkin.

@muxbirkopirayter

2 0 0

Muxbir kopirayter

9 Mar, 09:23

Forward from: Abror Zohidov

Янгилик бор, жуда ажойиб!

Худога шукр, шу кунга қадар доимий иккита мусофирхонамиз ишлаб турганди. Мана, энди ижарага бўлса-да, катта бир ҳовли олдик, таъмирладик, жиҳозлаяпмиз. Барчаси бемор болалар учун!

Насиб қилса, 18 март куни очилиши бўлиб ўтади. Ҳаммани таклиф этамиз.

Бир мулоҳаза: афсуски, жамиятимизда бемор болалар реабилитацияси тўлиқ ўйланмаган. Беморлар касалхонада даволанади, тўғри, аммо йиллар даволаниши керак бўлган болаларга маълум вақт ташқарига ҳам жавоб берилади.

Ана шу пайтда кўпчилик ижарага, ҳатто вилоятига қайтиб кетади. Ҳозирги кунда транспорт йўлкираси ортидан соғлом одамнинг ҳам вилоятга бориб-келиши ўзи бир муаммо. Яна бир масала борки, айрим ота-оналар пойтахтда иложсизликдан боласи билан бирга яшашга, ишлашга мажбур.

Ҳовли мусофирхонамизда ана шу муаммоларга бироз бўлса-да, ечим топамиз, деган умиддамиз. Чунки кўпроқ муддатга берилади, барча шароити бўлади, озиқ-овқат билан таъминланади.

Волонтёрлар жамоаси қўллаганича жиҳозлаяпмиз, ишлатилган буюмларни бўлса ҳам олиб келяпмиз. Ҳисса қўшсангиз бош устига, ким савобталаблар бўлса, манзилини энди топиб олиши мумкин.

Демак, 18 март куни мусофирхона манзили очилишида барчани кутиб қоламиз.

Аброр Зоҳидов
Телеграм | Инстаграм

4 0 0

Muxbir kopirayter

8 Mar, 17:57

😄 Sovgʻaga kitob olish boshqacha

Boshqa narsalarni oʻramdan ajratayotganda uning qandayligini taxmin qilolasiz. Chunki bozorda koʻrib yurgan boʻlasiz. Unaqa tasavvur qilolmaydigan darajada nimadir boʻlmaydi.

Kitoblarning esa turi koʻp. Qaysi biri ekanini bilmaysiz. Ayniqsa, sizga yoqadigan mavzu, janr va muallif haqida maʼlumoti yoʻq odam sovgʻa qilsa. “Qanday kitob ekan?” deya ochishning zavqi boʻlak.😊

Xullas, oʻram ichidan rasmdagi kitob chiqdi. Hozirgi vaziyatimda bu kitobni bir oyda oʻqib tugatsam kerak. Maktab davridagi oʻqish tezligi, oʻsha vaqtdagi bemalolxoʻja hayot tarzi hozir yoʻq-da.

❓ Sizga qanday sovgʻa olish yoqadi?

12 0 0 2 3

Muxbir kopirayter

8 Mar, 17:37

00:58

Video is unavailable for watching

Show in Telegram

🎁 Eng manfaatli sovgʻani berishdi

9 0 0

Muxbir kopirayter

8 Mar, 16:05

🥲 Ming istihola bilan nashriyotga bordim

Suhbat nashriyotning keyingi rejalaridan boshlandi. Keyin nashriyotimizning ochilish tarixi eslab oʻtildi. Gap aylanib shu kungacha nashriyotni tark etgan xodimlarga keldi.

Soʻng esa navbat bizga, jamoadagi uch nafar qizga keldi. Iliq va samimiy eʼtiroflardan keyin uchrashuvdan maqsadga oʻtildi. Oʻylaganimdek, 8-mart munosabati bilan qizlarni tabriklash uchun yigʻilish tashkil etilibdi.

Yashil rangni yaxshi koʻrishimni bilishmasa ham shunaqa rangdagi oʻramda kitob sovgʻa qilishdi. Ayol-qizlarning jon-u dili🌷bilan birga.🥰

Endi asosiy sovgʻani ochamiz😍

9 0 0 2 4

Muxbir kopirayter

8 Mar, 11:05

😅 Kecha qovun tushirdim

Bilasiz, onlayn ishlayman. Kecha ertaga 10:00 da nashriyotga borishim kerakligi haqida xabar keldi. Yaqinda fevralda bir yigʻilgan edik.

“Qaysi masala boʻyicha yigʻilar ekanmiz?” deb oʻyladim. “Tinchlikmi?” debman-da. Keyin avvalgi rejalarni amalga oshirish boʻyicha boʻlsa kerak deb qoʻyaverdim.

“Ertangi sanaga qarab qoʻy” deydigan odam yoʻq. Oʻzimning tashvishlarim bilan 8-mart haqida oʻylab ham koʻrmagandim. Birovdan sovgʻa tugul, tabrik kutish ham xayolimning bir chetiga kelgani yoʻq.

Bir emas, ikkita 👍 reaksiyasini bosganimni ayting-da. Xuddi bilib qilgandek. Kechgi payt onam maktabdan gul va sovgʻa koʻtarib keldi. Doimiy faol, albatta nimanidir haddan tashqari oʻylab ketadigan miyam bunga ham eʼtibor qilmadi.🤭

Nechadir soatdan keyin oshxonada yurib tushundim-da. Odam bir narsani bilib turib oʻzini goʻllikga soladi-ku. Oʻzimni shunaqa ish qilganday his qildim. Xijolatligimni aytmasam ham boʻladi.🫣

Keyin nima boʻlganini keyingi postda yozaman⬇️

15 0 0 3

Muxbir kopirayter

7 Mar, 17:17

Forward from: Zamira O'zturk 📕📗📘📙

Kitob do'konini kezib o'yladim:

"Ichi bo'sh, 5-6 yildan keyin birov eslamaydigan kitoblar judayam qimmat qog'ozlarda bosilgan, ustiyam jimjimador. Yuzyillardan beri o'qilib kelinayotganlarining esa bularga ehtiyoji yo'q.

Insonlar ham shunday. Qimmatbaho kiyim-kechak kiyganing bilan kallang bo'sh bo'lsa, aqlsiz bo'lsang qadring bo'lmaydi. Bundaylar bilan bir marta suhbatlashgan odam qaytib gaplashgisi kelmaydi, lekin dono inson o'zini sog'intiradi".

@hamidovazamira

19 0 0

Muxbir kopirayter

7 Mar, 05:58

Direktor tomonidan toʻgʻri va samarali yondashuv qilingan ekan. Tarqatsak arziydi deb hisoblayman!

Xayrli tong!

21 0 0

Muxbir kopirayter

7 Mar, 05:56

Forward from: Foydali Moliya

📝 IBRATLI MAKTUB

Singapurdagi maktab direktori o‘quvchilarning ota-onalariga noodatiy lekin, haqiqat bayon qilingan maktub yoʻlladi.

"Qadrli ota-onalar, tez kunlarda farzandlaringizning imtihonlari boshlanadi. Ularning imtihonlardan muvaffaqiyatli o‘tishlaridan xavotirda ekanligingizni yaxshi bilaman. Biroq, iltimos, yodingizda bo‘lsin:

Bu imtihonda o‘quvchilar orasida matematikani batafsil tushunish zarurati bo‘lmagan rassom, tarix va adabiyot fanlariga ehtiyoji yo‘q tadbirkor, kimyo fani kerak bo‘lmagan musiqachi, shuningdek fizikadan ko‘ra jismoniy tarbiya fani muhim ahamiyat kasb etuvchi sportchi bo‘ladi.

Farzandlaringiz yaxshi baho olishsa, juda yaxshi, albatta. Biroq siz kutganingizdek bo‘lmasa, ularni o‘ziga bo‘lgan ishonch hissidan mahrum qilmang.

Bolalarga hammasi yaxshi, bu shunchaki imtihon ekanini ayting. Ular hayotda undan-da ahamiyatli narsalar uchun yaralishgan.

Iltimos, shunday qiling va ularning dunyoni zabt etishini kuzating. Birgina imtihon yoki past baho ularning orzusi va iste’dodini olib qo‘ymaydi.

Eng ezgu tilaklar bilan, maktab direktori.

🔝 @foydali_moliya

18 0 0

Muxbir kopirayter

6 Mar, 21:00

😴 Bolalikda uyqu ehtiyojdan tashqari talab yoki jazo ham boʻlgan. Hozir esa chora. Xotiralarni, xayollarni unutishning, eslamay turishning bir chorasi. Faqat vaqtinchaligi chatoq.

Uyqu siz uchun faqat kundalik ehtiyoj boʻlib qolishiga tilakdoshman!🙂

Xayrli tun! 🌃

16 0 1 6

Muxbir kopirayter

5 Mar, 17:01

Xavotirlansa arziydigan mavzu yoritilibdi. Haqiqatan bitta husnbuzarga joni chiqadiganlar ham bor.

Faqat pardozli yuz, turmaklangan soch, chiroyli kiyim ayol-qizlarda oʻziga boʻlgan ishonchni shakllantirishi haqida ham bot-bot takrorlanadi. Lekin bunga 100% qoʻshilib boʻlmaydi.

Xullas, hozir qiz farzand tarbiyalayotganlarning yelkasida telefon yoʻq davrdagidan koʻra koʻproq masʼuliyat bor.

27 0 0

Muxbir kopirayter

5 Mar, 16:53

Forward from: 1% Bilim

Инстаграм зарбани қизларга беряпти.

Инстаграм шунчаки расм қўйиш жойи эмас. Бу руҳиятни бузувчи куч. Ва айнан қизларга энг катта зарбани бераяпти. Жонатан Ҳаидтнинг The Anxious Generation китобида ёзилишича, 2010-2015 йиллардаги “катта ўзгариш” – яъни телефон ва ижтимоий тармоқларнинг болаликни эгаллаши – қизларни мукаммаллик ортидан қувишга, ўзини бошқалар билан солиштиришга ва ўзига зарар етказишга мажбур қилди.

Ўзига зарар етказиш 62%га ошган.

2016 йилга келиб, АҚШдаги ўсмир қизлар орасида ўзига зарар етказиш ҳолатлари 2010 йилга нисбатан 62%га ошган. Бу шунчаки тасодиф эмас. Ҳаидт буни Инстаграмнинг оммалашиши билан боғлайди. Айниқса, Facebook уни сотиб олгач, илова янада кенг тарқалди. Инстаграмда фақат чиройли юзлар ва мукаммал ҳаётлар кўрсатилади. Қизлар эса бундай кўрина олмагани учун ўзини «жазолай бошлайди» – оч қолади, қаеринидир кестиради, нимадир улайди, қисқаси ўзидан қониқмайди.

Болалар ҳам бундан мустасно эмас, лекин бу ҳақида батафсил кўпроқ ёзаман. Шунчаки китобда қизлар ҳақида алоҳида боб очилгани учун шу ерга қоралаб кетишни мақул деб топдим.

Инстаграмда вақтини кўп сарфлаётган дўстингиз бор. Сиз бундан ҳавотирдасиз ва у инсон учун қайғурасиз. Мақолани ўша инсонга юбориб қўйинг. Зарар қилмайди.

Хуршид Марозиқов

@birfoizbilim

22 0 0

Muxbir kopirayter

4 Mar, 19:42

Forward from: “Anorbooks” nashriyoti

📝 Rejalaringizga shu vaqtni kiritib qoʻying

Axir, ertaga chorshanba! Kanalimizda anʼanaviy sovgʻali tanlovimiz oʻtkaziladi. Yana bir marta kitob yutib olish imkoniyatiga ega boʻlasiz!

Tanlovda qatnashish qiyin emas: hozir soat 16:00 ga eslatma belgilang. Ertaga shu vaqtda kanalimizdan xabar oling. Navbatdagi mantiqiy savolimiz sizni kutayotgan boʻladi.😊

Yana qolib ketmang!🥲

Telegram | Instagram | Youtube

23 0 0 4

Muxbir kopirayter

4 Mar, 15:19

#mulohaza

“Bir dona odamga joy qoldi”, “Oʻn dona odamga beriladi” deb yozishibdi.

Yozgan odamning oʻziga “Nimasan san?” deb yuborging keladi. Narsani sizlab boʻlmaydi-da. Boshqalarni odam oʻrniga qoʻyganida “Kimsiz?” desak boʻlardi.

❔ Sizni ham imloviy va shunaqa xatolar asabiylashtiradimi?

@muxbirkopirayter

22 0 0 5

Muxbir kopirayter

3 Mar, 18:41

Forward from: “Anorbooks” nashriyoti

01:07

Video is unavailable for watching

Show in Telegram

🤔 Kitob oʻqish kambagʻal qiladimi?

Maʼlumotlar buning teskarisini tasdiqlaydi: dunyоning eng boy odamlaridan aksariyati mutolaaga albatta vaqt ajratadi.

Misol uchun, Bill Geyts suhbatlardan birida haftasiga bitta yoki yiliga ellikta kitobni oʻqib tugatishini aytgan. Forbes jurnalining eng boy odamlar roʻyxatidagi 50-60% insonlar esa oliygohni tamomlagan ekan.

❔ Siz qanday fikrdasiz?

Telegram | Instagram | Youtube

32 0 0 2

Muxbir kopirayter

3 Mar, 14:41

😄 Endi rasman kopirayterman

Bu sohada sertifikat ahamiyatsiz boʻlsa ham ustozim bizga shunday tuhfa tayyorlabdi. Ularning nazarida kichik, biz uchun esa katta sovgʻa boʻldi.

Kopirayting boʻyicha ilk bor 2023-yilning noyabr-dekabr oylarida Abduazim ustozning “Toʻgʻri kopirayting” kursida oʻqigan edim. Oʻshandan beri shu sohadan ozmi-koʻpmi rizqimizni terib yuribmiz.

Bilimlar kengaydi, koʻnikmalarimiz yanada rivojlandi. Faqat nazariy va amaliy bilimlar emas, hayotda foydasi tegadigan mavzularda ham oʻzimizga koʻp saboq oldik.

Kopirayting sohasi haqida ham hali manfaatli postlar boʻladi nasib qilsa. Hozir ham kurs, ham ish bilan ilojini qilish qiyinroq boʻlyapti. Chunki hali darslarning davomi bor.

Siz bu soha haqida nimani bilasiz? Men bilan baham koʻring. 😊

@muxbirkopirayter

35 0 1 9

Muxbir kopirayter

3 Mar, 06:34

00:59

Video is unavailable for watching

Show in Telegram

Ertalabdan shu videoni baham koʻrgim keldi😊

Mediada hammaning sevimli insoni boʻlsa kerak. Lola Zunnunova bilan videodagi Nafisa opa Olgʻirova shunaqa insonlarim. Ayniqsa, Nafisa opaning nutqlari, sheʼr oʻqishi jon-u dilim.

Baʼzan havaskor qalamkash sifatida men ham shunaqa yoʻnalishda blog yuritgim keladi. Yozgan sheʼrlarimni oʻqib chqqim keladi. Lekin sheʼrlarimdan koʻnglim toʻlmaydi.

Sheʼr degani qalbdan chiqadi. Uni qalbi bor odam oʻqisa ohangi, jilosi boshqa qalblarga yetib boradi. Nafisa opaning ijrosi ham qalbingizga yetib boradi degan umiddaman.💛

Siz-chi, mediadan kimni yaxshi koʻrasiz?

@muxbirkopirayter

33 0 0 2 5

Muxbir kopirayter

2 Mar, 12:56

Tavakkaliga toʻldirib yubordik)☺️

Sizga ham qiziq boʻlsa: https://t.me/najottalim/7285

Omad!

36 0 0

Muxbir kopirayter

1 Mar, 21:07

Adabiyot, ijod shaydolari, qatnashing!

43 0 0

Muxbir kopirayter

1 Mar, 21:06

Forward from: Fozil Farhod

ДИҚҚАТ, ТАНЛОВ!

(Мукофот пули оширилди, танлов муддати узайтирилди)

Ҳомийларимиз томонидан Ўзбекистон Ёзувчилар уюшмаси аъзоси Фозил Фарҳоднинг шеър ва ҳикоялари асосида "Назм ва наср: тасвир ва таҳлил" энг яхши видеоролик ва энг яхши адабий таҳлил намуналари танловини эълон қилади.

Танловга ижодий ишлар икки номинацияда қабул қилинади.

Fozil Farhod телеграм каналидаги адибнинг шеър ё ҳикоялари асосида тайёрланган видеороликлар;

Адибнинг назм ва насрдаги ижодий ишлари асосида ёзилган адабий таҳлиллар қабул қилинади.

Танловга ижодий ишларни @fozilfarhod1 телеграм манзилига жўнатишингиз мумкин.

Ғолиблар қуйидагича тақдирланади:

"Энг яхши видеороликлар" номинацияси бўйича:

1-ўрин 1 500 000 сўм пул мукофоти ва китоблар тўплами;
2-ўрин 950 000 сўм пул мукофоти ва китоблар тўплами;
3-ўрин 800 000 сўм пул мукофоти ва китоблар тўплами.

"Энг яхши адабий таҳлиллар" номинацияси бўйича:

1-ўрин 1 500 000 сўм пул мукофоти ва китоблар тўплами;

2-ўрин 950 000 сўм пул мукофоти ва китоблар тўплами;

3-ўрин 800 000 сўм пул мукофоти ва китоблар тўплами билан мукофотланади.

Бу ҳали ҳаммаси эмас, шунингдек, ижтимоий тармоқлар (телеграм, фейсбук, инстаграм ва ютуб)да энг кўп улашилган ва лайк йиққан танлов иштирокчиларидан бир нафари "Энг оммалашган ижодий иш" номинацияси бўйича 500 000 сўм пул мукофоти ва китоблар тўплами билан мукофотланади. Унинг ҳаволасини @fozilfarhod1 манзилига жўнатинг.

Бу ҳаммаси эмас, яна уларнинг ҳар бири муаллифнинг янги нашр этилган китоби билан;

Тўртта рағбатлантирувчи ўрин эгалари "Аkademnashr" нашриёти чоп этган "Излам" тўпламлари билан;

Бир рағбатлантирувчи ўрин эгаси "Ўзбек тилининг изоҳли луғати" тўлиқ жилди билан тақдирланади.

Фозил Фарҳоднинг биринчи китоби – "Мактуб"нинг электрон нусхаси.

Фозил Фарҳоднинг иккинчи китоби – "Кўклам куйи"нинг электрон нусхаси.

Фозил Фарҳоднинг учинчи китоби "Автопортрет"га кирган шеърларнинг электрон нусхаси.

Танловга қабул муддати 15 апрелгача.

Телеграм ўзанга аъзо бўлинг: @fozilfarhod