Energetika muhandisligi fakulteti

O‘zbekiston Respublikasi Prezidentining farmoni bilan Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi yagona Ta’lim va ilm-fan vazirligi sifatida qayta tashkil etildi.

Ushbu islohotning asosiy maqsadi mamlakatimizda ta’lim, tarbiya va ilm-fanning yaxlit tizimini zamon talablari asosida tashkil etish, ta’lim sifati va samaradorligini oshirish hamda inson kapitalini rivojlantirish bo‘yicha ishlarni yangi darajaga olib chiqishdan iborat.

Shuningdek, ta’limning barcha turlari o‘rtasidagi o‘zaro uzviylik va bardavomlikni ta’minlash, maktabgacha ta’limdan tortib oliy ta’limgacha barcha bosqichlarni hamda ilmiy faoliyatni qamrab olgan yagona samarali boshqaruv tizimini joriy qilish, uning jamoatchilik oldida hisobdorligini oshirish ko‘zda tutilgan.
— 
Указом Президента Республики Узбекистан Министерство дошкольного и школьного образования и Министерство высшего образования, науки и инноваций реорганизованы в единое Министерство образования и науки.

Целями данной реформы являются организация единой системы образования, воспитания и науки в стране на основе современных требований, выведение на новый уровень работы по повышению качества и эффективности образования и развития человеческого капитала.

Предусматривается обеспечение взаимной интеграции и преемственности между всеми видами образования и внедрение единой эффективной системы управления, охватывающего все этапы от дошкольного до высшего образования, а также научную деятельность, и повышение подотчетности системы перед общественностью.

Facebook|Instagram|X

#IT_QUEENS

Farg‘ona davlat texnika universiteti talaba-qizlari “IT Queens” tanlovining viloyat bosqichida yuqori natijalarga erishdi

Farg‘ona davlat texnika universiteti talaba-qizlari “IT Queens — Kelajakni yaratuvchi qizlar” tanlovining Farg‘ona viloyati bosqichida axborot texnologiyalari, sun’iy intellekt, mexatronika va robototexnika yo‘nalishlaridagi innovatsion loyihalari bilan munosib ishtirok etdi.

🔹Tanlov yakunlariga ko‘ra, universitet vakillari 8 ta yo‘nalishda sovrinli o‘rinlarni qo‘lga kiritdi. Jumladan, 3 ta birinchi, 2 ta ikkinchi va 3 ta uchinchi o‘rin FDTU talaba-qizlariga nasib etdi.

📌1-o‘rin natijalari quyidagicha:

🔹 Abdurahimova Mubiynaxon Ikrom qizi — Ishlab chiqarishda boshqaruv fakulteti 660-23 RI guruhi talabasi. “Raqamli ta’lim” yo‘nalishida “TeacherTraker” loyihasi;

🔹 G‘aniyeva Sohiba Turg‘unbayevna — Axborot texnologiyalari va sun’iy intellekt fakulteti 520-23 ATT guruhi talabasi. “Mobil ilovalar” yo‘nalishida “LibroKids” loyihasi;

🔹 Kenjayeva Nodirabegim Axmadjonovna — Telekommunikatsiya va kiberxavfsizlik fakulteti 547-23-ATT guruhi talabasi. “Kiberxavfsizlik” yo‘nalishida “Temur AI” loyihasi.

📌2-o‘rin natijalari:

🔹 Abduvaliyeva Malika Nuriddin qizi — Energetika muhandisligi fakulteti 67-23 EAICHT guruhi talabasi. “Mexatronika va robototexnika” yo‘nalishida “Penoplastdan yasalgan 90 tuxumli avtomat inkubator” loyihasi;

🔹 Yoqubjonova Mohichehra Ahrorjon qizi — Axborot texnologiyalari va sun’iy intellekt fakulteti 610-24 KI guruhi talabasi. “Sun’iy intellekt” yo‘nalishida “ImkonAI” loyihasi.

📌3-o‘rin natijalari:

🔹 Valiyeva Gulasal Nabijon qizi — Axborot texnologiyalari va sun’iy intellekt fakulteti 55-24 SI guruhi talabasi. “Dasturiy ta’minot” yo‘nalishida “Yotoqxonam” loyihasi;

🔹 Jo‘raboyeva Umida Zafar qizi — Axborot texnologiyalari va sun’iy intellekt fakulteti 53-25 SI guruhi talabasi. “Veb-ishlanmalar” yo‘nalishida “Dermo Qo‘l” loyihasi;

🔹 Tolibjonova Marjona Xayrullo qizi — Energetika muhandisligi fakulteti 48-24 E va A guruhi talabasi. “Aqlli qurilmalar va IoT yechimlari” yo‘nalishida “To‘qimachilik korxonalarida yong‘inni avtomatik aniqlash, o‘chirish va ogohlantirish tizimini ishlab chiqish” loyihasi.

G‘olib va sovrindor talaba-qizlarimizni ushbu yutuqlari bilan samimiy muborakbod etamiz!

Bizni kuzating
Telegram | Instagram | Facebook | Web sayt

#Diqqat_muhim

“ENG YAXSHI KREATIV G‘OYA” TANLOVIGA ARIZALAR QABULI BOSHLANDI!

Farg‘ona davlat texnika universitetida “Eng yaxshi kreativ g‘oya” respublika tanlovining universitet saralash bosqichi uchun ro‘yxatdan o‘tish boshlandi

🔹Tanlovda universitetning bakalavriat va magistratura bosqichlarida tahsil olayotgan talabalar o‘z kreativ g‘oyalari yoki ular asosida ishlab chiqilgan startap loyihalari bilan ishtirok etishlari mumkin.

📌Qanday g‘oyalar bilan qatnashish mumkin:

Yangi mahsulot yoki xizmat yaratish, mavjud muammolarga noan’anaviy yechim topish, startap loyihasini shakllantirish yoki takomillashtirishga qaratilgan, innovatsion va amaliy ahamiyatga ega g‘oyalar bilan ishtirok etishga taklif etamiz.

📌G‘oliblar uchun imkoniyatlar:

🔹Universitet saralash bosqichida eng yaxshi 3 ta loyiha respublika bosqichiga tavsiya etiladi;

🔹Universitet bosqichi g‘oliblari bazaviy stipendiyaning 4 baravari miqdorida rag‘batlantiriladi

Respublika bosqichi g‘oliblariga:

1-o‘rin uchun — 100 million so‘m;

2-o‘rinlar uchun — 50 million so‘mdan;

3-o‘rinlar uchun — 25 million so‘mdan mablag‘ ajratiladi.

✨Ishtirok etish sharti: har bir talaba muallif sifatida faqat bitta loyiha bilan qatnashishi mumkin. Loyihalar komissiya oldida taqdimot shaklida himoya qilinadi.

Taqdim etiladigan hujjatlar:

Loyiha taqdimoti;

Loyihani amalga oshirish uchun xarajatlar smetasi.

Ariza topshirish muddati: 2026-yil 20-oktabr kuniga qadar

Tanlov nizomi va taqdim etiladigan hujjatlar bo‘yicha ma’lumot olish uchun ushbu Telegram guruhiga murojaat qiling

🔗 Ro‘yxatdan o‘tish:
Ariza topshirish uchun ushbu havolaga o‘ting

Kreativ g‘oyangizni taqdim eting va uni startap loyihasiga aylantirish imkoniyatidan foydalaning!

Bizni kuzating
Telegram | Instagram | Facebook | Web sayt

#Diqqat_ogohlikka_chorlaymiz

🔹Bugungi kunda telegram va boshqa messenjerlar orqali ".apk" kengaytmali fayllar keng tarqalib bormoqda. Bu yuborilayotgan shubhali fayllar, asosan, firibgarlar tomonidan pul mablag'lari, shuningdek, fuqarolarning shaxsiy ma'lumotlariga egalik qilish maqsadida jo'natiladi. Ayniqsa, bu xabarlarning tarqalishi davlat tashkiloti xodimlarining oylik ish haqi tushadigan kunlarda avj oladi.

Bunday holatlarning oldini olish uchun sizdan quyidagi ko'rsatmalarga amal qilishingizni so'raymiz:

1. Telegram, sms va boshqa messenjerlardan kelgan ".apk" kengaytmali fayllarni hech qachon ochmang.

2. Kerakli dasturlarni faqat rasmiy "Google play" va "App Store" do'konlari orqali yuklang.

3. Noma'lum havolalarni ochmang, "To'ydan rasmlar", "Siz pul yutdingiz", "Sizga yangi jarima", "MIB dan qarzdorlik", "Zudlik bilan oching" va shu kabi shubhali nom bilan kelgan xabarlarga ishonmang va ochmang.

4. Boshqalar nomidan kelgan yordam so'rash, pul so'rash mazmunidagi xabarlardan ogoh bo'ling.

5. Bank kartalarining raqami, amal qilish muddati, SMS-kod va parollarni hech kimga bermang.

6. "Google Play" orqali "APK qo'riqchi" ilovasini o'rnatib oling va qurilmangizni zararli dasturlardan tozalang.

Raqamli ta'lim texnologiyalari markazi ogohlantiradi! Zararli dasturlardan ogoh bo'ling, shaxsiy ma'lumotlaringizni doim himoya qiling!

Bizni kuzating

Telegram | Instagram | Facebook |Web sayt