𝐍 𝐀 𝐉 𝐈 𝐘 𝐘 𝐀

#ayollar #qizlar

Suygan mollaringizdan ehson qilishga odat qiling. Biz ayollar ko’p noshukrlik qilamiz, tez isyon qilamiz, tilimiz sabab ko’p masiyat orttirib olamiz. Oqibat g’aflatda qolamiz, qalb qorayib, battar ahvolimiz yomonlashib boraveradi. Sadaqa, ehson bizni ikki dunyo muazzamlikka muvaffaq qiladi. Sadaqa qilishlik ham nafsga qarshi turolishlikning bir bosqichi, chunki ayollar harajatlari ko’p. Hali uni olay, hali buni olay kabi chiqimimiz tugamaydi, ana shularni bittasiga ko’z yumib, ohiratda gunohlarimga kafforat bo’lsin, Robbim rizoligi uchun deb berib yuborish ham nafsga qarshi bir qadam.
Sadaqa orqali oluvchidan ko’p beruvchi hursand bo’ladi. Qalbda huzur paydo bo’ladi, yashin tezligida shunchaki berib yuborgan molingiz barokat bilan yana o’zingizga ko’payib Alloh berib qo’yadi.
Bitta berilgan xayr-ehsonni evaziga Alloh taolo bir necha barobar ko‘paytirib berishi haqida Quraanda oyat ham bor. Rasululloh sollallohu alayhi vasallam shunday deganlar:
“...Suv olovni o‘chirganidek, sadaqa gunohlarni o‘chiradi” (Imom Termiziy rivoyati).


Ayni ko’p pul, yoki ko’p narsa bo’lishi shart emas, qo’lingizdan kelganini qiling. Yoki, har jum’a kunida biror quti tayin qilib, topganingizni yig’ib borib, ma’lum summa yig’ilgach biror muhtoj insonga berib yuborishingiz mumkin, muhimi ixlos.

@Najiyya_bilan

💌 Qiziqishlaringizni unutmang.

#bolajak_kelinlar #kelinlar

O’z sevimli mashg’ulotlaringizni tark qilmang. Ishga ko’milib ketgan vaqtingiz ham, bolalaringiz bo’lgandan so’ng ham o’zingiz sevib qiladigan amallarni unutmang. Oila hayotiga qadam qo’ygach, baxtli kunlar bilan birga stressli vaziyatlarga ham duch kelish tabiiy va o’ta narmal holat. Ammo, bu vaqtda stress sog’ligingiz va garmonlaringizga ta’sir qilib munosabatlarga putur yetkazmasligi, umringizdan doim zavqlanib, energiyaga to’la ayol bo’lib yashash uchun ham muntazam bajaring. Kimdir hobby sifatida chizishni xohlaydi, kimdir sportni, kimdir o’ziga oro berishni, kimdir to’qish orqali terapiyya oladi. Muammoli vaziyatlarga sakinat , hotirjamlik ila yechim berish uchun, ayni shaxsiyatingizni unutmang.

@Najiyya_bilan

🌷 Hadiyalashuv (Kelinlik)

#bolajak_kelinlar #kelinlar

O’zaro hadiyalashish, halim bo’lish mehr -muhabbatni ziyoda qiladi. Misol uchun jum’a kunlari yoringizni sevimli taomini tayyorlab, chiroyli stol bezagan holatni hadiya qiling, qaynonangiz uchun sharoitga (cho’ntakka) qarab hammom uchun kichik naborcha, soch parvarishi uchun yog’ va taroq, sovun yoki paypoq kabi hadiyalar berib, jum’a yoki ixtiyoriy kunlarda to’satdan suyuntirishingiz mumkin. Dastlab, bu odamlarga yoqish uchun emas, Alloh rizoligi uchun, sunnat uchun hamda oiladagi muhabbat ziyodaligi uchun deb niyyat qilishingiz mumkin. Albatta, oila saodatida samara beradi.

@Najiyya_bilan

🌹Kelinlik hayoti…

#bolajak_kelinlar #kelinlar

Kelinlikda oila a’zolar bilan munosabatlarni mustahkamlashda muloqotni kengaytirish, samimiyat, suhbatlar eng katta qadam desa bo’ladi. Siz qancha xizmat qilsangiz ham, muloqotda oila a’zolar bilan samimiy suhbat qurishni ko’proq tashkillamas ekansiz baribir uzoqlik bo’laveradi. Mehr ko’zda do’stlar, ko’z ko’zga tushib, shirin va samimiy suhbat kabi insonni yaqinlashtiruvchi holat yo’q. Inson taftini inson oladi, qancha muloqot qilingani sayin o’rganish ortib boradi, qalbda iliqlik paydo bo’ladi, o’zingizni hotirjam his qila boshlaysiz, gumonlar tarqaladi. Avvalliga bu holat noqulay bo’ladi, har kuni takrorlanavergach oddiy holatga aylanadi. Muhimi siz kelinlik uyida o’zingizni qulay hamda hotirjam his eta boshlaysiz.
Bu orqali oila a’zolar harakterini o’rganasiz, qaysi vaqt nima deyish kerak, nima demaslik kerak, biror narsa so’rashda iymanish, qo’rquv tark qiladi.

@Najiyya_bilan

#just

Yoshligimizda ayamlarda montessori ta’limotlari bo’lmagan, lekin shu bilan birgalikda gadjetlar ham bo’lmagan mazza-ya! Lekin biz o’rtoqlarimiz bilan o’zimizni o’zimiz ma shaa Alloh darajada band qilolardik. Antiqa, qimmat, premium qo’g’irchoqlarim ham bo’lmagan. Mittigina arzon qo’g’irchoqlarim bo’lardi o’shalarni ming turga solardim. Bir kuni qattiq shamollab shifoxonada yotib qoldim, yonimdagi qizga hamma katta katta qo’g’orchoqlar olib keladi kim ko’rishga kelsa, ana shunda ham hozirgi bolalar kabi yerga yotib olib oberasiz deb turib oladigan qiliqlarimiz bo’lmagan, ammo, ko’zlar aldamaydi-yu, ko’zlarim rossagam menda ham shunaqa qo’g’irchoq bo’lishini istashimni sotib qo’ygan chog’i ayam sekingina magazindan katta, qimmatidan olib berganlar (dadam uzoqroq safarda edilar)
Haligi qo’g’irchoqni endi mehr bilan o’ynashimni ko’ring, sochlarini turmak qilaman, har xil keraksiz ko’ylaklarni topib, antiqa ko’ylaklar tikaman, shunaqa dizaynerlik mahoratiyam bor ediki, bo’lmasa juda kichik edim. Oddiy sovun, quruq choy, zubnoy pastalar karobkalaridan unga shfanerlar, oynalar, spalnilar yasab, pastellar solib qo’yardim. Haligilar judayam o’xshab yasalardi. Shunaqa yoqimtoy holat paydo bo’lganidan o’zimni qani sig’sam shu yerda yashavorsam derdim. Butun hayollarim, fantaziyalarimni qo’l mehnatim orqali ijod qilardim. Ba’zida loydan divanlar, nonlar, vazalar har xil anjom yeguliklar yasardik. Ot quloqdan ko’kat somsa pishirardik. Ko’chada. Maktabga chiqqach, darslarni maximal tez o’zlashtirardim. Ayam biror marta yonimda o’tirib dars tayyorlatganlarini eslolmayman. Hullas hamma narsaga rag’bat hech kim majbur qilmasa ham o’zimizda bo’lardi. Subhanalloh, ayamniyam ko’ngillari keng ekan, nima qilsam ham yig’ishtir demaganlar. Hozirgi bolalarga qo’yib bersa xil xil talantlari namoyon bo’ladi, o’sadi, rivojlanadi. Ammo, bechora, sho’rlikkina dangasa onalar telefonni soatlab berib qo’ymay nima qilsin. Jim bo’lsa, joyidan jilmasa, ora orada nafas olib tursa bo’ldida, rivojlanish nimaga kerak? Menimcha telefonberar onalar play marketdan yoki iclouddan rivojlangan miyya paydo bo’lsa yuklab olarmiz bolam katta bo’lguncha deb o’ylashyaptiyov. Men hozirgi bolalarga 1 daqiqagayam berishga qarshiman. Yaqinda o’zim Quraanda zikri kelgan hayvonlar multifilimini sinashga qo’yib berdim, ma’lum daqiqa o’tgach o’chirishimni bilaman lo’likni ko’ring, shantaj , mantaj qilyapti bir qarich bolakay. O’chirmaymush, soatlab ko’rarmushlar xontaqsir. Shundan hulosani serxosil qildimki, 1 daqiqayam qo’yib berish kerak emas. Keladi, hamma narsani o’z vaqti keladi, o’zi to’g’ri noto’g’rini filtrlay oladigan darajada o’sganda, ma’lum yoshga yetganda sekin sekin taqdim qilish mumkin. Hozir so’ragudek bo’lsa, miyyangni qiynab, halol pul topsang, o’shanda olasan va ko’rasan ho’pmi deb hazilomuz gapirib qo’yaman. (Bu yerda gadjetlar zarariga to’xtalmadim)

Ja bir gapni cho’zdimu, mayli, har tugul shetgacha o’qidingiz, rahmay demasam uyat bo’ladi, vaqtingizga rozi bo’ling qoqindiq, tashakkur💞

@Najiyya_bilan

Qizlar tarbiyasida…

Qizlar tarbiyasida onalar juda ham daqiqlik ila yondashib, ulg’aytirishlari lozim. Islohligini kimgadir yoqish uchun qilishni, saramjon bo’lishni boshqalardan gap eshitmaslik uchun qilishni, shirinso’z bo’lishini ertaga kelinlik uyida haydalib ketmasligi uchun uqtirmasliklarini xohlardim.
O’zbek oilalarida mustahkam o’rnashgan ba’zi qadryatlar bor-ki, ular qizlarga juda kichik vaqtlaridan miyyasiga quyib boriladi. Hali, bir xonadonga kelin bo’lib tushmasidan shunchaki qo’rqitish va vasvasalar sabab kelin bo’lishdan bezish, cho’chish paydo bo’ladi. Ba’zi qizlar aytadi, to’yim yaqin qo’rqyapman, falon ishni qilishni bilmayman. Qizlar qo’rqqanidan na o’rganishga qunt qiladi va na yurak yutib borishga.
Tarbiya jarayoni negizini isloh qilish lozim nazarimda. Qizim, hamma amaling Alloh rizoligi uchun bo’lsin, bilmaslik ayb emas, bilmasligini bilib ham o’rganmaslik ayb deb islomga muvofiq tarzda mas’ulyatga egish lozim. Ish qilmaydigan kelinlarni qayanan falon qiladi kabi qo’rqitish va bezitishdan nima naf. Hozir ko’p kelinlarni ruhiyati siniq, chunki tarbiya jarayonida yillar davomida kelinlik uy ishlari va ro’zg’ordagi kamchiliklarni paydo qilsa, malomatga qolishi uqtirib kelingan. Ish qilmasam hushlanmas ekanman deya, kimgadir yoqish yo gap eshitmaslik ilinjida ro’zg’or tutarkan, niyyati bandalar uchun bo’lgani sabab nizolar tug’ilaveradi. To’g’ri gap faqat qizda ham emas, ammo, tarbiya jarayoniga, qiz bolani mustahkam iroda va o’zini hurmat qilish tuyg’usida o’stirishning ahamiyati katta. Onalar, siz ummat onalarini ulg’aytirayotgan singari qizlarga tarbiya bering. Qarshingizda fozilalik timsoliga qaragandek qarang.

@Najiyya_bilan